Month: July 2017

Жил бүрийн 7-р сарын 28-ны өдөр “Вируст хепатиттай тэмцэх дэлхийн өдөр”-ийг тэмдэглэн өнгөрүүлдэг уламжлалтай бөгөөд Монгол улс долоо дахь удаагаа энэ өдрийг “Хепатитийг таслан зогсооё” уриан дор тэмдэглэх гэж байна.

Энэ удаа Дэлхийн эрүүл мэндийн чуулганаар баталсан “Вируст хепатитын дэлхийн стратеги “2016-2021”-ийн хепатитийн вирусын халдварын тархалтыг таслан зогсоох зорилтыг дэлхий нийтэд хүргэн, улс орнуудын засгийн газрын анхаарлыг татах, шийдвэр гаргагчид, иргэд, оролцогч талуудын хүчин чармайлтыг нэгтгэх чиглэлээр арга хэмжээг зохион байгуулах юм.

Монгол Улсын Засгийн газраас элэгний вирусын халдвар, түүнээс шалтгаалсан элэгний хатуурал, хорт хавдрын нас баралтыг эрс бууруулан, элэгний С вирусын шинэ халдварын тархалтыг таслан зогсоох зорилго бүхий “Элэг бүтэн Монгол” үндэсний хөтөлбөрийг батлан хэрэгжүүлж эхлээд байна.

Энэ хөтөлбөрийн хүрээнд элэгний В, С вирусын халдвараас сэргийлэх, өөрсдийнхөө эрсдэлт зан үйлийг өөрчлөх талаар иргэдийн мэдлэг, хандлагыг өөрчлөх, эрүүл амьдрах дадлыг хэвшүүлэх, түүнчлэн уг вирусын халдварыг илрүүлэх илрүүлэг шинжилгээнд хамруулах, эрүүл мэндийн тусламж үйлчилгээг чанартай хүртээмжтэй хүргэхэд төрийн болон хувийн хэвшлийн байгууллагын түншлэлийг хөгжүүлэх, вируст хепатитийн чиглэлээр эрдэм шинжилгээ судалгааны ажлыг өргөжүүлэх зэрэг олон ажил хийхээр төлөвлөсөн.

“Элэг бүтэн Монгол” үндэсний хөтөлбөрийн хүрээнд зохион байгуулагдаж байгаа 40-65 насны иргэдийн илрүүлэг шинжилгээнд зорилтот насны нийт хамрагдвал зохих хүн амын 40 орчим хувь буюу 230 гаруй мянган хүнийг хамруулаад байна.

Элэгний В, С вирусын халдвар илрүүлэх, вирус тоолох шинжилгээ хийх, элэгний вирусын эсрэг эмийг эрүүл мэндийн даатгалаар хөнгөлөлттэй үнээр авах боломжийг олгосон нь хүн амд эмчилгээ оношилгоог хүртээмжтэй хүргэхэд ихээхэн хувь нэмэр болж байгаа юм.

Иргэд ялангуяа залуучууд хепатитийн вирусын халдвараас өөрсдийгөө сэргийлэх талаар мэдлэгээ дээшлүүлэн, зөв дадал хэвшлийг бий болгож, эрүүл мэндийнхээ төлөө хариуцлага хүлээдэг байх нь уг өвчнийг таслан зогсооход ихээхэн хувь нэмэр болно.

Энэхүү аюулт өвчнөөс сэргийлэх, өвчлөл, эндэгдлийг бууруулахад өвчлөл, эндэгдлийг эрс бууруулахад иргэд, эрүүл мэндийн болон бусад салбарын хамтын ажиллагаа, хүчин чармайлт чухал юм.

Дорноговь аймгийн Цагдаагийн газарт нэг бүрийн үнэ нь 14,5 сая төгрөг бүхий хоёр ширхэг тээврийн хэрэгслийн “Зөөврийн хурд хэмжигч төхөөрөмж” хүлээлгэн өгчээ. Дорноговь аймгийн нутаг дэвсгэрээр Улаанбаатараас Замын-Үүд чиглэлийн босоо тэнхлэгийн 408 км авто замд зам тээврийн осол, хэрэг гарахаас урьдчилан сэргийлэх зорилгоор Цагдаагийн газрын даргын тушаалаар “Хөдөлгөөнт эргүүл”-ийг Айраг, Сайншанд, Замын-Үүд сумдад тус бүр нэг нийт 3 чиглэлд 24 цагийн эргүүлийг ажиллуулж байна.

“Орон нутгийн зам-Хөдөлгөөний соёл” 4 сарын аяныг зохион байгуулж хөдөлгөөнт эргүүлийг ажиллуулснаар зам тээврийн осол, хэрэг өмнөх сараас буурсан үзүүлэлттэй байна.

Хөдөлгөөнт эргүүлд нийт нийт 120 гаруй алба хаагч үүрэг гүйцэтгэн ажиллах хугацаандаа 2157 тээврийн хэрэгсэл шалгаж, 719 зөрчил илрүүлэн хуулийн дагуу хариуцлага тооцлоо.

