Энэ оны төгсгөлд бүх нийтийн амралтын өдрүүд, баярын өдрүүд үргэлжлэн тохиож байна. Өөрөөр хэлбэл, арванхоёрдугаар сарын 29-ний өдрөөс нэгдүгээр сарын 2 хүртэл бүх нийтээр амарна. Эдгээр өдрүүдэд нийслэлийн харьяа газар, агентлагийн дарга, удирдлагууд Улаанбаатар хотын шуурхай удирдлага, зохицуулалтын төвд хариуцлагатай жижүүрээр ажиллах юм.
- Нийслэлийн газрын алба,
- Нийслэлийн тээврийн газар,
- Улаанбаатар зам засвар, арчлалтын газар,
- Нийслэлийн соёл урлагийн газар,
- Нийслэлийн аялал жуулчлалын газар,
- Геодези усны барилга байгууламжийн газар,
- Улаанбаатар цахилгаан түгээх сүлжээ ТӨХК,
- Улаанбаатар дулааны сүлжээ ТӨХК, Хот тохижилтын газар,
- Нийслэлийн мэдээллийн технологийн газар,
- Нийслэлийн эрүүл мэндийн газар,
- Хэсэгчилсэн инженерийн хангамжийн удирдах газрын дарга нар арванхоёрдугаар сарын 29-нөөс нэгдүгээр сарын 2-ны өдрүүдэд хуваарийн дагуу хариуцлагатай жижүүрээр ажиллана.
Иргэд хэрэгцээт мэдээллээ Улаанбаатар хотын шуурхай удирдлага, зохицуулалтын төвийн 310005, 76111005 дугаарын утсаар авах боломжтой байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Ирэх пүрэв гариг буюу арванхоёрдугаар сарын 29-нд Үндэсний тусгаар тогтнолоо сэргээсэн түүхэн өдөр тохиох тул бүх нийтээр амарна. Үүнтэй холбогдуулж, УИХ пүрэв гаригт хуралдах чуулганы нэгдсэн хуралдаанаа нэг хоногоор урагшлуулж, маргааш хуралдуулахаар болсон. Чуулганы нэгдсэн хуралдаанаар хэлэлцэх асуудлыг бэлэн болгохын тулд өнөөдөр дөрвөн байнгын хороо, мөн хамтарсан байнгын хороод тус бүр хуралдахаар хуралдаанаа үргэлжлүүлж байна.
Үе үеийн дөрвөн ерөнхийлөгч нэгдэн шинэ оны өмнө ард түмэндээ мэндчилгээ дэвшүүллээ. Энэхүү үйл явдлыг одоогийн Ерөнхийлөгч Цахиагийн Элбэгдорж санаачилсан байна. Хамгийн эхэнд монгол төрийн анхны Ерөнхийлөгч П.Очирбат мэндчилгээ дэвшүүлсэн бол дараа нь Н.Багабанди, Н.Энхбаяр, Ц.Элбэгдорж нар шинэ оны мэнд дэвшүүллээ.
УИХ-ын гишүүн Н.Учрал БСШУЯ-ны сайд Ж.Батсуурьд хандаж санал хүргүүлжээ. Тэрээр энэхүү саналтаа сурагчдын өвлийн амралтыг сунгахыг хүссэн байна.
УИХ-ын гишүүнээр сонгогдон, Дэд бүтцийн сайдаар ажиллаж байсан С.Зоригийг 18 жилийн өмнө буюу 1998 оны аравдугаар сарын 2-ны Баасан гаригийн орой гэрт нь онц хэрцгийгээр хөнөөсөн этгээд хэн байв гэдгийг тогтоох шүүх хурал тав дахь өдрөө үргэлжилж шүүх бүрэлдэхүүн шийтгэх тогтоол гаргалаа. С.Зоригийн амь насыг онц хэрцгийгээр хөнөөсөн гэмт хэрэгт яллагдагчаар татагдсан Ц.Амгаланбаатар, Б.Содномдаржаа, Т.Чимгээ нарыг гэм буруутай гэж үзэн ял шийтгэл оногдуулсан юм.
Монголын үндэсний бөхийн холбооноос бөхчүүдийн шинэчилсэн чансааг гаргажээ. 2016 оны цагаан сарын барилдаанаас эхлүүлсэн энэхүү чансаанд Үндэсний их баяр наадмын амжилт багтаж байгаа бөгөөд хамгийн сүүлд арван хоёрдугаар сарын 18-нд болсон Богдхан хайрханы хишиг барилдааны давааг багтаажээ. Нийт 20 барилдааны үзүүлэлтээр дараах бөхчүүд үндэсний бөхийн чансааны эхний 100-д бичигдэж байна.
Үндэсний эрх чөлөө, тусгаар тогтнолоо сэргээн мандуулсны 105 жилийн ой, Богд хааны ордон музей байгуулагдсаны 90 жилийн ой энэ онд тохиож байна. Ойд зориулан Богд хааны ордон музейгээс “Монголын сүүлчийн эзэн хаан VIII Богд Жавзандамба” үзэсгэлэн нээхээр болжээ.
Өмнөд Азид Хятадын нөлөө нэмэгдэж байгаатай холбоотойгоор Энэтхэг улс алсын тусгалтай баллистик пуужин туршжээ. Энэтхэгийн Батлан хамгаалах яамнаас гаргасан мэдэгдэлд, тус улс Бенгалын булангийн нэгэн арлаас Энэтхэгийн далай руу чиглүүлэн “Agni-V” пуужинг амжилттай хөөргөсөн байна. Энэтхэгт үйлдвэрлэсэн уг пуужин нь 5000 км-ийн тусгалтай гэх ба пуужин Ази тивийн аль ч цэгт, түүнчлэн Орос болон Европын нутгийн зарим хэсэгт хүрэх тусгалтай аж. Мөн уг баллистик пуужин цөмийн цэнэгт хошуу тээх боломжтой хэмээн Киодо мэдээллээ. Сүүлийн жилүүдэд Энэтхэг улс армийнхаа зэвсэглэлийг улам сайжруулж байгаа ба Францаас орчин үеийн сөнөөгч онгоцууд худалдаж авсан аж. 
