Ерөнхий сайд асан Н.Алтанхуягийн эхнэрийг хилээр гарахыг хориглоод байгаа. Тодруулбал, энэ сарын 5-нд түүний эхнэр Э.Сэлэнгэ Герман улс руу зорчихоор Москва-Берлиний чиглэлийн онгоцоор нисэх гэж байхад нь хуулийнхан саатуулсан юм.
Тэгвэл эх сурвалжийн мэдээгээр Ерөнхий сайд асан Н.Алтанхуягийн хамгийн бага дүүг ч мөн хилээр гарахыг нь хоригложээ. Одоогоор ямар шалтгаанаар хориглосон нь тодорхойгүй байна.
Түүний эхнэр болон дүүг нь хилээр гарахыг нь хориглосон нь улс төрийн шалтгаантай гэж тэд үзэж байгаа аж. Ерөнхий сайд асан Н.Алтанхуяг саяхан мэдээлэл хийхдээ Ерөнхийлөгчид нэр дэвшинэ гэдгээ ил тодоор зарласан билээ.
Ерөнхий сайд Ж.Эрдэнэбат засгийн газрын 100 хоногоо сэтгүүлчдэд тайлагнах үеэрээ гадны хэд хэдэн улсаас зээл авах асуудлаар хүсэлтээ уламжилсан гэж тодотгож байсан. Тухайлбал, Засгийн газрын зүгээс БНХАУ, БНСУ, Япон, Энэтхэг улсуудаас албан ёсоор зээл хүсээд байгаа аж.
ДБЭТ-ын урын санд дэлхийд алдартай хөгжмийн зохиолч Ж.Вердийн уран бүтээл хамгийн олон байдаг гэнэ. Тус театрынхан энэ сарын 17-д “Вердийн үдэш” сонгодог тоглолтыг Италийн элчин сайдын яамтай хамтран зохион байгуулахаар бэлтгэж байна. Энэхүү тоглолтод Италийн Парма хотын театрын удирдаач Сэржио Пеллегрини урилгаар оролцжээ.
Засгийн газрын хуралдаанаар дараахь хүмүүсийг Элчин сайдаар томилуулах саналыг хэлэлцэн дэмжиж, Монгол Улсын Ерөнхийлөгчид өргөн мэдүүлэхээр тогтлоо. Үүнд:
Өмнөд Солонгосын үндэсний бөх болох “Ширым” бөхөөр Монголын бөхчүүд барилдаж, чамгүй амжилт үзүүлдэг. Энэ удаа олимпийн аварга Н.Түвшинбаяр, улсын заан М.Өсөхбаяр, улсын начин Л.Батзориг нарын бөхчүүд Сөүлд болох олон улсын тэмцээнд оролцох гэж байна. Булганы нэлээд хэдэн бөх энэхүү тэмцээнд явах байсан боловч Б.Түвдэндорж аваргын нэрэмжит барилдаан болох гэж байгаа учир зарим нь нутгийнхаа аваргын барилдааныг хүндэтгэн үлдсэн гэнэ. Солонгосын үндэсний бөхийн тэмцээн өнөөдөр эхэлнэ.
Дэлхийн аварга шалгаруулах тэмцээний хошой мөнгөн медальт, “Дэлхийн цом”-ын хүрэл, Азийн аварга, Азийн наадмын аварга, Зүүн Азийн АШТ-ий аварга, ГранПри ангиллын тэмцээний 10 удаагийн аварга, улсын долоон удаагийн аварга, Гавьяат тамирчин Оюунбилэгийн Пүрэвбаатарын нэрэмжит хөнгөн жингийн залуучуудын аварга шалгаруулах тэмцээн өчигдөр /2016.11.15/ Спортын төв ордонд боллоо.
АНУ-ын Юта мужийн “Mountain View” ахлах сургуульд орон нутгийн цагаар 3.45 цагт хүйтэн мэсээр зэвсэглэсэн этгээд халдлага үйлдсэн талаар “www.deseretnews.com” мэдээллээ.
