“Өдрийн сонин”-ы пүрэв гаригийн дугаар хэвлэгдэн уншигч, захиалагчдадаа хүрч байна. Өнөөдрийн шинэ дугаарт гарсан нийтлэл, ярилцлага, сурвалжлагаас онцолж, тоймлон хүргэе.
Ойрын үед ханиад томууны дэгдэлт хэр байгаа болон түүнээс хэрхэн сэргийлэх талаар “Өдрийн сурвалжлага” буланд гарлаа. Ханиаднаас сэргийлэхийн тулд хүүхдээ үнсэхгүй, гадуур авч явахгүй байхыг мэргэжлийн эмч нар зөвлөсөн байна. Нэг, 12 дугаар нүүрээс дэлгэрэнгүй уншаарай.
Мөн УИХ-ын гишүүн асан, эдийн засагч Б.Гарамгайбаатартай хийсэн ярилцлага энэ өдрийн дугаарын тэргүүн нүүрт гарлаа. Тэрбэээр “Ардын намынхан бүх зүйлийг шүүмжилсэн шигээ хийх хэрэгтэй” хэмээн энэхүү ярилцлагадаа онцолжээ.Үргэлжлэлийг 4,5-р нүүрээс уншаарай. Мөн С.Зоригийн амь насыг хөнөөсөн гэх хэргийн Э.Бат-үүлтэй холбогдох хэсгийн зүйл заалтыг прокурорын шатанд хэрэгсэхгүй болгосон уу хэмээх гарчигтай материал нэгдүгээр нүүрт хэвлэгдэв.
Харин Улс төрийн хоёрдугаар нүүрт УИХ-ын гишүүн Л.Энхболдтой хийсэн ярилцлага орлоо. Тэрбээр, одоо “Стэнд бай”-г хэрэгжүүлэх нь зүй ёсны хэрэг хэмээн байр сууриа илэрхийлсэн байна. “Өдрийн сонин”-ы нийтлэлийн бодлогыг тодорхойлж байдаг Баримт, үзэл бодлын гуравдугаар нүүрт манай сонины Орлогч эрхлэгч, Төрийн шагналт зохиолч, нэрт нийтлэлч Б.Цэнддоогийн “Номоороо яваа бүхэн чимээгүй” нийтлэл хэвлэгдлээ.
Улс төрийн 11-р нүүрт МУИС-ийн Улс төр судлалын тэнхимийн дэд профессор, доктор Ц.Батболдтой хийсэн “Засгийн газрын бодлого, зорилго, хэрэгжүүлэх үйлдэл нь тодорхойгүй байна” ярилцлага болон “Хүмүүс, хувь тавилан” буланд МУ-ын гавьяат жүжигчин, нэрт дуучин С.Бооройтой хийсэн “Мао Зэ Дун даргатай бүжиглэж, Ким Ир Сентэй гар бариад гурав хоног угаалгүй явж байлаа” нэртэй сонирхолтой ярилцлагыг зэргийг өнөөдрийн дугаараас унших боломжтой. Мөн уламжлалт “Багш” буланд 40 жил математикийн хичээл зааж байгаа О.Дашдоржтэй хийсэн ярилцлага орлоо.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ
БНХАУ-ын баруун хэсгийн Чунцин мужид байрлах “Jinshangou” гэх нүүрсний уурхайд хүчтэй дэлбэрэлт болсон талаар “www.channelnewsasia.com” мэдээллээ. Дэлбэрэлтийн улмаас тус уурхайн 33 уурхайчин амиа алдсан гэнэ. 
Чуулгын нэрийг өөрчилж Их театр болгосноор Монголын олон үндэстэн, угсаатны ардын урлагийг баяжуулан хөгжүүлж байгаагаа улам өргөжүүлж, урын сангаа бүрэн ашиглан, гадаад харилцаа, хамтын ажиллагаанд дэвшил нь гарч, олон улсад өрсөлдөх боломж нэмэгдэнэ гэж мэргэжлийн байгуулагынхан үзэж буйгаа Засгийн газрын хуралдаанд тайлбарлалаа. Өөрөөр хэлбэл, 70 гаруй жилийн түүхтэй Үндэсний дуу бүжгийн эрдмийн чуулга өнөөдөр концертын байгууллагаас театрын байгууллага болж хөгжсөн, гадаадын улс орнуудынхаа ижил төрлийн байгууллагатай статус нэг болох шаардлагтай байгаа юм.
ОУХБХ (FIFA)-ны дэлхийн аварга шалгаруулах тэмцээний аварга багт олгодог “Алтан дагина” цомыг зохион бүтээсэн Италийн алдарт загвар зохион бүтээгч, уран барималч Силвио Газзанига 95 насандаа өөд боллоо. “Тэрээр гэртээ унтаж байхдаа тайван амгалан мөнхийн орон руу явлаа” хэмээн хүү Жоржио Газзанига нь “Gazzeta dello Sport” сонинд ярьжээ. Хөлбөмбөгийн спортод тамирчин бүр өрсөлдөгчийнхөө хаалганд гоол оруулж, ялалт авахыг хүсдэг. Энэ гайхамшигт үнэт зүйлийнхээ үндсэн дээр ч энэ спорт үүсч хөгжин, нэр алдар улам өсөн нэмэгдсээр байна. Харин энэхүү зорилго, тэмүүллийн эцсийн дүн нь зөвхөн аваргын цомыг үнсэж, толгой дээрээ өргөх явдал билээ.
