Month: July 2017

Монгол улсын шадар сайд У.Хүрэлсүхийн санаачилсан удирдамжийн дагуу Нийслэлийн Засаг даргын орлогч буюу Нийслэлийн Байнгын ажиллагаатай зөвлөлийн ажлын хэсгийн дарга П.Баярхүү болон Шадар Сайдын ажлын алба, НЗДТГ, ОБЕГ, ҮАБЗ-өөс бүрдсэн “Газар хөдлөлтийн аюулаас урьдчилан сэргийлэх байнгын ажиллагаатай зөвлөл” энэ сарын 18-26-ны өдрүүдэд баруун аймгуудад ажиллаж байгаа бөгөөд энэ хүрээнд өнөөдөр Архангай аймагт ажиллажээ.

Энэ үеэр Архангай аймгийн Засаг дарга Ц.Мөнхнасантай уулзаж удирдамжаа танилцуулсан ба Архангай аймгийн БАЗ-ын дарга, ЗД-ын орлогч Б.Болормаа, БАЗ-ийн гишүүд ОБГ, МХГ, ГХБХБГ-ын дарга нарын бүрэлдэхүүн Нийслэлийн БАЗ-ын ажлын хэсэгт Архангай аймагт хэрэгжүүлж байгаа ажил болон цаашид хэрэгжүүлэх ажлын талаар санал солилцож, туршлага судалжээ.

Мөн Нийслэлийн БАЗ-ын ажлын хэсэг Архангай аймгийн Онцгой байдлын газар, Газар хөдлөлтийн гамшгаас урьдчилан хамгаалах сургалт, дадлагын танхим, Аймгийн төвийн нийтийн орон сууц, олон нийтийн зориулалтын барилга байгууламжийн чанар, газар хөдлөлтөд тэсвэрлэх байдлын урьдчилсан үзлэгтэй танилцсан байна.

Завхан аймгийн Түдэвтэй сумын 90 жилийн ойн баяр наадмын хурдан морины уралдааны үеэр 13 настай унаач хүү Л.Баасандорж мориноос унаж, тархины суурь ясны хугарал, няцрал оноштойгоор Түдэвтэй сумын эмнэлэгт хэвтэн эмчлүүлж байсан.

Түүнийг Гэмтэл согог судлалын үндэсний төвийн эмч нарын баг ”Блью скай” компанийн онгоцоор тээвэрлэн энэ сарын 22-нд Улаанбаатар хотод ГССҮТ-д авчирсан.

Ирсэн өдрөө гавал тархины яаралтай мэс засалд орсон байна. Өнөөдрийн байдлаар хүүхдийн биеийн байдал сайжирч, эмийн эрчимт эмчилгээ хийгдэж байгаа аж.

Ашигт Малтмал Газрын Тосны Газраас өнөөдөр хэвлэлийн бага хурал хийж, сэтгүүлчдэд мэдээлэл хийлээ.

Монгол улс нь 2017 оны Баялгийн засаглалын индекст авч болох 100-аас хангалттай буюу 64 оноо авснаар үнэлгээнд хамрагдсан 89 орноос 15 дугаар байрт, Евроазийн бүс нутгийн 9 орноос тэргүүн байрт жагсжээ.

Түүнчлэн газрын тосны хайгуулын үйл ажиллагаанд 50 гаруй сая ам.долларын хөрөнгө оруулалт хийгдэх төлөвлөгөөтэй байгаа аж.

Монгол гэрийг гадаадын олон улсад төрөл бүрийн зориулалтаар ашиглаж ирсэн. Үүний нэг нь Швейцарийн Монтре ууланд дахь монгол гэрүүд юм. Энэхүү уулын 2000 метрийн өндөрт долоон монгол гэр бүхий зочид буудал байрладаг аж. Үүнийг жуулчид маш ихээр сонирхдог гэнэ. Монтре уулан дахь монгол гэрүүдийг Швейцарийн маш баян хүн эзэмшдэг ажээ.

Жил бүрийн зуны адаг сараар нийслэлийн иргэдийн тав тухыг алдагдуулах ялаа, шумуул, төрөл бүрийн эрвээхэйн нүүдэл ихэсчээ. Үүнээс хүр эрвээхэйн нүүдэл хамгийн их байгааг иргэд ярьж байна.

Хүр эрвээхэйн нислэг биологийн мөчлөгөөр дөнгөж эхэлж байгаа бөгөөд есдүгээр сарын 1 хүртэл үргэлжилнэ гэж Ойн судалгаа, хөгжлийн төвийн Ой хамгаалал үржүүлэг нөхөн сэргээлтийн албаны дарга Б.Ганзориг хэллээ. Нислэгийн оргил үе нь наймдугаар сарын дунд 10 хоног байх гэнэ. Тэрнээс хойш энэ эрвээхэй байгалийн аясаараа өндгөө гаргаад нисэх нь бага болж, улмаар огт үзэгдэхээ больдог байна. Энэ хугацаанд модонд хөнөөл учруулахгүй, харин хүнд амьсгалын замын харшил үзүүлэх магадлалтай гэлээ. Учир нь эрвээхэй өөрөө тоостой, пургисан юм гаргадаг байна. Бусад талаараа хүний эрүүл мэндэд үзүүлж байгаа сөрөг нөлөөлөл байхгүй хэмээн мэргэжлийн амьтан судлаач хэллээ.

Сэлэнгэ аймгийн Хүдэр сумын Баянцагаан багийн “Харанхуйн-Ам” гэдэг газар гарсан галыг өчигдөр 20:45 цагт бүрэн унтрааж Байгаль орчны хяналтын улсын байцаагчид хүлээлгэн өгчээ.

Түймэр Хүдэр сумаас зүүн зүгт 20 км-т гарсан бөгөөд тус аймгийн Онцгой байдлын газрын 2 алба хаагч, ОБЕГ-ын харъяа Аврах тусгай ангийн 19 алба хаагч, Дархан-Уул аймгийн Онцгой байдлын газрын 19 алба хаагч, орон нутгийн 54 иргэн, нийт 94 хүн, 5 техник хэрэгсэлтэйгээр ажиллаж унтраасан байна.

Одоогоор Сэлэнгэ аймгийн Мандал сумын Түнхэл багийн “Эрээн дэв”, “Хуст”, “Тайлч”, “Ар матах-Уул” гэдэг газар гарсан түймрийг унтраахаар Онцгой байдлын алба хаагчид, орон нутгийн иргэдтэй хамтран ажиллаж байна.