Month: July 2017

УИХ-ын дарга М.Энболдын хувийн болон албаны бичлэгийг АН-ын сонуулийн штабт өгсөн байж болзошгүй хэрэгт УИХ-ын Тамгын газрын хэвлэл мэдээллийн албаны ажилтан Д.Ууганбаатарыг сэжиглэн шалгаж байгаа билээ. Тэгвэл Д.Ууганбаатар өнөөдөр өглөө ийнхүү ярьжээ. Тэрээр “Намайг Даваасүрэнгийн Ууганбаатар гэдэг. Би УИХ-ын тамгын газарт зураглаачаар ажилладаг. Сошиал ертөнц болон хэвлэл мэдээллийн хэрэгслээр миний талаар нэлээдгүй их гарч байгаа нь бичлэг зарсан, бичлэг тараасан гэж байсан. Анх “Аархал” гэх нэвтрүүлэг гарснаас хойш намайг Тагнуулын газарт аваачиж, байцаалт авч байсан. Би байцаалт өгч, холбогдолгүй болох нь тогтоогдсон. Дараа нь мэтгэлцээний тухай бичлэг цацагдсан. Намайг задруулсан, энд тэнд өгсөн гэгдээд байгаа. Би ямар ч бичлэг гаргаагүй, видео дүрсийг хэнд ч өгөөгүй. Мэтгэлцээний тухай бичлэгийг би бичээд, Их хурлын даргын өрөөнөөс гарахаасаа өмнө Батбаатар гэж хэлтсийн даргадаа өгсөн. Үүнтэй холбоотойгоор намайг дагаж, шалгаж байгаа юм байна. Би үнэхээр айдастай байна. Надад хүнд хэцүү байна. Ямартаа ч би аюулгүй газар байна. Үүнтэй холбоотой нэг зүйл хэлэхэд манай гэр бүлийн хүнийг Эрүүгийн цагдаагийн газраас өчигдөр дуудаж байцаалт авсан. Сая бас цагдаагаас аваад явж байна гэнэ. Мөн манай ээжийг байн байн дуудаж байцааж байна гэнэ. Би хэнд ч юу ч зараагүй, аваагүй. Би үнэхээр айдастай байна” гэж хэлсэн байв.

Түүний хийсэн бичлэгийг хүргэж байна.

Б.УРНАА

УИХ-ын гишүүн Д.Гантулга 25 настай Н гэх эмэгтэйг хүчиндсэн талаарх мэдээлэл нэлээдгүй шуугиан тариад байгаа билээ. Тэрбээр энэ талаараа Төрийн ордонд уржигдар тайлбар хийсэн юм. Ингэхдээ тэрээр “Би зургадугаар сарын 11-ний орой “Энканто таун”-ы саунд найзуудтайгаа байсан. Орой нь үргэлжлүүлээд иргэн Ц-гийн гэрт байсан. Маргааш өглөө нь би шууд гараад явсан” гэж ярьсан билээ. Иргэн Ц гэгч нь Цэрмаа аж. Тэрээр МУУГЗ, хөгжмийн зохиолч Б.Бямбабаярын охин болох нь тогтоогдоод байгаа юм.

Тэгвэл Б.Цэрмаа ийнхүү ярилцлага өгчээ. “Өнөөдөр бид нар залуу хүмүүс ш дээ. Залуу хүмүүс хоорондоо уулзаад л инээж хөхрөөд байж байсан. Дэлхийн ертөнц дээр байдаг л асуудал. Найзууд хоорондоо уулзана, ажил хэрэг ярина. Ингээд бүгдээрээ манайд очсон. Уулзалтад Саранзаяа, Наранзаяа байсан. Бид гурав байр түрээслэж амьдардаг. Би Саранзаяаг бүтэн арван жил буруу хазайчих вий гэж бүх зүйлд нь хамт байсан. Үнэн. Миний найз. Саранзаяа уулзаагүй гэж яриад байгаа. Хамт уулзаж байсан өөр төрлийн сэтгүүлч ч байгаа. Наранзаяа бол ерөнхийдөө чимээгүй л байж байдаг. Олон таван үггүй. Гэхдээ нэг асуудал ярьсан. Эгч ээ болчихооч гэж Саранзаяад хэлсэн. Энэ асуудлыг ярихгүй, дуугүй л байя гэж. Саранзаяа гэдэг хүнд одоогийн нөхцөлд ижий аав, нутаг орон нь хэрэггүй юм байна. Найз нөхөд нь хэрэггүй юм байна. Бүр төрсөн дүү нь ч хэрэггүй юм байна. Би ингэж ойлгож байна. Учир нь энэ хүн өөрт байсан бүхнээрээ саяын сонгуульд дэнчин тавьж орж байна ш дээ. АН-аас 150 сая төгрөг авсан гэсэн баримт нь байна. Надад гэрч нь байна. Миний ижий аав, дүү нар минь үнэхээр уучлаарай. Би ч гэсэн хайртай хүмүүстэй. Саранзаяа уучлаарай. Би чиний үнэн мөнийг гаргаж тавихаас өөр аргагүй боллоо. Чиний энэ бүх худлай үгэнд чинь, худлай зүйлсэд чинь олон залуучууд үрэгдэх гээд байна. Эхнээсээ үрэгдээд байна. Би мессэжээр зөндөө хэлсэн. Миний найз одоо боль гэсэн. Намайг ерөөсөө ойлгоогүй” гэж ярьж байв.

