Month: November 2016

БАРУУН АЙМГУУДЫН
НУТГААР:Үүлэрхэг. Шөнөдөө нутгийн хойд хэсгээр,
өдөртөө ихэнх нутгаар цас орж, цасан шуурга шуурна. Салхи баруун өмнөөс баруун
хойш эргэж секундэд 7-12 метр, Алтайн салбар уулсаар секундэд түр зуур
18-20 метр хүрч ширүүснэ. Увс нуурын хотгор болон Хангайн уулархаг нутаг, Идэр,
Тэс голын хөндийгөөр шөнөдөө 18-23 градус, өдөртөө 5-10 градус, Алтайн өвөр
говиор шөнөдөө 0-5 градус хүйтэн, өдөртөө 5-10 градус дулаан, бусад нутгаар
шөнөдөө 4-9 градус хүйтэн, өдөртөө 2 градус хүйтнээс 3 градус дулаан байна.

ТӨВИЙН
АЙМГУУДЫН НУТГААР:Солигдмол
үүлтэй. Шөнөдөө зарим газраар, өдөртөө нутгийн баруун хэсгээр цас орж, зөөлөн
цасан шуурга шуурна. Салхи баруун өмнөөс секундэд 7-12 метр. Шөнөдөө Дархадын
хотгороор 23-28 градус, Хэнтэйн уулархаг нутаг, Орхон-Сэлэнгэ, Хараа, Ерөө, Туул,
Тэрэлж голын хөндийгөөр 18-23 градус, бусад нутгаар 14-19 градус, өдөртөө
Дархадын хотгороор 14-19 градус, Хөвсгөл, Хэнтэйн уулархаг нутаг,
Орхон-Сэлэнгэ, Хараа, Ерөө, Туул, Тэрэлж голын хөндийгөөр 5-10 градус хүйтэн,
бусад нутгаар 2 градус хүйтнээс 3 градус дулаан байна.

ЗҮҮН
АЙМГУУДЫН НУТГААР:Солигдмол
үүлтэй. Шөнөдөө нутгийн зүүн хэсгээр цас орж, зөөлөн цасан шуурга шуурна.
Өдөртөө цас орохгүй. Салхи шөнөдөө баруун хойноос, өдөртөө зүүн өмнөөс секундэд
7-12 метр. Хэрлэн, Онон, Улз голын саваар шөнөдөө 20-25 градус, өдөртөө 8-13
градус, бусад нутгаар шөнөдөө 16-21 градус, өдөртөө 3-8 градус хүйтэн байна.

ОТРЫН
НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи
өмнөөс секундэд 5-10 метр. Шөнөдөө 20-22 градус, өдөртөө 3-5 градус хүйтэн
байна.

ГОВИЙН
АЙМГУУДЫН НУТГААР:Солигдмол
үүлтэй. Цас орохгүй. Салхи баруунаас секундэд 7-12 метр, зарим газраар секундэд
14-16 метр хүрч ширүүснэ. Өмнөговийн нутгаар шөнөдөө 1-6 градус хүйтэн, өдөртөө
4-9 градус дулаан, бусад нутгаар шөнөдөө 7-12 градус хүйтэн, өдөртөө 0-5 градус
дулаан байна.

УЛААНБААТАР ХОТ:Үүлшинэ. Шөнөдөө бага зэргийн цас орно.
Өдөртөө цас орохгүй. Салхи зүүн өмнөөс секундэд 6-11 метр. Шөнөдөө 16-18
градус, өдөртөө 5-7 градус хүйтэн байна.

“Өдрийн сонин”-ы бямба гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.

Уламжлалт “Нэг ангийнхан” буланд Анагаахын дээд сургуулийг 1986 онд төгссөн Хүүхдийн факультетийн долдугаар группийнхэн уригдан оролцлоо. Уншигч та нэг болон зургадугаар нүүрнээс унших боломжтой.

Өчигдөр сангийн сайд Б.Чойжилсүрэн улсын төсөвтэй холбогдуулан мэдээлэл хийсэн юм. Энэ тухай улс төрийн хоёрдугаар нүүрэнд хэвлэн гаргалаа. Мөн энэ нүүрнээс УИХ-ын баасан гаригийн чуулган дээр ямар асуудлуудыг хэлэлцсэн талаар сонирхон уншаарай.

Манай сонины нийтлэлийн бодлогыг тодорхойлж байдаг, нийгэмд шуугиан дэгдээдэг гуравдугаар нүүрэнд сэтгүүлч Баасансүрэнгийн “Яст мэлхий шиг гэлдэрч байсан ханш кенгуру мэд үсэрсний буруутан хэн бэ?”нийтлэл хэвлэгдлээ.

Түүнчлэн наймдугаар нүүрнээс дэлхийн хамгийн өндөр цамхгуудтай танилцах боломжтой. Харин есдүгээр нүүрэнд “Монгол Улс бодлогоосоо ухраад байна уу даа, сайд аа” нийтлэл хэвлэгдлээ.

Мөн уламжлалт “Амрах агшин”, “Гал тогоо”, “Ном ярьж өгье” булангуудаа сонирхон уншаарай.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Мансууруулах эм, сэтгэцэд нөлөөт бодистой холбоотой гэмт хэрэгт энэ оны эхний 10 сарын байдлаар 76 хэрэгт 176 хүн холбогдон шалгагдсан байна.

