БНСУ-д улс төрийн байдал тогтворгүй байна. Ерөнхийлөгч Пак Гын Хэг эсэргүүцэн огцрохыг хүсэгчдийн тоо БНСУ-н нийт иргэдийн 70%-г давсан гэсэн тоо баримт гараад байна. Ерөнхийлөгч Пак Гын Хэн нь өнгөрсөн хугацаанд өөрийн найз Чуйсүнширийнхээ үгээр явдаг байсан “утсан хүүхэлдэй” хэмээн иргэд үзэж байгаа юм. Одоогоор Чуйсүншир нь прокурорын төв газарт байцаагдаж байгаа бөгөөд байдал хаашаа эргэх нь тодорхойгүй байна. Ямартаа ч энэ удаа иргэд улс төрийн эргэлтийг хийх болно хэмээн үзэж байгаа улс төр судлаачид их байгаа юм. Ерөнхийлөгч Пак Гын Хэн огцрох нь бараг л тодорхой болоод байгаа бөгөөд чухам хэзээ ажлаа хүлээлгэж өгөхийг хүлээж буй улс төрийн намууд их байгаа. Ерөнхийлөгч ажлаа хүлээлгэж өгсний маргаашнаас түүний хэрэг шууд прокурорт шилжин түүнд арга хэмжээ авнаа байх хэмээх иргэдийн хүлээлт үүсээд байгаа. Өнгөрсөн сард Пак Гын Хэг эсэргүүцэн огцрохыг хүссэн иргэдийн жагсаал болсон. Энэхүү жагсаалд 100.000 гаруй иргэд оролцсон маш том жагсаал болж өнгөрсөн юм. Тэгвэл энэ сарын 12 нд үүнээс том жагсаал болохоор болсон талаарх мэдээлэл байна. Ирэх хагассайн өдөр ерөнхийлөгч Пак Гын Хэ болон Чуйсүнширийг эсэргүүцэгчид цуглан маш том жагсаал болох болно.
О.ӨНӨР
Засгийн газар Аж ахуйн нэгжийн орлогын албан татварын тухай хуульд нэмэлт өөрчлөлт оруулах тухай хуулийн төслийг эцсийн хэлэлцүүлгийн явцад буцаан татжээ. Ямар учраас буцаан татах болсноо Сангийн сайд Б.Чойжилсүрэн тайлбар өгсөн юм.
УИХ-ын Хууль зүйн байнгын хорооны өнөөдрийн хуралдаанаар Оросын Холбооны Улсын Засгийн газар болон тус улсын “Ростех” корпорацийн “Эрдэнэт үйлдвэр” ХХК болон “Монголросцветмент” ХХК-нд эзэмшиж байсан 49 хувийн энгийн хувьцааг худалдсан талаархи асуудлаар санал дүгнэлт гаргах Ажлын хэсэг байгуулсан юм. Уг ажлын хэсэг 49 хувийн энгийн хувьцааг дотоодын аж ахуйн нэгж худалдан авахдаа Монгол Улсын Үндсэн хууль тэргүүтэй хэд хэдэн хуулийг зөрчсөн үйл явцыг нь шалгах юм байна. Тус ажлын хэсэгт Ардчилсан намын бүлгээс Ж.Батзандан орсон бөгөөд намынхаа эсрэг байр суурьтай байгаа юм. Гэсэн ч УИХ дахь Ардчилсан намын бүлгээс мэдэгдэл гаргаж ажлын хэсгийн бүрэлдэхүүнд Ардчилсан намын бүлгээс нэг ч гишүүн ороогүй албан ёсоор мэдэгдэж байна гэжээ. Түүнчлэн Ж.Батзандан хувь гишүүнийхээ үүднээс ажлын хэсэгт орсон бөгөөд намын бүлгийг төлөөлөхгүй хэмээн албан бичигтээ дурджээ.
