Японд өнгөрөгч долоо хоногийн эхээр шувууны ханиад бүртгэгдсэн билээ.
Тус улсын Эрүүл мэндийн яам шувууны ханиад бүртгэгдсэн бүс нутгуудад хөл хорио тогтоож, халдвар авсан шувуудыг устгаж буй юм. Тэгвэл шувууны ханиад хүрсэн 550 мянган шувууг устгаж, ариутгасан талаар “www.dailymail.co.uk” мэдээллээ.
Нигата мужийн Сэкикава тосгоны Зеэцү фермд “Н5” вирус илэрсэн юм. Ганцхан долоо хоногийн дотор тус фермийн 310 мянган шувууг устгажээ. Мөн Аомори мужид нугас “Н5” вирусийн халдвар авчээ. Ийнхүү тус улсын хэмжээнд хоёр мужид шувууны ханиад бүртгэгдээд байна. Мэргэжилтнүүд “Н5” вирус бүртгэгдсэн бүс нутгуудад халдваргүйжүүлэлт хийж эхэлжээ.
Өнгөрсөн сарын эхээр Унгар, Австри, Герман, Энэтхэг Израйль, Польш, Швейцарь, Хорват, Голланд, Дани улсад шувууны ханиад бүртгэгджээ.
“Өдрийн сонин”-ы даваа гаригийн дугаар 16 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
10-р нүүрэнд Ерөнхийлөгчийн нэрэмжит жил бүр залуу эрдэмтэн, судлаачдад олгодог шагналын эзэн ШУА-ийн Хими, хими технологийн хүрээлэнгийн ЭША, доктор О.Хүрэлдаваатай хийсэн “Улаанбаатар хотын хөрсний судалгааг улам лавшруулна” сонирхолтой ярилцлага нийтлэгдлээ. 
Энэ сарын 4-нд баруун аймгуудын нутгийн зүүн хэсэг, төв болон говийн аймгуудын ихэнх нутгаар, 5, 7-нд баруун болон төвийн аймгуудын хойд хэсгээр цас орж, цасан шуурга шуурч, хүйтрэхийг анхааруулав.
.jpg)
Оюутны сургалтын төлбөрийн зээлийг маргаашнаас Төрийн банк, Хаан банк, Голомт банк, Улаанбаатар хотын банк, Хас банк, Капитрон банкнуудаар дамжуулан олгох юм байна. Энэхүү зээлд 2016-2017 оны хичээлийн жилд 70 мянга гаруй оюутан хамрагдах боломжтой бөгөөд энэ оны төсөвт 90 тэрбум төгрөг, 2017 оны төсөвт 110 тэрбум төгрөгийг суулгажээ. Монгол Улсын магадлан итгэмжлэгдсэн төрийн болон төрийн бус өмчийн бүх их, дээд сургууль, коллежийн оюутан энэ зээлд хамрагдах боломжтой юм. Мөн сургуулиа төгсөж, ажил эрхлээд таван хувийн хүүтэйгээр төлбөрөө эргэн төлөх аж.
Агаарын бохирдлыг бууруулах Үндэсний хорооны шинэ бүрэлдэхүүний анхдугаар хуралдаан өнөөдөр боллоо.
Фидель Кастротой салах ёс гүйцэтгэхээр Латин Америкийн удирдагчид Кубад ирсэн байна. АНУ-ын Ерөнхийлөгч Барак Обама, ОХУ-ын Ерөнхийлөгч В.Путин зэрэг томоохон улс гүрнүүдийн тэргүүнүүд ирэхгүй өөрсдийн бие төлөөлөгчөө явуулахаа мэдэгджээ. Түүний шарилыг бямба гаригт чандарласан бөгөөд өнөөдөр эцсийнх нь замд үджээ. Тэрээр Куыг 40 жил удирдсан бөгөөд амьд байхад нь амь насанд нь халдах оролдлого 600 удаа гарч байжээ.
Түүнийг нас барсны дараа дүү Раул Кастро зарлиг буулгаж, орон даяар ес хоногийн хугацаатай гашуудал зарласан юм. Гавана хотноо байрлах парламентын ордны дээр байрлах Кубын төрийн далбааг хагас бөхийлгөжээ. Түүнийг эцсийн замд үдэх ёслол Сантьяго хотноо болсон байна. Кастро гэрээслэлдээ өөрийнх нь нэрээр ямар нэгэн байгууламжийг нэрлэх, өөрийнх нь гэгээн дурсгалд зориулсан хөшөө босгохыг хатуу хориглосон байна.
Монгол Улсын Ерөнхий сайд Ж.Эрдэнэбат энэ сарын 3-ны бямба гаригт Өмнөговь аймгийн Гурвантэс суманд ажиллаж, Нарийн сухайтын нүүрсний ордын уурхайнуудын үйл ажиллагаатай танилцлаа. Мөн сумын иргэдтэй уулзалт хийж, Засгийн газраас хийж хэрэгжүүлж буй ажлаа танилцуулж, тэдний асуултад хариуллаа. Ерөнхий сайдын томилолтод УИХ, Засгийн газрын зарим гишүүн хамт ажиллалаа.
Өнгөрсөн шөнө 23 цаг 30 минутад АНУ-ын Калифорни мужийн Оакланд хотод агуулахын аж ахуйн байранд гал гарч 9 хүн амь насаа алджээ. Тус байранд хүмүүс оршин суух зөвшөөрөлгүй байтал олон хүмүүс цуглуулан шөнийн цэнгээний газар ажлуулж байсан байна. Гал гарах үед дуучид, жүжигчид гээд 40 гаран хүн тус байранд байжээ. Байрнаас гарах хоёр гарц л тухайн байшинд байсан байна. Одоогоор галын шалтгааныг тодорхойлоогүй байгаа бөгөөд хэд хэдэн хүн сураггүй алга болоод олдохгүй байгаа аж. Нэгэн хүн фэйсбүүк хуудаснаа тэр клубт Голден Донна хамтлаг ирж дуулна гэсэн зар тараажээ. Ингэснээр олон хүн цуглаж гал гарах шалтгаан болсон гэнэ.