Улсын Филармониос шинэ жилийн баярыг тохиолдуулан зохион байгуулдаг “Snow Melody” нэгдсэн тоглолтын хэвлэлийн бага хурал өнөөдөр буюу 2016 оны арванхоёрдугаар сарын 21-нд Улсын Филармонийн фойед боллоо.
Тоглолтын талаар дэлгэрэнгүй мэдээлэл өгөхөөр улсын Филармонийн маркетингийн албаны дарга Г.Алтан-Од, ерөнхий найруулагч Төрийн соёрхолт, Урлагийн гавьяат зүтгэлтэн С.Сүхбаатар, соёлын тэргүүний ажилтан, гоцлол дуучин Н.Наранбаатар, Л.Насанбуян нар хэвлэлийн бага хуралд оролцлоо.
Хурлын үеэр тус тоглолтын ерөнхий найруулагч С.Сүхбаатар үзэгчдийн сэтгэлийг хөдөлгөсөн өмнөх жилүүдийнхээс шинэ уран бүтээлүүд, хуучны сэтгэлд хоногшсон мартагдсан шинэ жилийн дуунуудаас үзэгч, сонсогчдодоо толилуулахыг онцоллоо.
Шинэ жилийн хамгийн том тоглолт нь 200 гаруй уран бүтээлчдийн зүрх сэтгэл, авьяас хөдөлмөр шингэсэн баярын тоглолт гэдгээрээ онцлогтой аж.
Монгол Улсад Олимпийн хөдөлгөөн үүсч хөгжсөний 60 жилийн ойн баярын хурал өнөөдөр “Корпорейт Конвейшн” төвд болсон бөгөөд тус хуралд оролцогчдод хандан Монгол Улсын Ерөнхийлөгч Ц.Элбэгдорж мэндчилгээ дэвшүүлсэн юм.
Монгол Улсын Засгийн газрын 61 дэх ээлжит хуралдаан өнөөдөр 15.00 цагт болно. Тус хуралдаанаар Улсын бүртгэлийн ерөнхий хуулийн шинэчилсэн найруулга, Иргэний улсын бүртгэлийн тухай болон Эд хөрөнгийн эрхийн улсын бүртгэлийн тухай хуулийн шинэчилсэн найруулгын төсөл, Гэр бүлийн тухай хуулийн шинэчилсэн найруулгын үзэл баримтлал зэрэг асуудлуудыг хэлэлцэн шийдвэрлэнэ.
АСЕМ-ын дээд түвшний уулзалтын үеэр ажилласан жолооч нар өнөөдөр цалингаа авахыг шаардан өнөөдөр мэдээлэл хийлээ. Жолооч Б.Очирпүрэв нарын 50 хүн 53 хоног ажиллаж 1.590.000 төгрөгийн цалин авах ёстой байтал 500 мянган төгрөг олгожээ. Жолооч нарын тайлбарласнаар гэрээ ёсоор 48 хоног, дээрээс нь тээврийн хэрэгслээ хүлээлгэж өгөх хүртэл нийтдээ 53 хоног ажилласан гэж үзж байгаа аж. Гэтэл тэдний ажилласан хоногийг 35 гэж тооцож 1.050.000 төгрөг гэж бодоод шимтгэл төлөгдөөд үндсэндээ 875 мянган төгрөг олгоно гэж тооцоод байгаа гэнэ.
Улсын хэмжээнд нийт 61 орчим сая толгой мал өвөлжилж, хаваржихаас отрын бүс нутагт нийтдээ 17 сая орчим толгой мал өвөлжих нөхцөлтэй байгааг Онцгой байдлын ерөнхий газраас мэдээллээ. Отрын бүс нутагт өвөлжихөөр нүүдэлсэн 19 мянга гаруй айл, өрхөд 2500 орчим жирэмсэн эмэгтэй, 2600 орчим 0-5 насны хүүхэд амьдарч буй аж. Цагийн байдал хүндэрвэл бага насны хүүхэд болон жирэмсэн эмэгтэйчүүдэд эмнэлгийн тусламжийг яаралтай хүргэх зорилгоор 21 аймагт нийт 630.0 сая төгрөгийн үнэ бүхий хүн эмнэлгийн автомашиныг тус тус олгожээ. 
С.Зоригийг хөнөөсөн хэрэгт сэжигтнээр татагдсан Ц.Амгаланбаатар, Б.Содномдаржаа, Т.Чимгээ нарыг шүүх хуралд ОБЕГ-ын хоёр шинжээч оролцож байна. Түүнчлэн сэжигтний ар гэрээс Ц.Амгаланбаатарын ээж оролцож буй аж. Гэрчээр Г.Чулуунбат оролцож байгаа юм. Түүнээс гадна н.Давааням гэх хүн гэрчээр оролцож байгаа гэсэн мэдээлэл байгаа юм байна.
Цагдаагийн ерөнхий газраас Улаанбаатар хотын хэмжээнд автомат тоглоом нэрийн дор хууль бусаар үйл ажиллагаа явуулж байсан үйлчилгээний газруудад шалгалт хийжээ. Энэ талаар Улаанбаатар хотын цагдаагийн газрын гэмт хэргээс урьдчилан сэргийлэх хэлтсийн дарга, цагдаагийн дэд хурандаа Ү.Хосбаяр мэдээлэл хийлээ.
“TV9” телевизийн “Монгол коммент” нэвтрүүлгийн хөтлөгч, сэтгүүлч, редактор М.Батбилэг хүнд өвчний улмаас бурханы оронд одсон эхнэрийнхээ дурсгалд зориулан “Нарны билэг” санг байгуулжээ.