Засгийн газрын хуралдаан өнөөдөр болж дараахь асуудлыг хэлэлцэн шийдвэр гаргалаа. Өвөлжилт хүндэрсэн зарим аймагт 5000 тонн өвсийг үнэгүй, мөн 5218 тонн малын тэжээлийг 50 хувийн хямдралтай үнээр олгохоор боллоо. Мөн отроор өвөлжиж байгаа малчдад дулаан хувцас, цахилгаан үүсгүүр зэрэг нэн шаардлагатай бараа, материалыг хүргэхээр болов. Эдгээр ажилд шаардлагатай санхүүжилтийг Засгийн газрын нөөц сангаас гаргахыг Сангийн сайд Б.Чойжилсүрэнд зөвшөөрөв.
Өнөөдрийн байдлаар манай орны нийт нутгийн 70 хувьд цасан бүрхүүлтэй, 15 аймгийн 137 сум, нийслэлийн нэг дүүрэгт өвөлжилт хүндрээд байна.
Улсын хэмжээнд энэ оны эхний сард 5502 хүүхэд мэндэлжээ. Энэ нь өмнөх оны мөн үеэс 12,7 хувиар буурсан үзүүлэлт юм. Энэ оны нэгдүгээр сард 5502 хүүхэд төрсөн нь сүүлийн дөрвөн жилийн статистик мэдээтэй харьцуулахад хамгийн бага төрөлт юм байна. Тодруулбал 2014 оны нэгдүгээр сард 6487, 2015 оны нэгдүгээр сард 6721, 2016 оны нэгдүгээр сард 6304 хүүхэд улсын хэмжээнд мэндэлж байжээ. 
Азийн өвлийн спортын наадам Японы Саппоро хотод энэ сарын 19-26-нд болно. Найм дахь удаагийн тус наадамд оролцох Монголын баг тамирчдыг үдэх ёслол өнөөдөр Монголын Үндэсний олимпийн хорооны хурлын танхимд боллоо.
Берлиний олон улсын кино наадмын үеэр жил бүр олгодог “Cinema for Peace” буюу “Энхийн төлөө кино” шагналыг Монголын кино уран бүтээлчид хүртжээ. Тус наадам нь энэ сарын 13-19-ний өдрүүдэд зохион байгуулагдаж буй Берлиний кино наадмын хүрээнд 15 дахь удаагийн “Cinema for Peace” ёслолын арга хэмжээ болж байгаа юм. 
Улаанбаатар хотын Цагдаагийн газрын даргын баталсан “Тэнэмэл” арга хэмжээг хэрэгжүүлэх ажил эхлүүлээд байна. Энэ ажлын хүрээнд нийслэлийн Баянзүрх дүүргийн 8 дугаар хорооны нутаг дэвсгэрт тэнүүчлэн амьдардаг гэр оронгүй, тэнэмэл амьдралтай иргэдийг бүртгэлжүүлэн, нөхцөл байдлын үнэлгээ хийх ажлыг тус дүүргийн Цагдаагийн нэгдүгээр хэлтэс зохион байгууллаа. Өнөөдрийн байдлаар Цагдаагийн нэгдүгээр хэлтсийн алба хаагчид 63 иргэнийг бүртгэлд хамруулж, Цагдаагийн байгууллагын нэгдсэн санд бүртгэсэн байна.
Архангай аймгийн Тэрхийн цагаан нууранд живсэн суудлын автомашиныг Онцгой байдлын газрын 12 албан хаагч 3 хоног ажиллан гаргаж ар гэрт нь хүлээлгэн өгчээ. Архангай аймгийн Тариат сумын Тэрхийн цагаан нуурын мөсөн дээгүүр Grand- Mark-2 автомашинтай 3 иргэн явж байгаад мөс цөмөрч, хоёр нь амиа алдсан хэрэг 2016 оны 12 дугаар сарын 17-нд гарсан. Тухайн үед хоёр иргэний цогцсыг Онцгой байдлын газрын Эрэн хайх аврах салбарын албан хаагчид нуурын усанд шумбалт хийн түргэн шуурхай гаргаж хууль хяналтын байгууллага болон ар гэрт нь хүлээлгэн өгсөн. 
Мөн ховор үзмэрүүдийн тоонд 1287 оны Юань улсын цаасан мөнгө орж байна. 28 см урт, 23.5 см өргөнтэй энэ мөнгийг модны холтос, ургамлын навч зэргийг хольж тусгай аргаар боловсруулсан цаасан дээр барласан энэ мөнгө нь 100 ширхэг зоостой тэнцэх үнэлгээтэй гэнэ. 
Ховд аймгийн Булган сумын Чонот уулын хадны оршуулгаас олсон хавтага нь загасны хайрсаар хийгдсэн байсан гэнэ. Тэрхүү уутан дотор жижиг арьсан уут, сүлжэн болон сүлжээгүй сур, богийн шагай, ясан тээг зэрэг зүйлс байжээ. 
“Нэг өдрийн” буюу “хоногийн” зээл гэх санхүүгийн харилцаанд ойрын жилүүдэд ард иргэд, тэр дундаа жижиглэн худалдаа, үйлчилгээ эрхлэгчид олноороо холбогдож, багагүй хэмжээний хөрөнгө мөнгөөрөө хохирох, санхүүгийн болон сэтгэлзүйн дарамтанд өртөх явдал байсаар байгаагийн дээр энэ зүй бус үйл ажиллагаанд ББСБ-ууд оролцож байна гэсэн мэдээлэл сүүлийн үед зарим хэвлэл, мэдээллийн хэрэгслээр гарч буй нь анхаарал татаж байна. 
Үндэсний статистикийн хорооноос 2017 оны нэгдүгээр сарын Монгол Улсын нийгэм, эдийн засгийн байдлыг танилцууллаа. 
УИХ-ын гишүүн А.Ундраа, Н.Амарзаяа, Ц.Гарамжав, Я.Содбаатар, О.Содбилэг, Г.Тэмүүлэн, Ж.Бат-Эрдэнэ нарын гишүүд нэгдэн Хариуцлагатай уул уурхайг дэмжих лобби бүлэг байгуулжээ. Энэхүү лобби бүлэг нь хууль тогтоомжийн хүрээнд хариуцлагатай уул уурхайг хөгжүүлэх асуудлыг хууль тогтоох дээд байгууллагын түвшинд авч үзэх зорилготой юм байна. Гишүүд уул уурхайн салбарыг орчин үеийн стандарт шаардлагад нийцүүлэн, хариуцлагатай, ил тод, нээлттэй хөгжүүлэх ёстой. Үүний тулд дэвшилтэт технологи нэвтрүүлэх замаар байгалийн баялгийг зохистой, үр ашигтай ашиглах, уурхайг нээх хаах, нөхөн сэргээх ажлыг чанарын өндөр түвшинд гүйцэтгэхийн зэрэгцээ энэ чиглэлийн хууль тогтоомжийг боловсронгуй болгох ёстой гэж үзжээ.