Month: September 2016

УИХ-ын ээлжит чуулганы хуралдаан өнөөдөр буюу есдүгээр сарын 2-нд 15:30 цагаас хуралдаж эхэллээ. Өнөөдрийн хуралдаанаар Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай өргөн мэдүүлсэн. Өнөөдрийн хуралдаанаар Төсвийн тогтвортой байдлын тухай хуульд өөрчлөлт оруулах тухай, Хувь хүний орлогын албан татварын тухай хуульд нэмэлт өөрчлөлт оруулах тухай, Ашигт малтмалын тухай хуульд өөрчлөлт оруулах тухай зэрэг асуудлыг хэлэлцэж байна.

Энэ үеэр УИХ-ын гишүүн Ө. Энхтүвшин:Өмнөх Засгийн газрын алдааг Ж.Эрдэнэбатын Засгийн газар давтаж байна. Үүнээс яаж гарах талаар МАН-ын бүлэг хэлэлцэж байгаад ийм төсөл оруулж ирж байна. Гэхдээ оруулж ирсэн Төсвийн тухай хуульд дахиад засч, залруулах зүйл байгаа. МАН-ын сонгуулийн үеэр ард түмэндээ амласан мөрийн хөтөлбөрөөсөө ухарч болохгүй. Эдийн засаг, нийгэм хүндрэлтэй байна. Үүнээс гарахын тулд зөв бодлогоор зүтгэх ёстой. Гэхдээ бид зарим бодлогоосоо ухраад байна. Тухайлбал, сарын 2.5 сая төгрөгөөс дээш цалинтай иргэдээс 25 хувийн татвар авах тухай хууль оруулж ирж байгаа. Үүнийг ойлгуулахдаа Монголын нийгмийн шимэгч нар болсон хүмүүс байгаа гэж иргэдэд харуулж байна.

МАН-ын амлалтуудыг ард түмэн эргэн санаж эхэллээ. Яагаад гэвэл төсвийн тодотголын хууль хэлэлцэж байгаа энэ үед иргэдийнхээ халаас руу хэт халдсан байдлыг Ардчилсан намын гишүүд эрс шүүмжилжснээр энэ асуудал ард иргэдийн дунд газар авч эхэлсэн юм. Гэвч МАН иргэдийнхээ бүсийг чангалах байр суурин дээр хэвээр байсаар байна. Ингээд МАН-ын сонгуулийн амлалт ба биелэлтийг харьцуулан харуулъя.

УИХ-ын ээлжит чуулганы хуралдаан өнөөдөр буюу есдүгээр сарын 2-нд 15:30 цагаас хуралдаж байна. Өнөөдрийн хуралдаанаар Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай болон хамт өргөн мэдүүлсэн. Төсвийн тогтвортой байдлын тухай хуульд өөрчлөлт оруулах тухай, Хувь хүний орлогын албан татварын тухай хуульд нэмэлт, өөрчлөлт оруулах тухай, Ашигт малтмалын тухай хуульд өөрчлөлт оруулах тухай зэрэг асуудлаар хэлэлцэх юм.

Яг одоо 2017-2018 оны төсвийн төсөөллийн тухай хуульд өөрчлөлт оруулах тухай гишүүд асуулт асууж үг хэлж байна.

Тухайлбал, УИХ-ын гишүүн Д.Эрдэнэбат: Гудамжинд явж байгаа хүмүүс нэг зүйл асууж байна. Энэ “хүндэрсэн эдийн засгийг гэрчлэх Засгийн газар уу, эсвэл эдийн засгаа сүйрүүлэх гэсэн Засгийн газар юм уу” гэж асууж байна. Гэрчлэж болно. Хариуцлага тооцож болно. Гэхдээ ингэж ажиллаж байх цаг хугацаа алга байна. Одоо урагшаагаа харж ажлаа хийе. Хариуцлага тооцох газар нь шийдвэрлээд л явъя. Энэ улс төржсөн шийдвэр чинь алдаа болж байна. Бид сонгуульд гарахдаа амлалт өгсөн шүү дээ. Одоо юу нь болохоо болчихоод байгаам. Сүүлийн хорь хоногийн дотор нийгмийн бухимдал улам л өсөөд байна. Ард түмний хийж бүтээх, хөдөлмөрлөх итгэл, сэтгэл цаг цагаар байхгүй болж байна. Энэ улс орон чинь зөвхөн төсвөөс хамааралтай, төсвийн хямралаар эдийн засаг нь сүйрсэн орон болсон мэт харагдах боллоо. Та нарын арга барил зөв юм уу гэж асуумаар байна.

УИХ-ын гишүүн Л.Болд:Татвар нэмэхээр орлого нэмэгддэг хаанахын туршлага байна вэ? Татвараа нэмэхээр далд эдийн засаг бий болно. Төрийн албан хаагчдын цалинд, цэргийн салбарын орлогод халдсан, хүүхдийн мөнгийг танасан нь Засгийн газрын зөв бодлого уу?

