Month: July 2017

Өдрийн сонин”-ы пүрэв гаригийн дугаар 16 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.

Пүрэв гаригийн дугаарын эхний нүүрэндээ “Өдрийн сурвалжлага” буланг онцлон хүргэе. Энэ удаад нийслэлийн зам засварын ажлын явцын талаар газар дээрээс нь сурвалжиллаа. Дэлгэрэнгүй та манай сонины пүрэв гаригийн дугаарыг захиалан авч унших боломжтой. Мөн https://admin.dnn.mn/plugins/news/login/ энэ хаягаар бүртгүүлэн манай сонины цахим хувилбарыг хүлээн авч уншаарай.

Улстөрийн хоёрдугаар нүүрнээс УИХ-ын гишүүн Х.Болорчулуунтай хийсэн ярилцлагыг хүлээн авч уншаарай. Тэрбээр “Ард түмний сануулга шүү” хэмээн онцлон хэлжээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болж байдаг алдарт гуравдугаар нүүрэнд нэрт нийтлэлч Б.Цэнддоогийн Монголын бурхан шашинтны төв Гандантэгчинлэнгийн тэргүүн хамба Д.Чойжамцтай хийсэн ярилцлага хэвлэгдлээ. Д.Чойжамц гуай “Улс үндэстний ёс суртахууны ундарга нь шашин суртал байдаг” хэмээн ярьжээ.

Хог хаягдлын тухай
хууль шинэчлэгдэн
батлагдсан. Энэ долдугаар
сарын 1-нээс хэрэгжиж
эхэлсэн уг хуулийн гол
өөрчлөлтийн талаар
БОАЖЯ-ны Хүрээлэн буй
орчин байгалийн нөөцийн
удирдлагын газрын
мэргэжилтэн А.Оюунтай
ярилцлаа. Энэхүү ярилцлагыг улстөрийн тавдугаар нүүрнээс сонирхон хараарай.

Энэ жилийн наадмаар урамтай сайхан барилдаан гарган улсын харцага Т.Баасанхүүгээр тав давж, шөвгөрөн улсын начин хэмээх эрхэм цолыг хүртсэн Баян-Өлгий аймгийн Улаанхус сумын харьяат улсын начин Б.Сериктэй хийсэн ярилцлагыг манай сонины 12 дугаар нүүрнээс хүлээн авч, шимтэн уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Дундговь аймгийн Хулд сумын Бүлээн багийн малчид
“Тугалын бүлээн” хэмээх нутгийнхаа рашааныг лайдаж, цэвэрлэн, хашиж хамгаалах
ажлыг зохион байгуулан хамтран хийжээ. Дээрх сэргээн засварын ажилд зарцуулах
хөрөнгийг сумын Засаг дарга нөөцөөсөө гаргасан байна.

Тус аймгийн нутаг дэвсгэрт ундардаг Хадан
ус, Бөөлжих, Исгэлэн, Үүдийн булаг, Олгой, Тогоо, Хайрханы гээд хэд хэдэн
рашаан байдаг. Эдгээр рашаан нь элэг, цөс, ходоод, дотрын эмгэг анагаах ч
тустай хэмээн нутгийн ард иргэд хэдийнээс нааш хэрэглэж заншсан байдаг. Тугалын
бүлээн рашааныг 1994 оны Засгийн газрын хуралдаанаар баталсан “Монгол Улсад
рашаан сувилал хөгжүүлэх үндэсний хөтөлбөр”- ийн хавсралтаар сум орон нутагт
ашиглах рашааны жагсаалтад багтаасан байдаг. Түүнчлэн тус аймгийн Хулд сумын
тусгай хамгаалалтанд байдаг рашаан гэнэ.

Тугалын бүлээн рашаан Хулд сумын төвөөс гуч гаруй
км- т орших бөгөөд секунд тутамд нэг литр орчим ундардаг, ундарга сайтай рашаан
ажээ. Сүүлийн үед малын хөлөнд ундарга нь татарсан тул нутгийн иргэд рашааныг
сэргээн хамгаалах талаар хүсэлт тавьснаар сумын Засаг дарга 300 гаруй мянган
төгрөг өгч, ийнхүү рашааныг хашаажуулж, ундаргыг сэргээн тордсон байна.

Хэт халалтын улмаас газар тариалангийн бүс нутгаар гантай, хуурайшилт ихтэй болж байна. Ерөнхийдөө зуншлага тааруу гэсэн үг. Газар тариалан ч гэлтгүй нийт нутгаар хур бороо элбэг биш, гантай байгааг ард иргэд, малчид, тариаланчид ам амандаа ярьж байна. Иймд ирэж буй намар манай улс ургац алдаж болзошгүй байгааг салбарын яам болоод Газар тариалан эрхлэгчдийн холбооноос мэдээллээ.