Б.УРАНЧИМЭГ

Үндэсний их баяр наадам болон аялал, амралтын улирал эхэлсэнтэй холбогдуулан гаднын болон дотоодын жуулчид, аялал зугаалгаар явж буй иргэд, орон нутагт зорчин явагчдын урсгал ачаалал ихэссэн.

Автотээврийн үндэсний төвөөс Жуулчин тээвэр улс, хот хоорондын нийтийн зорчигчдыг тээвэрлэх явцад зам тээврийн осол аваар, техникийн саатал гарч болзошгүй нөхцөл байдал үүсэхээс урдьчилан сэргийлж Улаанбаатар хот болон орон нутгийн Автотээврийн төвүүдэд 24 цагийн хариуцлагатай эргүүл, жижүүр томилон сахилга хариуцлагыг дээшлүүлэн ажиллаж байна.

Иймд тээвэрлэлтийн аюулгүй байдлыг хангуулах, гаднын болон дотоодын жуулчдыг тав тухтай найдвартай аялуулах үүднээс Автотээврийн үндэсний төвөөс шат дараалалсан ажлыгөрнүүлж байгаа бөгөөд аялал жуулчлалын бүс нутаг Хөвсгөл аймгаас эхлэн хяналт шалгалтыг эрчимжүүлж эхэллээ.

Замын хяналт шалгалтын явцад өдөрт дунджаар 500 тээврийн хэрэгсэл хөдөлгөөнд оролцож байсан. Хөвсгөл аймгийн автотээврийн төв, аймгийн Замын цагдаагийн тасгийн холбогдох мэргэжилтнүүд техникийн бүрэн бүтэн байдал, жуулчин тээвэрлэж байгаа том болон дунд оврын тээврийн хэрэгслийг хянан шалгаж, заавар зөвлөгөө өгч ажиллаж байна.

Иймд аялал жуулчлалын улирал эхэлсэнтэй холбогдуулан иргэд та бүхнийг хөдөө, орон нутгийн замд гарахдаа хууль бус тээврээр зорчилгүй Автотээврийн үндэсний төвийн гэрээт аж ахуйн нэгж байгууллагуудын тээврийн хэрэгслийг сонгон үйлчлүүлэхийг мөн холбогдох байгууллагуудаас өгч буй анхааруулга, санамжийг сайтар мөрдөн хөдөлгөөнд оролцохыг уриалж байна.

Автотээврийн үндэсний төвтэй албан ёсны гэрээ байгуулсан аж ахуйн нэгжүүд нь хурд болон хөдөлгөөний нэгдсэн хяналттай /GPS/; даатгалтай /аливаа осол саатал гарсан тохиолдолд өөр тээврийн хэрэгсэлд шилжүүлэн суух, зочид буудалд байрлах зардал зэргийг нөхөн олгох бүрэн боломжтой/; техникийн хяналтын үзлэгт бүрэн хамрагдсан баталгаатай, аюулгүй тээврийн хэрэгслээр үйлчилэхээс гадна мэргэшсэн жолооч нар ажиллаж байна.

Улс, нийслэлийн төсвийн хөрөнгөөр 2017 онд 9300 га талбайд ойн хөнөөлт шавжтай тэмцэнэ. Одоогоор 4000 га талбайд дээрх ажлыг гүйцэтгэжээ.

Ойн хөнөөлт шавжтай механик аргаар тэмцэх ажлыг судалгаанд үндэслэн 4-5 дугаар сард Улаанбаатарын Сонгинохайрхан, Чингэлтэй, Сүхбаатар, Баянзүрх дүүргүүдийн нутаг дэвсгэр Тахилт, Баянголын ам, Толгойтын Баруун салаа, Зүүн салаа, зуслангийн чиглэлд Яргайт, Шадивлан, Зуунмод, Согоот, Баянбулаг, Хуурай мухар, Майхан толгой, Шаргаморьт, Санзай, Хандгайт, Их бага Баян, Халзан даваа болон Хараацай, Дружба, Ундраа хүүхдийн зуслан орчимд зохион байгуулж, нийт 654 кг өндгийг булж устгав.

