Month: May 2017

Олон нийтийн санаачлагаар “Дэлхийд тэрбумаар үнэлэгдсэн туйванч М.Анхцэцэгийн дүүд туслацгаая” аян өрнүүлж буй. Тодруулбал, Хүндийн өргөлтийн тамирчин, ОУХМ М.Анхцэцэгийн дүү төрөлжсөн сургалттай, Биеийн тамир спортын дунд сургуулийн сурагч М.Номин-Эрдэнэ их хэмжээгээр түлэгджээ. Тиймээс түүнд ирэх сарын 15-ны дотор БНСУ-ын “Ханган сү” эмнэлэгт гүн түлэгдэлтийн дараах шатны хагалгаанд ороход 65 сая төгрөг шаардлагатай байгаа аж. Уг аянд олон нийт нэгдэж хандив босгож байна.

Тэгвэл хүндийн өргөлтийн тамирчин, ОУХМ М.Анхцэцэгийн дүүд саяхан Батлан хамгаалах яамны хамт олон нэг өдрийн цалингаа /6 сая төгрөг/ хандивласан бол, жүдо бөхийн тамирчид мөн зургаан сая төгрөг хандивласан. Хамгийн сүүлд түүний дүүгийн эмчилгээнд “Яг түүн шиг” шоуны гурван удаагийн ялагч, жүжигчин Т.Бархүүгийн гэр бүл НЭГ САЯ төгрөг хандивласан талаар бид мэдээлсэн билээ.

Харин өнөөдөр Монголын боксын холбооноос М.Анхцэцэгийн дүүд мөн нэг сая төгрөг хандивлаж буйгаа цахим хуудсаараа дамжуулан мэдээлжээ.

ХАНДИВЫН ДАНС: Ээж Д.Мөнхчимэгийнх нь нэр дээр нээлгэсэн (ХААН банк 5071320523), (Худалдаа хөгжлийн банк 451038475)

ХОЛБОО БАРИХ УТАС: 88063018

Монгол Улсын Их Хурлын дарга М.Энхболдод өнөөдөр (2017.05.30) УИХ-ын гишүүн, Засгийн газрын гишүүн, Сангийн сайд Б.Чойжилсүрэн Онцгой албан татварын тухай хуульд нэмэлт, өөрчлөлт оруулах тухай хуулийн төслийг өргөн мэдүүлэв.

Монгол Улсын 2017 оны төсвийн тухай хуульд нэмэлт, өөрчлөлт оруулах тухай хуулийг дагаж батлагдсан Онцгой албан татварын тухай хуульд нэмэлт, өөрчлөлт оруулах тухай хуулиар хос тэжээлт, цахилгаан хөдөлгүүрт болон хийгээр ажилладаг автомашины онцгой албан татварыг 50 хувиар хөнгөлөхөөр зохицуулсан бөгөөд энэхүү заалтыг 2017 оны 5 дугаар сарын 1-ний өдрөөс эхлэн дагаж мөрдөхөөр хуульчилсан.

Онцгой албан татвар төлдөггүй байсан эдгээр автомашинд дээрх хуулийн дагуу 375.000-6.675.000 төгрөгийн татвар ногдохоор болсон нь ялангуяа манай улсад хамгийн их эрэлт хэрэгцээтэй байгаа хос тэжээлт буюу “Пруис” машины хэрэглэгч, борлуулагчдад эдийн засгийн урьдчилан тооцоолоогүй, огцом дарамт болж байгаа талаар иргэд, аж ахуйн нэгжээс гомдол, шүүмжлэл ирүүлж байна.

