Month: December 2016

Categories
мэдээ нийгэм

Цас цэвэрлэх техник, технологид ЗГ-аас 72 сая төгрөгийг зарцуулахаар болжээ

Авто болон явган хүний зам, талбайн цас цэвэрлэх техник, технологи бий болгох, зохион бүтээх уралдаанд шалгарсан загвар бүтээхэд шаардагдах 50 сая, шалгарсан бүтээлд олгох 22 сая, нийт 72 сая төгрөгийг Засгийн газрын нөөц сангаас гаргахаар боллоо.

БСШУСЯ энэ оны 11 дүгээр сарын 28-ны өдрөөс 12 дугаар сарын 02-ны өдрүүдэд уралдаан зарлаж 15 саналын дөрвийг нь сонгон шалгаруулаад байна.

ШУТИС, ХААИС, Экобус авто үйлдвэр бага оврын тракторт угсардаг цас цэвэрлэгч, дүүжин төхөөрөмж, машинд суурилуулдаг хүрз, цэвэрлэж ачих төхөөрөмж, шанагат ачигч, цас түрэгч, цасны комбайн зэргийг санал болгожээ.
Categories
мэдээ улс-төр

Чуулганыг хамгийн их тасалсан гишүүдийг О.Содбилэг, А.Сүхбат нар манлайлжээ

УИХ-ын намрын чуулган эхлээд хоёр сар гаруй хугацаанд 16 удаа хуралдсан байна. Сүүлийн үед хуралдаандаа суухгүй байгаа гишүүдийн асуудал олны анхаарлыг татаж эхэлсэн. Энэ нь УИХ-ын дарга М.Энхболдыг гадаадад айлчлал хийж байх хойгуур дэд дарга Ц.Нямдорж хурлыг удирдсантай холбоотой юм. Тэрээр хуралдаа ирээгүй гишүүдийг дэлгэцээр харуулж, бүгдийг нь цоллон дуудаж хуралдаа ирэхийг шаардсан юм. Ингээд төрийн түшээдийн хуралдаа хэрхэн суудаг ирцийн мэдээлэл гарчээ. Үүнээс харвал хурал­даанаа хамгийн их тасалсан нь О.Содбилэг, А.Сүхбат, Б.Чойжилсүрэн, Н.Номтойбаяр, Х.Нямбаатар, Л.Оюун-Эрдэнэ, Ш.Раднаасэд нарын гишүүн байна. Түүнчлэн цагтаа ажилдаа ирдэггүй хамгийн олон хоцордог нь С.Батболд, Х.Нямбаатар, М.Оюунчимэг, Ш.Раднаасэд, Д.Цогтбаатар, Ж.Энхбаяр нарын гишүүд байна.

Categories
мэдээ нийгэм

“Харуул Алтай”, “Хөгжөөнтэй туужууд”-ын эзэн тэнгэрт халив

“Харуул Алтай”, “Хөгжөөнтэй туужууд”-ын эзэн тэнгэрт халивМонгол Улсын төрийн шагналт зохиолч Д.Гармаа таалал төгслөө. Тэрээр 1937 онд Төв аймгийн Эрдэнэ сумын нутагт мэндэлжээ. Зохиолч Д.Гармаа 1955 оноос эхэлж уран бүтээлээ туурвисан юм. “Морьтой ч болоосой”, “Хөхөө гэрлэх дөхлөө” уран сайхны кино зохиол бичиж дэлгэцнээ гарсан нь үзэгчдийн талархал хүлээсэн билээ. “Хүүхдийн зохиолын нэрт төлөөлөгчдийн нэг Д.Гармаа нь “Гал манахын нуу”, “Дайны сүүдэр”, “Хуучин хэрэм”, “Халуун амьсгал”, “Өвөөгийн намар”, “Тасын суудал”, “Тайгын цэнхэр манан”, “Харуул Алтай”, “Үхэл өөрөө ирдэггүй”, “Нарны будан”, “Эцгийн голомт” зэрэг тууж, роман, өгүүллэг, жүжиг, киноны зохиол бичин эх орныхоо тусгаар тогтнол, хөгжил дэвшил,амьдралын эрээн барааныг тод томруун харуулсан юм” хэмээн мэргэжил нэгт нөхөд нь дурслаа. Түүний зохиол бүтээлүүд Орос, Хятад, Украин, Киргиз, Казак, Молдав зэрэг арав гаруй орнуудад хэвлэгдсэн байна.

