Нийтийн тээврийн автобусны зогсоолд суудлын автомашин түр буюу удаан хугацаагаар зогсч автобусны хөдөлгөөнд саад учруулж зорчигчийн буух, суух аюулгүй байдалд нөлөөлж байгаа учир зөрчлийг арилгуулахаар зургаан дүүргийн нутаг дэвсгэрт байрлах автобусны зогсоолуудад автотээврийн хяналтын улсын байцаагч нар хяналт тавин ажиллаж байна.
Замын хөдөлгөөний дүрмийн 11.5.в/чиглэлийн тээврийн хэрэгслийн буудал, таксины зогсоол дээр буюу түүнд 15 метрээс ойр зайд (тэдгээр тээврийн хэрэгслийн хөдөлгөөнд саад учруулахгүйгээр хүн буулгах, суулгахын тулд түр зогсохоос бусад тохиолдолд) автобусны зогсоолд зогсч хөдөлгөөнд нь саад болсон тохиолдолд Замын хөдөлгөөний аюулгүй байдлын тухай хуулийн 43.2-т заасныг үндэслэн нэг сарын хөдөлмөрийн хөлсний доод хэмжээний арван хувьтай тэнцэх хэмжээний /24000/ төгрөгөөр торгох шийтгэл оногдуулдаг.
Одоогийн байдлаар автобусны зогсоолд зогсож зорчигчийн буух, суух болон автобусны хөдөлгөөнд саад болсон 349 зөрчлийг илрүүлж, фото зургаар баримтжуулан авч, Замын хөдөлгөөний удирдлагын төвд шилжүүлэн 196 тээврийн хэрэгсэл эзэмшигчийн гэрийн хаягаар торгуулийн хуудас хүргүүлээд байна.
Иймд нийт тээврийн хэрэгслийн жолооч нартаа хандаж замын хөдөлгөөний аюулгүй байдлыг хангаж, замын хөдөлгөөнд соёлтой оролцож автобусны зогсоолд зогсохгүй байхыг анхааруулж байна гэж нийслэлийн Тээврийн газраас мэдээллээ.
Нийгмийн даатгалын үндэсний зөвлөлийн 11 дүгээр тогтоолоор “Элэг бүтэн Монгол” хөтөлбөрийн хүрээнд 2017 онд 40-65 насны даатгуулагчийг улс даяар хепатитийн В, С вирусийг илрүүлэх шинжилгээнд үнэ төлбөргүй хамруулах санхүүжилтийг тус сангаас хариуцахаар шийдвэрлэсэн. Энэхүү шийдвэрийг үндэслэн Хөдөлмөр, нийгмийн хамгааллын болон Эрүүл мэндийн сайдын 2017 оны 05 дугаар сарын 12-ны өдрийн хамтарсан тушаал гарч даатгуулагчийг хепатитийн В, С вирус илрүүлэх шинжилгээнд хамруулах, даатгалын сангаас зардлын төлбөрийг санхүүжүүлэх журам батлагдан гарсан юм. Улаанбаатар хотод шинжилгээнд хамруулах иргэдийн тоо, шаардагдах төсвийг баталж өгсөн Эрүүл мэндийн сайдын А/200 тоот тушаалын хүрээнд нийслэлийн эрүүл мэндийн байгууллага бэлтгэлийг хангаж байна. Хепатитийн В, С вирусийг илрүүлэх шинжилгээнд ашиглах багцыг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах хуулийн дагуу худалдан авахаар дүүргийн эрүүл мэндийн төвүүд зарлаж, гэрээг 2017 оны 06 дугаар сарын эхэнд нийлүүлэгчтэй хийхээр урьдчилан төлөвлөж байна.
Монголын үндэсний бөхийн холбооны ээлжит бус “Их эе” өчигдөр болж, энэ хурлаар Монголын үндэсний бөхийн холбооны тэргүүнийг солих тухай асуудлыг хэлэлцэж “Гацуурт” компанийн Ерөнхий захирал Л.Чинбат тэргүүлэхээр сонгогдсон юм гэх мэдээлэл гарсан. Тэгвэл Үндэсний бөхийн холбоог тэргүүлэгч Р.Нямдорж, Д.Данзан нарын хүмүүс Бөхийн өргөөнд өнөөдөр хэвлэлийн хурал зарлан, дээрх мэдээллийг няцаав.