Дэлхийн хамгийн их үзэгчтэй спорт хөлбөмбөгийн хамгийн нэр хүнд, алдар цуутай, дэлхийн таван тивийн 7 тэрбум хүний 5 тэрбумыг нь хамарч чаддаг томоохон тэмцээн бол дөрвөн жил тутамд нэг удаа зохиогддог дэлхийн аварга багийг шалгаруулах тэмцээн билээ. Энэ тэмцээний аварга багийн амжилтыг нь бататган олгодог “Алтан дагина” цомыг Силвио Газзанига гэх эрхэм 1971 онд урлаж байсан. Улмаар Германы шигшээ баг 1974 оны ДАШТ-ий шигшээ тоглолтод Нидерландийн шигшээ багийг 2:1-ийн харьцаатай хожин түрүүлснээр анхны “Алтан дагина” цомын эзнээр тодорч байсан түүхтэй. Энэ цом бүтсэнээс хойш 11 удаа ДАШТ зохиогдоход Герман 3, Бразил, Аргентин, Итали тус бүр 2, Франц, Испанийн шигшээ багууд нэг удаа түрүүлээд байна. Германууд Силвиогийн үзсэн хамгийн сүүлийн дэлхийн аварга буюу 2014 оны ДАШТ-д мөн аваргын цомыг мөн өргөж чадсан юм.
Силвио Газзанига 1972 онд ЕХХ (UEFA)-ны “Европа лиг”, 1973 онд“Супер цом”-ын тэмцээний цомын загварыг урлан бүтээж байв. Түүнчлэн 2001 онд Бейсболын ДАШТ-ий цомыг зохион бүтээснээс гадна волейболын ДАШТ болон сагсан бөмбөг, усанд сэлэлт, уулын цанын спортын томоохон тэмцээн уралдаануудын медалийн загварыг урлаж байжээ.
Япон орны хөгжлийн гол хөдөлгөгч хүч болсон Коосэн боловсролын системийн нэгдсэн удирдлагын төв байгууллага болох Үндэсний Технологийн Хүрээлэнгийн төлөөлөл манай улсад үйл ажиллагаагаа явуулж эхэллээ. Тус хүрээлэнгийн нээлтийн үйл ажиллагаа өнөөдөр боллоо.
Сум, дүүргийн орон нутгийн сонгуулийн дүнгээр Ардчилсан нам хэд, хэдэн газарт ялалт байгуулсан. Түүний нэг нь Сүхбаатар аймаг. Өнөөдөр Сүхбаатар аймгийн ИТХ хуралдаж Засаг даргаараа Ж.Батсуурийг сонгосон байна. Өмнөх дөрвөн жилд Ж.Батсуурь Сүхбаатар аймгийг удирдан хөгжүүлж, шилдэг аймгаар удаа дараа шалгарч байсан билээ. Мөн өнөөөдөр Баянгол дүүргийн Засаг даргаар С.Одонтуяа сонгогдсон байна.
Монгол Улсын Засгийн газрын ээлжит хуралдаан өнөөдөр болж дараах асуудлыг хэлэлцлээ.
Өнөөдөр МУБИС-ийн 65 жилийн ой болж буйтай холбогдуулан Намбарын Энхбаяр оюутан залууст зориулан утга зохиолын талаар сонирхолтой лекц уншлаа. Хүндэт зочноор Монголын утга зохиолын алдартнууд болох Д.Урианхай, Г.Мэнд-Ооёо, Долгорын Нямаа гуай болон МУИС-ын утга зохиолын тэнхимийн хүндэт багш нар уригдан ирсэн байлаа. Ингээд лекцийг тоймлон хүргэе. 
.jpg)
Үндэсний аудитын газрын дарга А.Зангад танилцуулгадаа Монгол Улсын 2017 оны төсвийн төсөлд 21 тусгай сан үйл ажиллагаагаа явуулах бөгөөд нийт 2.4 тэрбум төгрөг тусгасан. Энэ нь төсвийн зарлагын 25 хувийг эзэлж байна. 2015 онд Засгийн газрын тусгай сангийн тоо 15, 2016 онд 18 байсан бол 2017 онд 21 боллоо. Үндэсний аудитын газраас сүүлийн гурван жилийн турш хийсэн шалгалтын дүнгээс харахад Хөдөлмөр эрхлэлтийг дэмжих сан, Жижиг дунд үйлдвэрлэлийг дэмжих сан зэрэг цөөхөн тусгай сангаас бусад нь орлогын эх үүсвэр тодорхойгүй, улсын төсвөөс санхүүжсээр байна. Үндэсний аудитын газраас жил тутам 4-5 тусгай санд аудитын шалгалт хийдэг. Аудитын дүгнэлтээс харахад зарим тусгай сангуудын өр төлбөрийн үлдэгдэл байнга өсөх, тооцоо нийлж батлагаажаагүй зэрэг томоохон зөрчлүүд гаргасаар байна гэдгийг онцлон дурдаж байлаа..jpg)
Тэрбээр Үндэсний аудитын газраас сүүлийн гурван жилийн турш хийсэн шалгалтын дүнгээс харахад тусгай сангуудын хөрөнгийн зарлагын гүйцэтгэлд удирдлага нь шийдвэр гаргадаг бус Удирдах зөвлөлөөр гаргадаг болгох, чиглэсэн зорилготой сангуудыг бий болгож, харьяа салбарын яамтай үйл ажиллагаа нь давхардсан сангийн тоог цөөлөх хэрэгтэй гэдгийг сануулав.