Өнөөдөр буюу Даваа гарагт БНХАУ-ын дарга Ши Жиньпин, АНУ-ын ерөнхийлөгчийн сонгуульд ялалт байгуулаад байгаа Дональд Трамптай утсаар ярьсан байна.
Энэ үеэр Ши Жиньпин “хоёр орны хоорондын харилцааны цорын ганц зөв зам бол хамтын ажиллагаа” гэж онцолсон талаар Хятадын төрийн мэдээллийн суваг дамжуулжээ.
Нэр дэвшигч Дональд Трамп нь сонгуулийн кампанит ажлынхаа турш Хятадыг шүүмжилж, Хятадтай хийдэг худалдаанаас Америк ихээхэн алдагдал хүлээдэг хэмээн байнга дурдаж, ерөнхийлөгч болмогц Хятадын импортын бараанд 45 хувийн татвар ноогдуулахаа амлаж байв.
Харин өнөөдөр Трамп АНУ-Хятадын харилцааг бэхжүүлэхийн төлөө байгаагаа илэрхийлж, хоёр орны хамтын ажиллагаа агуу хөгжил цэцэглэлтэд хүргэнэ гэдэгт итгэлтэй байгаагаа хэлжээ.
Хоёр тал байнга холбоотой байж, ойрын хугацаанд биечлэн уулзаж, талуудын санааг зовоож байгаа асуудлуудаар санал бодлоо солилцохоор тохиролцсон байна.
Хятадын нэрт жүжигчин Жэки Чан өчигдөр “Оскар”-ын тусгай шагналын эзэн боллоо. Тэрээр “Оскар” авсныхаа дараа сэтгүүлчдэд өгсөн ярилцлагадаа “Би кино урлагийн ачаар олон сайхан шагналыг хүртсэн. “Оскар” бол миний авсан хамгийн гайхалтай шагнал. Би кино урлагаас өөр зүйлийг сонирхдоггүй гэхэд болно. Амьдрал дахь хамгийн сайхан дурсамжууд кино урлагтай шууд холбоотой гэхэд болно. Би энэ салбарт анхдагч биш. Өмнөх үеэ их сайн судалсан гэхэд болно. Хятадын кино урлагийг зодоонгүйгээр төсөөлөх аргагүй. Тиймээс залуу хойч үеэ энэ урлагаар илүү их хичээллээсэй гэж хүсч байна” хэмээжээ. Шагналыг нэрт жүжигчин Сильвестр Сталлоне гардуулан өгчээ.
Азербайжаны нийслэл Баку хотод
Пауэрлифтингийн ДАШТ энэ сарын 15-20-нд Москва хотод болно. Дэлхийн хамгийн шилдэг тамирчид өрсөлддөг WRPF холбооны тус тэмцээнд манай улсаас эх орноо төлөөлөн зургаан тамирчин өрсөлдөхөөр өнөөдөр ОХУ-ыг зорилоо. Эрэгтэйчүүдийн насанд хүрэгчдийн 90 кг-д Хил хамгаалах ерөнхий газар, Хилийн цэргийн 0166 дугаар ангийн тамирчин, ОУХМ Т.Амарзаяа, “Powermartin” клубийн тамирчин Ш.Ариунбаатар, 100 кг-д Хууль сахиулах Их сургууль, “Соёмбо” спорт сургалтын төвийн тамирчин Ш.Алтанбагана, 110 кг-д “Хархорум” клубийн тамирчин, ОУХМ Б.Гансүх, Мастер 1 ангиллын 100 кг-д Шүүхийн шийдвэр гүйцэтгэх ерөнхий газрын тамирчин З.Мөнх-Эрдэнэ, залуучуудын 82.5 кг-д ОБЕГ-ын тамирчин Л.Мянганбаатар нар өрсөлдөх юм.
Улсын онцгой комиссын ээлжит хуралдаан маргааш 10.00 цагаас Төрийн ордон, Шадар сайдын өрөөнд болно. Энэ удаагийн хурлаар 
Монгол Улсын Урлагийн Гавьяат Зүтгэлтэн, Монголын Хөгжмийн Зохиолчдын Холбооны шагналт, Пентатоник наадмын 5 удаагийн шагналт хөгжмийн зохиолч Л.Балхжавын “Миний дуунууд-2016” тоглолт 11-р сарын 18, 19-нд 19:00 цагаас “UB PALACE”-ийн концертын их танхимд болно.
“World Travel Market-2016” Аялал жуулчлалын олон улсын үзэсгэлэн яармаг Лондон хотноо арваннэгдүгээр сарын 7-ноос 9-ний өдрүүдэд зохион байгуулагдаж өнгөрлөө. Дэлхийн 180 гаруй орны мэргэжлийн байгууллага, компаниудын төлөөлөл цугласан тус үзэсгэлэн, яармагт Монголын аялал жуулчлалын холбооны ерөнхийлөгч Д.Гантөмөр, гишүүн МИАТ ХК, Жуулчин ХХК, Цолмон трэйвел ХХК, Айлаас-Айлууд төсөл ХХК, ДМД Монгол ХХК, Грэйт Чингис Экспедишн ХХК, Зэндмэн Трэйвел ХХК, Нью Жуулчин ХХК, Дисковери Монголия ХХК компаниудын төлөөлөгчид оролцов.
Мөн Монголын аялал жуулчлалын холбооны ерөнхийлөгч Д.Гантөмөрийг 2017 оны 3 дугаар сарын 10-12-ны өдрүүдэд Лондон хотноо анх удаа зохион байгуулагдах “Флай Фишинг”-ийн үзэсгэлэн яармагт Монголын төлөөлөл оролцуулах, цаашид Монгол улсад байгальд ээлтэй загасчлалын төрөл болох флай фишингийн спортыг сурталчлах зорилгоор тус үзэсгэлэнгийн зохион байгуулагч Жон Келли, Клайр Зумбини нартай бизнес уулзалт зохион байгуулав.
Төр, нийгмийн нэрт зүтгэлтэн С.Зориг агсны амь насыг хөнөөсөн хэргийг шүүхэд шилжүүлжээ. Тус хэрэгт прокурор яллах дүгнэлт үйлдэж Сүхбаатар дүүргийн Эрүүгийн хэргийн анхан шатны шүүхэд шилжүүлсэн байна. 
Төр, нийгмийн нэрт зүтгэлтэн С.Зоригийг хөнөөсөн хэрэг 18 жилийн өмнө үйлдэгдэж, хэргийг одоо хүртэл хууль хяналтын байгууллага шалгасаар байна. Уг хэрэгт С.Зориг агсны эхнэр Б.Булганыг цагдан хорьж байсан ч батлан даалтад гаргасан. Харин хэргийг прокурорын байгууллагад хянаж байгаа талаар УЕПГ-аас мэдээлж байсан юм. Ийнхүү хэргийн мөрдөн байцаалтын ажиллагаа дуусаад шүүхэд шилжээд байна.
Өнгөрсөн долоо хоногт Казахстаны Ерөнхийлөгч Нурсалтан Назарбаев ардчиллын тухай илтгэл тавьжээ.