Монгол Улсын Ерөнхий сайд Ж.Эрдэнэбат өнөөдөр Шинжлэх ухааны академийн урилгаар манай улсад ажлын айлчлал хийж байгаа БНХАУ-ын ШУА-ийн ерөнхийлөгч, профессор Бай Чуньли тэргүүтэй төлөөлөгчидтэй уулзлаа.
Ерөнхий сайд уулзалтын эхэнд энэ удаагийн айлчлал хоёр улсын шинжлэх ухааны байгууллага хооронд төдийгүй хоёр улсын харилцаа, хамтын ажиллагааг хөгжүүлэхэд чухал үүрэг гүйцэтгэнэ гэж үзэж байгаагаа илэрхийллээ.
Мөн тэрээр “БНХАУ-тай найрсаг харилцаа, хамтын ажиллагааг хөгжүүлэх нь Монгол Улсын гадаад бодлогын тэргүүлэх чиглэлийн нэг юм. Монгол Хятадын иж бүрэн стратегийн түншлэлийн харилцаа улс төр, нийгэм, эдийн засаг, шинжлэх ухааны бүхий л салбарт гүнзгийрэн хөгжиж байгаад сэтгэл хангалуун байна” гэлээ.
Хоёр тал Монголын залуу эрдэмтэн судлаачдыг Хятад улсын эрдэм шинжилгээний хүрээлэн, их сургуулиудад зургадугаар сараас эхлэн нэг жилийн хугацаатайгаар мэргэжил дээшлүүлэх “Авьяаслаг залуу эрдэмтэн хөтөлбөр”-ийг хэрэгжүүлэхээр тохиролцоонд хүрч чадсан. Мөн хоёр тал шинжлэх ухааны парк байгуулах чиглэлээр харилцан ойлголцлын санамж бичиг байгуулахаар ажиллаж байгааг дэмжих байгаагаа хэллээ. БНХАУ-ын ШУА-ийн хүрээлэнгийн зүгээс Дэлхий нийтээр анхаарлаа хандуулж байгаа цөлжилт, цэвдгийн асуудлаар болон нүүрс, нүүрснээс шингэн түлш, нүүрсний хий боловсруулах хамтарсан судалгаа хийх асуудлаар ярилцаж байгаа гэв.
Монгол Улсын хувьд нэн чухал хэрэгцээтэй байгаа, эдийн засгийн гол хөшүүрэг болохуйц нүүрс, нүүрснээс нэмүү өртөг шингэсэн эцсийн бүтээгдэхүүн гаргаж авах ажлыг судлах, шинжлэх ухааны үндэслэлтэй үйлдвэрлэлийг хөгжүүлэх чиглэлээр судалгаа хийдэг хүрээлэнгийн захирлууд байгаа нь хоёр талын харилцаанд чухал ач холбогдолтой гэж үзэж байгаагаа Ерөнхий сайд Ж.Эрдэнэбат илэрхийллээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Засгийн газрын ээлжит хуралдаан өнөөдөр болж дараах асуудлыг хэлэлцэн шийдвэр гаргалаа.
