Month: November 2016

УИХ-ын чуулганы өнөөдрийн хуралдаанаар Эдийн засгийг эрчимжүүлэх хуулийн төслийг хэлэлцэж байна. Сангийн сайд Б.Чойжилсүрэн хуулийн төслийг өргөн барилаа.

Энэ үеэр УИХ-ын гишүүн О.Баасанхүү асуулт асууж Сангийн сайд хариулт өглөө.

УИХ-ын гишүүн О.Баасанхүү: Монголчууд машин угсраад гаргая гэхээр болдоггүй. Яагаад гэвэл гаалийн татвар нь хэрээс хэтрээд байна. Нөгөө л ярьдаг л юмнууд нь яваад байна. Энэ хөтөлбөрийг хийе гэж байгаа юм бол наад зах нь ямар үйлдвэр, тоног төхөөрөмж байна, тэрийг яаж зах зээлд оруулах вэ гэдгийг ярьмаар байна. Юун казино энэ дотор ороод ирэв ээ, казино энэ хоёр юугаараа холбоотой болчихож байгаа юм бэ, гуя дагаж хүзүү гэдэг шиг юм яваад байна л даа. Бид нар өнөөдөр хар тамхиа хянаж чадахгүй байгаа шүү. Энэ нь маш том үндэсний аюулгүй байдлын хэмжээнд орчихсон байгаа. Саяхан казиногийн асуудлаар мөрийтэй тоглосон нөхдүүдийн хэрэг гарсан. Хууль бус мөнгийг хянаж чадахгүй байна. Жилийн жилд л казино гэж юм орж ирэх юм. Казино, эдийн засгийн хүндрэл хоёр чинь тусдаа асуудал л даа. Казиногийн хууль ямар ашигтай болоод ийм юм ороод ирчихэв ээ.

Дээрээс нь энэ гадны банкийг оруулж ирэх явдал байна. Та бүхэн тооцоод үз, 27 хувийн хүү төлнө, 20 хувийн татвар төлнө. Бизнесийн компаниуд 60-70 хувиа алдчихаж байна. Тэгэхээр яаж ашиг олох юм бэ. 10 хувийн ашиг ч олохгүй байна шүү дээ. Аятайхан хууль орж ирэхээр улстөржүүлээд аваад явчихаад байна л даа.

ТҮЦ энэ тэр ажиллуулж байгаа иргэдийг татвараас чөлөөлмөөр байна шүү дээ. Дэлгүүрүүдээр ороод үзээрэй. Өрийн дэвтэр нэртэй бөөн зузаан дэвтэрүүд байгаа. 500, 1000 төгрөг гээд хажуу хамрын хүмүүстээ талх давс нийлүүлж байгаа, хар машин хэмээх НӨАТ-ын машин гэдэг юм чинь дараатай байна шүү дээ. Татварын тал дээр эд нараа ярьдаггүй юм уу. Татварынхаа хуулийг татаад авчихсан байдаг. Би одоо өөрөө өргөн барьдаг юм билүү. Үнэ тогтворжуулах хөтөлбөр чинь их аятайхан юм байсан. Одоо энийгээ буруу байсан юм шиг явчихаад байна. Энэ үнэ тогтворжуулах хөтөлбөр хэрэгжих үү, үүнд хэр хэмжээний мөнгө босгох вэ, энэ дээр тодорхой саналууд байвал хэлж өгөөчээ.

Сангийн сайд Б.Чойжилсүрэн: Казиногийн хууль яагаад ороод ирэв ээ гээд байх юм, түрүүчийн Засгийн газар энэ хуулийг өргөн барьчихсан байсан шүү дээ.

Засгийн газар татарын хуулийг татаж авч байгаа шалтгаан бол хэлэлцүүлэг хийх явцад дахиад ес орчим салбар нэмэгдсэн. Орлого 2017 онд буурах эрсдэл үүссэн учраас буцааж татаж авсан. Миний хувьд тэр барилгын материалын салбарын хүрээнд нэр явагдаж байсан. Гэхдээ би барилга угсралтын компаний ажил хийж байсан нь үнэн. Надад ямар нэг ашиг сонирхлын зөрчил байхгүй шүү гэдгийг хариуцлагатайгаар мэдэгдье.

