ЦУОШГ-аас 2017 оны долдугаар сарын 3-наас 10-ныг хүртэлх долоо хоногийн цаг агаарын урьдчилсан мэдээг танилцуулжээ. Тус мэдээнд дурдсанаар ойрын хоёр хоног бороо орж, сэрүүвтэр байх гэнэ.
Тодруулбал, Баруун аймгуудын нутгаар: 3-нд нутгийн хойд хэсгээр, 4,8-нд зарим газраар бороо, 6-7-нд нутгийн хойд хэсгээр түр зуурын бороо орно. Дуу цахилгаантай. 3-4нд салхи зарим газраар түр зуур ширүүснэ. 3-4нд сэрүүвтэр байна. Бусад хугацаанд Хангайн уулархаг нутгаар шөнөдөө 9-14 градус өдөртөө 22-27 градус, Их нуурууд болон Олон нууруудын хөндий, Алтайн өвөр говиор шөнөдөө 20-25 градус өдөртөө 32-37 градус, бусад нутгаар шөнөдөө 14-19 градус өдөртөө 26-31 градус дулаан байна.
Төвийн аймгуудын нутгаар: 3-4-нд ихэнх нутгаар, 5-нд зарим газраар бороо, 6,8-нд ннутгийн баруун хэсгээр, 7,9-нд зарим газраар түр зуурын бороо орно. Дуу цахилгаантай. 3-5-нд салхи зарим газраар түр зуур ширүүснэ. 3-5-нд бага зэрэг сэрүүснэ. Бусад хугацаанд Дархадын хотгор, Хангай, Хөвсгөл, Хэнтэйн уулсаар шөнөдөө 9-14 градус өдөртөө 22-27 градус, Орхон-Сэлэнгийн сав нутгаар шөнөдөө 19-24 градус өдөртөө 32-37 градус, бусад нутгаар шөнөдөө 15-20 градус өдөртөө 27-32 градус хүр хална.
Зүүн аймгуудын нутгаар: 3-нд зарим газраар, 4,9-нд нутгийн зүүн хэсгээр түр зуурын бороо, 5-нд нутгийн баруун хэсгээр, 6-7нд зарим газраар, 8-нд ихэнх нутгаар бороо орно. Дуу цахилгаантай. Борооны өмнө салхи зарим газраар түр зуур ширүүснэ. 3-5-нд ихэнх нутгаар шөнөдөө 19-24 градус өдөртөө 32-37 градус халуун байна. Бусад хугацаанд шөнөдөө 13-18 градус өдөртөө 26-31 градус дулаан байна.
Говийн аймгуудын нутгаар: 5-нд зарим газраар, 6-7-нд нутгийн зүүн хэсгээр түр зуурын бороо орно. Дуу цахилгаантай. Борооны өмнө салхи зарим газраар түр зуур ширүүснэ. 3-4, 8-9нд ихэнх нутгаар шөнөдөө 19-24 градус өдөртөө 32-37 градус хүрч хална. 5-7-нд бага зэрэг сэрүүсч шөнөдөө 14-19 градус өдөртөө 26-31 градус дулаан байна.
Монгол Улсын тав дахь Ерөнхийлөгчийг сонгох сонгууль болж байгаатай холбоотойгоор гурван намаас нэр дэвшиж буй нэр дэвшигчдийн хэнийг нь ч дэмжихгүй байгаа иргэд цөөнгүй байна. Энэ тохиолдолд саналын хуудсыг бөглөхгүй хоосон өгөх боломж иргэдэд байгааг “Цагаан сонголт” хөдөлгөөний төлөөлөл Монгол улсын иргэн У.Үнэнхүү, Б.Мөнхдөл, Хүний эрхийн астивист Б.Болорсайхан нар мэдээлэл хийв. Сонгуульд нэр дэвшигчид болон намуудын гаргаж байгаа улс төрийн шийдвэрүүдтэй санал нийлэхгүй байгаа учир энэхүү хөдөлгөөнийг эхлүүлжээ. Мөн СЕХ мэдээллээ дутуу түгээж хуулиар олгогдсон эрхийг иргэд сонгогчид бүх нийтээрээ таньж мэдээгүйн улмаас ойлголтын зөрүү газар авч байгаа тул сонгогчдод эрхийг нь таниулах зорилготой аж. Монгол Улсын сонгуулийн тухай хуульд “Хэнийг ч дэмжихгүй” гэсэн сонголтыг баталгаажуулсан байдаг юм байна. Сонгуулийн тухай хуулийн 97 дугаар зүйлийн 97.9-т “Сонгогч нэг ч нэр дэвшигчийн төлөө санал өгөөгүй бол хэнийг ч дэмжээгүй санал гэж үзэн тухайн сонгогчийг санал өгсөн сонгогчдын тоонд оруулан тооцох ба энэ тохиолдолд уг саналын хуудсыг хүчинтэй саналын хуудаст тооцно” гэж заажээ. Тэд энэ мэдэгдлээрээ нийгэмд талцал тэмцэл, үймээн самуун, хүчирхийллийг сурталчлаагүй, сонгогчид бие даан шийдвэр гаргах эрхийнхээ хүрээнд цагаан сонголт хийх эрх бий гэж тайлбарлаж байна. 
