“Омбол” ХХК-иас элэгний С вирусын эмчилгээнд зориулж нийгмийн хариуцлагын хөтөлбөр хэрэгжүүлж эхэлснээ мэдэгдлээ.
Тус компанийн Марктенгийн албаны дарга Н.Наранзул, “Манай компани нь элэгний С, В вирусын халдварын эсрэг оргинал эм болох Харвони, Виреад эмийг ашгийн бус зорилгоор “Хүртээмж хөтөлбөрийн хүрээнд түгээдэг. Засгийн газраас саяхан баталсан “Элэг бүтэн Монгол” хөтөлбөрийн хэрэгжилтийг дэмжин, иргэдийг элэгний хавдраас сэргийлэх үйлсэд хувь нэмрээ оруулах, нийгмийн хариуцлагын хүрээнд Харвони эмийн лицензит хувилбар “Хепсинат-ЛП” эмийн үнийг хямдруулан “2+1 буюу хоёрын үнээр 3” төслийг санаачлан өнөөдрөөс хэрэгжүүлж эхэллээ” гэв.
Энэхүү төслийн хүрээнд эхний хоёр эмийг тус бүр 140 мянган төгрөгөөр худалдан авч хамгийн сүүлийн 3 дахь эмийг үнэгүй авах юм. Өөрөөр хэлбэл 280 мянган төгрөгөөр нэг курс эмийг хэрэглэх боломж бүрдэж буйг тэрээр хэллээ.
Монгол Улсын эмийн бүртгэлд Харвони эмийн ерөнхий нэршлийн эм болох “Хепсанит ЛП” эмийг Энэтхэг улсын Натко эмийн үйлдвэр “Омбол” компаниар дамжуулан түгээж буй юм. Энэхүү эм нь эмийн био хүртэхүйн хувьд хамгийн өндөр чанартай ерөнхий нэршлийн Энэтхэг улсад хамгийн их хэрэглэж байгаа элэгний С вирусын эсрэг эм аж.
Тус эмийг манай улсад 2016 оны есдүгээр сараас эхлэн хэрэглэж эхэлсэн бөгөөд эхний эм уусан 326 хүний шинжилгээний үр дүнгээс үзэхэд 98.7 хувийн үр дүнтэй гарчээ.
Хөтөлбөрт хамрахын тулд эмчлэгч эмчийнхээ жорыг аван “Омбол” ХХК-ийн гэрээт эмийн сангууд болон Элэг-Эмийн нэгдсэн төвөөс авах боломжтой.
Үндэсний бөхийн ээлжит бус “Их эе”-ийг энэ сарын 28-нд хуралдуулахаар болжээ. Энэ талаар Ажлын хэсгээс мэдээллээ.
“Бөмбөгөр ногооны Б.Мушгиа’’, ‘’ Алтан үе- Бөмбөгөр ногооныхон’’ нэртэй хоёр шинэ номын нээлт өнөөдөр Монголын театрын музейд боллоо. Эдгээр номыг ‘’Бадрангуй урлаг’’ ТББ-ынхан эрхлэн гаргажээ.
‘’Бөмбөгөр ногоон” театраас салахгүй жүжиг үзэж, дараа нь тэнд ажиллаж байсан хүн бол урлагийн гавьяат зүтгэлтэн Батмөнхийн Мушгиа. Бөмбөгөр ногоон театрын анхдагчид болох алдартнуудаас номын дуу сонсож, дараа нь өөрөө мөрөөдлийн театртаа туслах найруулагчаар ажиллаж, урлагт зүтгэсэн тавь гаруй жилийнхээ замналыг хүүрнэсэн ‘’Бөмбөгөр ногооны Б.Мушгиа ‘’ номыг нь сэтгүүлч Д.Отгонбаяр эмхэтгэжээ.
Монгол Улсын сайд, Засгийн газрын Хэрэг эрхлэх газрын дарга Ж.Мөнхбатаар ахлуулсан нийслэл, орон нутгийн удирдах албан тушаалтнууд энэ сарын 15-19-ний өдрүүдэд Бүгд Найрамдах Ардчилсан Социалист Шри-Ланка Улсад айлчиллаа.