Түүнчлэн татвар нэмэхээс өмнө захиалсан болон лизингээр авсан “Пруис” автомашины захиалсан, борлуулсан, худалдан авагч нарын дунд үл ойлголцол бий болох, гааль дээр хугацаандаа автомашинаа авч чадахгүй бөөгнөрөл үүсэх зэрэг асуудал үүссэн юм байна.
Иймд иргэд, аж ахуйн нэгжийн санал, хүсэлтийг үндэслэн хос тэжээлт, цахилгаан хөдөлгүүрт болон хийгээр ажилладаг автомашинд ногдуулах онцгой албан татварын хэмжээг хуульд заасан хязгаарт багтаан Засгийн газар тогтоох зохицуулалтыг бий болгох зорилгоор Онцгой албан татварын тухай хуульд нэмэлт, өөрчлөлт оруулах тухай хуулийн төслийг боловсрууллаа гэж Сангийн сайд Б.Чойжилсүрэн онцоллоо.
Мөн 2017 оны 4 дүгээр сарын 14-ний өдөр батлагдсан Онцгой албан татварын тухай хуульд нэмэлт, өөрчлөлт оруулах тухай хуулиар хос тэжээлт, шингэрүүлсэн хийгээр ажилладаг, цахилгаан тэжээлт автомашинд 2017 оны 5 дугаар сарын 1-ний өдрөөс 50 хувийн онцгой албан татвар ногдуулж, уг хуулийн дагуу татвар төлөгчид албан татвар төлсөн байна. Иймд энэхүү хуулийн төслөөр дээр дурдсан автомашинд ногдуулах онцгой албан татварыг Засгийн газар тогтоох боломжтой болох тул 5 дугаар сарын 01-ний өдрөөс хуулийн төсөл батлагдах хүртэл хугацаанд хос тэжээлт, шингэрүүлсэн хийгээр ажилладаг, цахилгаан тэжээлт автомашинд ногдуулсан албан татварыг татвар төлөгчид буцаан олгохоор болжээ хэмээн УИХ-ын Хэвлэл мэдээлэл, олон нийттэй харилцах хэлтэс мэдээллээ.

Олон улсын хүүхдийн эрхийг хамгаалах өдөр энэ пүрэв гаригт тохионо. Энэ өдөр хаана ямар нэгдсэн арга хэмжээ зохион байгуулагдахыг танилцуулж байна.

Сүхбаатарын талбайд

/06 дугаар сарын 01-нд /

11:00-16:00 цагийн хооронд “Монгол хүүхэд” баярын арга хэмжээ болно.

Үндэсний Соёл амралтын хүрээлэнд

Тавдугаар сарын 27-ноос зургадугаар сарын 02-ны өдрүүдэд “Гайхамшигт долоо хоног” арга хэмжээг Их тайз, бага тайз болон цэгийн хөтөлбөрөөр дамжуулан зохион байгуулна. Уг үйл ажиллагааг насны ангиллаар цирк, хүүхэлдэйн жүжиг, хүүхдийн урлагийн тоглолт, спортын тэмцээн, уралдаан зэрэг төрлүүдээр тус тус зохион явуулна.

Үндэсний цэцэрлэгт хүрээлэнд

05 дугаар сарын 26-наас 06 дугаар сарын 04-ний өдрүүдэд “Аз жаргалтай хотхонд” баярын арга хэмжээг зохион байгуулна.

“Коосэн – технологийн баяр”- ыг үндэсний цэцэрлэгт хүрээлэнд зохион байгуулна.

Энэ үеэр Японы Коосэн сургуулийн залуу инженерүүдийн бүтээсэн хөдлөдөг, том хэмжээний костюм буюу “Skeletonics ®” роботыг Монголд авчирах гэж байна. “Skeletonics” робот нь хүний хөдөлгөөн мэдэрч, түүний зааварчлалаар олон янзын даалгавар хийх чадвартайн дээр хүний гар, хөлийн хөдөлгөөнийг дагах шилжих механизмтай бөгөөд энэ дөрвөн механизмыг улам сайжруулж, бусад хүн хэлбэртэй роботуудын хийж чадахгүй үйлдэл буюу гарын сарвууны үйл ажиллагааг мэдэрч ажилладагаараа онцлогтой.

Олон улсын хүүхдийн эрхийг хамгаалах өдрөөр хүүхэд багачуудтайгаа хөлбөмбөгийн ногоон талбайд нэгэн өдрийг зугаатай өнгөрөөх боломжтой. Хөлбөмбөгийн баяр 06-11 насныханд нээлттэй бөгөөд хүрэлцэн ирсэн хүүхэд бүрт баярын бэлэг өгнө.

Зайсан хилл фестивал

Zaisan Hill Festival 2017-д хүрэлцэн ирснээр мэргэжлийн чөлөөт бүжгийн тэмцээн, 3×3 сагсан бөмбөгийн тэмцээн, хүүхдийн тоглоомын мини парк, худалдаа үйлчилгээ, хөгжөөнт уралдаан тэмцээнүүдийг үзэж сонирхож, оролцох боломжтой.

