АНУ-ын Ерөнхийлөгч Д.Трампын Германы “Bild”, Их Британийн “Times” сонинуудад өгсөн ярилцлагыг орчуулан өчигдөр нийтэлсэн билээ. Ярилцлагын үргэлжлэлийг хүргэж байна.
-Тэгэхээр таны бодлоор хэн буруутай вэ. Обама юу, Пакистан уу. Хэн үүний хариуцлагыг хүлээх ёстой вэ?
-Афганистанд нөхцөл байдал сайнгүй байгаа. Болж байгаа юм байхгүй. Бид 17 жил Афганистанд байсан. Эргээд харахад бид тэдэнд зорилгодоо хүрэх юмыг нь хийлгээгүй байна. Манайх ер бусын армитай. Манай ер бусын армид бид ялалт байгуулах боломж олгоогүй. Boeing, Loocked Martin компаниуд нь манай томоохон түнш. Манайх F-55 хөтөлбөрийг хэрэгжүүлж байгаа. Төлөвлөснөөсөө илүү зарлагатай байгаа учраас одоо жаахан саатсан. Үүнийг сайжруулах хэрэгтэй.
-Зэвсэгт хүчний ерөнхий командлагчийн хувьд манай цэрэг зэвсгийн давуу байдал таны хувьд юу гэсэн үг вэ?
-“Исламын улс” бүлэг.
-“Исламын улс” бүлэглэлийн талаар та ямар бодлого баримтлах вэ?
-Энэ талаар юм хэлэхгүй. Би Обамагийн бусад шиг баймааргүй байна. Би үргэлж Мосулын тухай ярьдаг. Мосул үнэхээр гамшиг болсон. Одоогоос дөрвөн сарын өмнө Мосулыг эзэлнэ гэж хэлэхэд нь би “Та нар яагаад ингэж мэдэгдээд байгаа юм бэ?” гэсэн. Энэ нь таны “Та хамгийн эхлээд юу хийх вэ? Хэзээ эзэлж авах бэ? Үүнийгээ хэзээ, хэрхэн хийх вэ? Ямар зэвсэг хэрэглэх вэ? Хэдийд яах вэ?” гэсэн асуулттай ижилхэн сонсогдож байна.
-Б.Обама дайралт хийх гэж байгаагаа “Telegram”-аар мэдээлсэн гэж хэлэх гээд байна уу?
-Мосул гамшиг болчихоод байна. Учир нь бид таван сарын өмнө Мосулыг авна гэж мэдэгдсэн. Гэтэл дөрвөн сарын өмнө “Бид бэлдэж байна” гэсэн. Үүний дараа биднийг тэнд орчихсон хойно энэ талаар маш их ярьсан. Мосул хотыг авахад хэцүү байсан шүү дээ.
-Оросын Ерөнхийлөгч В.Путин Сирийн асуудалд оролцсон нь сайн уу, муу юу?
-Энэ бол нэлээд төвөгтэй хэрэг, маш муу. Бидэнд ямар нэгэн арга хэмжээ авах боломж байсан. Бид үйлчлэхээ больсон улаан шугамыг татсан хойно юу ч болоогүй. Энэ бол цорын ганц боломж байсан бөгөөд одоо бүх юм оройтсон. Дэндүү оройтсон, бүх юм ард хоцорлоо. Хэзээ нэгэн цагт энэ бүхэн дуусах боловч Аллепо бол аймаар байсан. Хотоос явж байгаа настай эмэгтэйчүүдийг буудахыг харахад аймшигтай. Зүгээр л зугаагаа гаргах гэж тэднийг буудаж байгаа мэт санагдсан, үнэхээр аймшигтай. Аллепо бол хүмүүнлэгийн хувьд үнэхээр хүнд байдалтай байгаа.
-Оросын талаар ярихад А.Меркел бол В.Путиныг сайн мэддэг. А.Меркел оросоор, В.Путин германаар чөлөөтэй ярьдаг. Та энэ хоёрын хэнд нь илүү итгэдэг вэ?
-Одоогоор хоёуланд нь итгэж байна. Гэхдээ энэ нь аль зэрэг удаан үргэлжлэхийг харж л байя. Удахгүй ч байж магад.
-Зүүн Европын иргэд Оросоос, В.Путинээс айдаг гэдгийг та мэдэх үү?