БНХАУ-ын Хөх хотноо болж буй жүдо бөхийн Гран-при тэмцээн өндөрлөлөө. Тус тэмцээнд дэлхийн 26 орны шилдэг жүдочид өрсөлдсөн юм. Харин энэхүү тэмцээнд манай улсаас нийт 27 тамирчин оролцсон билээ. Тэмцээний эмэгтэйчүүдийн 57 кг-ын жинд МУГТ, олимпийн мөнгөн медальт, “Хилчин” спорт хорооны тамирчин Д.Сумъяа мөнгөн медаль хүртсэн. Мөн эмэгтэйчүүдийн 52 кг-ын жинд МУГТ М.Уранцэцэг хүрэл медаль хүртсэн юм.
Монгол Улсын Засгийн газрын 2007 оны 280 дугаар тогтоолоор батлагдсан “Хүүхдэд зориулсан уран бүтээл туурвихад төрөөс дэмжлэг үзүүлэх журам”-ын дагуу энэ удаагийн хүүхдэд зориулсан уран бүтээлийн уралдааныг зарлан явуулж байна.
Монгол Улсын Их Хурлын тухай хуулийн 15 дугаар зүйлийн 15.1-д Улсын Их Хурлын намрын ээлжит чуулган 10 дугаар сарын 01-ний өдрөөс дараа оны 2 дугаар сарын 10-ны хооронд, хаврын ээлжит чуулган 4 дүгээр сарын 5-ны өдрөөс мөн оны 7 дугаар сарын 01-ний хооронд тус тус хуралдахаар заасан.
Ардчилсан намын бүлгээс яг одоо мэдээлэл хийж байна. Ардчилсан намын удирдлагууд Багшийн хөгжлийн тухай хууль дээр завсарлага авсан тухай тайлбар өгч, Сонгуулийн ерөнхий хороонд шаардлага хүргүүлж буйгаа мэдэгдлээ. Ардчилсан намын бүлгийн дарга Д.Эрдэнэбат “Сонгуулийн ерөнхий хороо сонгуулийн талаар сөрөг мэдээлэл тарааж буй хүмүүст хуулийн арга хэмжээ авахыг хүссэн” гэв. Мөн ардчилсан намаас иргэдийг өрийн дарамтаас чөлөөлөх тухай санаачлага гаргасан. Энэ бол манай намаас гаргаж буй зургаа дахь санаачлага юм. Бүхнийг түүчээлэгч Ардчилсан намаас малыг малчдад хувьчлах, орон сууцыг хувьчлах, хүүхдийн мөнгө, дөчин мянган орон сууцыг нийслэлд барих, ипотекийн зээлийг санаачилж байсан. Энэ удаад уул уурхайн баялгаар иргэдийн өрийг дарах тухай санаачлага гаргаад байна. Энэ бол популист амлалт биш. Бид аливаа санаачлагаасаа ухарч байгаагүй. Ухрах эрх байхгүй. Бид хэрэгжүүлэхийн төлөө ажиллана” гэсэн юм.
Дархан-Уул аймгийн Онцгой байдлын газраас санаачлан байгуулж буй “Иргэдийг гамшгаас хамгаалах, мэдлэг, дадлага олгох” сургалтын цогцолбор төв нээлтээ хийлээ.