Children`s day at shangri-la mall

Зургадугаар сар 1-нд Шангрилла моллын гадна

11:00 My Little Pony мюзикл тоглолт

14:00 Pororo болон түүний найзууд мюзикл тоглолт

16:00 Бяцхан хатагтайн хүүхэлдэйн театрын бүрэн хэмжээний тоглолт

Эдгээрээс гадна Бяцхан Чоно Энжи энэ өдөр тантай хамт баярт өдрийг тань хуваалцах болно. Walt Disney-н үлгэрийн баатрууд, Нүүр будагч, Шаараар тоглоом урлагч нар энэ өдөр таны бяцхан гүнж, ханхүү нарт үнэ төлбөргүй үйлчилж бэлэг барих болно.

Сюрприз: 1000 ЗАЙРМАГ-ны баяр. Эхний 1000 хүүхдэд зайрмаг үнэгүй.

Чингис хааны үрсийн баяр

Чингис хааны морьт хөшөө цогцолборт энэ жил хөтөлбөртөө илбийн үзүүлбэр, тэмцээн, урлагийн тоглолт, хөгжөөнт тоглоом, Бэтмэн, Супер эмэгтэй, Наруто гэх мэт үлгэрийн баатруудын үзүүлбэр, жүжигчилсэн тоглолт, алиалагчдын бүжиг зэрэг олон сонирхолтой үйл ажиллагааг багтаасан.

Номин гайхамшгийн оронд” мюзикл

Улсын их дэлгүүрийн гадаа талбайд “Номин гайхамшгийн оронд” гар зургийн уралдааны шилдэг бүтээлийн үзэсгэлэн, Хүүхэлдэйн театрын тоглолт, зураг зурах арга барилд сургах #MudraArtClub-ийн авъяаслаг багш нартай хамтран цор ганц бүтээлээ туурвих ховорхон боломж ирсэн хүүхэд бүрийг хүлээж байна. Мөн Номин орсон нэртэй хүүхэд бүрт бэлэгтэй.

Спортын хорооны хөл бөмбөгийн талбайд

Олон улсын хүүхдийн эрхийг хамгаалах өдрийг тохиолдуулан Story Hub ТББ тусгай үйл ажиллагаанд ирсэн хүүхэд бүрийг хөгжилтэй тоглоомууд, олон олон шагналуудтай үлгэр болон урлалын цаг, өдрийн хоол хүлээж байна. Мөн “Sing” хүүхэлдэй киног хүүхэд багачууддаа үзүүлнэ. Зөвхөн 20 хүүхдийн багтаамжтай тул зургадугаар сарын 1-нээс амжиж өмнө бүртгүүлээрэй.

ЖҮЖИГ

Үндэсний дуу бүжгийн эрдмийн чуулга

06 дугаар сарын 01-ний өдрийн 10:00,14:00 цагуудаас “Хүүхдийн ертөнц” бүжгийн тоглолтыг өөрийн тайзнаа тоглоно.

Улсын драмын эрдмийн театр

06 дугаар сарын 01-ний өдрийн 12:00, 15:00, 18:00 цагуудаас “Цасан гоо ба 7 одой” жүжиг тоглогдоно.

Хүүхэлдэйн театр

05 дугаар сарын 27-ноос 06 дугаар сарын 01-ний өдрүүдэд “Бяцхан хатагтайн хүүхэлдэйн театр” жүжиг тавигдана.

“Ид шидийн аялал” хүүхдийн жүжиг

Зургадугаар сарын 1-нд Монголын хүүхдийн ордны сурагчид “Ид шидийн аялал” хүүхдийн жүжгийг тоглохоор болжээ. Тоглолтонд ирсэн хүүхэд бүр хайртай үлгэрийн баатруудтайгаа дурсгалын зургаа татуулах боломжтой.

‘’Буратино алисаг аварсан хүүхдийн хөгжимт нь” жүжиг

АСА циркэд Парадайз театрын уран бүтээлчид “Буратино Алисаг аварсан нь” хүүхдийн хөгжимт жүжгийг ганцхан удаа тоглох гэж байна.

