Энэ сар эхэлснээс хойш буюу сүүлийн гурав хоногийн өмнөөс Богдхан уулын Залаатын ам, Баруун ширээт уулыг тойрсон таван газарт гал түймэр асаж эхэлсэн байна. Тухайн газруудад Хан-Уул, Баянзүрх дүүргийн онцгой байдлын хэлтэс болон Богдхан уулын Дархан цаазат газрын хамгаалалтын захиргааны баг ажиллаж өнөөдрийн байдлаар хоёр газрын түймрийг унтраагаад байгаа аж. Үлдсэн гурван газрын түймэр тэлсэн байх магадлалтай гэж байгаль хамгаалагч нар хэлж байгаа юм. Мөн Нийслэлийн онцгой байдлын газрын ажлын хэсэг асаж буй түймрийн голомт дээр ажиллахаар явжээ.
Уг газар нь нийслэлчүүдийн амарч, зугаалдаг цөөн газруудын нэг. Аялж буй иргэд гал алдсанаас их хэмжээний гал гарах шалтгаан болжээ. Үүссэн нөхцөл байдалтай холбогдуулж Богдхан ууланд аялж зугаалахыг түр хугацаагаар хориглоод байна. Татаж байсан тамхины ишээ бүрэн унтраалгүй ойд хаях, мах шарж идэх зэргээр гал асаадаг, эцэст нь гал алддагаас болж, байгаль орчинд асар их хэмжээний хохирол учруулах болсон тул хориг тавигдсаны дараа ч галын аюулгүй байдлыг өндөр хэмжээнд хангаж аялах ёстойг албаныхан анхааруулсаар байна.
“Онцгой Албан Татварын тухай хуульд нэмэлт, өөрчлөлт оруулах тухай хууль”-ийн төсөл өнөөдрөөс хэрэгжиж эхэлж байгаа
Баасан гарагт Самсунг компани CHG90 нэртэй компьютерийн шинэ дэлгэц танилцуулсан нь дэлхийн хамгийн өргөн дэлгэцэнд тооцогдож байна.
Зуны эхэн сарын шинийн арван таван буюу Бурхан багшийн Их дүйчэн өдөр өчигдөр тохиолоо. Энэхүү өдрийг тохиолдуулан Монголын бурхан шашины төв, Гандантэгчэнлин хийд, нийслэлийн Засаг даргын Тамгын газар болон бусад сүм хийд, төрийн бус байгууллагууд хамтран “Сэтгэл ариусахуй” хэмээх арга хэмжээг зохион байгууллаа. 
Энэ зун нар сүрхий шарж, халахыг цаг уурчид мэдээлээд байгаа. Тэгвэл аагим халуунд өндөр настай, даралт ихтэй, зүрх судасны өвчтэй хүмүүс харвалтаас хэрхэн сэргийлж болох зөвлөгөөг хүргэе. Монголчуудын дунд цус харвалт залуужиж, нас баралт нэмэгдэж байгаа нь эрүүл мэндийн салбарынхны санааг зовоосон асуудлын нэг болжээ. Энэ өвчний 30 хувь нь зүрхний хэм алдагдлаас болдог байна. Харин 70 хувийн шалтгаан нь даралт ихсэх, чихрийн шижин, тамхи татах, холестерин ихтэй, стрес зэргээс үүдэж тархинд цус харвадаг ажээ. Тодруулбал, тархины артерийн судасны шохойжиж нарийссан тэр хэсэг дээр бүлэн үүсэж, судас битүүрч улмаар тархи цусан хангамжаар дутагддаг байна. Мөн зүрхний тосгуурын хөндийд бүлэн үүсэж энэ нь хүзүүний артерийн судсаар дамжин тархины судсыг бөглөж харвах шалтгаан болдог гэнэ. Тамхи татдаг хүмүүст ихэвчлэн хүзүүний артерийн судас шохойжиж нарийсдаг аж. Тэр нарийссан хэсэгт үүссэн цусны бүлэн судасны ханаас ховхорч цусны урсгалаар дамжин тархины судсыг бөглөн харвах аюултай юм байна. Хэрэв та болон таны ойр дотны хүнд дараахь шинж тэмдгүүд илэрвэл эмчид хандах хэрэгтэй гэнэ. Нүүр ам, гар, хөлөнд саажилт үүсэх, биеийн нэг тал, мэдээгүй болох, хараа муудах, аливаа зүйл хоёрлож харагдах, толгой эргэх, дайвалзаж тэнцвэр алдагдаад зогсохгүй гэнэт хүчтэй өвдөх, хэлж ярихад бэрхшээл саадтай болоод ирвэл шуудхан түргэн тусламж дуудах ёстой юм байна. Харвасан хүн огиулж, бөөлждөг учраас хажуу тийш нь харуулж хэвтүүлэх хэрэгтэй гэнэ. Ингэснээр тухайн хүний амьсгалын зам чөлөөтэй болох нь ээ.
Нийслэлийн Мэдээллийн технологийн газар Нийслэлийн цагдаагийн газартай хамтран гэрэлт шөнийн гудамж буюу Циркийн уулзвараас 45 дугаар сургуулийн уулвар хүртэлх замд нийт 9 цэгт хяналтын 17 камер суурилуулсан. Тодруулбал, эргэдэг хөдөлгөөнт камер 2, чиглэлийн камер 15-ыг сурилуулаад байна. Эдгээр хяналтын камерыг ашиглаж Нийслэлийн цагдаагийн газар хяналт тавьж ажиллах юм. Мөн гэрэлт шөнийн гудамжид нийслэлийн Мэдээллийн технологийн газраас Kewiko компанитай хамтран үнэгүй, хөдөлгөөнт интернэтийн бүс байгуулах зорилгоор wifi төхөөрөмж суурилуулсан байна. Тиймээс орчин үеийн дэвшилтэт техник технологи бүхий гудамжинд иргэд айх аюулгүй, амарч зугаалах бүрэн боломжтой гэж нийслэлийн Мэдээллийн технологийн газраас мэдээллээ.
Монгол Улсын Ерөнхийлөгч Ц.Элбэгдорж Бүгд Найрамдах Казахстан Улсын нийслэл Астана хотноо болж буй ШХАБ-ын гишүүн орнуудын Төрийн тэргүүн нарын зөвлөлийн өргөтгөсөн хуралдаанд үг хэлэв.
Монгол Улсын тав дахь ерөнхийлөгчийг сонгох санал хураалт гадаадад эхэллээ. Өнөөдөр, маргааш буюу энэ сарын 10, 11-ний өдрүүдэд тухайн улсын орон нутгийн цагаар 07.00-22.00 цаг хүртэл хугацаанд иргэд саналаа өгөх юм. Гадаад улсад байгаа иргэдийн санал авах ажлыг зохион байгуулах Төв комисс пүрэв гаригт/2017.06.08/ салбар комиссын бүрэлдэхүүнтэй онлайн хурал хийж, бэлтгэл ажлын явц, байдлын талааор мэдээллийг сонссон байна. Энэ үеэр гадаад улсад байгаа иргэдээс санал авах хуудас хуульд заасаг хугацаанд бүрэн хүргэгдсэн, санал авах байр бэлтгэгдэж, сонгуулийн бэлтгэл хангагдсан тухай мэдэгджээ.