“Өдрийн сонин”-ы даваа гаригийн дугаар 20 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Нэгдүгээр нүүрт МАН-ын Ерөнхий нарийн бичгийн дарга Д.Амарбаясгалан: “Эцсийн хариуцлагыг сонгогчид намтай л тооцдог” ярилцлага нийтлэгдлээ. Тэрбээр ярилцлагадаа хэвлэлийн компани эрхэлж, өдөр тутмын сонин гаргаж явснаа ч ярьжээ: “…Тийм ээ би инженер хүн. Мэдээлэл хэмжлийн электроник, цахилгаан холбооны инженер гэсэн хос мэргэжлээр төгссөн ШУТИС- ийн анхны гурван оюутны нэг. Оюутан байх үеэсээ бусдын адил ажил хийдэг байлаа. Манай гэр бүлийнхний бизнес бол хэвлэлийн салбартай холбоотой. Ерээд оны сүүлээс ах нартайгаа нийлж эхлүүлсэн бизнестээ идэвхтэй оролцож явсаар инженерээр төгссөн ч мэргэжлээрээ ажиллаагүй. Харин хэвлэлийн салбарын хүн болж хувирсан. Хэвлэлийн компанийнхаа үйл ажиллагааг өргөтгөх зорилготой явсаар чөлөөт хэвлэлэрхлэх болж, улмаар өдөр тутмын сонин хүртэл гаргаж энэ гал тогоонд чанагдах болсон. Энэ ч утгаараа сонин хэвлэл, пиар улс төрийн намын сонгууль гэж явсаар сүүлдээ сэтгүүлч гэж андуурах болтол хэвлэлийн хүн болж хувирсан юм уу даа.
Улс төрийн 5-р нүүрт УИХ-ын дарга М.Энхболдын Япон улсад айлчилсан айлчлалын үр дүнгийн талаар Хүмүүнлэгийн их сургуулийн Олон улсын харилцааны тэнхимийн багш Б.Майцэцэгтэй хийсэн ярилцлага орлоо. Тэрбээр, “…2014 онд Ерөнхийлөгч Ц.Элбэгдоржийн Япон улсад хийсэн айлчлалын үеэр уг хэлэлцээрийг байгуулах асуудлаар зарчмын хувьд эцэслэн тохиролцсон. Энэ нь Монгол Улсаас гадаад улстай байгуулсан анхны чөлөөт худалдааны гэрээ бөгөөд тус гэрээгээр манай тал Япон улсад 5700 нэр төрлийн барааг хөнгөлөлттэй нөхцөлөөр экспортлох боломжтой болсон. Тухайлбал, оёмол сүлжмэл, ноос ноолууран бүтээгдэхүүн арьсан болон үслэг эдлэл, уул уурхайн гаралтай бүтээгдэхүүн, сүүн бүтээгдэхүүн, гоймон зэрэг гурилан бүтээгдэхүүн, архи дарс, жимсний ундаа зэргийг шууд болон үе шаттайгаар тэглэхээр хэлэлцээрт тусгасан байгаа…” хэмээн ярьсан байна.
“Ард түмнээ хамгаалах үүрэгтэй төрийн цагдаа нар ахыг минь хэвтэрт ортол зодчихоод бичлэгээ устгуулах гээд явж байж болохгүй шүү дээ” хэмээх хохирогчийн дүү Б.Мөнхбадрахтай хийсэн ярилцлага баримт, үйл явдлын 6-р нүүрт орлоо. Тэрээр, “Миний ах зодуулснаасаа болж биедээ маш олон оёдол тавиулсан. Цээж, нуруу, гарын бугуй хөхөрч, няцарсан. Хөл нь хоёр ч газраа хугарсан. Өсгий, шагай хэсэгтээ их хүнд гэмтэж, хугарсан байсан. Хоёр ч удаа хөлний хагалгаанд орлоо. Анх эмнэлэгт ирснээ бодвол арай л дээрдэж байна” хэмээн ярьжээ.
МҮХАҮТ-ын ерөнхийлөгч Б.Лхагважав: “Хувийн хэвшлийнхэн ухаангүй, мэдрэмжгүй, тансаглах дуртай төрийн төлөө мөнгө төлөх үүрэггүй” ярилцлага 13-р нүүрт нийтлэгдлээ. м. Уг нь нийтийн сайн сайхны төлөө татвар төлөх үүрэгтэй. Тэрбээр, “Ухаангүй, мэдрэмжгүй, тансаглах дуртай төрийн төлөө төлөх үүрэггүй. Татвар бол татвар төлөгч, татвар авагч хоёрын хоорондын асуудал. Сангийн яам зөвхөн кондуктор. Биднээс татвар цуглуулаад улсын санд хийдэг газар. Гэтэл Сангийн яам төсвийн тодотголыг оруулж ирэхдээ татвар төлөгчдөөс асуугаагүй. Мал шиг үзэж байна л даа. Ийм шалтгаанаар манай танхимын Удирдах зөвлөл хуралдаад “Уучлаарай, бид мал биш татвар төлөгчид, наад санд чинь жилдээ 3.6 их наядыг өгдөг улс. Яагаад тоглоомын дүрмээ ярихдаа бидэнд хэлээгүй юм” гэсэн” хэмээн ярилцлагадаа дурджээ.