УИХ дахь МАН-ын бүлэг өнөөдрийн хуралдаанаараа Монголбанкинд хийсэн хяналт шалгалтын дүнг хэлэлцэж байна. УИХ-ын Эдийн засгийн байнгын хорооноос ажлын хэсэг гаран 2012-2016 оны Төвбанкны үйл ажиллагаанд шалгалт хийхээр болсон билээ. Тэгвэл уг ажлын хэсэг дүгнэлтээ гаргаж, өнөөдөр бүлгийн хуралдаанаараа хэлэлцүүлж байгаа юм байна. Ажлын хэсэгт УИХ-ын гишүүн Т.Аюурсайхан, М.Оюунчимэг, Ц.Даваасүрэн нарын гишүүд багтсан юм. 
Сэтгүүлч Р.Оюунжаргал, төгөлдөр хуурч М.Цогбадрах нарын хамтарсан бүтээл “Сонгодог хөгжим” хүүхэд залууст зориулсан лавлах ном уншигч таны гар дээр очиж байна. Энэхүү номд XVII зууны үеийн Европын урлагийн хөгжлийн илэрхийлэл болсон Италийн суут хөгжмийн зохиолч А.Виваль-дигаас эхлээд XX зууны алдарт Д.Шостакович хүртэл 32 суу билэгт хөгжмийн зохиолчийн намтар, уран бүтээлийг багтаажээ. Мөн дэлхийн сонгодог хөгжим буюу өрнөдийн хөгжмийн урлагийн хөгжлийн үе шатууд, изм-үүдийн талаарх ойлголтыг тайлбарлах үүднээс төлөөлөл болох хөгжмийн зохиолчдын тухай мэдээллүүдийг оруулсан байна. “Сонгодог хөгжимтэй танилцах гэдэг бол Европын түүх, хөгжилтэй танилцана гэсэн үг. Энэ утгаар нь авч үзвэл ном маань зөвхөн сонгодог хөгжмийн гэлтгүй XVII-XX зууны Европын улс үндэстэн, эзэнт гүрнүүд, тэдний нийгэм журмын байдал, соёл урлаг, ахуйн тухай цухас ойлголт өгөх бүтээл болсон болов уу” хэмээн зохиогчид номынхоо өмнөтгөлд онцолжээ.
УИХ-ын гишүүн О.Баасанхүү Эрүүгийн хуулийн зарим заалтад шүүмжлэлтай хандаж байгаагаа илэрхийлэв. “Эрүүгийн хуульд 40 орчим заалтыг өөрчилсөн гэсэн. Тэгсэн хэрнээ гол өөрчлөлтүүдийг оруулаагүй. Үүний нэг нь хар тамхитай холбоотой хэргийг ялаас чөлөөлчихсөн байна. Хуучин Эрүүгийн хуулийн 192, 196 гэсэн заалтаар энэ төрлийн гэмт хэргийг шийтгэж байсан бол одоо 20. 7 гэсэн заалтаар зохицуулах болж байна. Өмнө нь “Мансууруулах болон сэтгэцэд нөлөөлөх эм бэлдмэл, бодис” гэдэг байсан бол одоо зөвхөн “бодис” болж эм бэлдмэл нь байхгүй болсон. Мөн “Борлуулах зорилгогүйгээр авч хадгалсан” тохиолдолд ял шийтгэдэг байсан бол одоо чөлөөлж байна. Үүнээс гадна Эрүүгийн хуульд доод ял 10 жил оноодог байсныг таван жил болгосон. Шүүгч үзэмжээрээ ял оноож болно гэсэн үг. Энэ мэт ноцтой өөрчлөлтүүд орсон” гэлээ. 
Сүүлийн жилүүдэд Улсын нэгдүгээр төв эмнэлэгт Эрхтэн болон Үүдэл эсийг шилжүүлэн суулгах өндөр технологийг шат дараатайгаар нутагшуулах хөтөлбөрийг амжилттай хэрэгжүүлсээр байна.
