Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан НҮБ-ын Бүсийн хөгжлийн төвийн байгаль орчны хөтөлбөрийн зохицуулагч С.Р.С Мохади, Байгаль орчны судлаач, доктор Ганеш Раж Жоши нарыг хүлээн авч уулзлаа.
Уулзалтаар “Байгаль орчинд ээлтэй тогтвортой тээвэр” 11 дэх удаагийн форумыг Монгол Улсад зохион байгуулах бэлтгэл ажлыг хангах, Форумын сэдэв, хугацаа, салбар хуралдаануудын талаар санал солилцов.
“Юуны өмнө бид бүхний саналыг хүлээн авч “Байгаль орчинд ээлтэй тогтвортой тээвэр” 11 дэх удаагийн форумыг Улаанбаатар хотноо зохион байгуулах болсонд талархснаа илэрхийлье. 2018 онд зохион байгуулагдах форумд 50 гаруй улсын төлөөлөгч оролцох төлөвлөгөөтэй байна. Ирэх 6 сард багтааж форумын бэлтгэл ажлыг хангаж, дуусгах болно. Ингэхдээ Монгол Улсын тээврийн салбарт болон бусад тулгамдаад байгаа асуудлуудыг тусгаж өгөх болно” хэмээн С.Р.С Мохади хэллээ.
Нийслэлийн Засаг даргын орлогч Ж.Батбаясгалан “Манай улсад тээврийн салбарын дэлхийн хэмжээний чухал уулзалт зохион байгуулагдах гэж байгаад таатай байна. Манай улс эрс тэс уур амьсгалтай. Үүнийгээ дагаад байгаль орчинд халтай нөхцөл байдал үүсдэг. Өвөл агаарын бохирдол, зун хөрсний бохирдол гээд тулгамдсан асуудлууд бий. Улирал хамаарахгүй агаарын бохирдолд нөлөөлдөг нэг хүчин зүйл бол тээврийн хэрэгсэл. Энэ форумыг Улаанбаатар хотод хийх нь маш их ач холбогдолтой гэж бодож байна. Бид форумын зохион байгуулалтад хамтран ажиллаж, тусалж, дэмжих болно” гэв.
Монгол Улсын Ерөнхий сайд Ж.Эрдэнэбат өнөөдөр ОУВС-гийн удирдлагуудыг хүлээн авч уулзана. Уулзалтаар ОУВС-гаас манай улсад хэрэгжиж байгаа хөтөлбөрийн явцын талаар харилцан санал солилцох аж. 
Өвөрхангай аймгийн нутгийн зөвлөлөөс санаачлан Нарийнтээл сумын харьяат, Монгол Улсын Хөдөлмөрийн баатар, Гавьяат тамирчин, чөлөөт бөхийн ази тивийн аварга, дархан Дашдоржийн Цэрэнтогтох агсаны гэгээн дурсгалд зориулж хөшөө босгохоор болсон.
“Ноён уулаа аврая” хөдөлгөөнөөс Ноён ууланд олборлолт явуулахаар зөвшөөрөл авсан “Сентерра Гоулд” компанийн эзэмшиж буй дөрвөн лицензийг цуцлуулах хүсэлт гаргасан. Гэвч иргэний нийгмийн байгууллагуудын нэхэмжлэлтэй уг хэрэг сүүлийн хоёр жилийн хугацаанд хууль, шүүхийн байгууллагаар үргэлжилсэн. Тэгвэл энэхүү хэргийг Нийслэлийн захиргааны хэргийн шүүх өнөөдөр дахин хэлэлцэж,шүүхээс “Ноён уулаа аврая” хөдөлгөөнөөс гаргасан нэхэмжлэлийг хүчинтэй гэж үзэж, “Сентерра Гоулд” компанийн лицензийг цуцлах шийдвэр гаргасан байна.
Монгол Улсын Их Хурал, НҮБ-ын Хөгжлийн хөтөлбөр, Швейцарийн хөгжлийн агентлагийн хамтран хэрэгжүүлж буй “Монгол Улсын Төлөөллийн байгууллагыг бэхжүүлэх нь” төслийн Удирдах зөвлөлийн хурал өнөөдөр (2017.07.26) болов.
Цагдаагийн байгууллагын үйл ажиллагааг дэмжих, алба хаагчдын ажиллах нөхцлийг сайжруулах зорилгоор орон нутгийн хөрөнгө оруулалтаар Дорноговь аймгийн Цагдаагийн газарт нэг бүрийн үнэ нь 14,5 сая төгрөг бүхий 2 ширхэг тээврийн хэрэгслийн “Зөөврийн хурд хэмжигч төхөөрөмж” хүлээлгэн өгснийг үйл ажиллагаанд ашиглаж эхлээд байна.