Д.Гармаагийн хөдөлмөр зүтгэлийг төр, засаг өндрөөр үнэлж 1971 онд “Дайны сүүдэр” номонд нь МҮЭ-ийн шагнал, 1969 онд “Хөгжөөнтэй тууж” номонд нь МЗЭ-ийн шагнал, 1982 онд “Газар тэнгэр” романд нь Д.Нацагдоржийн шагнал, 1988 онд “Хөгжөөнтэй тууж” номонд нь төрийн шагнал олгож, 2006 онд соёлын гавьяат зүтгэлтэн цол хүртээжээ.

Categories
мэдээ улс-төр

Ерөнхий сайдад агаарын бохирдлын асуудлаар асуулга тавилаа

УИХ-ын гишүүн Д.Сарангэрэлээс Агаарын бохирдлыг бууруулах чиглэлээр Засгийн газраас авч хэрэгжүүлж буй арга хэмжээ, Цэвэр агаар сангийн хөрөнгөөр хэрэгжүүлсэн ажлын үр дүнгийн талаар Ерөнхий сайдад асуулга тавьжээ.

Агаарын бохирдлын улмаас иргэд, бага насны хүүхэд, жирэмсэн эхчүүдийн эрүүл мэндэд ноцтой хохирол учирч, амьсгалын замын өвчин хүндрэх нөхцөл болж буйн зэрэгцээ ураг амьгүй болох зэрэг ноцтой асуудал үүсч байгааг Д.Сарангэрэл гишүүн асуулгадаа дурджээ.

Тэрбээр асуулгын хариуг энэ сарын 23-ны УИХ-ын чуулганы хуралдаанаар сонсох ажлыг зохион байгуулах хүсэлтэй байгаагаа асуулгадаа тусгасан аж.

Categories
онцлох-нийтлэл туслах-ангилал

С.Зоригийн хэргийн шүүх хурал үргэлжилж байна

Дэд бүтцийн сайд асан С.Зоригийн амийг хөнөөсөн хэргийн шүүх хурал хоёр дахь өдрөө хаалттай үргэлжилж байна. Өчигдрийн хуралдаан шүүгчдэгчэд холбогдох хэргийн ялын дүгнэлтийг танилцуулж, тэднээс мэдүүлэг авснаар өндөрлөсөн. Харин өнөөдөр асуулт, хариултаар үргэлжилж буй. Шүүх хуралдаан 15.00 цагт түр завсарлаад 15.30 цагт үргэлжилсэн байна.

Тэгвэл яг одоо гэрчүүд шүүх хуралдааны танхимд дуудагдан орж, мэдүүлэг өгч байгаа аж. Гэрчээр Д, Ч нарын хоёр иргэн оролцож буй. Тэдний нэг Д нь шүүгдэгчийн талыг төлөөлж оролцож байгаа бөгөөд Ц.Содномдаржааг цэрэгт татагдах үед ангийн даргаар нь ажиллаж байсан гэнэ.

Харин Ч нь С.Зориг агсны бие төлөөлөгчөөр ажилладаг байсныг эх сурвалж мэдээллээ. Тэгэхээр тэрээр Ерөнхий сайдад нэр нь яригдаж байсан С.Зориг агсны тухай бүгдийг шүүхийн өмнө мэдүүлэх бололтой.

Чухам юу мэдээлж, юу ярьсан тухай түүний мэдүүлэг мэдээж Төрийн нууцад хамаарах нь дамжиггүй. Ийн төр, нийгмийн нэрт зүтгэлтэн С.Зориг агсны амийг хөнөөсөн хэргийн шүүх “маш нууц” гэгдэж хурал хаалттай явагдаж байна. Энэ тухай талийгаачийн төрсөн дүү УИХ-ын гишүүн асан С.Оюун “Одоогоор би байр сууриа илэрхийлэх боломжгүй. Хэргийг нээлттэй болгох ёстой. Мөн шүүх хурлыг нээлттэй явуулах хүсэлт, шаардлага хүргүүлсэн ч хүлээж авахгүй байгаа” хэмээн ярьжээ.