О.ӨНӨР

Улсын
Их Хурлын гишүүн, Засгийн газрын гишүүн, Батлан хамгаалахын сайд Б.Бат-Эрдэнэ,
БХЯ-ныТЗУГ-ын газрын дарга, хошууч генерал З.Болдбаатар, БХЯ-ны ТЗУГ-ын Санхүү,
эдийн засгийн хэлтсийн дарга, хурандаа Д.Ганхуяг нар Улаанбаатар, Налайх
дүүрэгт байрлах Зэвсэгт хүчний анги салбаруудын үйл ажиллагаатай танилцлаа.

Анги
салбаруудад ажиллах үеэр Ангийн захирагч нар ангийнхаа зохион байгуулалт, хийж
хэрэгжүүлсэн ажлаа тоймлон танилцуулж, цаашид салбарын удирдлагын зүгээс авч
хэрэгжүүлэх ямар ажил байгааг илэрхийлж байв. Эдгээр анги байгууллагын албан
хаагчидтай уулзан алба хаагчдын болон анги байгууллага хэвийн үйл ажиллагаа
явуулахад тулгамдаж байгаа зарим тодорхой асуудлуудыг шийдвэрлэж явлаа. Батлан
хамгаалахын сайд Б.Бат-Эрдэнэ “Бид Зэвсэгт хүчний анги салбаруудад
тодорхой төлөвлөгөөний дагуу ажиллаж байна. Энэ удаа гурван цэргийн ангийн үйл
ажиллагаатай танилцаж байна. Бид Зэвсэгт хүчний анги салбаруудын үйл
ажиллагаатай танилцах үеэрээ аль болох та бүхний өмнө тулгамдаж байгаа
асуудлуудыг газар дээр нь шийдвэрлэхийг зорьж байна. Тиймээс эдгээр ангиудад
ажиллахын өмнө сайдын зөвлөх дэслэгч генерал Ц.Дашзэвэгээр ахлуулсан ЗХЖШ болон
БХЯ-ны холбогдох газар хэлтсийн дарга нар оролцсон ажлын хэсэг ирж анги
байгууллага бие бүрэлдэхүүний санал хүсэлт ажиллах нөхцөл байдал, тулгамдаж буй
асуудлуудыг судлаад ойрын хугацаанд нэн тэргүүнд шийдэхээр болон дунд болон урт
хугацааны зорилт болгон тавьж байгаад шийдвэрлэх ямар ямар асуудал байгааг
эрэмбэлээд холбогдох албаны удирдах хүмүүсийг оролцуулсан хурал хийж судласны
үндсэн дээр эхнээс нь шийдээд явж байна” гэлээ.

УИХ-ын чуулганы нэгдсэн хуралдаан эхэлж, Монгол Улсын Засгийн газар Бүгд найрамдах Австри улсын Засгийн газар хоорондын санхүүгийн хамтын ажиллагааны хэлэлцээрийн тухай хэлэлцэж байна. Нийт 40 сая еврогийн санхүүгийн хамтын ажиллагааны хэлэлцээрийг 2016 оны зургадугаар сарын 10-нд хоёр улсын Засгийн газар байгуулсан байна. Энэхүү зээл нь нэн хөнгөлөлттэй нөхцөлд хамаарах бөгөөд 18 жилийн хугацаатай, зээлийн үндсэн төлбөрөөс чөлөөлөгдөх хугацаа 5 жил юм байна. Энэхүү хөнгөлөлттэй зээлийг дэд бүтэц, орон нутгийн ус, эрүүл ахуй, хог хаягдал, бохир ус, замын хөдөлгөөний аюулгүй байдал, төмөр зам, боловсрол, техник, мэргэжлийн сургалт, эрүүл мэнд, нийгмийн хамгааллын салбарын төслүүдийг санхүүжүүлэхэд зарцуулах аж.

Чуулганы нэгдсэн хуралдаан үргэлжилж байна.

Улсын Их Хурлын гишүүн,
УИХ дахь Монгол-Швейцарийн парламентын бүлгийн дарга Ц.Гарамжав, УИХ дахь
Монгол-Швейцарийн парламентын бүлгийн гишүүн Х.Нямбаатар нар өнөөдөр
/2016.11.04/ Швейцарийн Холбооны Улсаас Монгол Улсад суугаа Элчин сайд ноён
Жан-Жак де Дардел тэргүүтэй төлөөлөгчдийг хүлээн авч уулзлаа.

