АНУ-ын хойд Каролина мужийн Чарлот хотноо энэ сарын 19-нөөс ирэх оны дөрөвдүгээр сарын 30-ныг хүртэл Монголын эзэнт гүрэн, Их эзэн Чингис хаан болон түүний угсаа залгамжлагчдын талаарх үзэсгэлэн зохион байгуулагдах гэж байна.
Тус үзэсгэлэнгийн хүрээнд энэ сарын 24-26-нд Чарлот хотод Чингис хаан, Монгол Улсыг сурталчилсан парад баярын арга хэмжээг Монгол Улсын ЭСЯ, Вашингтон ДС орчмын монголчуудын холбоо хамтран зохион байгуулахаар болжээ.
Баярын жагсаал өглөө 09:00 цагт “Discovery Place Museum”-ээс эхлэн Чарлот хотын төвөөр алхах гэнэ. Мөн энэ сарын 25, 26-нд “Чингис хаан” үзэсгэлэнгийн цагийн хуваарийн дагуу үзэсгэлэнгийн танхимд Монгол Улсыг сурталчлах урлагийн арга хэмжээ болох юм байна.
Жагсаалд Чингис хааны баатрууд, Өүлэн эх түүний хүүхдүүд, хүчит бөхчүүд, сур харваачид, морьтон баатар эрс болон дуучид, бүжигчид зэрэг урлагийн авьяастнууд оролцох аж.
Тус үзэсгэлэн өмнө нь 2012 онд Чикаго хотноо зохиогдож байсан юм.
Иргэний нисэхтэй холбоотой байнгын хорооны хуралдаанаар УИХ-ын гишүүн С.Чинзориг асуулт асууж Зам тээврийн хөгжлийн сайд Д.Ганбат хариуллаа.
Бөх сонирхогчид, үзэгчид энэ сард лав уйдахгүй нь ээ. Бараг долоон хоног бүр томоохон барилдаан бөхийн өргөөнд болох юм. Эхнийх нь 12-нд “Хантайшир” дэвжээ байгуулагдсаны 15 жилийн ойд зориулсан улс, аймгийн алдар цолтой 224 бөхийн барилдаантай. 
Сүүлийн жилүүдэд Хөвсгөл нуурыг зорих жуулчдын тоо нэмэгдэж байгаа холбогдуулан БОАЖЯ, Азийн хөгжлийн банк хамтран Хөвсгөл нуур дагуу аялал жуулчлал хөгжүүлж, гол бүс болгох урт хугацааны төсөл хэрэгжүүлж эхэлжээ.
Өнөөдөр болох гэж буй АНУ-ын ерөнхийлөгчийн сонгуульд дэлхийгээс гадна байгаа цорын ганц Америк хүн болох олон улсын сансрын станцад ажиллаж байгаа нисэгч саналаа өгөхийг “NASA” мэдээллээ.
Нийтийн зориулалттай орон сууцны хороолол дундах болон ерөнхий боловсролын сургууль, цэцэрлэгийн ойр орчмын нийтийн эдэлбэрийн газарт орон сууц, конторын барилга барих зориулалтаар газар шинээр олгохыг хориглосон Нийслэлийн Засаг даргын захирамж гарлаа. Нийслэлийн оршин суугчдын эрүүл, аюулгүй орчинд амьдрах эрхийг хангах, зүлэг, мод, бут, сөөг, гэрэлтүүлэг, хүүхдийн тоглоомын талбай, машины зогсоол, тэдгээртэй адилтгах байгууламжийг нэмэгдүүлэх зорилготой юм.
Долларын ханш өссөөр л байна. Энэ өсөлтийг хэн хэзээ зогсоохыг бурхан л мэдэх байх хэмээн хүмүүс харах болжээ. Төв банк нь мэддэг юм уу, найман шарга нь мэддэг юм уу гэж УИХ-ын гишүүн Б.Лүндээжанцан саяхан чуулган дээр дуу алдаж байсан. Гэвч валютын нийлүүлэлтээс хамаарна гэхээс өөр хариултыг хэн ч хэлсэнгүй. Тэгвэл өнөөдөр эрхэм долларын ханш 2430 төгрөгөөр зарагдаж байна. Бусад валютууд ч гэсэн дагаж өссөөр байгаа. Хятадын юань 359 төгрөгт хүрсэн бол нэгэн цагт 1:1-н харьцаатай байсан Солонгосын вон өдгөө 1:2,13 болжээ.
УИХ-ын гишүүн асан, Кёкшүзан Д.Батбаяр оффшор данстай холбоотой асуудлаар мэдээлэл хийлээ.
Өнөөдөр АНУ-ын 45 дахь Ерөнхийлөгчийн сонгууль болно. Энэ удаагийн сонгуульд Ардчилсан намаас Төрийн нарийн бичгийн дарга асан Хиллари Клинтон, Бүгд найрамдах намаас тэрбумтан Доналд Трамп нар нэр дэвшиж буй. Сонгуулийн санал хураалт оройн 20 цагт албан ёсоор хаагддаг бөгөөд санал хураалтын дүн энэ сарын 8-наас 9-нд шилжих шөнө гарна. Харин бидний хувьд энэ сарын 9-ний өдөр сонгуулийн үр дүнг мэдэх боломжтой юм. Сонгуульд ялсан нэр дэвшигчийг Ерөнхийлөгчийн сонгууль болсны дараа жилийн нэгдүгээр сарын 20-ноос албан үүргээ хэрэгжүүлж эхэлсэн гэж үздэг ажээ. 
Өнөөдөр өвлийн эхэн сарын шинийн найман буюу дүйчин өдөр. Билгийн тооллын эл өдөр бие, хэл, сэтгэлээрээ онцгойлон буян үйлд шамдаж, нүгэл хилэнцийг тэвчиж, цагаан хоол иддэг ёстой. Энэ өдөр Манал бурхан заларсан хэмээдэг учир түүний номыг уншдаг байна. Гандантэгчинлэн хийдийн Гандан дуганд өглөөний 8-13 цаг хүртэл Их Манал, Маналын дончод хурж байна.