Нийслэлийн Засаг дарга бөгөөд Улаанбаатар хотын Захирагч С.Батболд ИБУИНВУ-аас Монгол Улсад суугаа Элчин сайд Катрин Арнолдыг хүлээн авч уулзлаа. Улаанбаатар хотын ирээдүйн хөгжлийн талаар болон Улаанбаатар хотыг Санхүүгийн Төв болгох, Хотын ногоон хөгжил, Иргэдийн оролцоог нэмэгдүүлэх зэрэг чиглэлээр цаашид хамтран ажиллах талаар санал солилцлоо. Элчин сайд Катрин Арнолд “Энэ удаагийн уулзалтаар хоёр улсын хамтын ажиллагаанд шинээр ямар салбаруудад хэрхэн хамтран ажиллахаа ярилцаж санал бодлоо солилцох бодолтой байна. Миний бие Монгол Улсад суугаад нэг жил гаруй хугацааг өнгрөөж байна. Энэ хугацаанд болон урд өмнө нь хэд хэдэн салбарт хамтран ажилласаар ирсэн. Бид хийж хэрэгжүүлсэн болон хийхээр төлөвлөөд байгаа ажлуудаа гурван хэсэгт хуваагаад байна. Санхүүгийн төв болгох, Хотын ногоон хөгжил, Иргэдийн оролцоог нэмэгдүүлэх гэсэн гурван үндсэн чиглэлээр хамтран ажиллах бодолтой байна” гэлээ.
Нийслэлийн Засаг даргын Тамгын газар санаачлан Нийслэлийн 377 жилийн ой, Хөгжлийн бэрхшээлтэй иргэдийн эрхийг хамгаалах олон улсын өдрийг тэмдэглэн өнгөрөөх нэг сарын аяны хүрээнд хөгжлийн бэрхшээлтэй иргэдийн дунд спортын нөхөрсөг тэмцээнийг зохион байгуулж байна. Тэмцээний нээлтэд нийслэлийн Засаг даргын орлогч Д.Энхтөр болон холбогдох албаны хүмүүс хүрэлцэн ирж нийт тэмцээнд орж байгаа оролцогчдод амжилт хүсч, баяр хүргэлээ. Спортын нөхөрсөг тэмцээний арга хэмжээнд хараа, сонсгол, тулах, хөдлөх эрхтэний бэрхшээлтэй болон тэргэнцэртэй хөгжлийн бэрхшээлтэй иргэд оролцох ба нийт 14 багийн 140 гаруй иргэд спортын зургаан төрлөөр өрсөлдөж аврагуудаа тодруулах юм. Засаг даргын орлогч Д.Энхтөр “Цаашдаа нийслэлийн ойн өдрийн хүрээнд энэхүү арга хэмжээг жил бүр тогтмол зохион байгуулж байх шийдвэр гарсан байгаа. Нийслэлийн Засаг даргын дэргэдэх “Хөгжлийн бэрхшээлтэй иргэдийн зөвлөл” өчигдөрхөн байгуулагдаад анхныхаа хурлаа хийгээд байна. Хөгжлийн бэрхшээлтэй иргэдийн эрх ашигийн төлөө хамтран ажиллах, тэдний эрүүл мэнд, хөдөлмөр эрхлэлтийн талаар ярилцаж зарим зүйлүүдийг шийдвэрлэсэн байгаа. Өнөөдрийн арга хэмжээний гол зорилго нь тэдний олон нийтийн оролцоог нэмэгдүүлэх, хөдөлгөөний ач тусыг суртчилан түгээн дэлгэрүүлэх, биеийн тамирыг өдөр тутмын хэрэглээ болгон амьдралын эрүүл хэв маягийг төлөвшүүлэхэд чиглэгдэж байгаа” гэдгийг хэллээ.
Өчигдөр болсон УИХ-ын чуулганы хуралдаанаар 2017 оны төсвийн тухай хуулийн төслийг хэлэлцсэн. Энэ үеэр гишүүд хэлэлцэж буй сэдвээсээ хазайж, асуудалд огт хамаарахгүй зүйлийг ярьсан.Хэлэлцүүлгийн үеэр УИХ-ын гишүүн Ө.Энхтүвшин УИХ-ын дарга М.Энхболдыг чуулганы хуралдааныг дэгийн дагуу явуулахыг шаардсан юм.