.jpg)
УИХ дахь Ардчилсан намын бүлгээс мэдээлэл хийлээ. УИХ-ын Эдийн засгийн байнгын хорооноос ажлын хэсэг томилогдож, Монголбанкинд шалгалт хийн дүгнэлт гаргасан. Тэрхүү дүгнэлтийг УИХ дахь Ардчилсан намын бүлэг улс төрийн агуулгатай, Монголбанкны бодлогыг арилжааны банк мэтээр ойлгож тайлбарласан, мөнгөний бодлогын хэмжээнд хэрэгжүүлж байсан арга хэмжээг хэдхэн хүнд тохсон, төв банкны ерөнхийлөгчийн бүрэн эрхэнд халдсан, Монголбанкны бие даасан хараат бус байдалд халдсан байна гэж үзжээ. Мөн ажлын хэсэгт цөөнхийн бүлгийн төлөөллийг оролцуулаагүй, тайлбар мэдээллийг холбогдох хүмүүсээс аваагүй, Монголбанкны хяналтын зөвлөлтэй санал солилцоогүй зэрэг дутагдал гаргасан гэж дүгнэжээ. Тиймээс бүх намын төлөөллийг оролцуулсан ажлын хэсэг байгуулж, ажиллуулах, шалгалтын дүнг нээлттэй хэлэлцэх гэсэн зарчмын байр суурь тавихаар болсон байна. 
Чөлөөт бөхийн таван тамирчин ОХУ-ын Сахад хамтарсан бэлтгэл хийж байгаа. Тэгвэл бөхчүүд тавдугаар сарын 26-27-нд “Триумф” ордонд болсон Монгол, Якут, Казахстаны бөхчүүдийн нөхөрсөг тэмцээнд оролцжээ. Тэмцээн 61, 65, 70, 74, 86 гэсэн таван жингийн ангилалд болсон ба ирэх сард Ингушийн Назрань хотод болох ОХУ-ын АШТ-д бэлтгэгдэж буй Якутын ихэнх шилдэг бөхчүүд энэхүү тэмцээнд зодогложээ.
Элэгний вирусыг устгах үндэсний хөтөлбөрийг богино хугацаанд амжилттай хэрэгжүүлж буй улсын тоонд манай улс багтаж буйг гадныхан онцолж байгаа. Элэгний С вирусын эсрэг эмийг даатгалаар олгож эхэлсэн бол оношилгоог мөн даатгалд багтаахаар яригдаж байгаа юм байна. 
Манай улсын хувьд вируст хепатитийн эсрэг олон талт хамтын ажиллагааны үндсэн дээр элэгний С вируст хепатитийн эмчилгээг улс орны хэмжээнд амжилттай хэрэгжүүлж дэлхийн хэмжээнд С вирусын эмчилгээний загвар орны нэг болсон билээ. Тиймээс Монголын элэгний эмгэг судлалын холбоо 2015 онд “Элэгний С вирус болон хавсарсан халдвар” нэртэй олон улсын эрдэм шинжилгээний хурлыг эх орондоо зохион байгуулах эрхийг олон оронтой өрсөлдсөний үндсэн дээр олж авсан билээ.
Монголын үндэсний бөхийн холбооны ээлжит бус “Их эе” өчигдөр болсон. Гурван шатны шүүхийн шийдвэрийн дагуу хуралдаж буй энэ хурлаар Монголын үндэсний бөхийн холбооны тэргүүнийг солих тухай асуудлыг хэлэлцсэн аж. Хуралдаанаар Үндэсний бөхийн холбоог “Гацуурт” компанийн Ерөнхий захирал Л.Чинбат тэргүүлэхээр сонгогдсон байна. Тэрээр өмнө нь Монголын Чөлөөт бөхийн холбооны ерөнхийлөгчөөр ажиллаж байсан юм. Холбооны тэргүүний сонгуульд дөрвөн хүн өрсөлдсөн боловч Х.Баянмөнх, А.Сүхбат, М.Хүдэрбаатар нар нэрээ татсанаар Л.Чинбат ийнхүү 100 хувийн саналаар сонгогджээ.