“Сүрьеэ, бэлгийн замаар дамжих халдвараас урьдчилан сэргийлэх ажилд салбар дундын оролцоог сайжруулъя” зөвлөлдөх уулзалтыг өнөөдөр нийслэлийн төр захиргааны Хангард ордонд эхлүүллээ. Зөвлөлдөх уулзалтын гол зорилго сүрьеэ, БЗДХ, ХДХВ, ДОХ-оос урьдчилан сэргийлэх үйл ажиллагаанд салбар дундын хамтын ажиллагааг нэмэгдүүлэх, дүүргийн ЗДТГ-ын удирдах ажилтан, шийдвэр гаргагч нарт мэдээлэл өгөх, цаашид хамтран хэрэгжүүлэх үйл ажиллагааны төлөвлөгөө боловсруулж, зөвлөмж гаргахад оршино. Монгол улс ДЭМБ-ын Номхон далайн баруун эргийн бүсийн 37 орноос сүрьеэгийн өвчлөл өндөртэй орны тоонд орсон хэвээр байгаа бөгөөд сүүлийн 5 жилийн эрүүл мэндийн статистик үзүүлэлтээр сүрьеэ өвчин нь улсын хэмжээнд бүртгэгдэж буй нийт халдварт өвчний дотор дунджаар 9.8 хувийг эзэлж байна.
Хотын мэр асан Э.Бат-Үүл хэвлэлийн хурал зарлаж, “Дахин төлөвлөлт гэдэг үйл ажиллагааг мушгиж, ард иргэдийн өмч хөрөнгө дээр гадны хөрөнгө оруулалттай маш том хэмжээний луйвар хийх гэж байна” гэж мэдэгдэв. 
Өчигдөр цагдаагийн байгууллагад “ХУД-ийн I хороо, Энх тайвны гүүрнээс эмэгтэй хүн амиа хорлохоор үсрэх гэж байна” гэсэн мэдээлэл иржээ. Дуудлагын дагуу цагдаагийн алба хаагч Ч.Машбаяр, Л.Мягмарсүрэн нар шалгахад Баянхонгор аймгийн Баянцагаан сумын харьяат 21 настай эмэгтэй Б гэгч амиа хорлохоор үсрэх гэж байжээ. Тэрээр сэтгэл санааны хямралаас болж амиа хорлох гэж байсныг шалгалтаар тогтоосон байна. Хэргийг ХУД-ийн цагдаагийн нэгдүгээр хэлтэст шалгаж байгаа аж. 
Авлигатай тэмцэх газар 2017 оны 04 дүгээр сарын 24-28-ны өдрүүдэд нийтийн албанд томилогдохоор нэр дэвшсэн 267 иргэний хувийн ашиг сонирхлын урьдчилсан мэдүүлгийг шинээр хүлээн авчээ. Нийт 454 урьдчилсан мэдүүлгийг хянан шалгасан байна. Өнгөрсөн долоо хоногт 147 мэдүүлгийг хянан шийдвэрлэсэн бөгөөд үүнээс 108 нь зөрчилгүй байсан бол 18-ийг нь буцааж, 20-т нь анхааруулсан байна. Одоогийн байдлаар 307 урьдчилсан мэдүүлэг ажиллагаанд хянагдаж байна. Ашиг сонирхлын илт зөрчилтэй гэж үзсэн 1 урьдчилсан мэдүүлэг байсан байна. Иргэний нисэхийн ерөнхий газрын Нисэхийн аюулгүй ажиллагааны хяналт, зохицуулалтын албаны Аэродром, агаарын навигацийн хяналтын хэлтсийн даргын албан тушаалд томилогдохоор нэр дэвшсэн Г.Амарцэцэг, Багахангай дүүрэг дэх Мах боловсруулах үйлдвэр ОНӨААТҮГ-ын ерөнхий нягтлан бодогчийн албан тушаалд томилогдохоор нэр дэвшсэн И.Базаррагчаа, Нийслэлийн Улсын бүртгэлийн газрын Хан-Уул дүүргийн Улсын бүртгэлийн хэлтсийн 6 дугаар хорооны улсын бүртгэгчийн албан тушаалд томилогдохоор нэр дэвшсэн Б.Өлзийжаргал нарын зэрэг 147 иргэний хувийн ашиг сонирхлын урьдчилсан мэдүүлгийг хянан үзээд тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзжээ. 
МАН-ын Бага хурал Ерөнхийлөгчийн сонгуульд нэр дэвшигчийг тодруулж, Ерөнхийлөгчийн сонгуульд дэвшүүлэх мөрийн хөтөлбөрөө батлах юм.
Өнөөдөр “Дэлхийн хэвлэлийн эрх чөлөөний өдөр” тохиож байна. Хэвлэлийн эрх чөлөөний ач холбогдлыг олон нийтэд сурталчлан ойлгуулах, үзэл бодлоо илэрхийлэх эрхийг хүндэтгэх үүргийг нь улс орнуудын Засгийн газруудад сануулах, мөн ажил үүргээ гүйцэтгэж яваад амиа алдсан сэтгүүлчид, хэвлэл мэдээллийн салбарын ажилтнуудын дурсгалыг хүндэтгэх үүднээс НҮБ-ын Ерөнхий Ассамблей жил бүрийн тавдугаар сарын 3-ны өдрийг “Дэлхийн хэвлэлийн эрх чөлөөний өдөр” болгон тэмдэглэж байх тухай тусгай тогтоолыг 1993 оны 12 дугаар сарын 20-нд гаргаж байв. 1994 оноос энэ өдрийг дэлхий нийтээр тэмдэглэж эхэлсэн билээ.
Ерөнхийлөгчийн ээлжит сонгууль болох гэж байгаатай холбогдуулан АН болон МАН нэр дэвшигчээ тодруулах сунгаагаа хийж байгаа билээ. Өчигдөр АН эцсийн байдлаар намаасаа нэр дэвшигчдээ бүртгэж дуусаад өнөөдөр гишүүдээсээ санал хурааж буй.
МАН-ын Бага хурал сая эхэлж, намын дарга үг хэллээ. Энэ удаагийн хурлаар хоёр асуудал хэлэлцэх юм байна. Нэгдүгээрт, Ерөнхийлөгчийн сонгуульд нэр дэвшигчээ сонгож, батална. Хоёрдугаарт, нэр дэвшичийн мөрийн хөтөлбөрийг батлахаар төлөвлөжээ. 
Тэрбээр мэндчилгээндээ “Дэлхийн хэвлэлийн эрх чөлөөний өдрийг тохиолдуулан Та бүхэндээ Монгол Улсын Их Хурлын нэрийн өмнөөс болон хувиасаа чин сэтгэлийн мэндчилгээ дэвшүүлж, үзгэн хөлөг тань шандастай байхын ерөөл өргөе. Чөлөөт хэвлэлийг жинхэнэ утгаар нь төлөвшүүлэх, шударга ёсны дуу хоолой болох, иргэн түмний нийтлэг эрх ашгийг төлөөлөх, буруу бусармаг бүхнийг илчлэн тэмцэхийн төлөөх сэтгүүлчийн ажил үйлсийн зам мөр бартаатай хэрнээ бахархалтай.