УИХ-ын Аюулгүй байдал, гадаад бодлогын байнгын хорооны өнөөдрийн хуралдаанаар “Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” УИХ-ын тогтоолын төслийн анхны хэлэлцүүлгийг хийлээ. Тогтоолын төслийн талаархи танилцуулгыг Засгийн газрын гишүүн, Гадаад харилцааны сайд Ц.Мөнх-Оргил хийсэн юм.
“Монгол Улсын эдийн засаг, нийгмийг 2017 онд хөгжүүлэх үндсэн чиглэл”-ийн төсөлд Макро эдийн засгийн бодлого, Эдийн засгийн өсөлтийг дэмжих салбаруудын бодлого, Бүс нутаг, хөдөөгийн хөгжил, байгаль орчны бодлого, Хүний хөгжлийг дэмжих нийгмийн салбарын бодлого, Засаглал, эрх зүйн шинэчлэл, гадаад бодлого, батлан хамгаалах салбарын бодлого гэсэн таван бүлэг, 17 зорилт, 104 бодлогын арга хэмжээг тусгажээ. Түүнчлэн эдгээр зорилт, арга хэмжээ тус бүрийн шалгуур үзүүлэлт, хүрэх түвшин, шаардагдах санхүүжилт, хөрөнгийн эх үүсвэр, урт болон дунд хугацааны хөтөлбөр, бодлогын баримт бичгүүдтэй уялдсан байдал, хариуцан хэрэгжүүлэх байгууллагыг тодорхой зааж өгсөн. Үндсэн чиглэлийн төслийг боловсруулахдаа УИХ-ын 2016 оны 19 дүгээр тогтоолоор батлагдсан “Монгол Улсын тогтвортой хөгжлийн үзэл баримтлал-2030”, 2016 оны 45 дугаар тогтоолоор батлагдсан Монгол Улсын Засгийн газрын 2016-2020 оны үйл ажиллагааны хөтөлбөрт тусгагдсан зорилт, арга хэмжээ болон салбарын хөгжлийн бодлогын баримт бичгүүд, яамд, агентлагаас ирүүлсэн саналд үндэслэн, улсын төсвийн хөрөнгө оруулалт болон бусад хөрөнгийн эх үүсвэртэй уялдуулсан гэдгийг сайд танилцуулгадаа онцоллоо
Үндсэн чиглэлийн төсөлд Макро эдийн засгийн бодлогын хүрээнд 2017 онд эдийн засгийн хүндрэлийг даван туулах, үйлдвэрлэл, дэд бүтцийн томоохон төслүүдийг эрчимжүүлж, эдийн засгийн өсөлтийг нэмэгдүүлэх; инфляцийг зорилтот түвшинд байлгах; ажлын байрыг нэмэгдүүлэх замаар ажилгүйдлийн түвшинг бууруулах; нэгдсэн төсвийн тэнцлийн алдагдлыг өмнөх оны түвшнээс бууруулах замаар дунд хугацаанд төсвийн үндсэн тэнцлийг эерэг болгох нөхцөлийг бүрдүүлэх; Засгийн газар, Хөгжлийн банкны гадаад бондыг эргүүлэн төлөх эх үүсвэрийг шийдвэрлэж, дунд хугацаанд өрийн дарамтыг бууруулах бодлого хэрэгжүүлэх; валютын орох урсгал түр зуур нэмэгдэх үед төгрөгийн нийлүүлэлтийг огцом нэмэгдүүлэхгүй, валютын нөөцийг хамгаалах зарчим баримтлах зэрэг арга хэмжээнүүдийг хэрэгжүүлэхээр төлөвлөжээ.
Харин Засаглал, эрх зүйн шинэчлэл, гадаад бодлого, батлан хамгаалах салбарын бодлогын хүрээнд хууль сахиулах байгууллагуудын эрх зүйн орчныг сайжруулж, төрийн үйлчилгээг түргэн шуурхай болгох; энхийг эрхэмлэсэн, нээлттэй, олон тулгуурт гадаад бодлого явуулж, хилийн чанадад амьдарч буй монгол иргэдийн эрх ашгийг хамгаалах тогтолцоог сайжруулан, хөрш орнуудад хийх худалдааг өргөжүүлэх бодлого баримтлах; батлан хамгаалах салбарын эрх зүйн орчныг сайжруулж, улс орныг батлан хамгаалах чадавхийг бэхжүүлэх чиглэлээр тодорхой зорилт тусгасныг Гадаад харилцааны сайд танилцуулгадаа дурдлаа.