Categories
онцлох-нийтлэл туслах-ангилал

Хилийн бүсийг 100 км хүртэл тогтоох санал дэмжигдэв

УИХ-ын чуулганы нэгдсэн хуралдаанаар Хилийн тухай хуулийн төслийн анхны хэлэлцүүлгийг хийж байна. Гишүүд зарчмын зөрүүтэй саналаар санал хураалт явуулж байгаа юм. Уг саналуудад “Хилийн бүс100 км хүртэл байхаар тогтооно” гэсэн саналыг гишүүд дэмжсэн юм.

Үүнд гишүүн Ё.Баатарбилэг “Хилийн бүсийг 100 км хүртэл байхаар тогтооно гэсний 100 км-ээс багагүй байхаар тогтооно гэж өөрчилвөл ямар вэ? 100 км хүртэл гэхээр 10 км-т ч тогтоож болохоор байна. Учир нь энэ хуулийн агуулгад хилийн бүсэд уул уурхай, ашигт малтмалын ажиллагаа явуулж болохоор тусгасан байна” гэсэн санал гаргасан юм. УИХ-ын дэд дарга Ц.Нямдорж Ё.Баатарбилэг гишүүний гаргасан саналыг дараагийн хэлэлцүүлэгт анхаарч хэлэлцэхийг ажлын хэсэгт даалгалаа.

Categories
мэдээ улс-төр

Төр 30 их наядын хөрөнгөтэйг тогтоожээ

Монгол Улсын төр 30.074.9 тэрбум төгрөгийн хөрөнгөтэй гэдгийг тооллогын дүн харуулсан байна. Энэ талаар Төрийн өмчийн бодлого зохицуулалтын газрын дарга Ц.Ням-Осор өнөөдөр хэвлэлийнхэнд мэдээллээ.

Тус газраас төрийн болон орон нутгийн өмчийн улсын үзлэг тооллого явуулдаг бөгөөд уг тооллогыг 2015 оны арванхоёрдугаар сарын 31-ний өдрийн санхүүгийн тайлангийн дүнгээр тасалбар болгон нийт дүнг нэгтгэн гаргасан нь энэ аж.

Мөн анхаарал татаж байгаа нэг асуудал нь 2012 онд зохион байгуулсан төрийн өмчийн улсын үзлэг тооллогоор нийт 15853 ширхэг 793.5 тэрбум төгрөгийн тээврийн хэрэгсэл тоологдож байсан бол энэ удаагийн тооллогод нийт 1.280.6 тэрбум төгрөгийн үнэ бүхий 25679 ширхэг тээврийн хэрэгсэл тоологдсон нь 2012 оны дүнгээс 487.1 тэрбум төгрөгөөр нэмэгдсэн дүнтэй байна. Өөрөөр хэлбэл, өнгөрсөн хугацаанд төр авто машин олноор худалдан авахад ихээхэн хөрөнгө зардаг нь эндээс харагдаж буй юм.

Categories
мэдээ спорт

Үзэгтэй тамирчид “Алтан од”-оор шагнуулав

Засгийн газрын хэрэгжүүлэгч агентлаг, Биеийн тамир спортын газрын дарга Ц.Шаравжамц, Төрийн захиргаа, санхүү удирдлагын хэлтсийн дарга Ц.Одонбаяр, Биеийн тамир, спортын бодлого хэрэгжилтийг зохицуулах хэлтсийн дарга Х.Бакытжан нар өнөөдөр Монголын спортын сэтгүүлчдийн холбооны нэр бүхий сэтгүүлчдийг хүлээн авч уулзаж, шагнал гардуулав. Спортын талбарт болж буй мэдээ, мэдээллийг цаг алдалгүй түргэн шуурхай дамжуулж, биеийн тамир, спортыг олон нийтэд түгээн дэлгэрүүлэх үйлсэд оруулж буй хувь нэмрийг нь үнэлж БТСГ-ын тэргүүн дээд шагнал болох “Алтан од” тэмдгээр “Eagle” телевизийн сэтгүүлч Б.Онон, зураглаач С.Батболд, МҮОНТ-ийн сэтгүүлч Д.Батжаргал, сагсан бөмбөгийн тайлбарлагч Г.Идэр-Ууган, “Mонгол HD” телевизийн сэтгүүлч Э.Энхбаяр тэргүүтэй сэтгүүлчдийг шагнасан юм.

