Сүүлийн үед фейсбүүк болон зарын сайтуудаар “Их хэмжээний мөнгийг бага хүүтэй зээлүүлнэ” гэх хуурамч зарууд ихээр явах болсонтой холбогдуулан Эрүүгийн цагдаагийн албаны Цахим гэмт хэрэгтэй тэмцэх хэлтэс сэрэмжлүүлэг гаргалаа. Тодруулбал, хуурамч хаяг үүсгэн өөрийгөө банк санхүүгийн байгууллагад өндөр албан тушаал хашдаг гэх мэтээр бусдад ойлгуулж, зээлийн бичиг баримт орчуулгын төлбөр, мөнгө шилжүүлэх хураамж зэргээр мөнгө шилжүүлэхийг шаардсан залилангийн гэмт хэрэг гарах болжээ. Гэмт этгээдүүд хохирогчдын итгэлийг олохын тулд “Google.translate” ашиглан монголоор бичих, монгол хүний нэр зураг ашиглан хуурамч фейсбүүк хаяг нээн, зээл өгсөнд баярлалаа гэх мэт худал мэдээлэл тараах, хуурамч бичиг баримт зураг янзалж өөрчлөн явуулах зэрэг олон арга ашиглаж байгаа тул иргэд та бүхэн энэ төрлийн гэмт хэрэгт өртөхөөс урьдчилан сэргийлэхийг анхаарууллаа.
УИХ-ын Нийгмийн бодлого, боловсрол, соёл, шинжлэх ухааны байнгын хорооны гишүүн, УИХ-ын гишүүн М.Оюунчимэг, Эрүүл мэндийн яамны Төрийн нарийн бичгийн дарга Д.Очирбат нар өнөөдөр (2017.05.09) Чингэлтэй дүүргийн зарим хороодын өрхийн эмнэлгүүдэд ажиллалаа. Тэд өрхийн эмнэлгийн эмч нартай уулзаж, тулгамдаж байгаа асуудлыг нь шийдвэрлэх чиглэлээр саналыг нь сонсож ярилцав.
Эхлээд Чингэлтэй дүүргийн есдүгээр хорооны өрхийн эмнэлгийн үйл ажиллагаатай танилцан, эмч, үйлчлүүлэгчдийн санал хүсэлтийг сонсов. Үргэлжлүүлэн 7, 8, 9, 10, 11 дүгээр хорооны өрхийн эмнэлгүүдийн эмч нартай уулзлаа.
УИХ-ын гишүүн М.Оюунчимэг, иргэдэд хамгийн ойрхон байдаг, анхан шатны тусламж үйлчилгээ, эмчилгээг үзүүлдэг өрхийн эмнэлгүүдэд тулгамдаж буй дээрхи асуудлыг улсын хэмжээнд шийдэхийн тулд Нийгмийн бодлого, боловсрол, соёл, шинжлэх ухааны байнгын хорооноос боловсруулж, УИХ-ын нэгдсэн чуулганаар хэлэлцүүлэх тогтоолын төсөлд зарим асуудлыг тусган, шийдвэрлэх боломжтойг энэ үеэр хэллээ.
Их Засаг их сургуулийн хүндэтгэлийн талбайд бүтээгдсэн дурсгалын гэрэлт хөшөөний нээлт өнөөдөр ялалтын баярын өдөр нээлтээ хийлээ. 
Ийнхүү тусгаар тогтносон Монгол Улсыг дэлхийн их гүрнүүд хүлээн зөвшөөрсөн энэхүү түүхэн уулзалт хөшөө болон мөнхөрлөө.. Нээлтийн арга хэмжээнд УИХ-ын гишүүн Н.Учрал, нийслэлийн Засаг даргын орлогч Ж.Батбаясгалан, Их Засаг их сургуулийн ректор Н.Ням-Осор болон ахмад дайчдын төлөөлөл оролцлоо.
Хууль зүй, дотоод хэргийн сайд С.Бямбацогт тавдугаар сарын 8-12-ны өдрүүдэд БНХАУ-д ажлын айлчлал хийж байна. Айлчлалын хүрээнд Монгол Улсын Хууль зүй, дотоод хэргийн яам, БНХАУ-ын Нийгмийг аюулаас хамгаалах яам хооронд 2017-2021 онд хамтран ажиллах үйл ажиллагааны хөтөлбөрт гарын үсэг зурсан юм. Мөн Монгол, Хятад, Орос гурван улсын хууль сахиулах байгууллагын хамтын ажиллагааг эрчимжүүлэх асуудлаар санал солилцсон байна. Монгол Улсын Хууль зүй, дотоод хэргийн сайд С.Бямбацогт БНХАУ-д хийж буй ажлын айлчлалынхаа хүрээнд БНХАУ-ын Хятадын Коммунист Намын Төв хорооны гишүүн, Хууль зүйн хорооны нарийн бичгийн дарга Мэн Жианжүтэй уулзлаа.
Монгол Улсын Засгийн газрын 2007 оны 280 дугаар тогтоолоор батлагдсан “Хүүхдэд зориулсан уран бүтээл туурвихад төрөөс дэмжлэг үзүүлэх журам”-ын дагуу энэ удаагийн хүүхдэд зориулсан уран бүтээлийн уралдааныг зарлан явуулж байгаа аж. Уралдаанд ирүүлэх зохиолыг энэ оны наймдугаар сарын 10-ныг хүртэл авах бөгөөд 4-6 сая төгрөгийн бай шагналтайгаараа онцлог юм байна. Ингээд уралдааны журмыг танилцуулъя.
Нийгмийн хариуцлага хэрэгжүүлэгч “Хаппи Веритас” эмчилгээ оношилгооны төв болон ХСҮТ, МЗХ хамтран “Ходоодны хорт хавдаргүй Монгол” аяныг эхлүүлж буй талаар өнөөдөр сэтгүүлчдэд мэдээллээ.
Монгол Улсын гавьяат тамирчин, олимп, ДАШТ-ий мөнгөн медальт Н.Төгсцогт энэ сарын эхээр мэргэжлийн боксын ринг дээр ээлжит тулаанаа хийж, өрсөлдөгчөө хүнд цохилтоор ялж, анхны аваргын бүсээ гардан авлаа.
Нийслэл хотод тулгамдаж буй асуудлуудыг ухаалгаар шийдвэрлэж, ард иргэдийн амьдрах орчинг илүү таатай болгохоор “Ухаалаг Улаанбаатар” дэд хороо нь олон улсад шалгарсан орчин үеийн өндөр технологи буюу нано асфальтаар замын эвдрэл гэмтлийг хялбараар нөхдөг технологийг нийслэлийн автозам засварын салбарт ашиглахаар боллоо. Орчин үеийн дэвшилтэт технологи, ноу-хауг шингээсэн нано резинэн асфальт нь бүх төрлийн материал дээр барьцалдах чадвар өндөртэй, хэрэглэхэд хялбар, өндөр чанартай шинж чанараараа бусад бүтээгдэхүүнээс онцлог бөгөөд цаг агаарын ямар ч нөхцөлд (-30°С-аас +45°С хүртэл) ашиглан замын нөхөөс хийх бүрэн боломжтой гэдгээрээ давуу талтай аж.