Буратино – алтан түлхүүр

The Corporate Hotel & Convention Centre-ын концертын танхимд Хүүхдүүдийн сайн мэдэх сургамжит үлгэрийн жүжигт урт хамар, шовгор малгайтай дүрсгүй модон хүү Буратиногийн тухай өгүүлэх ба гол баатрууд болох Карло аав, найрагч Пьеро, цэнхэр үст Мальвина, урт сахалт Карабас Барабас зэрэг олон дүр гардаг. Хамгийн гоё хүүхдийн баяр, олон олон гэнэтийн бэлгүүд хүлээж байна.

“Дүрсгүй хөөдийг сэрээцгээе” гэрэлт бүжгийн жүжиг

Хүннү шоппинг моллын зүгээс “Дүрсгүй Хөөдийг сэрээцгээе” гэрэлт бүжгийн жүжгийг зургадугаар сарын 1,3,4-ний өдрүүдэд үнэ төлбөргүй тоглох гэж байна.

06/03-нд 15:00; 17:00; 19:00

06/04-нд 15:00; 17:00; 19:00

“Царцаа намжил” хүүхдийн жүжиг

Улсын драмын эрдмийн театрын уран бүтээлч хамт олон Боловсрол, соёл, шинжлэх ухаан, спортын яамны “Хүүхдэд зориулсан уран бүтээлийн” төслийн уралдаанд шалгарсан Я.Баяраа, Б.Хишигзаяа нарын зохиол “Царцаа Намжил” хүүхдийн жүжиг.

КИНО

Гэгээнтэн кино театр

06 дугаар сарын 01-ний өдөр

Маргад эрдэнийн орноор аялсан нь / Монгол дуу оруулагатай Хүүхэлдэй кино/

Карибын тэнгисийн дээрэмчид

Спарк /.Хүүхэлдэй кино/

Галактикийн хамгаалагчид -2

Харийнхан

Тэнгис кино театр

06 дугаар сарын 01-ний өдөр Маргад эрдэнийн орноор аялсан нь хүүхэлдэйн кино Өргөө кино театр

06 дугаар сарын 01-ний өдөр Маргад эрдэнийн орноор аялсан нь хүүхэлдэйн кино Монголын хүүхдийн ордон

06 дугаар сарын 01-ний 14:00 цагт Зорилтот бүлгийн хүүхдүүдэд зориулсан урлагийн тоглолт, бэлэг гардуулах үйл ажиллагаа болно.

НИЙСЛЭЛИЙН ЕСӨН ДҮҮРГИЙН ХӨТӨЛБӨР

Баянзүрх дүүрэг

05 дугаар сарын 31-ний өдөр 11:00 цагаас Дүүргийн Соёлын ордонд “Хүүхдийн баяр”-ын нэгдсэн үйл ажиллагааг зохион байгуулна. Хороодод Хүүхдийн баярын арга хэмжээг зохион байгуулна.

Сүхбаатар дүүрэг

05 дугаар сарын 29-нөөс 06 дугаар сарын 01-ний өдөр хүртэл хороодоор хүүхдийн баярын арга хэмжээг зохион байгуулна.

Баянгол дүүрэг

05 дугаар сарын 31-нд 12:00 цагаас УБ Паласийн гадна талбайд Хүүхдийн баярын арга хэмжээ болно.

05 дугаар сарын 31-нд 12:30 цагаас Төмөр замын дээд сургуулиас УБ Палас хүртэл парад алхана.

Багануур дүүрэг

06 дугаар сарын 01-нд 10:00 цагаас төв талбайд Хүүхдийн баярын арга хэмжээ болно.

Багахангай дүүрэг

06 дугаар сарын 01-нд 10:00 цагаас төв талбайд Хүүхдийн баярын арга хэмжээ болно.

Налайх дүүрэг

05 дугаар сарын 31 -нд 9:40 цагаас Соёлын ордны өмнөх талбайд Хүүхдийн баярын арга хэмжээ болно. Хороодод Хүүхдийн баярын арга хэмжээг зохион байгуулна.

Хан-Уул дүүрэг

06 дугаар сарын 01-нд 10:30 цагаас Төв цэнгэлдэх хүрээлэнгийн урд талын талбайд Хүүхдийн баярын арга хэмжээг зохион байгуулна.

Чингэлтэй дүүрэг

06 дугаар сарын 01-нд 10:00 цагаас Тусгаар тогтнолын талбайд Хүүхдийн баярын арга хэмжээг зохион байгуулна.

Сонгинохайрхан дүүрэг

05 дугаар сарын 30-нд 14:00 цагт Аса циркэд Шилдэг өнгө продакшнтай хамтран Хүүхдийн баярын арга хэмжээг зохион байгуулна.

