Шинэ цагийн утга зохиолыг үндэслэгч, соён гэгээрүүлэгч, төр нийгмийн зүтгэлтэн Д.Нацагдоржийн мэндэлсний 110 жилийн ойд зориулан Соёлын Гавьяат зүтгэлтэн, яруу найрагч Ц.Хулангийн зохиолоор бүтээж буй “Монгол ардын суут” драмын жүжгийн нээлт Хүүхэлдэйн театрын тайзнаа арваннэгдүгээр сарын 9-ний өдрийн 19.37 цагаас эхэлнэ.
Тус жүжгийн найруулагчаар Урлагийн Гавьяат зүтгэлтэн Б.Баатар ажиллаж байгаа бол хөгжмийг Урлагийн Гавьяат зүтгэлтэн Т.Сэр-Од бичжээ.
Энэ удаагийн жүжиг Хүүхэлдэйн театрт насанд хүрэгчдэд зориулсан анхны жүжиг тоглогдох гэж байгаагаараа онцлогтой. Мөн “Аргун” компанийн нэвтрүүлж буй Монголын театрын түүхэнд анх удаа технологийн “амьд тасалбар” Монгол ардын суут жүжигт зориулагдан хэвлэгдэж, худалдаанд гарлаа. Та IOS, ANDROID төхөөрөмжийнхөө App store\Playstore-оор Argun Trade аппликейшнийг үнэ төлбөргүй татан суулгаад Каталоги цэсийг сонгон AR тэмдэглэгээг сонгон сурталчилгааг сонсох болно.
________________________________________
МОНГОЛ АРДЫН СУУТ драмын жүжиг:
- Зохиолч: Ц.Хулан /МУУГЗ/
- Найруулагч: Б:Баатар /МУУГЗ/
- Хөгжмийн зохиолч: Т.Сэр-Од /МУУГЗ/
- Ивээн тэтгэгч: “Аргун Трейд” ХХК
Уран бүтээлчид:
Гол дүрд:
- Д.Пагмадулам- М.Энхзаяа
- Хар хүн- Г.Гандөш
- Халамцуу бүсгүй- Я.Өнөртуул/СТА/
Дүрүүдэд:
- Буудлын жижүүр- Л.Даваадалай
- Хоёрдугаар эмэгтэй- С.Оюунболор
- Морин тэрэгч- Х.Батжаргал /МУСТА/
- Нэгдүгээр цагдаа- П.Эрдэнэзаяа
- Хоёрдугаар цагдаа- Л.Даваадалай
Бусад уран бүтээлч:
- Туслах найруулагч- М.Ариунтуяа /МУСТА/
- Гэрлийн техникч- Х.Камесхан
- Дууны техникч- Э.Базарханд /МУСТА/
- Ерөнхий зураач- В.Энх-Амгалан
- Туслах зураач- Б.Бямбацэрэн, С.Энх-Од
Соёлын Гавьяат зүтгэлтэн, яруу найрагч Ц.Хулангийн зохиолоор бүтээж буй “Монгол ардын суут” драмын жүжиг маргааш 19.37 цагаас Хүүхэлдэйн театрын тайзнаа нээлтээ хийх гэж байна.
Ингээд зохиолчийн бичсэн сэтгэлийн үгийг хүргэж байна.
Цас хуртай сайхан өдрийн мэндийг хүргэе!
Өглөө бударч байсан цагаан цас үд дунд гэхэд саарал шалбааг болж, их хотын хөл хөдөлгөөний хэм хэмжээг сааруулаад, улирал солигдох нэгэн аятайхан хэрнээ хөнгөхөөн гуниг хаана ч юухнаас ч мэдрэгдэнэ бус уу…
20-р зууны Монголын соднайрагч, эгэл хүмүүн Дашдоржийн Нацагдоржийн тухай бидний хэдэн уран бүтээлч Монгол ардын суут хэмээх жүжиг тавихыг зориглоод, энэ сарын 9-ний өдөр буюу маргааш нээлтээ хийх гэж байна.
Аливаа шинэ уран бүтээл нь хийж туурвихын ид бах, үзэгч уншигчдад хүрдэг болов уу үгүй гэсэн айдас, энэ уран бүтээлийн дараа хүмүүс болон нийгэм ямар нэг өчүүүхэн ч атугай хэмжээгээр өөрчлөгддөг болов уу үгүй юу … гэсэн янз бүрийн бодол таамаг намайг ээрч, хөөрхөн тамлаж, нойргүй хонуулж байна. Уран бүтээл хийх гэдэг ийм гоё шүү дээ.
Ялангуяа, саяхан миний нэгэн ярилцлагандаа хэлснээр “Хүүхэдгүй морь, эзэнгүй уран бүтээлд хайртай байдаг” тэр л сэтгэлээр хандах юм бол, Нацагдорж шиг суу билэгтэй, Нацагдорж шиг өрөвдөм хувь заяатай, Нацагдорж шиг хойч үеийнхэндээ шулуухан хэлэх юм бол “ашиглагдаж гүйцсэн” зохиолчийн тухай, түүний амьдралын сүүлчийн шөнийн тухай өгүүлсэн ийм жүжиг надаас өөр ухаантай хүн байсан бол заяа нь хийхгүй дээ.
