“Оюу толгой” компанийн Гүйцэтгэх захирлаар Армандо Торрес томилогдсон байна.
Тэрээр 2016 оноос эхлэн “Оюу толгой” компанийн Төлөөлөн удирдах зөвлөл (TУЗ)-ийн гишүүнээр ажилласан бөгөөд Рио Тинто компанийн “Оюу толгой”-г хариуцсан захирлаар ажиллаж байжээ. ТУЗ-ийн гишүүнээр цаашид үргэлжлүүлэн ажиллах юм байна.
Харин гүйцэтгэх захирлын үүрэг гүйцэтгэгчээр ажиллаж байсан Стивен Жонс нь тус компанийн Үйл ажиллагаа эрхэлсэн захирлаар ажиллахаар болжээ. А.Торрес нь сүүлийн зургаан жил Рио Тинто группт удирдах ажил эрхэлжээ.
УИХ-ын үдээс хойшхи чуулганаар “Зам тээвэр, барилга хот байгуулалтын салбарын бүтээн байгуулалтын ажлын явцын талаар” Монгол Улсын Ерөнхий сайд Ж.Эрдэнбатын мэдээллийг сонссон юм. Мэдээлэл сонссоны дараа гишүүд сонирхсон асуултандаа хариу авч, гишүүд, сайд нарын хооронд иймэрхүү яриа, маргаан өрнөлөө.
Ж.Мөнхбат сайд:- Ерөнхий сайдын хариулт дээр нэмж тайлбар хийхдээ Б.Пүрэвдорж гишүүн яагаад зам барьдаг өртөг нэмэгдчихэв гэж ярьж байна. 2012 он хүртэл нэг км замыг 400-500-гаар барьдаг байсан. Ч.Сайханбилэг, Н.Алтанхуяг Ерөнхий сайдын Засгийн газрын үед байгуулагдсан энэ концессийн гэрээнүүд бол тэрбум 300-аас тэрбум 600 сая төгрөгөөр гэрээлэгдсэн юм билээ. Тэр гэрээнүүдийн үнийн дүнг сая Ерөнхий сайдын хэлсэнээр бууруулсан юм. Хоёрдугаарт концессоор хийгдэж байгаа ажлууд дотор янз бүрийн зам дээр үнийн зөрүүтэй асуудал яригдаж байгаа. Жишээлбэл өнгөрсөн дөрвөн жилд Хөвсгөл аймгийн төвд 7 км замыг долоон тэрбум төгрөгөөр барьсан. Архангай аймгийн төвд 7 км замыг 21 тэрбум төгрөгөөр барьсан. Ийм үнийн ялгаа зөрүүнүүд өнгөрсөн Засгийн газрын үед бий болоод явчихсан юм гэдгийг Б.Пүрэвдорж гишүүнд тайлбарлаж хэлье. Таны хэлсэн долоон концессийн гурван зам гэж яригдаад байгаа чинь өмнөх Засгийн газрын үед гэрээлсэнээс төсвөөс эргэн төлөх хэмжээг нь бид 30 гаруй тэрбум төгрөгөөр бууруулж, гэрээнд нэмэлт өөрчлөлт хийж, баталсан юм. Өөрөөр хэлбэл улсын төсөвт ашигтай, хэмнэлттэй байдлаар шийдэгдсэн. Дорноговь Дэлгэрэхийн 130 км зам бол жишээлбэл өмнөх Засгийн газрын үед байгуулагдсан 131 км замыг 86 сая доллараар барина гэж байхад 20 сая доллараар хямд барихаар асуудал шийдэгдсэн юм.
Баянзүрх дүүргийн сургуулийн өмнөх боловсролын байгууллагуудын багачуудын дунд жил бүр уламжлал болгон зохиогддог “Замын хөдөлгөөний цагаан толгой-2017” тэмцээн болж шилдгүүдээ тодрууллаа. Хүүхэд багачуудын замын хөдөлгөөний талаарх ойлголт, танин мэдэхүйг сорьсон тэмцээнд 30 цэцэрлэгийн 360 гаруй багачууд оролцож, мэндчилгээ, гэрийн даалгавар, багийн ахлагчийн сорил, буухиа, багш нарын дүрмийн мэдлэг, урлагийн тоглолтоор өрсөлдөж мэдлэг, чадвараа сорьсон юм. Тус тэмцээний тэргүүн байранд 129 дүгээр цэцэрлэг, хоёрдугаар байрыг 147 дугаар цэцэрлэг, гутгаар байранд 3 дугаар цэцэрлэг, тусгай байранд 45 дугаар цэцэрлэг тус тус шалгарлаа. Түүнчлэн Баянзүрх дүүргийн Замын Цагдаагийн хэлтсээс шилдэг 3 номинацийг шалгаруулсан юм. Энэ жилийн хүүхдэд аюулгүй орчин бүрдүүлэгч байгууллагаар 62 дугаар цэцэрлэг, шилдэг багшаар 172,191 дүгээр цэцэрлэгийн багш нар, шилдэг багийн ахлагчаар 52 дугаар цэцэрлэгийн н.Сондор нар шалгарч шагналын эзэд боллоо. Бага насны хүүхдүүдийг зам тээврийн осол хэргээс урьдчилан сэргийлэх, замын хөдөлгөөний мэдлэг олгох, хөдөлгөөнд соёлтой оролцох дадал эзэмшүүлэх зорилготой тус тэмцээнийг Баянзүрх дүүргийн Засаг даргын Тамгын газар, Замын цагдаагийн хэлтэс, Боловсролын хэлтэс, Улаан загалмайн хороотой хамтран зохион байгууллаа хэмээн Баянзүрх дүүргийн Тамгын газрын Хэвлэл мэдээллийн албанаас мэдээллээ.