-Тэгэлгүй яахав, мэднэ. Өөрөөр хэлбэл тэнд юу болоод байгааг би ойлгож байгаа. НАТО асуудалтай байна гэдгийг ч би нэлээд дээрээс хэлсэн. Маш олон жилийн өмнө байгуулагдсан тул НАТО хуучирсан. Хоёрдугаарт, улс орнууд төлөх ёстой мөнгөө өгөхгүй байгаа. Би НАТО-г хуучирсан гэж хэлээд маш том шахалтанд орсон.
Терроризмд анхаараагүй тул НАТО хуучирсан. Хоёр хоногийн туршид намайг дарамтлаад дараа нь Трампын хэлж байгаа үнэн гэсэн. Энэ тухай Wall Street Journal сэтгүүлийн нэгдүгээр нүүрэнд хүртэл бичсэн. Энэ сэтгүүлийн газар терроризмын асуудлыг судалдаг бүхэл бүтэн хэлтэстэй боллоо. Сайн хэрэг. Улс орнууд төлөх ёстой мөнгөө өгөхгүй байгаа нь өөр асуудал. Өөрөөр хэлбэл бид эдгээр орнуудыг хамгаалах ёстой, гэтэл тэдний дийлэнх нь мөнгөө өгөхгүй байна. АНУ-ын хувьд энэ нь шударга бус юм. Гэсэн хэдий ч би НАТО-г чухал гэж үздэг.
-Их Британи мөнгөө төлдөг үү?
-Их Британи мөнгөө төлдөг. Төлбөр өгөх ёстой орнуудаас таван орон мөнгөө өгдөг.
-Европын аюулгүй байдал нь хэдэн арван жилийн туршид АНУ-аас хамаарсан. Энэ баталгаа ирээдүйд байх уу?
-Би өөрийгөө Европтой маш их холбоотой гэдгээ мэдэрдэг. Энэ холбоо нь маш хүчтэй.
-ОХУ-ын эсрэг тавьсан Европын хоригийг та дэмжиж байна уу?
-Миний бодлоор хүмүүс хоорондоо учраа олох ёстой, шударга байхын тулд хийх ёстой зүйлээ хийх нь зүйтэй. Тийм биш гэж үү? Оросын эсрэг хориг тавьсан, бид хэдэн сайхан гэрээ байгуулж чадах эсэхийг харж л байя. Нөгөө талаас нь авч үзвэл миний бодлоор цөмийн зэвсэг бага байх ёстой бөгөөд түүнийг хорогдуулах нь зүйтэй. Гэвч энэ хоригоос болоод Орос нэлээд хохирол амсч байгаа.
-Та Ирантай байгуулсан цөмийн хэлэлцээрийг хүчингүй болгох уу?
-Ираны цөмийн хөтөлбөртэй холбоотой асуудлаар яахыг би хэлэхгүй. Нууцаа дэлгэмээргүй байна. Хар даа, би улстөрч биш, би гарч ирээд “Би ингэнэ, тэгнэ” гэж хэлэхгүй. Би хийх ёстой юмаа л хийнэ. Хөзөр тоглож байгаа хүн модоо гаргахаасаа өмнө дэлгэдэг гэж үү? Ираны хэлэлцээрт би сэтгэл дундуур байгаа бөгөөд байгуулсан хэлэлцээрүүдээс хамгийн муу нь гэж үздэг. Миний мэдэхийн хамгийн тэнэг гэрээ. Тохиролцооны хувьд аваад үзье 1.7 тэрбум ам.доллар бэлнээр авчихаад 150 тэрбум ам.доллар өгнө. Та нэг сая ам.долларыг бэлнээр нь, зуутын дэвсгэртээр байгааг харсан уу? Энэ бол маш их мөнгө. Тэгвэл 1.7 тэрбум ам.доллар бэлнээрээ хэр зэрэг их болох бол? Нэг онгоц дүүрэн мөнгө үү, нэлээд хэдэн онгоц шүү дээ. 1.7 тэрбум ам.доллар бэлнээр нь гэдгийг би ойлгохгүй байна. Энэ бол зүгээр л Ерөнхийлөгчийн эрх мэдлийг харуулж байгаа хэрэг. Улс орны Ерөнхийлөгч 1.7 тэрбум ам.долларыг бэлнээр нь өгүүлэх шийдвэр гаргана гэдэг маш их эрх мэдэл.
