Month: July 2017

Нийслэлийн цэцэрлэгүүдэд шинээр элсэн орж буй хоёр настнуудыг энэ жилээс онлайнаар бүртгэхээр болсон. Бүртгэлийг долоодугаар сарын 25-ны мягмар гарагт http://tsetserleg.ulaanbaatar.mn/register сайтаар хийх юм байна.

Хүүхдээ бүртгүүлэхдээ регистрийн дугаарыг нь хийхэд аль дүүргийн аль цэцэрлэгт хамрагдах тухай мэдээлэл гарч ирэх бөгөөд үүний дараа эцэг, эхчүүдийн гар утсанд бүртгэлийн тусгай дугаар ирэх аж.

Бүртгэл явагдах хугацаа, хамрах хүрээ

1. Цэцэрлэгт шинээр элсэх хүүхдүүдийн бүртгэл цахим хэлбэрээр 2017 оны 07 дугаар сарын 25-наас 08 дугаар сарын 24-нийг дуустал;
2. Өмнөх хичээлийн жилийн суралцагчид, шинээр элсэх зорилтот бүлгийн хүүхдүүдийн бүртгэлийг хамтатган уламжлалт аргаар 2017 оны 08 дугаар сарын 21-23-ны өдрүүдэд ажлын цагаар;
3. Шаардлагатай цэцэрлэгүүдэд “Элсэлтийн тасалбар” үйл ажиллагааг 2017 оны 08 дугаар сарын 25-ны өдөр товлосон цагт нэгэн зэрэг Боловсролын хэлтсүүдийн удирдлага дор тус тус зохион байгуулна.

Улаанбаатар хотын дулааны төв шугам, тоноглолын их болон урсгал засварын ажил төлөвлөсөн графикийн дагуу хийгдэж байгаа билээ. Засварын ажилтай холбогдуулан өнөөдрөөс эхлэн тав хоногийн хугацаанд УБ палас, Х хороолол, III эмнэлэг, 1 дүгээр хороолол орчимд халуун ус хязгаарлах ажээ.

Мөн энэ сарын 31-ээс ирэх сарын 04-ний өдрүүдэд Цирк, 31 дүгээр сургууль, Үзэсгэлэн худалдаа, Японы ЭСЯ, “Шүрэн” зочид буудал, “Шинэ үе” сургууль, 21 дүгээр сургууль, Бөхийн өргөө, XIII хороолол ДДТ-24, 25, Сансар 12, XV хороолол орчимд халуун ус хязгаарлах юм байна.

Ойрын өдрүүдэд нутгийн хойд хэсгээр дуу цахилгаантай бороо орох тул гэнэтийн үер усны аюулаас сэрэмжтэй байхыг анхааруулж байна.

УЛААНБААТАР ХОТ: Үүлшинэ. Түр зуурын бороо орно. Салхи зүүн өмнөөс секундэд 6-11 метр, борооны өмнө түр зуур секундэд 14-16 метр ширүүснэ. Шөнөдөө 11-13 градус, өдөртөө 22-24 градус дулаан байна.

БАРУУН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө зарим газраар түр зуурын бороо орно. Дуу цахилгаантай. Салхи баруун хойноос секундэд 5-10 метр, борооны өмнө түр зуур ширүүснэ. Алтай, Хангайн уулархаг нутгаар шөнөдөө 6-11 градус, өдөртөө 20-25 градус, Эхийн голын Баянбүрд орчмоор шөнөдөө 20-25 градус, өдөртөө 29-34 градус, бусад нутгаар шөнөдөө 10-15 градус, өдөртөө 24-29 градус дулаан байна.

ТӨВИЙН АЙМГУУДЫН НУТГААР: Үүлшинэ. Шөнөдөө зарим газраар, өдөртөө ихэнх нутгаар түр зуурын бороо орно. Дуу цахилгаантай. Салхи баруун хойноос секундэд 5-10 метр, борооны өмнө түр зуур ширүүснэ. Хангай, Хөвсгөл, Хэнтэйн уулархаг нутгаар шөнөдөө 5-10 градус, өдөртөө 18-23 градус, бусад нутгаар шөнөдөө 11-16 градус, өдөртөө 22-27 градус дулаан байна.

ЗҮҮН АЙМГУУДЫН НУТГААР: Үүлшинэ. Шөнөдөө нутгийн зүүн хэсгээр, өдөртөө зарим газраар түр зуурын бороо орно. Дуу цахилгаантай. Салхи зүүн хойноос секундэд 7-12 метр. Шөнөдөө 11-16 градус, өдөртөө 22-27 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи баруун хойноос секундэд 7-12 метр. Шөнөдөө 12-14 градус, өдөртөө 25-27 градус дулаан байна.

ГОВИЙН АЙМГУУДЫН НУТГААР: Солигдмол үүлтэй. Шөнөдөө бороо орохгүй. Өдөртөө нутгийн хойд хэсгээр түр зуурын бороо орно. Дуу цахилгаантай. Салхи баруун өмнөөс секундэд 6-11 метр. Дундговийн нутгаар шөнөдөө 12-17 градус, өдөртөө 23-28 градус, бусад нутгаар шөнөдөө 15-20 градус, өдөртөө 27-32 градус дулаан байна.

