Ардчилсан намын ҮЗХ-ны хуралдаан Төрийн ордны их танхимд товлосон цагаасаа хоцорч эхэллээ. ҮЗХ-ны гишүүдийн зарим нь хуралдаа ирээгүй байгаа аж. Гэхдээ хуралдаан ирцээс хамаарахгүй явна гэдгээ мэдэгдэж байсан билээ. Энэ удаагийн хуралдаанаар Их хурлаа зарлан хуралдуулах, дүрмийн шинэчлэлийн төслийг боловсруулах ажлын хэсгийг томилох, Хяналтын хорооноос гаргасан УИХ-ын гишүүнээр ажиллаж байсан нэр бүхий 15 гишүүнийг намаас хөөх шийдвэрийг хэлэлцэх зэрэг асуудлыг хэлэлцэх юм. Хуралдаанд Ерөнхий сайд асан Ч.Сайханбилэг, С.Баярцогт, экс намын дарга З.Энхболд нар оролцсонгүй.
Яг одоо болж буй АН-ын ҮЗХ-ны хуралдааны үеэр гишүүд дараахь байр суурийг илэрхийлэв.
Тухайлбал, Ерөнхийлөгчийн Тамгын газрын дарга асан П.Цагаан: АН-ын шинэчлэл хийхдээ хамгийн эхлээд дүрмээ дагадаг болох шаардлагатай байна. Даргаасаа өгсүүлээд намынхаа дүрмийг дагадаг болох хэрэгтэй. Асуудлаа дүрмийн дагуу энгийн гишүүдийн оролцоотойгоор шийддэг болох шаардлагатай. Хамгийн гол нь дүрэмтэй нам дүрэмгүй болчихоод байна. Миний хувьд намын даргад дэвших үгүй нь одоогоор тодорхой бус. Намын шинэчлэлийн хүрээнд энэ асуудлыг гишүүд л шийднэ.
АН-ын ҮЗХ-ны гишүүн Р.Амаржаргал:Үндэсний зөвлөлдөх хороог шинэчлэх шаардлагатай юу гэвэл шаардлагатай. Шинэчилдэг механизм нь бүх хүнийг хамардаг бол зүгээр байгаа юм. Тухайлбал, УИХ, орон нутгийн сонгуулиар ҮЗХ нь автоматаар шинэчлэгддэг байх хэрэгтэй. Манай намын өнөөгийн дүрэмд ийм зүйлийг оруулж өгөөгүй. Тийм болохоор аль нэгэн хүнийг ҮЗХ-нд бүх насаар нь дархалчихдаг юм шиг зөрчил бий. АН-д өнөөдөр хамгийн их тулгамдсан асуудал бол намын дотоод ардчилал.Намын дотоод ардчиллыг бэхжүүлэх асуудал юу байна. Өнөөдөр үг хэлэх болон намын дүрэмд өөрчлөлт оруулах хүмүүс эсвэл ямар нэгэн фракц,хөдөлгөөнийхөн энэ өнцгөөс асуудлыг хараасай.Миний ярьж буй үг үйл хөдлөл намын дотоод ардчиллыг бэхжүүлж байна уу эсвэл ямар нэгэн байдлаар саад тотгор болсон уу гэдгийг харах хэрэгтэй. Эсвэл хэсэг бүлэг хүмүүсийн дархлагдсан байдлыг баталгаажуулаад байна уу, салхи оруулах бололцоог хангаж өгөх үү гэдэг өнцгөөс харах ёстой. Энэ бүхэн намын дүрэмд тусгагдах хэрэгтэй байна.
ҮЗХ-ны өнөөдрийн хурлаар намын дүрмийг шинэчлэх ёстой юм. Энэ талаар хувилбар гаргаж ирээд түүнийгээ нийт гишүүнээр хэлэлцүүлээд явуулъя гэсэн шийдвэр гаргачихвал болж байна. Мөн Их хурлаар намын дүрмийг батална. Энэ утгаараа намын Их хурлыг хуралдуулах түүнд бэлтгэх ажлын хэсгийг байгуулна. Ингээд хоёр ажлын хэсэг байгуулчихвал энэ ҮЗХ-ны хурал түүхэн үүргээ гүйцэтгэж байна гэсэн үг.