-Таны бодлоор энэ мөнгөөрөө терроризмыг санхүүжүүлж байна уу?
-Үгүй, миний бодлоор Швейцарийн дансанд байгаа. Тэдэнд энэ мөнгө хэрэггүй, тэд өөр мөнгөө хэрэглэнэ. Тэд энэ мөнгийг аваад л өөртөө үлдээчихсэн. Энэ бол миний бодол.
-Зул сарын өмнөхөн НҮБ-ын Аюулгүйн Зөвлөлөөс Израилийн талаар гаргасан тогтоолын талаарх Б.Обамагийн баримталж буй бодлогын талаар ямар бодолтой байна?
-Миний сонссон буруу биш бол удахгүй Их Британи хориг тавих эрхтэй болно. Тэд энэ долоо хоногийн эцсээр уулзана. Ингэх тусам хэлэлцээ хийхэд хэцүү болж байгаа нь миний асуудал болчихоод байна. Учир нь палестинчуудад урьдчилаад нэлээд юм өгсөн. Хуулийн хүрээнд ингэх ёстой боловч сэтгэл зүйн хувьд надад хэлэлцээ хийхэд хэцүү байна. Та ойлгож байгаа биз дээ.
-Таны бодлоор Ойрхи Дорнодын асуудлаар НҮБ-ын Аюулгүй Зөвлөлөөс ямар ч тогтоол гаргасан байсан Их Британи хориг тавих ёстой юу?
-Британи хориг тавибал би баярлах болно. Яагаад гэхээр хамгийн гайхалтай нь АНУ ингэнэ гэдэгт би итгэлгүй байна. Тэд ингэхгүй биз, тийм үү? Эсвэл та Их Британи хориг тавина гэж бодоод байгаа юм уу? Миний еврей найзууд Б.Обамад зориулан хандивын арга хэмжээ зохион байгуулсан. Би тэднээс “Та нар чинь яаж байгаа юм бэ?” гэж асуусан л даа.
-Таныг Тель-Авив дахь АНУ-ын ЭСЯ-ыг Иерулсамд нүүлгэн аваачих гэж байгаа гэсэн, үнэн үү?
-Би одоо энэ талаар юм хэлэхгүй, харж л байя.
-Г.Киссинжерийн “Европтой утсаар ярих бол ямар дугаараар холбогдох вэ?” гэсэн нэг алдартай үг байдаг. Та бол ямар дугаараар холбогдох вэ?
-А.Меркел бол яахын аргагүй улс орнуудын Засгийн газрын тэргүүнүүдээс чухал нь. Их Британи, Европын Холбоог хар л даа, үндсэндээ Герман гэсэн үг. Европын Холбоо гэдэг Германы зорилгодоо хүрэх нэгэн хэрэгсэл нь. Тиймээс ч Их Британи тус холбооноос гарах болсон нь ухаалаг шийдвэр. Тэгтэл “Удахгүй BREXIT-тэй болно гэж Трамп хэлсэн” гэж гарчиг дээрээ хүртэл бичсэн. Эхэндээ хэн ч учрыг нь мэдээгүй, бүгд л намайг солиотой гэж бодож байх үед ийм юм болсон шүү дээ. Хэрвээ Европын Холбооноос гарах юм бол Их Британи бусдын адил дараалалд зогсоно гэж тэр үед Обама хэлсэн байдаг. Гэтэл дараа нь хэлсэн үгээ буцаах хэрэг гарсан. Обама ингэж хэлсэн нь буруу байсан. Миний бодлоор бүх юм гайхалтай сайхан байна.
-Та Европын Холбооны ирээдүйг ямраар төсөөлж байна. Бусад орнууд нь ч гэсэн гишүүнчлэлээс татгалзах уу?
-Маш хэцүү байх болно. Би Европын Холбооны тэргүүнтэй ярьсан. Маш найрсаг хүн над руу залгасан л даа.
-Ноён Юнкер үү?
-Тиймээ, надад сонгуульд ялалт байгуулсан гэж утасдсан. Миний бодоход энэ бүхэн тун амаргүй. Учир нь улс орон, үндэстэн бүхэн өөрийн гэсэн онцлогоо хадгалж үлдэхийг эрмэлзэж байна. Их Британи ч ялгаагүй. Хэрвээ тэдэнд ийм олон цагаачийг хүлээн авахыг тулгаагүйсэн бол ийм их тулгамдсан асуудал бий болж, BREXIT бий болохгүй байх сан. Бүх юм сайхан байх байсан бөгөөд европчуудыг тэвчээр барагдахгүй байсан. Гэтэл энэ нь европчуудын тэвчээрийг барсан. Хүмүүс өөрийн гэсэн онцлогоо хадгалан үлдэхийг хүсч байна. Та үнэхээр миний санаа бодлыг сонирхож байгаа бол бусад орнууд ч Европын Холбооноос гарна.