Хан-Уул дүүргийн 8,14 дүгээр хорооны нутаг дэвсгэрт Улаанбаатар – Хөшигийн хөндийн чиглэлийн 33 км хурдны автозамын трасс батлагдаж, гүйцэтгэгчээр БНХАУ-ын “Чайна Тиэсижү Сивил Инженеринг групп” шалгарч автозамын ажил эхлээд байна.

Нийслэлийн дэд бүтцийг сайжруулах, хот төлөвлөлтийн ажлын хүрээнд хийгдэж буй томоохон бүтээн байгуулалтын уг ажилд иргэн, аж ахуйн нэгж, байгууллага бүрийн оролцоо, дэмжлэг шаардлагатай байгаа юм. Тиймээс Монгол Улсын Захиргааны ерөнхий хуулийн 27 дугаар зүйлийн дагуу сонсох үйл ажиллагаа явуулах гэж байгаа тул доор дурдсан иргэн, аж ахуйн нэгж байгууллагууд 2017.05.31-нд 10 цагаас Хан-Уул дүүргийн Газрын албанд ирж, сонсох үйл ажиллагаанд оролцохыг хүсье. Лавлах утас: 11-344927, 99038500 гэж нийслэлийн Газрын албанаас мэдээллээ.

д/д	Нэр	Захирамж, огноо
1	Б.Мөнхбаяр	2012-А/222
2	Бат зуурмаг ХХК	2012-А/222
3	Л.Хурцбилэг	2012-А/309
4	С.Баасан	2015-А/284
5	Р.Мөнхбат	2015-А/284
6	Жемфоунтайн ХХК	2010-401
7	Л.Батжолоо	2016-А/271
8	Н.Оюунтуяа	2016-А/271
9	Ц.Хажидмаа	2016-А/271
10	Г.Сарнай	2016-А/271
11	Смартланд дайрект ХХК	2011-384
12	Э.Сарангэрэл	2013-А/209
13	Халиун голомт эрдэнэ ХХK	2013-А209
14	Н.Баянбат	2015-А284
15	Г.Эрдэнэ	2011-274
16	Эс Ди Ти È Эм ХХК	2011-426
17	Х.Чанцалдулам	2011-146
18	С.Баярмагнай	2011-146
19	Б.Гүндаурен	2011-146
20	О.Отгонбаяр	2011-146
21	Т.Энхжаргал	2011-146
22	Алтанцэцэг	2011-146
23	Б.Бадмаараг	2011-146
24	Ч.Номин-Эрдэнэ	2011-146
25	У.Баярцэцэг	2011-146
26	Г.Ганчимэг	2011-46
27	Б.Энхтуяа	2011-146
28	Л.Наран	2012-А/220
29	Ч.Батцэцэг	2014-А/331
30	П.Батсайхан	2011-274
31	Ш.Түмэнханд	2011-400
32	Ч.Саруул-Ундрах	2011-400
33	Р.Оюунчимэг	2012-А/97
34	Д.Батболд	2012-А/97
35	О.Баярсайхан	2012-А/97
36	Д.Цэцгээ	2012-97
37	Б.Ундрах	2012-97
38	О.Амаржаргал	2012-97
39	Д.Хөлгөн	2012-97

Өнөөдөр гадаад харилцааны яам Сүхбаатарын талбайд нээлттэй хаалганы өдөрлөгөө зохион байгуулж байна. Уг өдөрлөгт манай улсад суугаа 18 орны Элчин сайдын яам болон олон улсын байгууллагууд үйл ажиллагаагаа танилцууллаа. Мөн Консулын газрынхан иргэдэд үзүүлдэг үйлчилгээгээ танилцуулж, гадаадад зорчихтой холбоотой зөвлөгөө мэдээллийг өгч байна. Түүнчлэн Монгол Улсад суугаа дипломат болон олон улсын байгууллагын суурин төлөөлөгчийн газрууд өөрийн орны соёл уламжлал, үндэсний хоол, брэнд бүтээгдэхүүнээ сурталчилж, үндэсний хувцсаараа гангаран талбайд цугласан иргэдийн нүдийг “хужирлав”. Монголын гадаад харилцаатай холбоотой архивын материал, баримт бичгийг дэлгэн үзүүлж, номын үзэсгэлэн худалдаа, гадаад харилцааны түүхийг харуулсан фото зургийн үзэсгэлэн ч гаргасан байв.