-Нийт 654 кг өндгийг булж устгав-

Тэмцлийн ажилд олон улсад түгээмэл хэрэглэгддэг агротехник, механик, биологи, микробиологийн гэсэн үндсэн аргуудыг хослуулан хэрэглэжээ. Хортон шавжийн өндгийг түүж устгах явцад голомтот талбай дахь багц өндөгний болон багц дахь өндөгний тоо нягтшалыг судалж үзэхэд эрвээхэйн тархалт, тоо толгой өсөх магадлалтай байна.

Хэт халалт, хуурай гандуу байдал хортон өсөх бас нэгэн шалтгаан болдог аж. Өндөглөх үедээ гэрэлд татагддаг тул хот, суурин газарт илүүтэй ажиглагдана. Иймд нийслэлийн ногоон бүсийн ойд түгээмэл тархаад буй өрөөсгөл хүр эрвээхийн талаарх мэдээлэл болон түүнтэй тэмцэх зөвлөмжийг хүргэж байна.

Онцлог шинж:

• Өрөөсгөл хүр эрвээхэй нь өндөг, хүрэнцэр, хүүхэлдэй, эрвээхэй гэсэн үе шатуудыг дамждаг, бүрэн хувиралтай, амьдралын нэг жилийн мөчлөгтэй шавж юм.
• Хүрэнцэр 5-р сарын сүүлчээс 6-р сард маш идэвхтэй хооллоно. 7-р сарын сүүлчээр хүүхэлдэйд шилжиж мөн сарын сүүлч, 8-р сард эрвээхий нисч эхэлнэ. 8-р сарын сүүлч 9-р сарын эхээр өндгөө хад асга, уулын энгэрт, элбэгшсэн үедээ байшин, гэрийн хана, туурга зэрэг нөмөр газар шахаад өөрөө үхдэг.
• Гэрэлд дуртай, шөнийн идэвхтэй (22:00-02:00), нүүдэллэх хугацаа нь 7-10 хоног хүртэл үргэлжилдэг.
• Ихээр цугласан үедээ нарийн тоосонцор үүсгэдэг учир амьсгалын замын болон харшлын гаралтай өвчин үүсгэх эрсдэлтэй.
• Хүрэнцрийн үе шатандаа мод, бутны навч шилмүүсээр хооллож ойн санд хөнөөл учруулдаг.

Урьдчилан сэргийлэлт:

• Идэвхтэй цагуудад нь тагт, цонхоо хаах
• Тагт, цонхондоо хамгаалалтын тор хийх
• Өндөг шахах боломжтой газруудыг шалгаж байх
• Өндөглөсөн газруудыг цэвэрлэх
• Шөнийн цагаар хурц гэрэл асаахгүй байх

Устгах аргууд: Мэргэжлийн байгууллагууд өндөг үед нь механик буюу гараар түүж, хүрэнцэр үед нь авиахимийн болон микробиологийн аргаар, бие гүйцсэн эрвээхэй үе шатанд нь феромонт болон гэрлэн урхи ашиглан устгадаг.

Гэрийн нөхцөлд өндгийг хусаж тухайн газрыг угаалгын нунтаг ариутгагчаар цэвэрлэх, модон дээрх хүрэнцрийг доргиож унагах эсвэл түүж авах аргаар устгах бол ихээр цугласан эрвээхэйг 20-30 см ухсан нүхэнд булж устгана. Ингэхдээ бээлий, амны хаалт, нүдний шил хэрэглэх шаардлагатай гэж нийслэлийн Байгаль орчны газраас мэдээлэв.

Их Монгол Улс байгуулагдсаны 811, Үндэсний их баяр наадам, Ардын хувьсгалын 96 жилийн ойг тохиолдуулан ирэх амралтын өдрүүдэд Нийслэлийн эрүүл мэндийн байгууллагууд 2017 оны 07 дугаар сарын 10-наас 07 дугаар сарын 16-ны өдрийг хүртэл Шүд, эрүү нүүрний төв, дүүргийн эрүүл мэндийн төвийн дотор, мэс засал, гэмтлийн кабинет болон Өрхийн эрүүл мэндийн төвүүд 10:00-15:00 цагийн хооронд иргэдэд эмнэлгийн тусламж, үйлчилгээг үзүүлэхээр боллоо.