Уулзалтын эхэнд Улсын Их
Хурлын гишүүн, УИХ дахь Монгол-Швейцарийн парламентын бүлгийн дарга Ц.Гарамжав
ноён Элчин сайд Жан-Жак де Дарделтэй уулзсандаа баяртай байгаагаа илэрхийлээд
өнгөрөгч наймдугаар сард УИХ дахь Монгол-Швейцарийн парламентын найрамдлын
бүлэг 21 гишүүний бүрэлдэхүүнтэй байгуулагдсаныг танилцуулав.

Тэрбээр үргэлжлүүлэн
“Манай улс ШХУ-тай харилцаа, хамтын ажиллагаагаа улс төр, эдийн засаг, соёл,
боловсрол, хүнс, хөдөө аж ахуй зэрэг боломжит бүхий л салбарт бэхжүүлэх,
өргөжүүлэн хөгжүүлэх сонирхолтой байдаг. Швейцарын Хөгжлийн хамтын ажиллагааны
агентлагаас хэрэгжүүлдэг олон төсөл Монголын нийгэм, эдийн засаг төдийгүй ард
иргэдийн амьдралд мэдэгдэхүйц үр нөлөө үзүүлдэгт сэтгэл хангалуун байдаг. Цаашид
эдгээр төслүүд үргэлжлэн хэрэгжихээр болсонд баяртай байна” хэмээн хэлсэн
үгэндээ онцолсон юм.

Швейцарийн Холбооны
Улсаас Монгол Улсад суугаа Элчин сайд ноён Жан-Жак де Дардел Улсын Их Хурлын
гишүүдийг найрсаг дотноор хүлээн авч уулзсанд талархал илэрхийлээд УИХ дахь
Монгол-Швейцарийн парламентын найрамдлын бүлэг байгуулагдсан нь хоёр орны
харилцаанд өндөр ач холбогдол өгч байгаагийн илрэл хэмээн үзэж буйгаа
тэмдэглэв.

Монгол Улсын сүүлийн 20
гаруй жилийн турш хөгжүүлж ирсэн ардчилал, засаглалын тогтолцоо амжилттай
байгааг ноён Элчин сайд онцлоод Швейцарийн Холбооны Улсын зүгээс засаглал тэр
дундаа орон нутгийн удирдлага, хариуцлагын тогтолцоог сайжруулахад хамтран
ажиллахад бэлэн байгааг уламжлав. Мөн хоёр орны харилцааг өргөжүүлэхэд цогц,
олон талт хамтын ажиллагааны зарчмыг баримтлах нь зүйтэй. Байгаль орчинд
ээлтэй, тогтвортой хөгжлийн өндөр технологийг салбар бүрд нэвтрүүлэх нь эдийн
засаг, бизнесийн хувьд ч, улс орны хөгжлийн бодлого, хүн амын эрүүл мэндэд ч ач
холбогдолтой болохыг ноён Элчин сайд Жан-Жак де Дардел цохон тэмдэглэсэн юм.

Уулзалтын үеэр талууд
соёл, шинжлэх ухааны салбараар дамжуулан хоёр орны хамтын ажиллагааг
эрчимжүүлж, уран бүтээлч, эрдэмтэн судлаачдын солилцооны хөтөлбөрт хамруулах,
улс орноо таниулан сурталчлах, Швейцарийн Холбооны Улсад суралцах Монгол оюутны
тоог нэмэгдүүлэх, Швейцарийн Хөгжлийн хамтын ажиллагааны агентлагаас
хэрэгжүүлсэн “Нэг цэгийн үйлчилгээ”-ний хөтөлбөрийг үргэжлүүлэх зэрэг асуудлаар
ярилцаж, санал солилцлоовв

УИХ-ын чуулганы
хуралдааныг өглөө 10.00 цагт зарласан байсан ч цаг гаруй хоцорч эхэллээ.
Чуулганы хуралдааны өмнө Хуульзүйн байнгын хороо хуралдсан юм. Хуульзүйн
байнгын хороогоор Эрдэнэт үйлдвэрийн шалгах ажлын хэсгийг байгуулсан байна.
Харин Эдийн засгийн байнгын хороо хуралдахаар төлөвлөсөн ч хуралдаагүй юм
байна.

Өнөөдрийн
чуулганы хуралдаанаар ирэх оны төсвийн төсөл болон Эдийн засгийн хүндрэлийг
даван туулах хөтөлбөр зэрэг найман асуудлыг хэлэлцэнэ. Үдээс хойших хуралдаанд
Ерөнхий сайд эрүүл мэндийн салбарын өнөөгийн байдлын талаар мэдээлэл өгөхөөр
болжээ.