Өдөрлөгийг нээж Гадаад харилцааны сайд Ц.Мөнх-Оргил хэлэхдээ: Монгол Улс өнөөдөр дэлхийн 186 оронтой дипломат харилцаа тогтоосон, олон улсын 58 байгууллагад гишүүнээр элссэн байна. Манайд суугаа 18 дипломат төлөөлөгч, консулын газар өөрсдийн түүх, соёл, үндэстний өвөрмөц онцлогоо танилцуулахаас гадна виз авах журам гэх мэтчилэн иргэдэд хэрэгтэй мэдээллийг өгч, сонирхсон асуултад хариулж байна” гэсэн юм.

Гадаад харилцааны яамны Консулын газрын дэд захирал Л.Мөнхтүшигээс өдөрлөгийн ач холбогдлыг тодруулахад “Манай Консулын газар Монголоос гадагшаа зорчих болон суралцах, амьдрах гэж байгаа хүмүүсийн бичиг баримтад баталгаажуулалт хийдэг. Бид баталгаажуулалт хийгээд дэлхийн улс орон бүрт ашиглагдах бичиг баримтын үйлчилгээ үзүүлдэг юм. Мөн бизнесийн зорилгоор гадаад улсын виз олгох зөвшөөрөл зэргийг манай байгууллага хийдэг. Элчин сайдын яамдаа хандаад төрсний гэрчилгээ, гэрлэлтийн гэрчилгээ авах гэх зэрэг иргэний бүртгэлийн бүхий л үйлчилгээг үзүүлж байна” гэж тайлбарласан юм. Түүнчлэн гадаадад зорчиж байгаа иргэд маань юуг анхаарах вэ, эрх ашиг нь зөрчигдсөн тохиолдолд хэнд хэрхэн яаж хандах вэ гэдэг мэдээллийг давхар өгч байна. Гадаадад байх хугацаандаа консул, Элчин сайдын яамтайгаа шуурхай холбоо барих, Гадаад харилцааны яамтайгаа хэдийд ч холбогдох боломж бий гэдгийг сурталчилж байгаа. Иргэд эрх ашгаа зөрчигдсөний дараа хандах бус аль болох урьдчилан сэргийлэх тал дээр хийж байгаа ажлуудын маань нэг хэсэг юм гэв.

Энэхүү өдөрлөгийн үеэр иргэд виз болон бусад бичиг баримттай холбоотой мэдээллийг илүү их сонирхож байв.

Б.УЯНГА

Нийслэлийн Засаг дарга С.Батболд тэргүүлдэг Нийслэлийн хүүхдийн төлөө зөвлөлийн энэ оны хоёрдугаар хуралдаан өнөөдөр боллоо. Уг хуралдааны үеэр Хүүхдийг ивээх сангаас зохион байгуулсан “Өсвөр үеийнхний дуу хоолой” судалгааны дүнг танилцуулав. Уг судалгааг хүүхдүүд гэртээ, сургуульдаа, амьдарч буй нутаг орондоо өөрт нь өдөр тутам нөлөөлж байдаг асуудлаар ямар бодол, сэтгэгдэлтэй байдгийг мэдэх зорилгоор Улаанбаатар хотын есөн дүүргийн ерөнхий боловсролын сургуулийн 6, 8, 10 дугаар ангийн 11-16 насны 1236 сурагчийн дунд явуулсан байна.

Хүүхдийг ивээх сангийн Хүүхдийн эрхийн засаглал хөтөлбөрийн зохицуулагч Э.Цолмон “Хүүхдийн үзэл бодолтой байх, санал бодлоо илэрхийлэх эрх нь бүх орчинд хэрэгжих ёстой. Хүүхдэд нөлөөлөх бүхий л асуудлаар хүүхдийн дуу хоолой, санал бодлыг сонсох, тэрхүү санал бодолд зохих ач холбогдол өгч үйл ажиллагаандаа тусган хэрэгжүүлэх нь насанд хүрэгчдийн үүрэг бөгөөд хүүхдүүд эрхээ мэдэж, эрхийн зөрчлийг таньж, мэдэгдэх, цаашилбал хэрхэн шийдвэрлэх талаарх саналаа илэрхийлэх нь ардчилсан нийгэмд байх ёстой энгийн соёл юм” гэлээ.