Яагаад гээч? Ерөнхий боловсролын сургуульд яг өнөөдөр л гэхэд түүний 20 гаруй уран бүтээлийг сурагчид үзэж, уншиж байна. Гэсэн хэрнээ Нацагдорж гэж хэн юм бэ гэдгийг хэн ч мэддэггүй. Би ч гэсэн багадаа тийм л байсан. Гэрээ цэвэрлэхдээ “Миний нутаг” шүлгийг нь чангаар уянгалуулан уншиж, “хар бага наснаас хөндлөн гулд давхисан газар” гэсэн хэсэг дээр нь ирээд хоолой зангирдаг байсан. Гээд Нацагдоржийг би өөрөө өөртөө их хожуу нээсэн юм. Түүний музейг үгүй хийж оронцоглосон мэргэжлийн байгууллагынхантай хэрүүл тэмцэл хийж, өөртөө ядаргаа болгосон энэ тэр гээд бодоход, Нацагдорж бид хоёрын дунд нэгэн үл үзэгдэх хэлхээ холбоо мөнхөд байсан юм шиг ээ… Энэ жүжиг ч гэсэн түүний л нэг үргэлжлэл байх. Нацагдоржийн амьдрал үхлийг бүтнээр нь харахад, тэр юу хэлэх гэсэн юм болоо? Дан ганц шүлэг зохиолоор бүтээлчийг өөрийг нь дүгнэнэ гэдэг өрөөсгөл. Захидал, тэмдэглэл, олны хууч яриа …. Нацагдорж судлаачдын бидэнд үлдээсэн үнэт өв … энэ бүхэн жүжгийн маань анхдагч суурь болсон. Тэгээд түүхээ, хувь хүмүүсийн намтрыг гоёчлох хэрэггүйг энэ удаа ч гэсэн мэдэрсэн. Харин түүний оронд …
Үгсэн хуйвалдах, эвлэлдэн алмайрахын эсрэг, эх орноо жинхэнэ утгаар нь бүтээж яваа тийм хүмүүс миний болон бидний жүжгийг ойлгоноо… Нацагдорж маань та бидний гүүр болон сунайж байна.
Та нарыгаа хүрэлцэн ирэхийг урья.
Ямар ч уран бүтээл хуйвалдаан байдаг. Энэ хуйвалдаан бол уран бүтээлч, үзэгч хоёрын дунд хийгддэг ил тод тохиролцоо юм. Бид юу гэж тохирсон бэ тэгвэл, энэ жүжгээр?
Монголд авьяас билэгтэй, эрдэм боловсролтой нь сайхан амьдраасай, шударга үнэн дийлдэг цаг ирээсэй… Эрх мэдлийн төлөөх бялдуулчлал, зусардал үгүй болж, Монголын төр тархиа цэнэглээсэй… намчирхалын далбаан дор цөөхөн монголчууд нэгнээ хэлмэгдүүлдэггүй байгаасай …гэсэн мэт өчнөөн олон үл бүтэх ч юм шиг хөгийн тохиролцоо сэдлээр энэхүү жүжгээ хуучны цахиур буу мэт найдвартай сумлаад гэмгүй царайлан энэ их цас шалбааг дунд алхаж л явна даа.
Дашрамд хэлэхэд, миний хамтрагчид гэж шинийг эрэлхийлдэг саак залуус бий. “Аргун” компаний нэвтрүүлж буй цоо шинэ, Монголын театрын түүхэнд анх удаа AR технологийн “амьд тасалбар” Монгол ардын суут жүжигт зориулагдан хэвлэгдэж, худалдаанд гарч эхэллээ.
Давтан хэлье, ХЭНЭЭТНҮҮДЭД БИШ СЭХЭЭТНҮҮДЭД ЗОРИУЛАВ
Манай театрын үүдэнд уулзацгаая.
Засгийн газрын өнөөдрийн ээлжит хуралдаанаар Төрийн өмчит үйлдвэрийн газрын талаар авах арга хэмжээ болон визний шаардлагаас чөлөөлөх тухай хэлэлцээр, төслүүдийг хэлэлцэх юм байна.
Дональд Трамп Луйзиана мужид, Хиллари Клинтон Коннектикут мужид тус тус нэмж ялснаар Трамп 137 мандаттай, Клинтон 104 мандаттай тус тус болоод байна.
Доналд Трамп сонгуулийн дүнг тэсэн ядан хүлээж байгаа нь
АНУ-ын 16 муж улсад санал хураалт дуусахад нэг цагийн хугацаа үлдээд байна. Урьдчилсан байдлаар нэр дэвшигч Хиллари Клинтон Вермонт, Иллиной, Мэрилэнд, Вашингтон ДС, Делавер, Нью-Жерси, Массачусетс, Рөүд-Айленд зэрэг 8 мужид санал аваад байгаа бол Дональд Трамп Индиана, Кентакки, Баруун Виржиниа, Миссиппи, Оклахама мужид зургаан санал авчээ.
АНУ-ын Калифорни муж улсын
АНУ-ын Невада мужийн Лас Вегас хотноо “Memoriad-2016” оюуны олимп эхэллээ. Тус тэмцээнд Монголын Оюун Ухааны Академийн 14 тамирчин оролцож байгаа юм..jpg)
.jpg)
УИХ-ын гишүүн асан Г.Уянга “Эрдэнэт” үйлдвэрийн хувьчлал болон Ерөнхийлөгчтэй холбоотой асуудлаар өнөөдөр хэвлэлийн хурал хийнэ. 
“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.