18-нд нутгийн хойд хэсгээр, 19-нд төв, говь, зүүн аймгуудын нутгийн зарим газраар, 20-нд баруун аймгуудын ихэнх нутаг, төвийн аймгуудын нутгийн баруун хэсгээр, 21-нд төв болон говийн аймгуудын ихэнх нутгаар цас орно. Салхи 18-нд ихэнх нутгаар, 19-20-нд Алтайн салбар уулсаар секундэд 14-16 метр, 21-нд говь, тал, хээрийн нутгаар секундэд 12-14 метр хүрч цасан болон шороон шуурга шуурна. Хүйтний эрч суларч Увс нуур болон Дархадын хотгор, Идэр, Тэс голын хөндийгөөр шөнөдөө 32-37 градус, өдөртөө 13-18 градус, Хөвсгөлийн уулархаг нутаг, Орхон-Сэлэнгэ, Эг, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Хүрэн бэлчир орчмоор шөнөдөө 24-29 градус, өдөртөө 10-15 градус, Монгол Алтайн нурууны өвөр хэсэг, Хангай, Хэнтийн уулархаг нутгаар шөнөдөө 18-23 градус, өдөртөө 7-12 градус, говийн бүс нутгийн өмнөд хэсгээр шөнөдөө 10-15 градус хүйтэн, өдөртөө 0-5 градус дулаан, бусад нутгаар шөнөдөө 14-19 градус, өдөртөө 4-9 градус хүйтэн байна. 19-нд нутгийн зүүн хагаст хүйтэн байна гэж Цаг уур орчны шинжилгээний газраас мэдээллээ.
Европын Парламентын чуулганы 2017 оны 2 дугаар сарын 15-ны өдрийн нэгдсэн хуралдаанаар Монгол Улс, Европын Холбооны хооронд 2013 онд байгуулсан Түншлэл, хамтын ажиллагааны хэлэлцээрийг соёрхон баталж, тогтоол гаргалаа. Тогтоол батлагдсантай холбогдуулан Монгол Улсын Их Хурлын дарга М.Энхболдоос Европын Парламентын Ерөнхийлөгч Антонио Таяанид талархал илэрхийлж, захидал хүргүүлэв. Түншлэл, хамтын ажиллагааны хэлэлцээрийг соёрхон баталсан тухай Европын Парламентын тус тогтоолд үндэслэн Европын Холбооны Зөвлөл уг хэлэлцээрийг хүчин төгөлдөр болгох шийдвэр гаргана.
Хоёр улсын харилцааг өргөжүүлэн хөгжүүлэхэд хил орчмын бүс нутгийн хамтын ажиллагаа чухал үүрэгтэйг Ерөнхий сайд онцлов. Мөн “Монгол Улсын хувьд уул уурхайн салбар чухал хэдий ч манай Засгийн газар хөдөө аж ахуй, мал аж ахуйн салбарыг дутуугүй чухалд үзэн тэргүүлэх чиглэл болгож байгаа. Энэ хүрээндээ 
Увс аймгийн Улаангом сумын нэгдүгээр багийн нутаг Чандмань гэдэг газарт удаа дараа халиа гүйж, давхарлан хөлдсөн, мөн хиймэл нуурын далан сэтэрснээс Улаангом-Боршоо чиглэлийн улсын чанартай авто зам усанд автаж, мөстөж хаагдах, тус багийн 500 гаруй өрх айл усанд автах нөхцөл үүсээд байна гэж Увс аймгийн Онцгой байдлын газраас мэдээллээ.