Барилгын материалын үнийн талаарх өдрийн сурвалжлагыг 17-р нүүрээс уншаарай. Барилгын материалын үнэ өмнөх жилээсээ өсчээ.
Эдгээр болон бусад мэдээллүүдийн дэлгэрэнгүйг уншихыг хүсвэл дараах линкээр бүртгүүлнэ үү. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы даваа гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ
Өвөрхангай аймгийн Тарагт сумын Арвайн тал багийн “Усчны хоолой” гэдэг газар иргэн Д /42 настай, эмэгтэй/ 2017.03.22-ны өдрийн 16:00 цагт малдаа яваад сураггүй болсон дуудлага 2017.03.23-ны өдөр аймгийн Онцгой байдлын газарт иржээ. Тэгвэл орон нутгийн 19 иргэн, нийт 46 хүн, Арвайн тал багийн “Хараацай хайрхан” уулын өврөөс 63 км газрыг явганаар болон автомашинаар эрэн хайх ажиллагааг зохион байгуулсан. Эрлийн ажиллагаа үргэлжилж байгаа аж.
Богдхан уулын амуудад зэрлэгшсэн ноход элбэгшин зэрлэг амьтад барьж, ууланд аялж буй иргэд рүү дайрсан явдал удаа дараалан гарсантай холбогдуулан нийслэлийн Засаг даргаас шуурхай арга хэмжээ авах үүрэг өгч, Хот тохижилтын газар, нийслэлийн Байгаль орчны газраас Богдхан уулын дархан цаазат газрын хамгаалалтын захиргаатай хамтран нохой устгалын ажлыг зохион байгууллаа. Энэ ажлын хүрээнд энэ сарын 5-7-ны өдрүүдэд нийт 214 нохой устгажээ.
Монголоос хууль бусаар хил давуулж БНСУ руу оруулсан үлэг гүрвэлийн олдворыг эх оронд нь буцаасан талаар БНСУ-ын Ерөнхий Прокурор өнөөдөр мэдэгдэл хийлээ. 
Дундговь аймгийн Луус сумын нутагт зам дээр зогсож байсан “Jianghuai HFC4253” маркийн автомашины араас T.Corolla маркийн автомашин мөргөж, дөрвөн иргэн амиа алдсан байна. Мөн уг ослын улмаас нэг хүн гэмтжээ. Уг хэргийг одоогоор Дундговь аймгийн Цагдаагийн газарт шалгаж байна. Иймд, Замын цагдаагийн албанаас хөдөө, орон нутгийн замд жолооч нар хурд хэтрүүлэх, согтуугаар тээврийн хэрэгсэл жолоодох, хэт ядарсан үедээ тээврийн хэрэгсэл жолоодох, шөнө оройн цагаар гэрэл шилжүүлэхгүй байх, нарийн замд гүйцэж түрүүлэх үйлдлийг буруу хийх, анхаарал болгоомжгүйн улмаас зам тээврийн осолд өртөж, холбогдон амь нас, эрүүл мэндээрээ хохирч байгааг Замын цагдаагийн албанаас анхаарууллаа.
Шүд хорхойтох буюу цоорох гэдэг нь шүдний хатуу эдийн эрдэсжилт алдагдсаны улмаас хатуу эд зөөлөрч шүдэнд хөндий үүсэх эмгэг процесс юм. Шүдний өвчлөл сүүлийн жилүүдэд ихэсч байна. Өвчлөл нь хүүхдийн дунд илүү өндөр байгаа аж. Үүний гол шалтгаан нь тэд чихэрлэг бүтээгдэхүүн их хэрэглэдэгтэй холбоотой. Шүдний “дайсан” нь чихэрлэг бүтээгдэхүүн хэмээн шүдний эмч нар үздэг. Ингээд эрүүл биеийн үндэс болсон шүдээ хамгаалах энгийн аргуудаас танд хүргэж байна.
Нийтийн тээврээр үйлчлүүлж байгаа зорчигч бүр энэ сарын 1-ээс картаар үйлчлүүлэх тогтолцоонд бүрэн шилжсэн билээ.