Categories
мэдээ нийгэм

Гэмт хэргийн илрүүлэлт 65.9 хувьтай ажилласан гэв

tailan

Улаанбаатар хотын Цагдаагийн газар жилийн тайлангийн хурлаа өнөөдөр хийлээ. Тус цагдаагийн газрын бие бүрэлдэхүүн нь Монгол Улсын хүн амын 50 гаруй хувьд үйлчлэн ажилладаг. Энэ оны хувьд Улаанбаатар хотын хэмжээнд 323 141 өргөдөл, гомдол хүлээн авсан нь өмнөх оны мөн үеийнхээс 10.5 дахин өсч улсын хэмжээнд бүртгэгдсэн нийт гэмт хэргийн 72.2 хувийг эзэлж байгаа юм.

Улсын хэмжээнд бүртгэгдсэн нийт гэмт хэргийн 65.9 хувийг шалгаж шийдвэрлэн ажилласан, Хуулиар хүлээсэн үндсэн чиг үүргээ нэр төртэйгөөр биелүүлэн ажилласан байна. Нийслэлийн хэмжээнд 16 689 гэмт хэрэг бүртгэгдсэн нь урд оны мөн үеийнхээс 1.5 хувиар өссөн байна. Гэмт хэргийн илрүүлэлт 61.5 хувьтай байгаа нь урд оны мөн үеийнхээс гурван хувиар өссөн аж.

Түүнчлэн энэ онд болж өнгөрсөн УИХ-ын сонгууль, Ази Европийн дээд хэмжээний уулзалт АСЕМ зэрэг олон томоохон арга хэмжээнүүдэд хэв журмын арга хэмжээг амжилттай зохион байгуулсан байна.

Улаанбаатар хотын Цагдаагийн газрын дарга, туслах комиссар Ж.Эрдэнэболд
-“Манай хамт олон ирэх 2017 онд хууль ёсыг дээдлэн, нийслэлчүүдээ түшиж, иргэддээ улам ойртон үйлчилж, хүнлэг, энэрэнгүй, чин шудрагыг эрхэмлэн ажиллаж, хуулиар хүлээсэн чиг үүрэг, өргөсөн тангараг ёсоор төр түмнийхээ итгэлийг хүлээхийн төлөө бүхий л хүч бололцоогоо дайчлан улсынхаа нийслэлийн хөгжил цэцэглэлтэд бодитойгоор хувь нэмрээ оруулахын төлөө ажиллах болно” хэмээв.
Categories
мэдээ нийгэм

Б.Цэвээндаш “Алтан хараацай”-н эзэн болов

Уулчин Б.Цэвээндаш Монгол Улсынхаа Төрийн алтан соёмбот далбааг Эверестийн оргилд мандуулсан бахдам амжилтаараа 2016 оны ахмадын шилдэг тамирчнаар шалгарч, “Алтан хараацай”-н эзэн боллоо.

ШШГЕГ-ын “Сүлд” биеийн тамир спортын хорооны Соёл олон нийт, биеийн тамирын асуудал хариуцсан ажилтан, Монгол Улсын гавьяат тамирчин, ОУХМ, дэд хурандаа Б.Цэвээндаш Дэлхийн ноён оргилд ганцаарчилсан “Соло” авиралт, хүчилтөрөгчгүй амь өрссөн аюултай авиралт хийсэн юм.

“Алтан хараацай” шагнал нь спорт сонирхогч мастеруудын холбооны тэргүүн дээд шагнал билээ. Спортын 11 төрлөөс 11 шилдэг тамирчин энэхүү шагналд нэр дэвшжээ.