Нийслэлийн эрүүл мэндийн газраас 2017 оны 07 дугаар сарын 10-наас 07 дугаар сарын 17-ны өдрийг хүртэл хариуцлагатай жижүүр ажиллуулах талаар “Эмнэлгийн тусламж, үйлчилгээг зохицуулах тухай” НЭМГ-ын даргын А/93 тоот тушаал гарсан байна. Мөн энэ өдрүүдэд Өргөө, Хүрээ, Амгалан амаржих газарт ажиллах хариуцлагатай жижүүрүүдийг томиллоо.

“Баяр наадмын үеэр эмнэлгийн тусламж, үйлчилгээг зохицуулах тухай” НЭМГ-ын даргын А/90 тоот тушаалаар Төв цэнгэлдэх хүрээлэн, Сурын талбай, Хүй долоон худагт Хан-Уул, Сүхбаатар, Чингэлтэй дүүргийн Эрүүл мэндийн төв, Нийслэлийн түргэн тусламжийн төвийн эмч нар иргэдэд эрүүл мэндийн тусламж, үйлчилгээг үзүүлнэ.

Монгол Улсын Ерөнхийлөгчийг сонгох дахин санал хураалт өнөөдөр орон даяар явагдаж байна. Санал хураалтад Ардчилсан намаас Х.Баттулга, МАН-аас М.Энхболд нар өрсөлдөж байна. Шинэ Ерөнхийлөгчийн тангараг өргөх ёслол хэзээ болох вэ гэсэн асуулт бий. М.Энхболд, Х.Баттулга хоёрын хэн нэг нь 50+1 хувийн санал авч ялагч болсон тохиолдолд бүрэн эрхийг нь хүлээн зөвшөөрүүлэх тухай шийдвэрийг санал хураалт дууссан өдрөөс хойш 10 хоногийн дотор сонгуулийн төв байгууллага УИХ-д өргөн мэдүүлнэ. УИХ хуралдаж, олонхын санал авсан нэр дэвшигчийг Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрсөн хууль гаргана. Хэрэв анхан шатны сонгуулиар ялагч тодорсон бол уржигдрийн өндөрлөж буй хаврын чуулганаар шинэ Ерөнхийлөгч тангаргаа өргөх байлаа. Тиймээс Ерөнхийлөгчийн тангараг өргөхийн тулд одоо ээлжит бус чуулган зарлан хуралдуулахаар өөр арга байхгүй юм.

УИХ-ын чуулганы уржигдрын хуралдаанаар Тогтоолын хавсралтад нэмэлт, өөрчлөлт оруулах тухай тогтоолын төслийг хэлэлцэж баталсан. Үүнд дараах өөрчлөлтүүд орж байна. Тухайлбал, “Бүрэн эрх нь дуусгавар болсон Ерөнхийлөгч нь шинэ сонгогдсон Ерөнхийлөгч тангараг өргөсний дараа Төрийн тамгыг хадаг (нанжвандан) дээр залж шинэ Ерөнхийлөгчид хүндэтгэлтэйгээр түшиж адислан гардаж аваад ширээн дээрээ зална” гэсэн заалтыг нэмж оруулахаар тусгажээ. Мөн Ерөнхийлөгчийн тангараг өргөх ёслолыг Их эзэн Чингис хааны хөшөөний өмнөх талбай хийдэг байсныг больж Төрийн ордны Их танхимд хийхээр болжээ. Ерөнхийлөгчийн тангараг өргөх ёслолын журмыг анх 1993 онд буюу тэртээ 24 жилийн өмнө баталж, 2013 онд тодорхой өөрчлөлтүүд оруулсан байдаг билээ. Ийнхүү шинэ Ерөнхийлөгч хэзээ сонгогдож, УИХ-аар батламжлан, тангаргаа өргөх ёслолын ажиллагаа яг хэзээ болох нь одоогоор тодорхойгүй байна.

Б.ОДМАА

Засгийн газрын долдугаар сарын 4-ны өдрийн
хуралдаанаар бүх хүүхдэд хүүхдийн мөнгө олгох, хүүхдийн мөнгөө аваагүй
хүүхдүүдэд нөхөж олгох шийдвэрийг гаргасан. Өмнө нь өрхийн амьжиргааны түвшин
тодорхойлох судалгаанд үндэслэн зарим хүүхдийн тэтгэмжийг 2019 онд олгохоор
байсан ч Засгийн газраас төсвийн өсөлттэй холбогдуулан ийнхүү олгохоор болсон
билээ.

Тэгвэл өчигдрөөс эхлэн хүүхдийн мөнгийг
иргэдийн данс руу шилжүүлж эхэлжээ. Харин та хүүхдийн мөнгө дансанд орсон
эсэхийг http://check.hudulmur-halamj.gov.mn/check/дарж шалгах боломжтой юм.