Сангийн сайд Б.Чойжилсүрэн: Татварын өөрчлөлтөд 14 мянган хүн хамрагдах тооцоотой байгаа. Түүнээс 400 мянган хүн хамрагдахгүй. Эдийн засгийн өөрчлөлт явж байна. Орлого бууруулж, зарлага нэмэх арга хэмжээ авахаар 500 тэрбум орчим төгрөгөөр төсвийн тэнцэл сайжруулахыг зорьсон. Эдийн засгийг дахин сэргээх асуудал манай намын мөрийн хөтөлбөрт байгаа. Эдийн засгийг сэргээхийн тулд ийм арга хэмжээ авахаас өөр аргагүй.

Монгол Улсын Ерөнхий сайд Ж.Эрдэнэбат Дэлхийн банкны гүйцэтгэх захирал Хэнам Чойг хүлээн авч уулзлаа. Ноён Хэнам Чой нь Австрали, Шинэ Зеланд, Солонгос, Монгол, Камбож зэрэг Ази, Номхон далайн 14 улс орныг Дэлхийн банкны захирлуудын зөвлөлд төлөөлдөг байна.

Монгол Улс 1991 онд Дэлхийн банк, ОУВС-гийн гишүүнээр элсэн орсноос хойш 25 хамтран ажиллаж байна. Энэ жилүүдэд Дэлхийн банк нийгэм, эдийн засгийн бүхий л салбарт олон тооны төсөл, хөтөлбөр хэрэгжүүлж, техникийн туслалцаа үзүүлж ирсэнд Ерөнхий сайд талархал илэрхийллээ.

Засгийн газар эдийн засгийн хүндрэлийг даван туулах хөтөлбөрийг боловсруулан ажиллаж байна. Төсвийн алдагдлыг бууруулахын тулд зардлыг танаж, тэвчиж болох зардлыг багасгаж төсвийн орлогыг нэмэгдүүлэх бодлого болон бусад арга хэмжээг хэрэгжүүлэхээр төлөвлөж байна. Өнөөгийн тулгарч байгаа эдийн засгийн хүндрэлт байдлыг богино хугацаанд даван туулах чиглэлээр Монгол Улсын Засгийн газар олон улсын банк, санхүүгийн байгууллагуудтай нягт хамтран ажиллаж байна. Үүний дотор Дэлхийн банк дорвитой хувь нэмэр оруулж, бодлогын зөвлөгөө өгч дэмжиж ажиллана гэдэгт найдаж байна гэж Ерөнхий сайд хэллээ.

Монгол Улсын эдийн засагт тулгараад буй богино хугацааны хүндрэлийг даван туулах, төлбөрийн тэнцэл, төсвийн алдагдлыг нөхөх зорилгоор Дэлхийн банкнаас Хөгжлийн бодлогын зээл авах хүсэлтэй байгаагаа Ерөнхий сайд илэрхийллээ.

Монгол Улсад хэрэгжүүлэх боломж, ирээдүйтэй олон сайхан төсөл байгаа боловч хөрөнгө оруулагчид банк, санхүүгийн байгууллагын шаардлагад нийцсэн ТЭЗҮ бүхий төсөл цөөн байна. Томоохон төслийн ТЭЗҮ-г олон улсын шаардлага хангасан, өндөр түвшинд боловсруулах үйл ажиллагаанд дэмжлэг хүслээ.

Нөхцөл байдал муудахаас урьдчилан сэргийлсэн арга хэмжээг шуурхай авч байгаа нь зүйтэй. Хүндрэлийг туулах чиглэлээр Засгийн газраас авч хэрэгжүүлж байгаа бодлогыг дэмжиж ажиллахаа Дэлхийн банкны гүйцэтгэх захирал Хэнам Чой илэрхийлэв.

Мөн Хөгжлийн бодлогын зээл авах хүсэлтийг Дэлхийн банкны захирлуудын зөвлөлд танилцуулж, тусламж дэмжлэг үзүүлж ажиллана гэлээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

УИХ-ын гишүүн
Ц.Нямдорж: “Засгийн газрын гишүүд улс төрийн мэдрэмжээ сайжруул. УИХ-аас
дэмжлэг авахгүй юмыг битгий оруулж ирж бай. Тэмээн дээр ямааны гарз гэдэг шиг
нэр төрөө бараад байх юм. эцсийн дүндээ намын чинь нэр хүнд унаж дууслаа. Яг
үнэндээ Засгийн газрын санал дотор шинэ юм байхгүй. Төсөв хүндрэхээр цалингаа
хасъя, татвараа нэмье гэж оруулж ирдэг” хэмээн бухимджээ.