Нийслэлийн Засаг даргын захирамжаар нийт 10 сургуулийн захирлыг ажлаас нь чөлөөлсөн тухай ЕБС-ийн захирлууд мэдээлэл хийлээ. Ерөнхий боловсролын 1, 9, 13, 29, 67, 105, 107 дугаар сургуулийн захирлуудыг үндэслэлгүй ажлаас халсан гэж үзэж буйгаа хуралд оролцогчид хэлэв.
Тухайлбал, СХД-ийн есдүгээр сургуулийн захирал асан А.Батжаргал “Миний хувьд Нийслэлийн Засаг даргын захирамжаар 2017 оны дөрөвдүгээр сарын 14-нд ажлаас халагдсан. Бага ангийн 14 кабинетад эцэг, эхийн хандив тусламжаар 2015-2016 оны хичээлийн жилд 14 телевизор авахуулж тавьсан. Үүгээр шалтаглаж намайг ажлаас халсан. Боловсролын тухай хуулинд багш мэргэжилтэн багшлах эрхтэй байна гэж заасан байдаг. Гэтэл миний оронд томилогдсон хүн 1997 онд боловсролын сургууль төгсөөд түүнээс хойш 20 гаруй жил багшаар ажиллаагүй хүн тавигдсан байгаа” хэмээв.
Мөн ХУД-ийн 18 дугаар сургуулийн захирал асан А.Чинбат: Би дөрөвдүгээр сарын 14-ний өдөр ажлаасаа чөлөөлөгдсөн. Ажлаасаа чөлөөлөгдөх болсон шалтгаан нь спорт заалаа түрээсэлдэг гэсэн нотлогдоогүй баримтгүйгээр ажлаас халсан. Ажлаас чөлөөлөх захирамжуудыг харахад дандаа 2012 оноос хойш томилогдсон хүмүүс байсан. Боловсролын байгууллагын ажилчдыг хоморголон халж байгаа нь улс төрийн явуулгатай гэж үзэж байна. Гэтэл бидэн дотор улс төрийн агуулгатай буюу намын харьяалалтай хүн нэг ч байхгүй. 2012 оноос хойш томилогдсоноороо бид хэлмэгдэж байна.” гэв
Монгол Улсын хэмжээнд өнөөдрийн байдлаар зуны улиралд ажилладаг 80 гаруй зуслан байдаг бөгөөд үүнээс хүүхдийн амралт, чөлөөт цагийн 60, Олон Улсын хүүхдийн нэг, амралт сувиллын гурав, халамжийн тав, хөдөлмөр амралтын хоёр, гадаад хэлний сургалттай гурав, эко боловсролын хоёр, спорт аяллын дөрвөн зуслан үйл ажиллагаа явуулж байна.
Олон улсын ширээний теннисийн холбооны ганцаарчилсан ДАШТ өнөөдөр орой Монголын цагаар 18:00 цагаас Германы Дюссельдорф хотноо эхэлнэ. Германы ширээний теннисийн холбоо болон Лиэбхэр брэнд хамтран зохион байгуулж байгаа тус тэмцээнд 106 орны 630 тамирчин 8 өдрийн турш мэдрэмж, хурдаа сорино. Эрэгтэй ганцаарчилсан, эмэгтэй ганцаарчилсан, эрэгтэй хос, эмэгтэй хос, холимог хос гэсэн нийт таван төрлөөр зохиогдох уг тэмцээнд Монгол улсаа төлөөлж эрэгтэй төрөлд спортын мастер Б.Билэгт Австри Суданы тамирчидтай, дэд мастер Ч.Эрдэнбаяр Хорват Литвиийн тамирчидтай, дэд мастер Ж.Мөнхзориг Словен Ираны тамирчидтай тус тус нэг бүсэд орсон бол эмэгтэй тамирчдаа төлөөлж явсан спортын мастер Б.Должинзуу Швед Камероны теннисчидтэй, дэд мастер М.Ундрам Колумб Косовагийн тамирчидтай учраа таарчээ. Багийн ахлах дасгалжуулагчаар С.Галбадрах ажиллаж байгаа бөгөөд манай шигшээ багийн гол зорилго бүсээсээ гарах зорилготой байгаа юм. Энэ удаагийн ДАШТ-нд Хятадын баг тамирчид бүрэн бүрэлдэхүүнээрээ оролцож байгаа юм. Тэдний гол өрсөлдөгчдөөр талбайн эзэн Германы шигшээ баг болон Японы шигшээ багууд нэрлэгдэж байна. 
Батлан хамгаалах бодлого, зорилт, Зэвсэгт хүчний үйл ажиллагааг Төрийн болон төрийн бус байгууллага, ард иргэдэд сурталчлах зорилготой “Нээлттэй хаалганы өдөр” болж байна. Энэ өдөр “Олон улсын Энхийг сахиулагчдын өдөр”-тэй давхцаж байгаа юм. БХЯ, ЗХЖШ-ын бүтцийн нэгж, харьяа байгууллагууд бүтэц зохион байгуулалт, үндсэн чиг үүрэг, үйл ажиллагааныхаа талаар иргэдэд дэлгэрэнгүй мэдээлэл, танилцуулга хийхийн сацуу тэдний сонирхсон асуултад хариулт өгч, холбогдох үйлчилгээг үзүүлнэ.
Монгол, Хятадын хилийн боомтууд хоёр өдөр амарна. Тодруулбал, 2017 оны тавдугаар сарын 30-ны өдөр буюу БНХАУ-ын “Луут завины баяр”-ын өдөр, 2017 оны зургаадугаар сарын 1-ний өдөр буюу Монгол Улсын хуулийн дагуу “Эх үрсийн баяр”-ын амралт тохиож байгаатай холбоотойгоор боомтууд ажиллахгүй юм. БНХАУ-ын хувьд ч зургадугаар сарын 1-ний өдөр Хүүхдийн баярыг тэмдэглэн өнгөрүүлдэг.
Японы мэргэжлийн сүмо бөхийн тавдугаар сарын Нацу башё Осака хотноо өндөрлөж Ёкозүна 
“Яг түүн шиг-2” шоуны энэ долоо хоногийн ялагчаар дуучин Г.Мэнд-Амар тодорлоо. Энэ дугаар дээр тэрээр өөрийн санасандаа хүрч өөрийгөө эрс өөрчилснийхөө шагналыг хүртэж чадлаа. Тэрбээр “Rammstein”хамтлагийн “Du Hast” дууг дуулж, рок хэмнэлээр бишрүүлээд авсан билээ. Шүүгч болон бусад өрсөлдөгч нараа алмайруулсан түүний хувьд яалт ч үгүй энэ үдшийн ялагч болсон юм.
Өнөө өглөө нэгэн иргэн байшин дээрээс үсэрч амиа хорлохыг завдлаа. Тодруулбал, Нийслэлийн СХД-ийн 13 дугаар хороо, Өнөр хорооллын VIII байрны дээврээс иргэн үсэрч амиа хорлохоор завдсаныг Нийслэийн Онцгой байдлын газрын зургаан аврагч шуурхай ажиллаж аварсан байна. 
Монголын Үндэсний Бөхийн Холбооны ээлжит бус “Их Эе”-ийг хуралдуулж, шинэ тэргүүнээ сонгосон талаарх хэвлэлийн хурал Хэвлэлийн хүрээлэнд 12.00 цагаас болно.