Гадны хамтлаг дуучид манай улсад ирж онгон дагшин байгальд зургаа авахуулж,
Өнөөдөр өглөө 11 цагт “Элэг бүтэн Монгол” үндэсний хөтөлбөр Орхон аймагт нээлтээ хийлээ. Уг хөтөлбөр Монгол Улсын Засгийн газрын 112 дугаар тогтоолоор батлагдсан бөгөөд Монгол Улсын 15-аас дээш насны хүн амд хепатитийн В, С вирусын халдварыг илрүүлэх зорилготой юм. Үүний хүрээнд 2017 онд 40-65 нас, 2018 онд 15-39 насныханд элэгний В, С вирус илрүүлэх, оношлох, эмчлэх арга хэмжээ зохион байгуулна. Үндэсний хөтөлбөрийн хүрээнд элэгний С вирусын эсрэг эмийг хайрцаг тутамд нь 210 мянган төгрөгөөр хөнгөлж байгаа. Ингэхдээ 2016 оны 9 дүгээр сараас хойш эм авсан иргэдэд хөнгөлөлт үзүүлэх юм. Эмийн хөнгөлөлтөд 2017 онд улсын төсөвт 18.9 тэрбум төгрөг батлагдсанаас Орхон аймагт 607 сая төгрөгийг хуваарилжээ. Үүнийг Эрүүл мэндийн даатгалын сангаас гаргах юм. Мөн вирус тоолуулах лабораторийг улсын хэмжээнд сонгон шалгаруулна. Нэг иргэн дунджаар 120 мянган төгрөгөөр вирусээ тоолуулах бөгөөд уг мөнгийг улсаас гаргана. Тодруулбал, лабораторийн сонгон шалгаруулалтад ялсан эмнэлэгт ЭМД-ын сангаас иргэдэд үйлчлэх санхүүжилтийг өгнө гэсэн үг юм. “Элэг бүтэн Монгол” үндэсний хөтөлбөрийн хүрээнд 40-65 насныхныг харьяа Өрхийн эрүүл мэндийн төвөөр дамжуулж H-Info програмд бүртгэх, эрт илрүүлгийн шинжилгээ, үзлэгт хамруулж эмчилгээ хийнэ. “Элэг бүтэн Монгол” үндэсний хөтөлбөрийн гол зорилго нь 2020 он гэхэд С вирусын халдвартай 150 мянган иргэнийг бүрэн эмчилж элэгний хорт хавдар, хатуурлын шалтгаантай нас баралтыг эрс бууруулж вирусын голомтыг устгахад чиглэж байгаа юм. Сүүлийн 10 жилд Монгол улсад элэгний хорт хавдарын улмаас жилд дунджаар 2600 хүн буюу өдөр бүр 7 хүн нас барж байгаа нь дэлхийн дунджаас өндөр үзүүлэлт юм. Дэлхийн эрүүл мэнлийн байгууллагын хийсэн түүвэр судалгаагаар манай улсад 400.000 хүн В, С вирусын халдвартай байх магадлалтай ажээ.
Монгол Улсад Хүүхдийн хөдөлгөөн, байгууллага үүсч хөгжсөний 92 жилийн ой тавдугаар сарын 8-ны өдөр тохиож байгаа юм. Энэхүү өдөр хүүхдийн байгууллагыг үндэслэгч, их зохиолч Д.Нацагдоржийн хөшөөнд хүндэтгэлийн цэцэг өргөх ёслолын үйл ажиллагааг 11:00 цагт зохион байгуулна.