Нийслэл хотод насанд хүрээгүй хүмүүс газ, мансууруулах төрлийн бодис үнэрлэсэн гэх дуудлага мэдээлэл энэ оны эхний 10 сарын байдлаар 30 бүртгэгдсэн нь өмнөх оны мөн үетэй харьцуулахад 5 нэгжээр буюу 3.4 хувиар өссөн дүнтэй байна.

Иймд хүүхэд, залуучуудыг мансууруулах төрлийн бодис, эм бэлдмэл хэрэглэхээс урьдчилан сэргийлэх, хор холбогдлыг нь ухуулан таниулах зорилгоор Хууль зүй, дотоод хэргийн яам, Улаанбаатар хотын цагдаагийн газар, Эрүүгийн цагдаагийн газрын Хар тамхитай тэмцэх хэлтэс, “Цагаан соён” төрийн бус байгууллага хамтран “Мансууралгүй ирээдүй” аяныг 2016 оны 10 сарын 01-нээс эхлэн өрнүүлж байна.

Арга хэмжээний хүрээнд Нийслэлийн ерөнхий боловсролын газар, Сэтгэцийн эрүүл мэндийн үндэсний төвтэй хамтран сургуулийн нийгмийн ажилтнуудад зориулсан хүүхдийг хар тамхи, мансууруулах бодис, сэтгэцэд нөлөөлөх эм бэлдмэлээс урьдчилан сэргийлэх нь сэдэвт сургалт зохион байгуулж байна.

Сургалтыг зохион байгуулснаар хар тамхи, мансууруулах бодис, сэтгэцэд нөлөөлөх эм бэлдмэл гэж юу вэ, энэ төрлийн гэмт хэргийн ойлголт, түүнээс сэргийлэх арга зам, эрүүл мэндэд нөлөөлөх хор уршгийн талаар багш сурган хүмүүжүүлэгч нарт ойлгуулж өгсөнөөр өсвөр насны хүүхдүүдийг энэ төрлийн гэмт хэрэг, зөрчил болон эрх ашиг нь хохирохоос урьдчилан сэргийлэхэд үр дүн үзүүлэх юм.

Цаашид аяны хүрээнд Нийслэлийн ерөнхий боловсролын сургуулиудад “Хар тамхи мансууруулах бодисын хор уршиг”-ийг таниулах сургалт, хүүхэд залуусыг “Мансууралгүй ирээдүй” аянд нэгдэж эрүүл амьдралын хэвшилтэй болгохыг уриалсан арга хэмжээнүүд шат дараатайгаар үргэлжлэн явагдана.

Нийслэлийн Засаг дарга бөгөөд Улаанбаатар хотын Захирагч С.Батболд болон холбогдох албаны хүмүүс “Гандангийн хөгжилд залуусын оролцоо” төрийн бус байгууллагаас зохион байгуулсан нээлттэй хэлэлцүүлэгт оролцож, иргэдтэй санал бодлоо солилцлоо. Хэлэлцүүлгээр Гандан орчмын өнөөгийн нөхцөл байдлыг үнэлж дүгнэх, орчин нөхцлийг сайжруулах талаар Засаг даргын Тамгын газраас авч хэрэгжүүлж буй бодлого, түүнтэй холбоотой төсөл хөтөлбөрийн хэрэгжилт, төлөвлөгөөний талаар түлхүү ярилцав.

Нийслэлийн Засаг дарга бөгөөд Улаанбаатар хотын Захирагч С.Батболд “Гандан орчмын хэсэг нь Улаанбаатар хотын үүсэл хөгжилтэй салшгүй холбоотой. Нөгөө талаараа Монгол орны шашин соёлын төв болсон газар юм. Бусад орны хувьд шашин соёлын өв болсон газруудаа аялал жуулчлалын төв болгон үлдээсэн байдаг. Бидний хувьд гандан орчмыг жуулчлалын төв болгон хөгжүүлэхээр төлөвлөж байна. Энэ үйл ажиллагаанд иргэдийнхээ оролцоог хангаж, оролцуулах нь зүйтэй гэж үзэж байгаа учраас өнөөдөр нээлттэй хэлэлцүүлэгт оролцлоо. Гандангийн дахин төлөвлөлтийн талаар олон шийдэл санаануууд яригдаж байна” хэмээн хэллээ.

Энэхүү хэлэлцүүлэг нь нийслэлийн гэр хорооллыг дахин төлөвлөлт, дэд бүтцийг сайжруулах, Тонгол Улсын түүх соёлын өвийг хамгаалахад өндөр ач холбогдолтой юм.

Энэ сар гарснаас хойш нийт нутгаар цас орж хүйтэрч байна. Тухайлбал, Дорнод аймагт цас нэлээд орж нийт нутгаар зузаан цасан бүрхүүл тогтжээ. Үүнээс шалтгаалан орон нутгийн замд зорчиж буй иргэд цасанд боогдох тохиолдол гарах болсон байна. Өчигдөр тус аймгийн Баян-Уул сумын төвөөс 4 км орчим зайтай Хайлант хэмээх газар авто машинтай явсан хоёр иргэн цасанд суусныг аймгийн Онцгой байдлын газрын албан хаагчид татаж гаргажээ. Өнгөрсөн долоо хоногт тус аймгийн сумдаас Баян-уул орчмоор хамгийн их цас орсон бөгөөд зузаан нь 20 см хүрээд байна.

Тиймээс онц шаардлагагүй бол иргэдийг холын замд гарахгүй байхыг онцгой байдлын албанаас анхааруулж байна.