Увс аймгийн Онцгой байдлын газар, “АЗЗА” ХХК, Хөдөлмөр, халамжийн үйлчилгээний газар, Хотын хөгжил цэцэрлэгжүүлэлтийн газруудаас нийт 112 хүн, 9 автомашинтайгаар гурван өдрийн турш авто замын дагуу метрийн өндөртэй шороон далан босгох, усны урсац, гольдролыг өөрчлөхөөр ажиллаж байна. Гэвч тухайн газарт усны урсац ширүүн, газрын хэвлийгээр ус нэвтэрсэн тул шуудуу татсан ч усны урсгал зогсохгүй байх тул цаашид сэтэрсэн даланг боох, шинээр далан босгох, мөсний зузааныг тэсэлж усны гольдролыг өөрчлөх зэрэг ажлуудыг хиихээр төлөвлөн ажиллаж байгаа гэнэ. 
Монгол Улсын Засгийн газраас “Нөхөн үржихүйн эрүүл мэнд” үндэсний дөрвөн удаагийн хөтөлбөр, Эхийн эндэгдлийг бууруулах” стратегийг 2000-2010 онд, “Эх нярайн эрүүл мэнд” стратегийг 2011-2015 онд тус тус хэрэгжүүлсэн. Эдгээр стратеги, хөтөлбөрүүд хэрэгжсэнээр эхийн эндэгдэл, нэг болон тав хүртэлх насны хүүхдийн эндэгдэл 1990 оны түвшинд харьцуулахад дөрөв дахин буурч, эхийн эндэгдэл өндөртэй орноос эхийн эндэгдэл дунд зэрэгтэй орны түвшинд шилжсэн юм. ЭХЭМҮТ-ийн эмч, судлаачид үндэсний хэмжээнд эхийн эндэгдлийн тохиолдол бүрийг итгэмжит лавлагааны аргаар гурван удаа нягтлан судалж, дүн шинжилгээ хийн, эрүүл мэндийн салбарын болон олон улсын байгууллага, судалгаа шинжилгээний байгууллага, бодлого боловсруулагчдыг хэрэгцээтэй, үнэн бодит мэдээллээр ханган ажилласан байна.
Судалгааны дүнг танилцуулах уулзалтын үеэр төрийн нарийн бичгийн дарга Д.Очирбат хэлэхдээ “Монгол Улс, эх хүүхдийн эндэгдлийг бууруулахад ахиц гарсан хэдий ч энэ үзүүлэлт тогтвортой буурахгүй, зарим бүс нутаг, аймагт эх хүүхдийн эндэгдлийн түвшин өндөр байна. Өнөөдрийн танилцуулах уулзалт нь Монгол Улс Мянганы хөгжлийн зорилтоо дүгнэж, “Тогтвортой хөгжлийн зорилт 2030” хөтөлбөрийн хүрээнд хүрэх зорилт, шалгуур үзүүлэлтийг оновчтой тодорхойлох, эх хүүхдийн эрүүл мэндийг сайжруулах чиглэлээр гарсан эх, хүүхэд, нөхөн үржихүйн эрүүл мэнд” үндэсний хөтөлбөр хэрэгжих гэж буй цаг үед болж байгаагаараа чухал ач холбогдолтой юм. Иймд ялгавартай байдлыг арилгахад чиглэсэн, эхийн эрүүл мэндийн талаарх нотолгоонд суурилсан, мэдээлэлд тулгуурласан арга хэмжээ төлөвлөхөд энэхүү уулзалтын үеэр гарсан санал дүгнэлтийг анхааралдаа авч ажиллана гэдэгт итгэж байна” гэлээ.
Монгол Улсын Шадар сайд У. Хүрэлсүх “Өвөлжилтийн хүндрэлийг даван туулахад төр, олон улсын байгууллагын хамтын ажиллагааг нэгдсэн зохицуулалтаар хангах” ажлын хэсгийн тайлант хурлыг удирдан явууллаа.
Ираны Керманшах хотод чөлөөт бөхийн эрэгтэй багуудын Дэлхийн цомын аварга шалгаруулах тэмцээн өнөөдөр манай улсын цагаар 14.00 цагт эхэллээ.
Баянгол дүүргийн Эрүүгийн анхан шатны шүүхэд өнөөдөр хүүхэд барьцаалсан хэргийн шүүх хурал боллоо. Шүүгдэгч Б.Мөнхбаяр насанд хүрээгүй хүүхдэд хутга тулган, ааваас нь 80 сая төгрөг нэхэмжилсэн байна. Тэрбээр өнгөрсөн оны аравдугаар сард насанд хүрээгүй Б хэмээх хүүгийн хоолойд хутга тулган, аав руу нь утасдаж, 80 сая төгрөг нэхсэн байна.