Намын даргыг сонгох асуудал нь дотоод ардчиллаар явагдах уу, үгүй юу. Мөн дотоод ардчиллыг бэхжүүлэх үү, үгүй юу гэдгийг харуулж өгөх байх. Энэ утгаараа хамгийн найдвартай арга бол нийт гишүүдийн дунд сунгаа зохион байгуулаад бусад гишүүдээр нь даргыг сонгуулах нь зүйтэй.
АН-ын ҮЗХ-ны гишүүн Д.Ганхуяг: Намын даргыг сунгаагаар сонгох нь зүйтэй гэдэг дээр санал нэгдсэн. ҮЗХ-ны хурал өмнө нь хуралдчихсан байсан. Бид бүхэн нэгдүгээрт, намын дүрмээ шинэчлэх, хоёрдугаарт, ирэх сарын 6-нд болох Их хурлын тэргүүлэгчдээ сонгох асуудлыг хэлэлцэнэ. Үүний дараа мөн намынхаа дүрмээ шинэчилсний дараа намын даргаа сонгох ажил эхэлнэ. Харин Ерөнхийлөгчийн сонгуульд хэн ч гэсэн нэр дэвшихээ чөлөөтэй зарлаж болно. Гол нь төрийн сонгууль Сонгуулийн тухай хуулийнхаа дагуу явагдах ёстой. Хувь хүн Ерөнхийлөгчийн сонгуульд өрсөлдөхөө зарлаж болно. Намаас бол одоогоор шийдвэр гараагүй байна.
АН-ын ҮЗХ-ны гишүүн Д.Батцогт: Намын удирдлагын баг хаанаас яаж сонгогддог асуудлаа тодорхой болгох хэрэгтэй. Өнгөрсөн хугацаанд Ардчилсан намд гаднаас салхи ороогүй гэсэн шүүмжлэл явж байгаа. Хэдэн улсуудыг сонгочихдог, тэдгээр хүмүүс нь маш олон жил намын ажлыг хийж явснаас болж, алдаа дутагдал гарлаа гэсэн шүүмжлэл ч байна. Миний хувь АН-ыг шинэчлэх процесс зөв явж байна гэж харж байгаа. Тэгэхээр энэ удаа бид намын дүрмээ шинэчлэх ажлаа хийх ёстой. Ингэснээр намын дүрмийн шинэчлэлийн хүрээнд намын дарга нь хэрхэн сонгогдох, ҮЗХ-ны гишүүдээ яаж сонгох, аймаг дүүргийн намын хороодын дарга нараа яаж сонгох зэрэг асуудлууд илүү тодорхой болох юм. Шинэчлэлээ ингэж доороосоо хийж байж, нам шинэчлэгдэнэ гэж харж байна.
Ардчилсан намын ҮЗХ-ны хуралдаан үргэлжилж байна.
Үндсэн хуулийн цэц өнөөдөр их суудлаар хуралдлаа.
Эх сурвалж: Үндсэн хуулийн цэцийн хэвлэл, мэдээллийн төлөөлөгч
УИХ-ын гишүүн Л.Болд орон нутгийн сонгуулийн үеэр луйврын шинжтэй байж болох ноцтой зөрчил цөөнгүй илэрсэн талаар мэдээллээ. Тодруулбал зарим дүүрэг, сумдын сонгуульд ашиглагдсан хар машины архивыг машинаас CD-нд шууд хуулбарлан авахад 2016 оны УИХ-ын сонгуульд өөр аймаг, суманд ашиглагдсан саналын хуудсууд хэдэн зуугаараа гарч ирсэн байна. Үүний дийлэнх нь МАН-ын нэр дэвшигчийн өмнөх дугуйг бөглөсөн байдалтай байсан аж.
Засгийн газрын ээлжит хуралдаан өнөөдөр боллоо. Энэ удаагийн хуралдаанаар хэд хэдэн асуудлыг хэлэлцжээ. Тухайлбал, Шинжлэх ухаан, технологийн салбарын 2016 оны шагналыг академич Д.Батсүрэнд олгохоор боллоо. Тэрээр “Монгол орны эмийн ургамлын хоёрдогч метаболитын бүтэц, нийлэгжих өвөрмөц зүй тогтол ба хорт хавдрыг эмчлэх шинэ агент” бүтээлээрээ “Байгаль, нийгмийн ухааны шагнал”-ын эзэн болж байна. Д.Батсүрэнгийн дээрх бүтээлийг дэлхийн 150 гаруй орон зарлаж судалж эхэлжээ. 
