Олон Улсын Валютын сангийн багийнхан манай улсад өнгөрсөн сарын 24-нөөс энэ сарын 4-ний өдрүүдэд ажиллаад буцсан билээ. Тус сангийн Монгол дахь суурин төлөөлөгч Нил Сакер манай улсын Засгийн газартай хэлэлцээ өрнүүлсэнбайна. “Сангийн яам, Монголбанкны холбогдох албаныхантай уулзан, асуудлаа олон талаас нь нягталж үзсэн бөгөөд хөтөлбөр хэрэгжүүлэх талаарх ажил цаашид үргэлжилнэ” гэжээ.
Энэ талаар УИХ-ын Эдийн засгийн байнгын хорооны дарга Д.Тэрбишдагва “Өмнө нь “Стэнд бай” хөтөлбөрийн талаар шүүмжлэлтэй ханддаг байсан ч ОУВС-гийн төлөөлөлтэй уулзаад миний бодол өөрчлөгдсөн. Бид бодлогоо оновчтой тодорхойлж, санал хүргүүлбэл дэмжигдээд явах бололцоотой. Өнөөдрийн нөхцөл байдлыг дүгнэхэд “Стэнд бай” хөтөлбөрийг хэрэгжүүлэхээс өөр аргагүй байна. Хэрэв энэ хөтөлбөрийг хэрэгжүүлж чадахгүй бол бид ганцхан улсаас зээл авах боломжтой. Нэг улсаас бүх зээл тусламж авснаар үүсэх эрсдлийг тооцох учиртай. “Стэнд бай” хөтөлбөрийг хэсэгхэн хугацаанд үр дүнтэй хэрэгжүүлээд хүндрэлээс гарах шаардлагатай болж байна. Одоогоор ОУВС ямар нэгэн шаардлага тавиагүй. Эдийн засгийн хүндрэлийг даван туулах, тогтворжуулах хөтөлбөртэй уялдуулж төслийнхөө саналыг боловсруулах юм билээ. Эхний уулзалтуудаас харахад эерэг хандлага ажиглагдаж байна” хэмээн хэвлэлд ярилцлага өгчээ.
Үүнээс үзвэл ОУВС-ийнхан харьцангуй найр тавьж Монголын Засгийн газар өөрсдөө хөтөлбөрөө боловсруулж ОУВС-д санал тавих боломжийг өгчээ.Тэгэхээр цаг хугацааны хувьд өнөөдөр нэг ам.доллар 2,406.41 төгрөгтэй тэнцээд байна. Тиймээс Засгийн газар одоо хөтөлбөрөө яаралтай боловсруулах шаардлага бий болоод байна. Өөрөөр хэлбэл, Монголын Засгийн газарт өөрөөр мөнгө босгох боломж нь өндөр хүүтэй бонд гаргах боломж бий. Гэхдээ энэ талаар холбогдох эрх баригчид тодорхой шийдэлд хүрээгүй ажээ.
Энэ сарын 5-ны өдөр ерөнхий сайд асан Н.Алтанхуягийн эхнэр Э.Сэлэнгэ Герман улс руу зорчихоор Москва-Берлин чиглэлийн онгоцоор нисэх гэж байхад нь хуулийн байгууллагынхан саатуулсан гэх мэдээлэл байна.
Цахим гадуурхал гэгдэх шинэ төрлийн гэмт хэрэг сурагчдын дунд “давалгаалж” байна. Сүүлийн дөрвөн жилд 92 хүүхэд амиа хорложээ. Харин 2016 он гарсаар 40 хүүхэд амиа хорлосон гэсэн аймшигт дүн мэдээ байна. Энэ талаар цагдаагийн газраас судалгаа хийж юунаас болж амиа хорлоод байгаа шалтгааныг нь тогтоожээ.
Ардын намынхан ашгүй нэг төрийн эрхийг авлаа гэсэн шиг албан тушаалд ах дүү, хамаатан саднаа шуурхай томилсоор байна. Уг нь өөрсдөө “Төрийн байгууллагыг удирдаж байгаа хүмүүс ах дүү, хамаатан саднаа ажилд авахыг хориглоно” гэж мөрийн хөтөлбөртөө тусгасан санагдаж байна. УИХ-ын дарга, МАН-ын дарга М.Энхболдын хүү Э.Анар Монголбанкны төлбөр тооцоо, бүртгэлийн газрын захирлаар томилогдсон. УИХ-ын гишүүн Д.Лүндээжанцан төрсөн дүү Д.Баярсайханаа Төрийн банкны гүйцэтгэх захирал болгов. С.Батболдын хүү Б.Баттүшиг Монголбанкны мөнгөний бодлогын зөвлөлийн гишүүнээр томилогдлоо. УИХ-ын гишүүн Сү.Батболд эхнэр Х.Отгонтуяагийн дүү, туслах Б.Асралт Засгийн газрын аравдугаар сарын 10-ны өдрийн хуралдаанаар Гаалийн Ерөнхий газрын даргаар томилогдсон. Н.Энхболдын худ А.Цогцэцэг эрүүл мэндийн сайдаар ажиллаж байна. УИХ-ын гишүүн Б.Саранчимэгийн нөхөр Мөнхбаатар “Чингис хаан” олон улсын нисэх буудлын дарга болов. Сангийн яамны сайд асан Я.Очирхүүгийн хүү О.Эрдэмбилэг Монголбанкны тэргүүн дэд ерөнхийлөгч болов. Монгол Улсын Шадар сайд У.Хүрэлсүхийн төрсөн дүү У.Отгонбаяр БХБЯ-ны газрын дарга боллоо. УИХ-ын дэд дарга Ц.Нямдоржийн хүү Н.Анхбаяр Гадаад харилцааны яамны ТЗУГ-ын дарга болов. ХЗДХ-гийн сайд С.Бямбацогтын төрсөн дүү С.Тунгалагтамир ХНХ-ын яамны газрын дарга болов.