Албаны хүмүүсийн ярьж буйгаар өнөө жил манай улс ургацынхаа 40 гаруй хувийг алдах нөхцөл байдал үүсээд байгаа гэнэ. Өнгөрсөн хавар улсын хэмжээнд 381.6 мянган га-д үр тариа тариалсан. Үүнээс 15.1 мянган га-д төмс, 8.5 мянган га-д хүнсний ногоо, 23.2 мянган га-д тэжээлийн таримал, 28.6 мянган га-д тосны ургамал, 1.0 мянган га-д жимс, жимсгэнэ, нийтдээ 458.0 мянган га-д тариалалт хийсэн аж. Үүнээс 22.8 мянган тонн тосны ургамал, 4.0 мянган тонн жимс, жимсгэнэ тус тус хураан авах зорилтыг дэвшүүлжээ. Харин улаан буудай 477.6 мянган тонныг, 166.5 мянган тонн төмс, 102.1 мянган тонн хүнсний ногоо, 46.4 мянган тонн малын тэжээл, 22.8 мянган тонн тосны ургамал, 4.0 мянган тонн жимс, жимсгэнэ тус тус хураан авах төлөвлөгөөтэй байсан гэнэ.

Газар тариалангийн бүс нутгаар хуурайшил ихтэй байгаа учраас Цаг агаар, орчин шинжилгээний байгууллагаас үүлэнд зориудаар нөлөөлж, хур бороо оруулж байгаа хэдий ч төдийлөн үр дүн гарахгүй байгааг албаны хүмүүс онцолжээ. Тухайлбал, Төв аймагт энэ зун үүлэнд зориудаар нөлөөлж, бороо оруулахад шаардагдах 40 сая төгрөгийг төсөвлөжээ. Үүнээс одоогоор 13 сая төгрөгийн зардал гаргаж, үүл буудаж хур тунадас оруулсан байна. Гэвч доривтой өөрчлөлт, таатай нөхцөл бүрдээгүй гэнэ.

Өнгөрсөн хавар цаг агаарын нөхцөл байдлаас болж, газар тариалалтын ажил оройтож буюу тавдугаар сарын сүүл, зургаадугаар сарын эхээр эхэлсэн. Үүнээс болж ургац хураалт есдүгээр сарын сүүлээр хожуу эхэлнэ хэмээн орон нутгийн Хүнс, Хөдөө аж ахуйн газраас мэдээлж байна.

Үүнээс дүгнэхэд ирэх намрын шинэ ургацын ногооны үнэ ханш өнгөрсөн жилүүдийнхээс харьцангуй өндөр үнээр худалдаалагдаж мэдэхээр байна. Мөн нийт ургацынхаа тал хувийг алдаж болзошгүй нөхцөл байдал үүсчээ.

Статистикийн бизнес регистрийн санд 2017 оны хагас жилийн байдлаар 147.7 мянган аж ахуйн нэгж, байгууллага бүртгэлтэй байгаа аж.Үүнээс 75.7 мянга буюу 51.3 хувь нь үйл ажиллагаа явуулж байна.

Бүртгэлтэй, үйл ажиллагаа явуулж байгаа аж ахуйн нэгж, байгууллагуудаас

• Улаанбаатар хотод 48.5 (64.0%) мянга нь,
• Төвийн бүсэд 8.8 (11.7%) мянга нь,
• Хангайн бүсэд 8.3 (11.0%) мянга нь,
• Баруун бүсэд 6.8 (9.1%) мянга нь,
• Зүүн бүсэд 3.2 (4.2%) мянга нь үйл ажиллагаа явуулж байна.

Үйл ажиллагаа явуулж байгаа аж ахуйн нэгж байгууллагын

• 84.7 хувь нь 1-9 ажиллагчидтай,
• 6.8 хувь нь 10-19 ажиллагчидтай,
• 5.3 хувь нь 20-49 ажиллагчидтай,
• 3.2 хувь нь 50-иас дээш ажиллагчидтай байна.

Үйл ажиллагаа явуулаагүй 71.9 мянган аж ахуйн нэгж, байгууллагын

• 33.6 (46.8%) мянга нь үйл ажиллагаагаа эхлээгүй,
• 34.2 (47.5%) мянга нь түр зогсоосон,
• 1.5 (2.1%) мянга нь бүрэн зогсоосон,
• 2.5 (3.6%) мянга нь хаяг тодорхойгүй болон бусад шалтгаантай байна.

Төвийн бүс нутгаар дэгдээд буй ой хээрийн түймрийн ихэнх нь унтарсан байна. Яг одоо Улаанбаатар хотод дуу, цахилгаантай ширүүн усархаг бороо асгарч эхэллээ. Улаанбаатар, Төв аймагийн хойд хэсгээр болон говийн аймгуудаар өнөө маргаашдаа хуртай байх нь ээ.

Баруун бүсийн Баян-Өлгий, Ховд, Увс, Говь-Алтай аймгууд болон зүүн бүсийн Дорнод, Хэнтий, Сүхбаатар аймгуудын нутгаар солигдмол үүлтэй. Говийн аймгуудын ихэнх нутаг болон төвийн аймгуудын ихэнх газраар түр зуурын бороо орно. Дуу цахилгаантай. Салхи зүүн аймгуудын нутгаар зүүн өмнөөс, бусад нутгаар баруун хойноос секундэд 6-11 метр, зарим газраар түр зуур секундэд 14-16 метр хүрч ширүүснэ. Алтай, Хангай, Хөвсгөл, Хэнтийн уулархаг нутгаар 20-25 градус, говийн бүс нутгийн өмнөд хэсгээр 28-33 хэм, бусад нутгаар 24-29 хэм дулаан байна.

УЛААНБААТАР ХОТ: Үүлшинэ. Түр зуурын бороо орно. Дуу цахилгаантай. Салхи зүүн өмнөөс баруун хойш эргэж секундэд 7-12 метр. 24-26 хэмийн дулаан байна.