Month: July 2017

Өдрийн сонин”-ы баасан гаригийн дугаар 16 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.

Баасан гаригийн дугаарын эхний нүүрэнд өдрийн сурвалжлагыг онцлон хүргэж байна. Энэ удагийн гол сурвалжлагаар шинэ ургацын ногооны үнэ ханш, хаагуур борлуулагдаж байгааг сурвалжиллаа.

Мөн https://admin.dnn.mn/plugins/news/login/ энэ хаягаар бүртгүүлэн манай сонины цахим хувилбарыг хүлээн авч уншаарай.

Нэгдүгээр болон хоёрдугаар нүүрний улс төрийн буланд УИХ-ын гишүүн Батлан хамгаалахын сайд Б.Бат-Эрдэнэтэй хийсэн ярилцлагыг сонирхон хараарай. Тэрбээр “Зэвсэг хүчний 300 гаруй цэргийн албан хаагч гал түймрийг унтраахаар үүрэг гүйцэтгэж байна” хэмэээн онцлон хэлжээ.

Мөн нэгдүгээр нүүрт Ерөнхийлөгчийн зөвлөхөөр хэн байх талаар тойм нийтлэгдлээ.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болж байдаг алдарт гуравдугаар нүүрэнд манай сонины сэтгүүүлч Л.Мөнхтөрийн “Хамгийн эрхэм хүмүүсээ хайрлах хүмүүжилгүй монголчууд” хэмээх нийтлэл хэвлэгдлээ.

Улстөрийн тавдугаар нүүрнээс МАН-ын гишүүн М.Ганбаатар “Хэрэв Д.Амарбаясгалан хариуцлагаа хүлээж огцрохгүй бол тэмцлийн өөр хэлбэрт шилжинэ” хэмээх ярилцлагыг сонирхон хараарай.

Нэг ангийнхан булангаас “Математикийн гоо сайхныг мэдэрч бас мэдрүүлсэн гавьяат багш нарын шавь” хэмээх сурвалжлагыг уншаарай.

Баримт үйл явдлын долоодугаар нүүрнээс Онцгой байдлын Ерөнхий газрын Гамшгаас урьдчилан сэргийлэх газрын дарга хурандаа Б.Ууганбаярын ярилцлагыг хүлээн авч уншаарай. Тэрбээр “Манай иргэд яасан ч хайхрамжгүй амь насандаа хайргүй үр хүүхдээ хайрладаггүй юм бэ” хэмээн онцлон хэлжээ.

Аравхоёрдугаар нүүрний “Хүмүүс хувь тавилан” булангаас Ж.Лхагвасүрэн жанжины сайдын нарийн бичгийн даргаар ажиллаж байсан төр нийгмийн зүтгэлтэн Б.Бадамдоржийн “Жанжиныхаа хөлийг загийн үнсээр хучиж боосоор хөлдөөгөөгүй” хэмээх ярилцлагыг уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Онцгой байдлын ерөнхий газар ой, хээрийн түймэр унтраахад аж ахуйн нэгж, иргэдээс 500 гаруй сая төгрөгийн хандив дансаар дамжуулан хүлээн авчээ. Үүнээс гадна хоол хүнс, эм, хувцас хэрэглэл зэрэг эд материалын тусламжийг иргэд аж ахуй нэгжүүд үзүүлсээр байгаа юм байна. Долдугаар сарын 17-ны өдрийн байдлаар улсын хэмжээнд 21 түймэр асаж байсан бол одоогоор эдгээрээс нэг түймрийг бүрэн унтрааж, 12 түймрийг цурамд оруулж, дөрвөн түймрийг бүрэн унтраахад тун ойрхон ажиллаж байна гэж Онцгой байдлын албанаас мэдээллээ. 2017 он гарсаар ой, хээрийн 145 түймэр гарсны 68 нь долоодугаар сард хaмаарч байна. Хуурайшилт, хэт халалт ой хээрийн түймэр гарах үндсэн шалтгаан болж байгаагаас гадна хүний зүй бус, санаатай болон санамсаргүй үйлдлээс шалтгаалсан тохиолдол ихээр гарах болжээ. Иймд тодорхой бүсүүдэд иргэдийг ногоон бүсэд амралт, зугаалга хийхийг түр хугацаанд хориглоод байгаа юм. Мөн урьдчилан сэргийлэх үүднээс зорьж очих аялагчдын тоо нэмэгдсэн Хөвсгөл аймагт Онцгой байдлын гал унтраах ангийг тусгайлан томилжээ.