Мөн салбарын яамд, агентлагуудаас ирүүлсэн арга хэмжээний саналуудыг үндсэн чиглэлийн төсөлд тусгахдаа бодлогын зорилт, арга хэмжээг улсын төсөв болон бусад хөрөнгийн эх үүсвэрийн боломжтой уялдуулан 104 арга хэмжээний хүрээнд нийтдээ 5.3 их наяд төгрөгийг санхүүжүүлэхээс улсын төсвийн хөрөнгөөр 327.6 тэрбум төгрөг, гадаад эх үүсвэрээс 825.2 тэрбум төгрөг, төр, хувийн хэвшлийн түншлэл болон хувийн хөрөнгө оруулалтаар 4.1 их наяд төгрөг, бусад эх үүсвэрээс 104 тэрбум төгрөгөөр тус тус санхүүжүүлэхээр төлөвлөн тусгасан болохыг танилцуулсан юм.
Сайдын танилцуулгатай холбогдуулан УИХ-ын гишүүн Л.Болд, Б.Энх-Амгалан, С.Батболд, Ж.Энхбаяр нар ажлын хэсгээс асуулт асууж тодруулсны дараа байнгын хорооны гишүүдээс гаргасан зарчмын зөрүүтэй саналын томьёоллуудаар санал хураалт явуулав.
Тогтоолын төслийн анхны хэлэлцүүлэгтэй холбогдуулан тус байнгын хорооны гишүүдээс зарчмын зөрүүтэй 6 санал гаргаснаас 4 нь олонхийн дэмжлэг авч, хоёр санал дэмжигдсэнгүй.
Тухайлбал, УИХ-ын гишүүн Б.Энх-Амгалан тогтоолын төслийн хавсралтын 4 дүгээр зорилтын 2 дахь хэсэгт “хөнгөн үйлдвэрийн техникийн парк байгуулах”, хавсралтын 16 дугаар зорилтын 3 дахь хэсэгт “гадаад худалдааг хөгжүүлэх зорилгоор чөлөөт бүс байгуулах ажлыг эрчимжүүлэх” гэж нэмэх санал гаргасныг байнгын хорооны гишүүд дэмжив. Мөн УИХ-ын гишүүн Ж.Энхбаяр тогтоолын төслийн хавсралтын 12 дугаар зорилтын 4 дэх хэсэгт “программ хангамжийн үйлдвэрлэлийг хөгжүүлэх”, хавсралтын 17 дугаар зорилтын 2 дахь хэсэгт “кибер аюулгүй байдлыг хангах тогтолцоог сайжруулах, чадавхийг нэмэгдүүлэх” гэж тус тус нэмэх санал гаргаж олонхийн дэмжлэг авсан юм.
Ингээд тогтоолын төслийн анхны хэлэлцүүлгийг байнгын хорооны хуралдаанд оролцсон гишүүдийн олонхи нь дэмжиж, энэ талаархи санал, дүгнэлтээ Эдийн засгийн байнгын хороонд хүргүүлэхээр тогтлоо.
Улсын Их Хурлын гишүүн, Өргөдлийн байнгын хорооны дарга Д.Сарангэрэл, Улсын Их Хурлын гишүүн, Ажлын хэсгийн ахлагч А.Сүхбат нар өнөөдөр /2016.11.09/ Туул голын бохирдлын асуудлаар ирүүлсэн өргөдлийн дагуу холбогдох хууль тогтоомжийн хэрэгжилтийг судлахаар Төв болон Харгиа цэвэрлэх байгууламж, мөн Шувуун фабрикийн орчимд хайрга олборлодог карьеруудын үйл ажиллагаатай танилцаж, газар дээр нь ажиллалаа.
Өргөдлийн байнгын хороо нь Туул голын бохирдлыг бууруулах, урсацыг хамгаалах, хамгаалалтын бүсийн дэглэмийг мөрдүүлэх, усны чанарын стандартад хүргэхэд шаардлагатай арга хэмжээг авах, холбогдох хууль тогтоомжийн хэрэгжилтийг хангуулах чиглэлээр тогтоол гаргаж, Ажлын хэсгийг 2016 оны 10 дугаар сарын 25-ны өдөр байгуулсан байна. 