П.Н Шастины нэрэмжит улсын III төв эмнэлгийн үүдний хэсгийн 818 м.кв талбайн тохижилтын ажил дуусч, холбогдох албаныхан өнөөдөр албан ёсоор хүлээн авлаа. Тус арга хэмжээнд нийслэлийн Засаг дарга бөгөөд Улаанбаатар хотын Захирагч С.Батболд, Улаанбаатар хотын Ерөнхий менежер болон бусад албаныхан оролцов. Энэ үеэр хотын дарга С.Батболд “Би 14 хоногийн өмнө энэ хэсгийн тохижилтын ажилтай танилцаад явсан. Өнөөдөр бэлэн болоод нээлтийг хийж байгаадаа баяртай байна. Шастины нэрэмжит улсын III төв эмнэлэг бол нийслэлчүүд төдийгүй Монгол Улсын өнцөг булан бүрээс иргэд ирж үйлчлүүлдэг газар. Өнгөрсөн аравдцугаар сард авто машины зогсоолын асуудлыг шийдсэн. Өнөөдрийн энэ тохижилтын ажил 2017 оны хаврын хот тохижилтын хамгийн эхнийх нь учраас бид ийнхүү ач холбогдол өгч албан ёсоор нээж байгаа юм. 2017 онд эмнэлэг болон сургууль, цэцэрлэгийн гаднах тохижилтод анхаарч ажиллана. Бидний дараагийн тохижуулах газар бол Гэмтэл согог судлалын үндэсний төв, Сонгинохайрхан дүүргийн нэгдсэн эмнэлэг байх болно. Түүнчлэн X хороолол орчмын авто замын хойд талын талбайг авто машины зогсоол, явган хүний зам, ногоон байгууламж бүхий иж бүрнээр тохижуулах ажлыг эхлүүлсэн. Мөн энэ гудамж дагуу байрлах албан байгууллага, аж ахуйн нэгжүүдэд гаднах тохижилт, хаягжилтын нэгдсэн стандарт мөрдүүлнэ. Уг ажлыг ирэх зургаадугаар сарын 10-нд дуусгахаар төлөвлөн ажиллаж байгаа” гэв.
Нийслэлийн Засаг даргын Тамгын газар, ХХААХҮЯ, Агроэкологийн сургууль, Ургамал газар тариалангийн хүрээлэн, Ургамал хамгааллын эрдэм шинжилгээний хүрээлэн болон ХААИС хамтран “Газар тариалан-2017” эрдэм шинжилгээ, үйлдвэрлэлийн бага хурлыг өнөөдөр зохион байгууллаа.
Өнөөдөр АНУ-ын Ерөнхийлөгч Д.Трамп, ОХУ-ын Ерөнхийлөгч В.Путин нар утсаар ярихаар төлөвлөжээ. Энэ тухай Кремлиэс мэдээлсэн бөгөөд Цагаан ордны ажилтнууд ч төрийн тэргүүн Д.Трампын өнөөдрийн ажлын хуваарьт үүнийг тусгасан гэдгийг баталсан байна.
Өнгөрсөн амралтын өдрүүдэд Монголын оюутны спортын “Универсиад” дөрөвдүгээр их наадмын ширээний теннисний тэмцээн боллоо. Энэхүү тэмцээн нь “ОЧ” клубт 2017 оны 4 сарын 29-30-ны хооронд зохион байгуулагдлаа. Уг тэмцээнд бүсийн их наадмуудаас сонгогдон шалгарсан 16-н их, дээд сургуулийн баг тамирчид оролцсон юм. Тэд эмэгтэй, эрэгтэй ганцаарчилсан, багийн төрөл, холимог хосын нийтдээ 4-н төрлөөр өрсөлдөж Универсиад наадмын аваргаар дараах байдлаар тодорлоо. Ингээд дүнг танилцуулья.
Эмэгтэй ганцаарчилсан төрөлд:
Монгол Улсын Ерөнхийлөгч Ц.Элбэгдорж энэ 5 дугаар сарын 1-2-ны өдрүүдэд Орхон аймгийн Эрдэнэт хотод ажиллаж байна. Төрийн тэргүүн өнөөдөр Эрдэнэт хотод хүрэлцэн ирсэн юм. Мөн өдрийн үдээс хойш Монгол Улсын Ерөнхийлөгчийн 2009-2017 оны бодлого, үйл ажиллагааны хөтөлбөрийн биелэлтийг Орхон аймгийн иргэдэд танилцуулах уулзалт “Уурхайчин” соёлын ордонд болов.
Эдийн засгийн байнгын хорооны хуралдаанаар Автозамын тухай хуулийн шинэчилсэн найруулгын төслийн анхны хэлэлцүүлгийг хийж байна. Хэлэлцэж байгаа асуудалтай холбогдуулан гишүүд асуулт авч хариулт авч байгаа юм.
Үндсэн хуулийн цэцийн хуралдаан маргааш болно. Хуралдаанаар Шүүгчийн эрх зүйн байдлын тухай хуулийн зарим заалт Үндсэн хууль зөрчсөн эсэхийг хэлэлцэнэ.