Онцгой байдлын ерөнхий газар, АНУ-ын Элчин сайдын яам, АНУ-ын Номхон далайн цэргийн командлалтай хамтран Өмнөговь аймагт 2017 оны 05 дугаар сарын 01-05-ны өдрүүдэд зохион байгуулсан “Говийн чоно-2017” гамшгийн хор уршгийг арилгах олон улсын сургалт, дадлага сургуулийн хаалтын ажиллагаа өнөөдөр боллоо.
Хаалтын ажиллагаанд, ОБЕГ-ын тэргүүн дэд дарга, бригадын генерал Г.Ариунбуян, АНУ-ын Номхон далайн армийн дэд командлагч, хошууч генерал Рожер Нобль, Өмнөговь аймгийн Засаг дарга Н.Наранбаатар нарын зочид оролцож үг хэллээ.
Монгол Улсад зургаа дахь удаагаа зохион байгуулагдсан “Говийн чоно-2017” гамшгийн хор уршгийг арилгах олон улсын сургалт, дадлага сургуульд Онцгой байдлын ерөнхий газар, түүний харьяа Аврах тусгай анги, Уул уурхайн аврах анги, ЗХЖШ, ХХЕГ, ЦЕГ, МХЕГ, ИНЕГ, Өмнөговь аймгийн бүх шатны Засаг дарга, гамшгаас хамгаалах алба, мэргэжлийн анги, төрийн болон төрийн бус байгууллагууд, Баянхонгор, Дундговь, Дорноговь, Говьсүмбэр, Өвөрхангай аймгийн Онцгой комисс, Онцгой байдлын газар, тус аймгуудын хөдөө аж ахуй, эрүүл мэнд, цагдаа, мэргэжлийн хяналтын байгууллага болон гадаад улс орны, олон улсын байгууллагын төлөөлөл болох АНУ-ын Номхон далайн цэргийн командлал, Аляскийн үндэсний гвард, Ойн агентлаг, Олон улсын тусламжийн газар, НҮБ-ын салбар байгууллагууд, Японы Хүүхдийг ивээх сан, МУЗН, Швейцарийн хөгжлийн агентлаг, Мерси кор, Олон улсын улаан загалмай, Улаан хавирган сар нийгэмлэг болон Бангладеш, Непаль, Канад, Өмнөд Солонгос, Унгар, Япон улсын нийт 240 гаруй зочид, төлөөлөгчид оролцсон юм.
“Говийн чоно-2017” гамшгийн хор уршгийг арилгах олон улсын сургалт, дадлага сургуулийг “Гамшгийн үеийн бүс нутгийн удирдлага, харилцан ажиллагаа” сэдэвтэйгээр анх удаа өмнөд бүсийн аймгуудын гамшгийн үеийн харилцан ажиллагааг жигдрүүлэх, мэргэжлийн байгууллагуудын уялдаа холбоог хангах, практик үйл ажиллагаанд тулгуурласан байдлаар зохион байгууллаа.
Мөн хошууч Тед Мортон ахлагчтай АНУ-ын Номхон далайн цэргийн командлалын баг, Өмнөговь аймгийн Онцгой байдлын газар, Бангладеш, Непаль, Өмнөд Солонгос, Унгар, Канад, Япон улсын оролцогчид, Өмнөд бүсийн аймгуудын Онцгой комисс, Онцгой байдлын газрын хамт олонд Монгол Улсын Шадар сайд У.Хүрэлсүх, АНУ-аас Монгол Улсад суугаа Онц бөгөөд бүрэн эрхт Элчин сайд Женнифер Зимдал Галт, Өмнөговь аймгийн Засаг дарга Н.Наранбаатар нарын нэрэмжит “Өргөмжлөл”-ийг гардуулсан юм.
Мөн “Говийн чоно-2017” гамшгийн хор уршгийг арилгах олон улсын сургалт, дадлага сургуулийн оролцогчдод “Гэрчилгээ” гардууллаа гэж Онцгой байдлын ерөнхий газраас мэдээллээ.
Н.Айшолпан охины амьдралаас сэдэвлэн бүтээсэн “Бүргэдтэй анчин” буюу “The Eagle Huntress” кино дэлхийн олон оронд нээлтээ хийсэн. Уг кино Монгол Улсад өчигдөр нээлтээ хийлээ.
УИХ-ын чуулганы үдээс хойшх хуралдаан үргэлжилж байна. Хуралдаан барилга,хот байгуулалтын салбарын бүтээн байгуулалтын явцын талаар Ерөнхий сайд Ж.Эрдэнэбат мэдээлэл хийж байна. Тэрбээр мэдээллийнхээ эхэнд “Барилга материалын дотоод нөөц бололцоог нэмэгдүүлэхэд анхаарч, бүсчлэн хөгжүүлэхэд анхаарч байна.