УИХ-ын чуулганы өнөөдрийн үдээс өмнөх хуралдаанаар Эдийн засгийг эрчимжүүлэх хуулийн төслийг хэлэлцсэн. Төслийг хэлэлцэх үеэр гишүүд асуулт асууж, Сангийн сайд Б.Чойжилсүрэн хариулт өгсөн юм. Тухайлбал,
Сангийн сайд Б.Чойжилсүрэн:Санхүүгийн загварчлалын программуудыг бид Сангийн яаман дээр хэрэглэсэн. Гадаад дотоод активын зөрүү нь хэд байна вэ гээд шинэчилсэн загварууд гарсан. Залуучууд байгаа учир надад тайлбарлах юм алга. Хэрэгжүүлэх механизмын хувьд ерөөсөө Засгийн газар, Монгол банк хоёртой холбоотой.
УИХ-ын Эдийн засгийн байнгын хорооны өнөөдрийн /2016.11.04/ хуралдаан 10.29 цагт гишүүдийн 52.6 хувийн ирцтэйгээр эхэллээ. Хуралдааны эхэнд Монгол Улсын 2017 оны төсвийн тухай, Нийгмийн даатгалын сангийн төсвийн тухай хуулийн төслүүдийг хоёрдугаар хэлэлцүүлэгтэй холбогдуулан нэмэлт, өөрчлөлт оруулах тухай хуулийн төслүүдийн анхны хэлэлцүүлгийг хийв.Ашигт малтмалын тухай хуульд нэмэлт өөрчлөлт оруулах тухай, Хөрөнгө оруулалтын тухай хуульд нэмэлт оруулах, Аж ахуйн үйл ажиллагааны тусгай зөвшөөрлийн тухай хуульд нэмэлт оруулах, Улсын тэмдэгтийн хураамжийн тухай хуульд нэмэлт оруулах, Төсвийн тухай хуульд нэмэлт оруулах, Ирээдүйн өв сангийн тухай хуульд нэмэлт, өөрчлөлт оруулах тухай хуулийн төслийн талаар асуулт асууж, санал хэлэх гишүүн байгаагүй учир анхны хэлэлцүүлгээр нь баталлаа.
Хуралдаанд Уул уурхай, хүнд үйлдвэрийн сайд Ц.Дашдорж, Төрийн өмчийн хорооны бодлого, зохицуулалтын газрын дэд дарга А.Дагвадорж оролцсон юм. Танилцуулгатай холбогдуулж УИХ-ын гишүүн Д.Дамба.Очир, Л.Элдэв-Очир, Б.Ундармаа,Т.Аюурсайхан, Б.Жавхлан, Д.Эрдэнэбат нар асуулт асууж, байр сууриа илэрхийлсэн юм. Тухайлбал, УИХ-ын гишүүн Д.Дамба-Очир хувьчлах жагсаалтад нэмэлтээр орж ирж байгаа “Монгол шуудан”, “Эрдэнэт-Булганы цахилгаан түгээх сүлжээ” хувьцаат компанийг нээлттэй дуудлага худалдаагаар худалдахдаа үнийг яаж тооцсон юм бэ гэдгийг, УИХ-ын гишүүн Т.Аюурсайхан хувьчлагдаж байгаа төрийн өмчит хувьцаат компаниуд гадаадын зээл, тусламж авсан эсэхийг, УИХ-ын гишүүн Б.Жавхлан хувьчлалыг төсвийн орлого нэмэгдүүлэхэд чухалчилсан уу эсвэл эдийн засгийн цаад системтэй нь холбож үзсэн үү гэдгийг тодруулж байлаа. Төрийн өмчийн бодлого, зохицуулалтын газрын дэд дарга А.Дагвадорж Засгийн газрын өмч хувьчлалын жагсаалтад нэмэгдэх эдгээр аж ахуйн нэгжийн үнийн дүнг бодитой гаргахаар Төрийн өмчийн бодлого зохицуулалтын газраас сүүлийн таван жилийн ашиг орлого, алдагдал, татвар гээд үнэлгээний нарийн судлагаа хийж байгаа. Тиймээс суурь үнэ өөрчлөгдөнө. Ер нь “Монгол шуудан” ХК бага зэргийн ашигтай, “Эрдэнэт-Булганы цахилгаан түгээх сүлжээ” ХК алдагдалтай байгаа юм. Гэхдээ эдгээр аж ахуйн нэгжид гадны ямар нэгэн зээл, тусламж авсан асуудал байхгүй байгаа гэж хариулав.