Нийслэлийн Хүүхэд гэр бүлийн хөгжлийн газрын дарга Ө.Ган-Өлзий “Хүүхдийн эрхийг хамгаалах өдрийг тохиолдуулан хоёрдугаар хуралдаанаа өргөтгөсөн хэлбэрээр хийлээ. Хуралд маань Хүүхдийг ивээх сангийн Монгол дахь захирал Мицуаки Тоёода болон ТББ, судалгаанд хамрагдсан хүүхдүүдийн төлөөлөл оролцож байгаагаараа онцлог юм. Хүүхдээсээ санал бодлыг нь сонсдог өдөртэй болсноор ганцхан өдөр хүүхдүүдийн дуу хоолойг сонсоод зогсохгүй. Ер нь тэднийг чиглэсэн хөрөнгө оруулалт хэр үр дүнтэй байна. Цаашлаад дүүрэг, хороонд хүүхдүүдэд зориулсан халамж, тусламжийн хөрөнгө, санхүү хэр үр ашигтай явагдаж байгааг тодорхойлох боломж бүрдэнэ. Монгол Улсын хүн амын тал хувь нь нийслэлд амьдардаг. Үүний 30 хувь нь буюу 450 мянга гаруй нь хүүхэд. Бид хүүхдүүддээ илүү анхаарч ажиллах нь чухал юм. Хүүхдийн эрх нийгмийн аль ч хэсэгт зөрчигддөг. Эрх нь зөрчигдсөн хүүхдүүдэд эрх, үүргийг нь таниулах, багш сурган хүмүүжүүлэгчдийн дунд сургалт зохион байгуулах ажлыг манай байгууллагын зүгээс төлөвлөгөө гарган хийж байна. Мөн 152 хороонд эрсдэлийн программыг ажиллуулж байгаа” гэв.

Түүнчлэн бүх орчинд насанд хүрэгчид, шийдвэр гаргагчид хүүхдийг сонсон зөвлөлддөг байвал тэдний төлөө хэрэгжүүлэх аливаа үйл ажиллагаа илүү үр дүнтэй болно гэж хүүхдүүд үзэж байна. Судалгааны дүнд үндэслэн хүүхэд бүрийн дуу хоолойг шийдвэр гаргах түвшинд хүргэх зорилгоор Нийслэл, дүүргийн түвшинд хүүхдээ сонсдог өдөртэй болгох тогтоол гаргахаар тогтоолын төслийг танилцууллаа

Уг хуралдааны төгсгөлд нийслэлийн Засаг дарга бөгөөд Улаанбаатар хотын Захирагч, Нийслэлийн хүүхдийн төлөө зөвлөлийн тэргүүн С.Батболд “Хүүхдээ сонсох өдөр”-ийг бий болгох тухай тогтоолыг батлав. Тогтоолын дагуу жил бүрийн тавдугаар сарын сүүлийн 7 хоногийн лхагва гаригийг “Хүүхдээ сонсох өдөр” болгон тэмдэглэхээр боллоо. Энэ үеэр хотын дарга “Нийслэлийн хүүхдийн төлөө зөвлөлийн хоёрдугаар хуралдаанаар жил бүрийн тавдугаар сарын сүүлийн 7 хоногийн лхагва гаригийг “Хүүхдээ сонсох өдөр” болгосныг албан ёсоор зарлаж байна. Энэ тогтоолын дагуу дүүрэг бүрийн Хүүхдийн зөвлөлийн дарга нарт “Хүүхдээ сонсох өдөр”-тэй болохыг үүрэг болгож байгаа юм. Харин уг өдрийг тэмдэглэн өнгөрүүлэх ажлын зохион байгуулахыг Нийслэлийн Гэр бүлийн хөгжлийн газрын дарга Ө.Ган-Өлзийд даалгалаа. Хүүхдээ сонсч, тэдний дуу хоолойг хүндэтгэнэ гэдэг бидний ажлын үр дүнтэй шууд холбоотой. Хүүхэд рүү чиглэсэн хөрөнгө оруулалт, бодлогын зөв бурууг хүүхдүүд өөрсдөө дүгнэж хэлбэл бид ажлынхаа үр дүнг бодитоор харах болно” хэмээн тогтоолын төслийг танилцуулахдаа онцлов гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.