Замын хөдөлгөөнд оролцохдоо хурдаа тохируулж явах талаар “Хурдаа хас” тэмдэглэгээг 16 байршилд хийлгэж, мөн Замын-Үүд-Сайншанд-Айраг сумын чиглэлийн 40 км зам тутамд 1 “Модель цагдаа”-г байрлуулж замын хөдөлгөөнд оролцогчдын анхаарал, сонор сэрэмжийг дээшлүүлжээ.

Өвөлжилтийн бэлтгэл ажлыг хангах, болзошгүй эрсдэлээс урьдчилан сэргийлэх зорилгоор аймгийн Засаг даргаас сумдын ЗДТГ-т тус бүр 50 тонн өвс, 20 тонн тэжээл, нийтдээ 1102 тонн тэжээлийн аюулгүй нөөц бүрдүүлэхийг үүрэг болгожээ.

Тус аймагт уулын хадлан ирэх сарын 1-нээс, голын хадлан 10-наас эхлэх бөгөөд аймгийн хэмжээнд 63050 тонн хадлан, 3710 тонн гар тэжээл, 7439,8 тонн эрдэст тэжээл бэлтгэхээр төлөвлөжээ. Үүнээс аймгийн хадлангийн бүс болох Ногооннуур сум хамгийн их буюу 13000 тонн өвс, 300 тонн гар тэжээл, 600,5 тонн эрдэст тэжээл бэлтгэх бол Цэнгэл сум 6600 тонн өвс, 400 тонн гар тэжээл, 996,3 тон эрдэст тэжээл, Баяннуур сум 5800 тонн өвс, 300 тонн гар тэжээл, 461,6 тонн эрдэст тэжээл, Алтай сум 5420 тонн өвс, 320 тонн гар тэжээл, 602,5 тонн эрдэст тэжээл тус тус бэлтгэх аж.

Түүнчлэн аймгийн тэжээлийн нөөцөд 300 тонн өвс нэмж авах ба аж ахуйн нэгжүүд 2500 тонн өвс бэлтгэхээр болсон байна.

Дашрамд хэлэхэд өнгөрсөн жилд аймгийн хэмжээгээр 62650 тонн хадлан бэлтгэх төлөвлөгөөтэйгөөс 65325.1 тонныг бэлтгэж, төлөвлөгөөгөө 2675.1 тонн буюу 4.3 хувиар давуулан биелүүлжээ.

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд Хөвсгөл аймгийн Тосонцэнгэл сумын харъяат улсын харцага Ц.Содномдорж түрүүлж, Улсын арслан цол хүртсэн билээ.

Тэгвэл шинэхэн арслан Ц.Содномдоржийн цолны мялаалгын наадам өнөөдөр Хөвсгөл аймгийн Тосонцэнгэл суманд өргөн дэлгэр болж байна. Дашрамд өгүүлэхэд цолны мялаалгад түрүүлсэн бөхийг 15 сая төгрөгөөр шагнах юм.

Дулааны шугамыг шинэчлэн солих ажилтай холбоотойгоор долдугаар сарын 18-ны өдрөөс эхлэн халуун усыг хэсэгчлэн хязгаарлаж буй билээ.

Тэгвэл энэхүү хуваарийн дагуу маргааш УБ палас, Х хороолол, III эмнэлэг, нэгдүгээр хороолол орчимд тасарсан халуун усыг нээх юм байна. Ингээд ойрын өдрүүдэд засвар хийх байршлуудыг хүргэж байна.

VII.24 – VII.28

УБ палас, Х хороолол, III эмнэлэг, 1 дүгээр хороолол орчим /5 хоног/

VII.31 – VIII.04

Цирк, 31 дүгээр сургууль, Үзэсгэлэн худалдаа, Японы ЭСЯ, “Шүрэн” зочид буудал, “Шинэ үе” сургууль, 21 дүгээр сургууль, Бөхийн өргөө, XIII хороолол ДДТ-24, 25, Сансар 12, XV хороолол орчим /5 хоног/

VIII.07 – VIII.11

III, IV хороолол, Гандантэгчилэн хийд орчим /5 хоног/

VIII.14 – VIII.18

ХӨСҮТ, Зүүнхүрээ хотхон, Орос эмнэлэг, Жин хэмжүүр, Кино үйлдвэр, Бридж групп, Цэргийн музей, XV хорооллын ДДТ-13, 14-с хангагддаг хэрэглэгчид, II эмнэлэг, Английн ЭСЯ орчим /5 хоног/ халуун усны хязгаарлалт үргэлжилнэ.

Нийслэлийн Онцгой комисс өчигдөр яаралтай хуралдаж Сонгинохайрхан дүүрэгт мал, амьтны гоц халдварт өвчин гарсантай холбогдуулан Хүрээ цам-Даншиг наадмыг цуцлах шийдвэр гаргажээ. Мөн Төвийн бүсийн хурдан морины уралдааныг нийслэлийн нутаг дэвсгэрт хийх боломжгүй гэж үзэн Засгийн газарт шийдвэрээ хүргүүлсэнбилээ.

Засгийн газрын Хэрэг эрхлэх газраас энэ сарын 28-30-ны өдрүүдэд нийслэлд зохион байгуулагдах байсан Төвийн бүсийн хурдан морины уралдааныг Багануур дүүрэгт зохион байгуулахаар байршлыг өөрчилж шийдвэрлэснээ нийслэлийн Онцгой комисст албан ёсоор хүргүүлжээ.