Харин УИХ-ын гишүүн Л.Элдэв-Очир, Д.Эрдэнэбат нар Ашигт малтмалын тухай хуульд нэмэлт, өөрчлөлт оруулах тухай хуулийн төсөлд үүсмэл ордыг ашиглахдаа алтны овоолгыг дахин ашиглахад тусгай шаардлага тавьсан эсэхийг тодруулсан юм. Уул уурхай, хүнд үйлдвэрийн сайд Ц.Дашдорж уул уурхайн ордыг ашигласны дараах хаягдмал овоолгоос эдийн засгийн хувьд үр ашигтай үүсмэл ордууд байсаар байгаа. Үүнийг судалж үзээд үүсмэл ордуудыг дахин ашиглуулж, нөөц ашиглалтын татвар авах нь зүйтэй гэж үзсэн. Тэгэхдээ алтны үүсмэл ордыг дахин ашиглахад нарийн тооцоо судлагаа хийж байгаа. Засгийн газраас тусгайлан журам гаргахаар ажиллаж байна гэж байв.
УИХ-ын чуулганы өнөөдрийн хуралдаанаар Эдийн засгийг эрчимжүүлэх хуулийн төслийг хэлэлцэж байна. Сангийн сайд Б.Чойжилсүрэн хуулийн төслийг танилцуулж, уг хуулийн төслийн холбоотойгоор гишүүд асуулт асууж хариулт авлаа. Тухайлбал,
УИХ-ын гишүүн Д.Эрдэнэбат: 2017 оны төсвийн хүрээний мэдэгдэлд худалдааны тэнцэл нэмэх 300, төлбөрийн тэнцэл хасах 800 гэсэн тоо бий. Энэ нь өмнөх оныхоос худалдааны тэнцэл 500 сая ам.доллараар буурч байгаа юм. Энэ чинь валютын ханшийг өсгөж байна. Энэ асуудал дээр ямар хөтөлбөр боловсруулах гэж байна. Энэ тухай үг өгүүлбэр бүр нь хуульд тодорхой тусгагдах ёстой. Харамсалтай нь энэ ажлаа хийхгүй байна. Мөн шинээр оруулж ирж буй хууль дотор гол гол хууль орж ирээгүй байна. Тэр морины бооцоо гэсэн юмнууд ер нь ямар хэрэгтэй юм. Мөн 60 сая малаа цаашид яах вэ? Гурван сая хүнд чинь нийлүүлэлт нь илүүдэлтэй болохоор махны үнэд нөлөөлөөд байна. Тэгээд махаа экспортлох ёстой гэдэг дээр бүгд санал нэгддэг хэрнээ хийж хэрэгжүүлж байгаа ажил алга байна. Бидний шүүмжлээд загнаад байгаа энэ олон зээлүүд чинь ирэх жилээс олон жижиг үйлдвэр болж гарна. Үүнээс дотоодын борлуулалт өснө. Ингэж өсөхөд ямар экспортын болон дотоодын борлуулалтын зах зээл байх юм. Мөнгөний урсгал нь даах уу, үгүй юу гэдэг асуултад тодорхой хариулт хэрэгтэй байна. Олон үйлдвэрт хөрөнгө оруулалт орсон. Энэ бүгд ирэх жилээс өгөөжөө өгөх болно шүү дээ. Энийг бид ямар эрх зүйн орчноор зохицуулах вэ?
УИХ-ын гишүүн Ө.Энхтүвшин: Энэ хуулийн төслийг үзсэн. Мөн хоёр жилийн өмнөх төслийг үзлээ. Түрүүчийн Засгийн газар баталсан яг адилхан нэртэй хөтөлбөр бий. Гэхдээ тэр хэрэгжээгүй. Түүгээр ч зогсохгүй энэ улс орны бүр доод талын цэг дээр аваачсан. Өнөөдрийн өргөн барьсан энэ хуулийн төслийг харж байхад өмнө байсан тэр заалтууд яг байгаад байна.
Курдын талыг баримтлагч, Туркийн сөрөг хүчний Ардын ардчилсан намын хоёр удирдагчийг баривчилсан талаар “www.dailymail.co.uk” мэдээллээ.