Өглөө бүр тантай хамт байдаг “Өдрийн сонин”-ы даваа гаригийн дугаар 16 нүүрээр хэвлэгдэж, та бүхний гар дээр хүрч байна. Шинэ долоо хоногийн эхний дугаараас та бүхэн:

Үндэсний их баяр наадмын босгон дээр Монгaол Улсын Гавьяат Тамирчин цолоор энгэрээ мялаасан Г.Доржийнд өнжсөн сонирхолтой нийтлэлийг нэгдүгээр нүүрнээс унших боломжтой. Мөн УИХ-ын гишүүн Ё.Баатарбилэгийн “Ерөнхийлөгч нь байхад ажлын албаны дарга нь УИХ-ын даргатай албан бичгээр харьцдаг тийм харилцаа байдаггүй” ярилцлагыг нэг, хоёрдугаар нүүрнээс хүлээн авч уншаарай.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болж байдаг алдарт гуравдугаар нүүрэнд нэрт тоймч Ц.Баасансүрэнгийн “Түмнээ хүн чинээ тоодоггүй ноёд олон болжээ, хотын дарга аа” нийтлэл хэвлэгдсэн юм.

Өнөөдрийн дугаарт Нэгдсэн үндэсний байгууллагын Хүн амын сангийн Монгол дах суурин төлөөлөгч Н.Китахара “Эрүүл мэнд, боловсролд хөрөнгө зарсан улс орон хөгждөг” хэмээн ярьсныг XI нүүрнээс дэлгэрүүлж унших боломжтой юм.

Төрийн хошой шагналт Ч.Лодойдамбын мэндэлсний 100 жилийн ойг энэ жил тэмдэглэн өнгөрүүлж буйг тохиолдуулж Урлагийн гавьяат зүтгэлтэн Лодойдамбын Насанбаттай ярилцсаныг XII нүүрнээс уншаарай. “Миний аав” булангийн зочин Л.Насанбат “Тэнгэр буурал аавдаа тэнцүүлж дуулах эгшиг олсон” хэмээн ярижээ.

“Өдрийн сонин”-ны сэтгүүлч Л.Мөнхтөр “Сав шимийн ертөнц” буланд “Арваалж”-ны тухай сонирхолтой нийтлэл бичсэнийг XV нүүрнээс уншаарай.

Та бүхэн манай сонины цахим хувилбарыг https://admin.dnn.mn/plugins/news/login/ хаягаар хүлээн авч уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Сүхбаатар дүүргийн 100 айлын Сэлбийн гүүрийн хойд талын явган хүний зам, Хан-Уул дүүргийн Оргил худалдааны төвийн зүүн талын авто зам, Сонгинохайрхан дүүргийн 29 дүгээр хороо, Шинэ драгон төвийн ард авто зам, Баянзүрх дүүргийн Хүүхэд СОС төвийн урд авто замын гэмтэлтэй сувагчлал сэргээх ажлыг өнөөдрийн 23.00 цагаас энэ сарын 24-ний 06.00 цагийн хооронд хийнэ. Энэ хүрээнд дээрх хугацаанд Хан-Уул дүүргийн Оргил худалдааны төвийн зүүн талын авто замын нэгдүгээр эгнээг түр хаана.

Мөн Саппорогийн уулзварын зүүн урд талын авто зам дагуу дулааны шугам шинэчлэх ажлыг хийхээр төлөвлөөд байна. Уг ажлыг энэ сарын 24-нөөс ирэх сарын зургааны хооронд хийх бөгөөд дээрх хугацаанд Энхтайваны өргөн чөлөөний нэгдүгээр эгнээг хаах аж.

Японоос орж ирж буй суудлын автомашин импорт оны эхний хагас жилд 61.7 хувиар өсчээ. Тодруулбал, өмнөх оны эхний хагас жилд Монгол Улсад нийт 120.3 сая ам.долларын өртөг бүхий 18 мянга 204 суудлын автомашин импортоор орж ирж байсан бол энэ оны эхний хагаст 143.3 сая ам.долларын өртгөөр 29 мянга 476 автомашин импортолсон байна.

Үүний дийлэнх хувийг буюу нийт импортын 89.4 хувь нь зөвхөн Япон улсаас импортолсон автомашин аж. Үнийн дүнгээр нь тооцвол 143.3 сая ам.долларын автомашин импортолжээ. Мөн суудлын автомашины Онцгой албан татвараас улсын төсөвт орсон орлого өмнөх оноос 47 хувиар өсөж, 27.9 сая төгрөг болсон байна. чааны автомашин өмнөх оноос 4.8 дахин өссөн нь голлон нөлөөлсөн байна.

Өнөөдөр фэйсбүүкээр нэгдсэн залуус Маршлын гүүрний зүүн хэсгээр их цэвэрлэгээ хийхээр болжээ. Мөн тэд Биокомбинат орчим болон Сонгино, АНУ-ын элчингээс хойшоо Сэлбийн голын хэсэг, Гачуурт чиглэлийн Туул гол дагуу цэвэрлэгээний ажил хийж байна.