Нийслэлийн Засаг дарга бөгөөд Улаанбаатар хотын захирагч С.Батболд хуульд заасан эрхийнхээ хүрээнд захирамж гаргаж, нийслэлийн Баянгол дүүргийн Засаг даргаар Салдангийн Одонтуяа, Багахангай дүүргийн Засаг даргаар Сэрдамбын Эрдэнэбаяр нарыг батламжиллаа. Хуулиараа дүүргийн Засаг даргыг томилохдоо Нийслэлийн засаг дарга бөгөөд Улаанбаатар хотын захирагчтай зөвшилцдөг. Мөн Авилгатай тэмцэх газарт хөрөнгө орлогын урьдчилсан мэдүүлгээ өгч, хуулийнхан судалж, хариулт ирүүлдэг заалттай. Энэ дагуу НЗДТГ судалж үзээд, өнөөдөр хотын дарга тус 2 дүүргийн Засаг даргын батламжинд гарын үсэг зурлаа.
Баянгол дүүргийн Засаг дарга С.Одонтуяа “Өнөөдөр Нийслэлийн Засаг даргаас батламжаа албан ёсоор гардаж авлаа. Бид Баянгол дүүргийн иргэдийн эрүүл, аюулгүй орчинд амьдрах нөхцлийг бүрдүүлж байж, дараа дараагийн асуудлууд шийдэгдэнэ гэж харж байна. Манай дүүрэг 57 мянган өрхтэй нийслэлийн томоохон дүүрэг. Бид өнгөрсөн он жилүүдэд хийгдэж байсан бүтээн байгуулалтын ажлыг үргэлжлүүлнэ. Төрийн ажлын залгамж чанарыг алдалгүй, дэлхийн бусад улс орнуудын нийслэлийн хөгжлөөс үлгэр жишээ авч, Баянгол дүүргээ жишиг дүүрэг болгохоор төлөвлөж байна.” гэлээ.
Багахангай дүүргийн Засаг дарга С.Эрдэнэбаяр “Бид 2016 оны сонгуульд оролцохдоо дэвшүүлсэн мөрийн хөтөлбөр хүний хөгжил рүү хамгийн эхэнд чиглэсэн. Багахангай дүүргийн ард иргэд эрч хүчтэй, эрүүл саруул, эрдэм боловсролтой, хийж бүтээх хүсэл тэмүүлэлтэй байхад мөрийн хөтөлбөрийн гол бодлого оршиж байгаа. Тиймээс дүүргээ хөгжүүлэхийн төлөө хариуцлагатай ажиллах болно.” гэсэн юм. Нийслэлийн Засаг дарга бөгөөд Улаанбаатар хотын захирагч С.Батболд шинээр томилогдсон Засаг дарга нарт ажлын амжилт хүслээ.
“Asian World Film Festival” наадам АНУ-д боллоо. Тус наадмын шилдэг таван киноны нэгээр “Ээж” кино шалгарлаа. Саяхан ОХУ-д болсон “Мөнгөн абкузат” олон улсын кино наадмын шилдэг эмэгтэй дүрийн шагналыг “Ээж” уран сайхны киноны гол дүрийг бүтээсэн Ардын жүжигчин Д.Мэндбаяр хүртсэн юм. Ийнхүү “Ээж” кино хилийн чанадаас хоёр дахь шагналаа хүртэж байна.
Монголбанкнаас валютийн ханшийн өсөлтийн талаар хэвлэлийн бага хурал хийлээ. Энэ талаар Монголбанкны ОНБМТ-ийн захирал Б.Лхагважав “Төгрөгийн гадаад валюттай харьцах ханш сүүлийн хоногуудад огцом сулраад байна. Үүнийг Монголбанк тэнцвэрт түвшинээсээ хэт хөөсөрсөн түр зуурын шинжтэй гэж үзэж байна. Монгол Улсын Засгийн газрын олон улсын байгууллага, хөрөнгө оруулагчидтай хийх хэлэлцээр үр дүнтэй болж, ойрын хугацаанд санхүүжилтийн асуудал шийдэгдэнэ. Монголбанкнаас ханшийн энэхүү огцом хэлбэлзлийг тогтворжуулахад шаардлагатай бүхий л арга хэмжээг авна гэж мэдэгдэж байна” гэв.