Гишүүд дээрх газруудын үйл ажиллагаатай танилцсан тухай болон цаашид шийдвэрлэвэл зохих асуудлын талаар Байнгын хорооны хуралдаанд танилцуулах юм
Эрчим хүчний сайд П.Ганхүү Элчин сайд Женифер Зимдал Галтыг хүлээн авч уулзахдаа сэргээгдэх эрчим хүчний салбарт хоёр орон хэрхэн хамтран ажиллах боломжтой тухайд онцолж ярилцлаа. Элчин сайд Галт МУ-ын Засгийн газрын мөрийн хөтөлбөрт тусгагдсан төсөл ажлуудын талаар сонирхож, АНУ-ын зүгээс сэргээгдэх эрчим хүчний чиглэлд түлхүү хамтран ажиллах сонирхолтойгоо илэрхийлэв.
Манай улсад ЕБС-ийн 486 дотуур байранд 32 мянга гаруй сурагч амьдарч байна. Тэдгээрийн төлөөлөл болох Баян-Өлгий, Ховд аймгийн дотуур байрны хүүхдүүд өнгөрсөн амралтын өдрүүдэд тулгамдаж буй асуудлаа хэлэлцэж, түүнээс гарах арга замыг эрэлхийллээ.
Ойрын өдрүүдэд ихэнх нутгаар цас орж, хүйтэрсэнтэй холбоотойгоор албан байгууллагын эзэмшлийн талбайд бэртэж гэмтсэн иргэд тухайн албан байгууллагаас хохирлоо нэмэмжлэх боломжтой аж. Тодруулбал, Нийслэлийн ИТХ-ын Тэргүүлэгчдийн тогтоолоор “Иргэн, Аж ахуйн нэгж байгууллагуудыг эзэмшил, ашиглалтад байгаа газар болон орчны 50 метр хүртэлх нийтийн эзэмшлийн зам талбайд ногоон байгууламж хийх, арчилгаа цэвэрлэгээг хариуцах, өвлийн улиралд байнгын хүн томилж цас, мөсийг тухай бүрт нь арилган, халтиргаа гулгаа үүсгэлгүйгээр иргэдийн тав тухтай амьдрах орчин нөхцлийг бүрдүүлж ажиллахыг үүрэг болгосон” байдаг.
Тэрээр “Захиалгын УИХ-ыг бүрдүүлж, хуйвалдааныхаа төрийг бэхжүүлэх ажлыг улам эрчимжүүллээ. Үүний нэг тод жишээ нь сонгогчдын дөч орчим хувийн дэмжлэг авсан Ардчилсан нам УИХ-ын суудлын 10 гаруйхан хувийг эзэлж байхад, 60 гаруй суудлыг буюу 85 хувийг МАН эзэлж байгаа явдал юм. Ийм үнэмлэхүй эрх мэдэлд хүрсэн хуйвалдааны бүлэглэл ард түмэндээ амласнаасаа буцаж, төрийн бүхий л салбарт хяналтаа тогтоохоор мэрийж байна. Мөн Монгол Улсын эдийн засаг дахь өнгөтэй өөдтэй бүхнийг сорчлон залгиж, хуйвалдааны аргаар өөрийн болгосноор цөөнхийн ноёрхлыг он удаан жилээр хадгалж, мөнхөд засаглахаар санаархаж байна. Тэд шударга ёсыг сануулсан хүмүүсийг гудаан доромжилж, үнэнийг эрх мэдэл, мөнгөөр хаана гэж бардам зан гаргаж байна. Монголчууд явцуу эрх ашгаараа нэгдсэн нам дамнасан бүлэглийн санаархлыг тас зохиж, Монгол төрөө хуйвалдагчаас тусгаарлах, чөлөөлөх цаг нь ирсэн. Би ард түмнийхээ язгуур эрх ашгийг эцсээ хүртэл хамгаалан гэсэн үгэндээ эзэн болж, бодит ажил болгохын тулд Монгол Улсын Ерөнхийлөгчийн сонгуульд нэр дэвшихээр шийдлээ. Учир нь улам бүр үнэгүйдэн алсарч байгаа шударга