Ихэнх нутгаар солигдмол үүлтэй. Төвийн аймгуудын нутгийн хойд хэсэг, зүүн аймгуудын нутгийн зүүн хэсгээр бороо орно. Дуу цахилгаантай. Бусад нутгаар бороо орохгүй.
Салхи нутгийн зүүн хагаст баруун хойноос, бусад нутгаар баруунаас секундэд 7-12 метр. Хангай, Хөвсгөл, Хэнтэйн уулархаг нутгаар 19-24 градус, Алтайн өвөр говиор 31-36 градус, Их нууруудын хотгор болон говийн бүс нутгийн өмнөд хэсгээр 27-32 градус, бусад нутгаар 23-28 градус дулаан байна.
УЛААНБААТАР ХОТ: Багавтар үүлтэй. Бороо орохгүй. Салхи зүүн хойноос секундэд 6-11 метр. 24-26 градус дулаан байна гэж Цаг уур, орчны шинжилгээний газраас мэдээллээ.
Өглөө бүр тантай хамт байдаг “Өдрийн сонин”-ы лхагва гаригийн дугаар 16 нүүрээр хэвлэгдэж, та бүхний гар дээр хүрч байна.
Мэдээллийн технологийн салбарын залуус Монголын тухай мэдээллийг тэр тусмаа гадаадын жуулчдад хэрэгтэй мэдээллүүдийг нэгтгэн боловсруулж мэдээллийн технологийн орчин үеийн бүтээгдэхүүн гаргахаар нэгджээ. 
Энэ оны эхний хагас жилийн улсын төсвийн татварын орлогын гүйцэтгэл өнгөрсөн оны мөн үеэс 570.2 тэрбум төгрөгөөр, орон нутгийн төсвийн татварын орлого 88.4 тэрбум төгрөгөөр, нийт дүнгээр 658.6 тэрбум төгрөгөөр тус тус өсчээ.
Судлаач Уильям Хайем “Хүмүүс амьтны хэлийг тун удахгүй ойлгодог болно” хэмээн ярьж байна. Түүний хэлж байгаагаар арван жилийн дараа хүмүүс орчуулах төхөөрөмжийн тусламжтайгаар амьтантай харилцах боломжтой гэнэ. Тэрээр ингэж хэлэхдээ Аризонагийн их сургуулийн профессор Кона Слободчикогийн хийсэн судалгааны дүнг онцолжээ. Кон Слободчико нохойг 30 жил судалж байгаа эрдэмтэн аж. Судалгаандаа хиймэл оюун ухаан ашигладаг юм байна. Судалгааныхаа явцад амьтадтай хэл нэвтрэлцэх боломжтойг нээжээ. Арван жилийн дараа зах зээлд өндөр эрэлттэй байх төхөөрөмж амьтны дохиог задалж, боловсруулан, юу хүсч байгааг нь хялбар ойлгоход чиглэгдэх гэнэ. 
Өнөө шөнө зүүн аймгуудын нутгаар дуу цахилгаантай усархаг бороо орох тул гэнэтийн үер усны аюулаас сэрэмжтэй байхыг ЦУОШГ-аас анхааруулж байна.