АНУ-ын Ерөнхийлөгч Барак Обама, сонгуульд ялалт байгуулсан шинэ Ерөнхийлөгч Дональд Трамп нар анх удаагаа Цагаан ордонд уулзлаа. Урт удаан хугацааны турш үргэлжилсэн сонгуулийн компанит ажлын дараа Бүгд найрамдах намын төлөөлөл, Ардчилсан намын Ерөнхийлөгчтэй уулзаж байна. 90 минутын турш үргэлжилсэн энэхүү уулзалтын дараа Трамп сэтгүүлчдэд мэдээлэхдээ: “Бид маш олон зүйлийн талаар ярилцсан, зарим нь их хүнд, зарим нь их амархан байлаа. Б.Обама хэлэхдээ зарим санаа чинь их авууштай гайхалтай юм байна” гэсэн гэжээ. Тэрээр уулзалтынхаа дараа орой нь твиттертээ “Өнөөдөр Ерөнхийлөгч Обаматай уулзлаа. Сайхан уулзалт, их өөрчлөлт” гэж жиргэжээ. Мөн тэрээр өөрийг нь эсэргүүцэн хоёр дахь өдрөө жагсаж байгаа хүмүүсийн талаар “Энэ бол байх л зүйл, би айхгүй байна” гэж жиргэжээ.
Хан-Уул дүүргийн Онцгой байдлын
Ерөнхийлөгчийн Тамгын газрын дарга асан Пунцагийн Цагаанд шинжлэх ухааныг хөгжүүлэх үйлсэд оруулсан хувь нэмрийг нь үнэлж “Хубилай хаан” алтан медаль олгосныг ШУА-ийн ерөнхийлөгч, Төрийн шагналт, Академич Дүгэрийн Рэгдэл гардуулан өглөө.
П.Цагаан монгол хэл бичиг, соёл, түүх, үндэсний урлагийг судлан шинжлэх, хадгалан хамгаалах, өвлөн уламжлуулах чиглэлд санаачилга, үр бүтээлтэй ажиллажээ. Тухайлбал, шинжлэх ухааны байгууллагын эрдэмтэн судлаачдын бүтээлийг дэмжин “Монгол хэлний их тайлбар толь”, “Монголын түүхийн их тайлбар толь”, “Монгол эх түүх” 7 боть, “Монгол-Ил хаадын судалгаа” зэрэг төсөл хөтөлбөрийг хэрэгжүүлж, хадны зургийг сонирхон судалж, энэ чиглэлээр олон улсын хурал зохион байгуулсан юм.
ШУА-ийн ерөнхийлөгч, Төрийн шагналт, Академич Дүгэрийн Рэгдэл “П.Цагаан түүх, эх хэл, үндэсний урлаг, өв соёлоо хамгаалах, хойч үедээ таниулах зэргээр Монгол Улсын шинжлэх ухаанд маш их хувь нэмэр оруулсан. Үүнээс гадна Монгол Улсын Шинжлэх ухааны академийн гүйцэтгэж амжаагүй ажлыг П.Цагаан гэдэг хувь гүйцэтгэсэн түүхэн гавьяатай. Энэ нь түүний үүсгэн байгуулсан Эдийн засгийн бодлого, өрсөлдөх чадварын судалгааны төв юм. Энэ судалгааны төвийг байгуулсанаар Монгол Улсыг цаашлаад аймаг, дүүргийн хөгжлийн хэмжүүртэй болгож өгсөн юм. Мөн газрын гүний дулаан, нарны эрчим хүчийг ашиглан 500 малчин өрхийн лааны хэрэглээг халж, хөдөөд соёлын үрийг тарих эхлэлийг тавьсан гавьяатай. Тиймээс түүний шинжлэх ухаанд оруулсан хувь нэмрийг үнэлж ШУА-ын дээд шагнал “Хубилай хаан” медалиар шагнаж байна” гэв.
Нийслэлийн Засаг даргын Тамгын газрын Цэргийн штабаас цэргийн дүйцүүлэх алба хаагчдын үүрэг гүйцэтгэх бэлэн байдлыг шалгах, Улаанбаатар хотын Захирагчийн ажлын албатай хамтран иргэдийн зорчих нөхцлийг сайжруулах зорилгоор Монгол Улсын Засгийн газрын 2008 оны “Журам батлах тухай” 49 дүгээр тогтоолын 10 дугаар хэсгийн б-д заасан үүргийн дагуу өнөөдөр Улаанбаатар банк, Сүхбаатарын талбайн урд талын цэцэрлэгт хүрээлэн, төв шуудан, Цэцэг төв, Байгалийн түүхийн музейн уулзвар хүртэлх явган хүний зам талбайн дагтаршсан цас мөсийг цэвэрлэлээ 
Хиллари Клинтон Ерөнхийлөгчийн сонгуульд ялалт хүлээснийхээ ганцхан хоногийн дараа нохойтойгоо ууланд гарчээ. Түүнтэй тааралдсан охинтойгоо алхаж явсан бүсгүй түүнд таарч зургаа авахуулжээ. Тэгээд зурагаа фейсбүүктээ тависан байна. Хиллари Клинтон одоо Нью-Иорк хотын Чаппакуад амьдарч байгаа аж.Зургийнхаа тайлбарыг хийхдээ бүсгүй “Өчигдөр маш хар өдөр байлаа, би одоо толгойгоо сэргээхийг хичээж байна, энэ зураг маань олон хүмүүст итгэл найдварыг авчрах байх” гэж бичжээ. Түүний охин нь одоо ой гурван сартай аж.