ёс, хуулийн тогтолцоог сэргээн босгож, Монголын нийгэмд үүрлэсэн худал хуурмагийг нэн даруй таслан зогсоох шаардлагатай боллоо. Өнөөдөр авлигатай тэмцэх гэдэг нь улстөрчид өрсөлдөгчөө намнах хэрэгсэл болгож байна. Хуйвалдааны бүлэглэл өөрсдийнхөө хууль бус үйлдлийг гавьяа мэт ил тод сурталчилж байна. Үүнд цэг тавина. Монголчууд сүүлийн 26 жилийн турш тэмцэж ирсэн ардчилал бүрэн унаж байна. Хүний эрх, эрх чөлөөний төлөөх бидний үг хоосон үг мэт болох бодит аюул нүүрлэлээ. Монголын заяа их. Монгол хүний ухаан уужим, хараа хол. Хэн нь хэн бэ гэдгийн тод ялгаа одоо харагдаж байна. Цаг иржээ. Монгол орноо газар авсан хуйвалдааны бүлгээс чөлөөлөх энэ тэмцлийг өнөөдрөөс өргөн хүрээнд эхлүүлье. Хуйвалдааны Төрд битгий давар гэж хэлье. Эрх чөлөөт Монгол, тусгаар тогтносон Монгол цаашид ч орших болно. Тэмцдэггүй ард түмэн мөхдөг, урсдаггүй гол ширгэдэг. Эх орныхоо төлөө эцсээ хүртэл зүтгэнэ. Миний Монгол үүрд мандан бадраг.
МҮОНРТ-ийн “Цагийн хүрд” мэдээллийн хөтөлбөрийн дундуур өчигдөр Ц.Оюундарь захирлын эсрэг мэдэгдэл гарсан нь олны анхаарлыг татлаа. Уг мэдэгдлийг МҮОНРТ-ийн “Ажиллагсдын түр хороо”-ноос тус телевизийн Үндэсний зөвлөлд хандан гаргажээ..jpg)
Сонгуулийн ерөнхий хорооноос 2016 оны УИХ-ын сонгууль, сонгуульд нэр дэвшигчдийн хандивыг аудитын байгууллагаар шалгуулсан тухай болон Сум, дүүргийн Иргэдийн төлөөлөгчдийн хурлын сонгуультай холбоотой зарим мэдээллийг өгөхөөр хэвлэлийн бага хурал хийлээ. 
Унгарын Будапешт хотноо ирэх сарын 10-11-ний өдрүүдэд чөлөөт бөхийн олимпийн бус жингүүдийн ДАШТ болно. Тус тэмцээнд оролцох Монголын баг тамирчдыг сонгон шалгаруулах барилдаан өнөөдөр боллоо. Ийнхүү эрэгтэйчүүдийн 61 кг-ын жинд Т.Түвшинтулга, 70 кг-д Азийн аварга Б.Батзориг, эмэгтэйчүүдийн 55 кг-д ДАШТ-ий мөнгөн медальт Д.Отгонцэцэг, 60 кг-д Б.Шоовдор нар ялалт байгуулж, ДАШТ-д зодоглохоор эрхээ авлаа.
Хэдхэн хормын өмнө АНУ-ын Ерөнхийлөгчөөр Бүгд Найрамдах намаас нэр дэвшигч Дональд Трамп сонгогдлоо. Дэлхийн хамгийн нөлөө бүхий их гүрний Ерөнхийлөгчийн сонгуулийн үр дүнгийн талаар манай улсын Ерөнхийлөгч Ц.Элбэгдорж сэтгэгдлээ илэрхийлжээ. 
Мөн АНУ-аас ОХУ-д Онц бөгөөд Бүрэн эрхт Элчин сайдаар ажиллаж байсан Майкл Макфол өөрийн твиттер хуудаснаа ингэж жиргэжээ. Тэрээр энэхүү сонгуульд ОХУ-ын Ерөнхийлөгч В.Путин нөлөөлсөн гээд “Путин манай сонгуульд гараа сунгаж өөрийн хүнээ АНУ-ын төрийн тэргүүн болголоо”гэжээ. Сануулахад Дональд Трамп ялалт байгуулбал Ерөнхийлөгчийн тангараг өргөхөөсөө өмнө Путинтай уулзана гэж мэдэгдэж байсан билээ. 