Булган аймгийн газар тариалангийн бүс нутгаар бороо хур бага, ихээр халж, хуурайшилт ихтэй байна. Энэ нь таримал ургамлын хамгийн их ус чийг шаарддаг үр тарианы түрүүлэлтийн үетэй давхцаж буй юм. Иймээс ургацын хэмжээ буурах нөхцөл болохоор байна. Мөн гангийн нөхцөлтэй уялдан царцааны тархалт ихсэж, тариалсан талбай бүрийн захаас 20-40 метр талбайн ургацыг идэж сүйтгэжээ. Тариалалтын чанарыг соёололтоор дүгнэхэд 82,2 нь сайн, 17,8 хувь нь дунд үнэлэгдсэн байна. Үр тарианы тариалалт уриншинд бүрэн хийсэн, хаврын нөөц чийгийн хэмжээ газар тариалангийн бүс нутагт сайн байсан нь соёололтонд нөлөөлсөн байна.Харин сүүлийн саруудад маш халуун хуурай салхитай, хур тунадас бага орж байгаа нь таримал ургамлын өсөлт хөгжилтөнд муугаар нөлөөлж цаашид ургацын чанар, хэмжээнд нөлөөлөхөөр байгаа аж. Бэлчээр болон таримлын хэвийн ургалтыг бүрдүүлэх зорилгоор цаг агаарт зориудаар нөлөөлөх арга хэмжээг 46 удаа зохион байгуулсан боловч, халуун хуурайшилтай байснаас үр дүн нь тааруу гарчээ.

Цэцэрлэг-Тосонцэнгэл чиглэлийн замын 111 дэхь км-с 126-дахь км-ийн хооронд автозамын зорчих хэсэгт суулт өгч тээврийн хэрэгсэл зорчиход хүндрэлтэй байгаа тул жолооч та хурдаа тохируулан, хөдөлгөөндөө анхаарал болгоомжтой оролцохыг анхааруулж байна.

Мөн Дорнод аймгийн Халхгол суманд орших Буйр нуур, БНХАУ-ын Манжуур хот, Рашаант хот руу чиглэсэн аялал, жуучлал, амралт, зугаалгын хөдөлгөөний урсгал жирийн өдрүүдээс эрс нэмэгдэж байна.

Тус аймгийн Цагдаагийн газрын Замын цагдаагийн тасгаас гарч болзошгүй зам тээврийн осол, хэргээс урьдчилан сэргийлэх, хөдөлгөөний аюулгүй байдлыг хангах зорилгоор улс хоорондын болон орон нутгийн чанартай авто замд согтуугаар тээврийн хэрэгсэл жолоодох, хурд хэтрүүлэх зөрчлийг илрүүлж, хуулийн дагуу хариуцлага тооцох, хамгаалах бүс, малгай, хүүхдийн суудлын хэрэглээг нэмэгдүүлэх чиглэлээр хяналт, шалгалтыг эрчимжүүлэн ажиллаж байна.

Иймд жолооч, зорчигч та өөрийн тээж яваа ачаа, замын нөхцөл байдалд хурдыг зөв тохируулж, тээврийн хэрэгслийн техникийн бүрэн бүтэн байдлыг хангаж, замын хөдөлгөөндөө соёлтой, дүрмийн дагуу оролцохыг зөвлөж байна.

Манай улсын иргэд гадаадын олон оронд сурч, ажиллаж, хөдөлмөрлөдөг. Тэр дундаа Азийн орнууд болох Япон, Солонгос, Хятад зэрэг эдийн засгийн үсрэнгүй хөгжилтэй орнуудад ажиллаж буй монгол иргэд их. Ингэхдээ тухайн улсын хэдэн сарын хугацаатай буюу аялалын виз даруулчихаад цаашаа хугацаагүй ажил хийх бодолтой хүмүүс цөөнгүй.

Тэгвэл Японы Засгийн газраас бүх гадаад иргэдэд хувийн дугаар өгч байгаа гэнэ. Энэ хувийн дугаартай хүмүүс л ажил хийх боломжтой аж. Японы компаниуд хувийн дугааргүй гадаад иргэнийг ажилд авах юм бол хуулийн хариуцлага хүлээдэг болжээ. Тийм болохоор японд ирээд харлаж ажил хийх боломжгүй болсон гэсэн үг. Үүнийг мэдсээр байж виз гаргана гэж хүмүүсээс их хэмжээний мөнгө аван хохироож байгаа тохиолдол их гарах болсон. Аялалын визээр очиж буй хүмүүсд хувийн дугаар өгдөггүй болохоор өмнөх шигээ харлаж ажиллах боломжгүй болжээ.

Э.МӨНХ