Month: July 2017

Цагдаагийн байгууллагын түүхт 96 жилийн ой өнөөдөр тохиож байна. Энэхүү ойг тохиолдуулан өргөсөн тангарагтаа үнэнчээр зүтгэж, эрхэлсэн ажилдаа идэвх зүтгэл ажиллаж буй алба хаагчдад цагдаагийн цол, шагнал гардуулах ёслолын үйл ажиллагаа өнөөдөр боллоо.

Цагдаагийн 100 гаруй алба хаагчид баярын өдрөөрөө Монгол Улсын Ерөнхийлөгчийн зарлигаар төрийн дээд одон, медаль, Хууль зүй, дотоод хэргийн сайдын тушаалаар салбарын яамны шагнал болон Цагдаагийн ерөнхий газрын шагнал, цагдаагийн цол гардсан юм.

Тэртээ 1921 оны долдугаар сарын 19-ний өдөр Монгол Улсын Ардын Засгийн газрын VI хурлаар цагдан сэргийлэх байгууллагыг “Сэргийлэх цэрэг” нэрээр Цэргийн яамны харьяа дахин байгуулж, хуулийн биелэлтэд хяналт тавих, гэмт хэрэгтэй тэмцэх, олон нийтийн хэв журам хамгаалах зэрэг орчин үеийн цагдаагийн байгууллагын чиг үүргийг хүлээх болсон түүхтэй билээ.

“Монголын цахилгаан холбоо” ХК-ийн 40 хувь буюу 10 сая 348 мянга 111 ширхэг хувьцааг давуу эрхийн дагуу Монгол Улсын Засгийн газарт худалдах талаар БНСУ-ын “Кореа телеком корпораци”-аас ирүүлсэн саналыг Засгийн газрын хуралдаанаар хэлэлцэн холбогдох хууль тогтоомжийн дагуу төрийн мэдэлд худалдаж авахаар шийдвэрлэлээ.

“Кореа телеком корпораци” өөрийн эзэмшдэг хувьцаагаа хоёр сая таван зуун тавин мянган ам.доллараар худалдах санал гаргасан ажээ.

“Монголын цахилгаан холбоо” компани нь 6 газар, 15 алба, Улаанбаатар хотын 4, орон нутгийн 23 холбооны газартай бөгөөд нийт 856 ажилтантай юм. Тус компанийн нийт хувьцааны 54.67 хувийг Монгол Улсын Засгийн газар, 40 хувийг БНСУ-ын “Кореа телеком корпораци”, 5.33 хувийг Монгол Улсын болон гадаадын иргэд эзэмшдэг байна.

“Монголын цахилгаан холбоо” компанийн суурин утас, суурин интернет, кабелийн телевиз гэсэн үндсэн үйлчилгээний зах зээл дэх эзлэх хувь нь байнга буурч ирсэн бөгөөд өнөөдрийн байдлаар суурин утасны зах зээлийн 25 хувь, суурин интернетийн зах зээлийн 11,3 хувьд борлуулалт хийдэг гэсэн судалгаа гарчээ.

Онцгой байдлын ерөнхий газраас түймэр дэгдсэн дөрвөн газар бүрэн унтрааж, есөн газрынхыг цурманд оруулж, унтраахаар ажиллаж байгаа талаар Аюулт үзэгдэл ослын нөхцөл байдлын мэдээгээрээ хүргэлээ.

Мөн Сэлэнгэ аймгийн Ерөө, Мандал, Хүдэр сум, Төв аймгийн Эрдэнэ сумын нутагт гарсан түймрийг унтраахаар ажиллаж байна.

Бүрэн унтраасан:

• Сэлэнгэ Ерөө сум, Бугант багийн “Хэрийн гол”
• Төв аймгийн Батсүмбэр сум, Цогт-Өндөр багийн “Мухар” гэдэг газар
• Увс аймгийн Малчин сум, Баянмандал багийн “Хүүрийн хээ” гэдэг газар
• Булган Гурванбулаг сум, Хөгнө багийн “Устын-Ам” гэдэг газар

Цурманд оруулж унтраахаар ажиллаж байгаа:

• Булган аймгийн Сэлэнгэ сумын Таримал багийн “Таримлын-Эх” гэдэг газар
• Сэлэнгэ аймгийн Мандал сум, Түнхэл багийн “Эрээн дэв” гэдэг газар
• Сэлэнгэ аймгийн Мандал сум, Түнхэл багийн “Хуст” гэдэг газар
• Сэлэнгэ аймгийн Мандал сум, Түнхэл багийн “Хүдэр-Овоо”
• Төв аймгийн Батсүмбэр сум, Цогт-Өндөр багийн “Хөх чулуут”
• Төв аймгийн Батсүмбэр сум, Баянгол багийн “Цацалтын-Ам”
• Төв аймгийн Батсүмбэр сум, Үдлэг багийн “Харуул толгой”
• Төв аймгийн Батсүмбэр сум, Цогт-Өндөр багийн “Өлгийн таван толгой”
• Төв аймгийн Батсүмбэр сум, Баянгол багийн “Арслангийн-Ам”

Унтраахаар ажиллаж буй:

• Сэлэнгэ аймгийн Ерөө сум “Өлөнт” гэдэг газар
• Сэлэнгэ аймгийн Ерөө сум Бугант багийн “Майнт өндөр-Уул”
• Сэлэнгэ аймгийн Ерөө сум, Буурагчин багийн “Марзын-Ам”
• Сэлэнгэ аймгийн Мандал сум, Түнхэл тосгоны “Тайлч” гэдэг газар
• Сэлэнгэ аймгийн Хүдэр сум, Баянцагаан багийн “Харанхуйн-Ам” гэдэг газар
• Сэлэнгэ аймгийн Хүдэр сум, Баянцагаан багийн “Шоргоолжийн даваа”
• Төв аймгийн Эрдэнэ сум, Баянтуул багийн Естийн рашааны “Орц-Уул”
• Төв аймгийн Эрдэнэ сум, Чулуут багийн “Ар матах-Уул