Германы хөлбөмбөгийн шилдэг баг “Бавари” Бундеслигийн аравдугаар тойрогт “Хоффенхайм”-тай тоглож тэнцлээ. Гэхдээ энэ тоглолтод Анчелоттигийн хөлбөмбөгчид өөрсдөөсөө туршлага дутуу багтай нутагтаа тоглож оноо алдсан түүхээс дутахааргүй нэгэн сонин үйл явдал болж өнгөрлөө. Учир нь тэд Европын топ багуудаас анхалж үнэтэй брэнд хувцсаар “гангарсангүй”, харин хаягдал хуванцар савнаас гаргаж авсан материалаар хийсэн богино цамц өмсөн байгальд ээлтэй байхыг бусаддаа уриалсан нь олны анхаарлыг татсан юм.
Энэтхэг улсын Шинэ Дели хотноо 2016 оны арваннэгдүгээр сарын 02-05-ны өдрүүдэд болсон “Азийн сайд нарын анхдугаар хуралдаан”-д Монгол Улсын Шадар сайд У.Хүрэлсүх, Шадар сайдын Онцгой байдлын асуудал хариуцсан зөвлөх Л.Саянаа, ОБЕГ-ын дарга, бригадын генерал Т.Бадрал нарын тэргүүтэй төлөөлөгчид оролцоод ирлээ.
Дэлхийн хүн амын 60 хувь амьдардаг Ази тивийн хувьд газар хөдлөлт, цунами, далайн шуурга, үер, зуд, ганд өртөх эрсдэл өндөртэй бүс нутаг. Байгаль цаг уурын өөрчлөлт болон хүний хүчин зүйлээс хамаарах эрсдэл гамшигтай тэмцэх, урьдчилан сэргийлэх, хор хөнөөлийг арилгах асуудлыг зөвхөн нэг улс, Засгийн газар дангаараа хэрэгжүүлэх боломжгүй тул Энэтхэг Улсын Засгийн газраас НҮБ-ын Гамшгийн эрсдэлийг бууруулах газартай хамтран анх удаа энэхүү чуулга уулзалтыг зохион байгуулсан юм.
ОБЕГ-ын дарга, бригадын генерал Б.Бадрал “Гамшгийн эрсдэлийг бууруулах үйл ажиллагааг уур амьсгалын эрсдэлийн удирдлагын нэгтгэх, хэрэгжүүлэх улсын болон орон нутгийн стратеги” сэдэвт хуралдаанд илтгэл тавьж, “Гамшгийн эрсдэлийг бууруулах үйл ажиллагаан дахь хөрөнгө оруулалт” сэдэвт техникийн хуралдааныг удирдан явуулсан юм. Мөн тэрээр Вьетнам Улсын Хөдөө аж ахуйн дэд сайд ноён Хунг Ван Тан тэргүүтэй төлөөлөгчидтэй уулзалт хийж, хоёр тал гамшгаас хамгаалах салбарт хамтын ажиллагааг эхлүүлэх сонирхолтой байгаагаа харилцан мэдэгдэж, гамшгийн эрсдэлийг бууруулах чиглэлээр мэдээлэл солилцох, харилцан туршлага судлах, мэргэжилтнүүдийн гамшгаас хамгаалах чадавхийг дээшлүүлэхэд хамтран ажиллахаар тохиролцов.
Ийнхүү Азийн 39 орны Засгийн газрын тэргүүн, гамшгийн асуудал эрхэлсэн сайд нар чуулж 2015 онд Японы Сендай хотноо болсон Гамшгийн эрсдэлийг бууруулах Дэлхийн гуравдугаар бага хурлаас НҮБ-ын гишүүн 187 орон соёрхон гаргасан “2015-2030 онд хэрэгжүүлэх Сендайн үйл ажиллагааны хүрээ баримт бичгийн” Азийн бүс нутгийн төлөвлөгөөг батлан гаргалаа.
Өнгөрсөн амралтын өдрүүдэд Улаанбаатар хотод цас орж, гудамж, замд халтиргаа гулгаа үүссэн. Замын хөдөлгөөний аюулгүй байдлыг хангах үүднээс зөвхөн бямба гаригт гэхэд Хот тохижилтын газрын 200 гаруй ажилтан ажиллаж, 38 тонн цас хайлуулах бодис цацсан байна.
Их хэмжээний цас орж, зам даваа цасанд боогдож байгаатай холбогдуулан зарим замыг хаах арга хэмжээ авчээ. Тухайлбал, Орхон, Хөвсгөл аймгийн замыг өчигдөр хаах шийдвэр гарч, хөдөлгөөнийг хязгаарлаад байгаа юм.