Улаанбаатар хотын цагдаагийн газраас санаачлан “Хонх дарж, хаалга тогшьё” хөдөлгөөнийг нийслэлийн хэмжээнд 11 дүгээр сараас эхэллээ. 
Энэ сарын 14-нд 
Монгол Улсын Ерөнхийлөгч Ц.Элбэгдоржид өнөөдөр Бүгд Найрамдах Парагвай Улсаас Монгол Улсад суух Онц бөгөөд Бүрэн эрхт Элчин сайд Иринео Рауль Силверо Силвани, Камбожийн Вант Улсаас Монгол Улсад суух Онц бөгөөд Бүрэн эрхт Элчин сайд Кхек Каймеали Сисода, Бүгд Найрамдах Аргентин Улсаас Монгол Улсад суух Онц бөгөөд Бүрэн эрхт Элчин сайд Диего Рамиро Гуэлар, Бүгд Найрамдах Армян Улсаас Монгол Улсад суух Онц бөгөөд Бүрэн эрхт Элчин сайд Сергей Манасарян нар ИЖБ барилаа.
Хан-Уул дүүргийн эрүүл мэндийн төвд тоног төхөөрөмж хүлээлгэн өглөө. Тус тоног төхөөрөмжийг Эрүүл мэндийн яамны 184 сая төгрөгийн хөрөнгө оруулалтаар 18 төрлийн 70 гаруй тоног төхөөрөмжийг Бэссан компани нийлүүлжээ. 
Монгол Улсын Их Хурлын дарга М.Энхболд Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд Суреш Бабуг өөрийнх нь хүсэлтээр хүлээн авч уулзлаа.
Тэрбээр “Хоёр орны харилцаанд худалдаа, эдийн засгийн хамтын ажиллагаа чухал байр суурьтай. 2015 онд Монгол Улсад Энэтхэгийн Ерөнхий сайд Н.Модигийн хийсэн айлчлал маш үр дүнтэй болсон. Тэр үеэр хэлэлцэн тохирсон ажил арга хэмжээнүүдийг, тухайлбал Энэтхэгийн талын 1.0 тэрбум ам.долларын хөнгөлөлттэй зээлийг өгөөж, үр дүнтэй томоохон төслүүдэд ашиглах нь чухал” хэмээн тэмдэглэлээ. Түүнчлэн батлан хамгаалах, соёл, боловсролын уламжлалт харилцаа, банк санхүү, иргэний нисэхийн салбарын шинэхэн харилцааг үр дүнтэй хөгжүүлэх ёстой хэмээн үзэж байгаагаа илэрхийллээ.
Монгол Улсын Их Хурлын дарга М.Энхболд Япон Улсаас Монгол Улсад суугаа Онц бөгөөд Бүрэн эрхт Элчин сайд Такэнори Шимизүг эх орондоо бүрмөсөн буцах гэж буйтай нь холбогдуулан хүлээн авч уулзлаа.
Ноён Т.Шимизү “Дунд хугацааны хөтөлбөрийг боловсруулж байна. Хоёр орны хооронд дипломат харилцаа тогтоосны 35 жилийн ойгоос өмнө хөтөлбөрт гарын үсэг зуруулах зорилготой байгаа. Ноён Улсын Их Хурлын дарга Та ирэх жил Японд айлчилна. Тэр үеэр гарын үсэг зурвал сайнсан гэж бодож байна” гээд “Стратегийн түншлэлийн хүрээнд хамтран ажиллахдаа Монголын боломж, нөөцийг бүрэн дүүрэн ашиглах шаардлагатай. Манай тал энэ чиглэлээр холбогдох судалгаа, дүгнэлт хийж байгаа. Монголд маш их боломж бий. Түүнийг олж нээн, Японы талаас техникийн хамтын ажиллагааны дэмжлэг үзүүлэх замаар дэлхийн зах зээлд Монголыг гаргах ёстой гэж би боддог” хэмээлээ.
УИХ-ын дарга М.Энхболд Засгийн газраас уг асуудлаар УИХ-д танилцуулга ирүүлсэн. Парламент уг асуудлыг онцгой анхаарч, Японы талын саналыг харгалзан үзэх болно гээд “Таны Элчин сайдаар ажилласан хугацааны ажлыг Монголын төр, засаг, ард түмэн өндрөөр үнэлж байгаа. Таны цаашдын амьдрал, ажил үйлсэд амжилт ололт, сайн сайхныг хүсье” гэлээ