Month: September 2016

Categories
мэдээ нийгэм

Монголын залуу уяачдын чуулган болно

“Монголын морин спорт, залуу уяачдын холбоо”-ны үүсгэн байгуулагчдын анхдугаар чуулган ирэх аравдугаар сарын 7, 8-ны өдрүүдэд Улаанбаатар хотноо зохион байгуулагдах гэж байна. Тус холбоо нь монголчуудын морины соёлыг дэлгэрүүлэх, олон зуун жилийн уламжлалт түүхтэй хурдан морины уралдааныг хөгжүүлэх, Монгол орны өнцөг булан бүрт ажиллаж амьдарч буй залуу уяачдаа дэмжих зорилготойгоор ийнхүү үүсгэн байгуулагдаж байгаа аж.

Анхдугаар чуулганы зохион байгуулагчаар “Монголын морин спорт, залуу уяачдын холбоо”-ны үүсгэн байгуулагчид ажиллаж байгаа бол хамтран зохион байгуулагчаар “Монголын морин спорт, уяачдын холбоо” болоод “Нийслэлийн морин спорт, уяачдын холбоо” ажиллаж байна.

Энэхүү холбоо нь цаашид, Монголын хурдан морины нэгдсэн бүртгэл, мэдээллийн санг бүрдүүлэх. Тухайн бүртгэл мэдээллийг хурдан морины угшил гарал, уралдаан тэмцээн гэсэн ангиллаар нарийн явуулж цахим сайтад байршуулж эх орондоо төдийгүй дэлхийн өнцөг булан бүрт суугаа монголчуудад алдаршуулан танилцуулж байх зэрэг ажлыг хийх аж.

Categories
мэдээ нийгэм

НҮБ Монголд хэрэгжүүлэх хөтөлбөрийг батлав

Нью-Йорк хотноо 2016 оны 9 дүгээр сарын 6-7-ны өдрүүдэд болсон НҮБ-ын Хүн амын сангийн Гүйцэтгэх зөвлөлийн хуралдаанаар НҮБ-ын Хүн амын сангаас 2017-2021 онд Монгол Улсад хэрэгжүүлэх Орны хөтөлбөрийг баталлаа.

Гүйцэтгэх зөвлөлийн хуралдаанд Монгол Улсаас НҮБ-ын дэргэд суугаа Байнгын төлөөлөгч С.Сүхболд оролцож үг хэлэв. Тэрээр НҮБ-ын Хүн амын сангийн Монголд хэрэгжүүлсэн өмнөх таван хөтөлбөр нь манай улсын эмэгтэйчүүд, охид, хүүхэд, залуучуудын эрүүл мэнд, эрхийг хамгаалах болон хүн амын хөгжлийг дэмжихэд үнэтэй хувь нэмэр оруулсныг сайшаан дурдаад, 2017-2021 онд хэрэгжүүлэх Орны хөтөлбөрт тусгасан өсвөр үе, залуучуудын хөгжлийг дэмжиж, эрхийг хамгаалах, жендэрийн эрх тэгш байдлыг хангаж, эмэгтэйчүүдийг чадавхижуулах чиглэлүүд нь Монгол Улсын Тогтвортой хөгжлийн 2030 хөтөлбөрийн зорилтуудтай бүрэн нийцэж байгааг цохон тэмдэглэсэн байна.

Уг хуралдаанаар Ази, Номхон далайн бүс нутгаас манай улсаас гадна Бангладеш, БНАСАУ, БНАЛАУ, Иран, Тайланд, Вьетнам улсад хэрэгжүүлэх Орны хөтөлбөрүүдийг мөн баталсан байна.

Эх сурвалж: ГХЯ

Categories
мэдээ улс-төр

Эдийн засгийн байнгын хороо нэгдсэн төсвийн 2015 оны гүйцэтгэлийн хоёр дахь хэлэлцүүлгийг хийлээ

Эдийн засгийн байнгын хорооны өнөөдрийн /2016.09.08/
хуралдаанаар Монгол Улсын нэгдсэн төсвийн
2015 оны гүйцэтгэл, Засгийн газрын санхүүгийн нэгтгэсэн тайлан, “Монгол Улсын
2015 оны төсвийн гүйцэтгэлийг батлах тухай” Улсын Их Хурлын тогтоолын төслийн
хоёр дахь хэлэлцүүлгийг хийлээ.

Нэгдсэн төсвийн 2015 оны гүйцэтгэл, Засгийн газрын санхүүгийн
нэгтгэсэн тайлангийн талаар Сангийн дэд сайд Х.Булгантуяа, нэгдсэн төсвийн
гүйцэтгэл, Засгийн газрын санхүүгийн нэгтгэсэн тайланд хийсэн аудитын талаар
Монгол Улсын Ерөнхий аудитор А.Зангад нар танилцуулсан юм.

Засгийн газрын санхүүгийн нэгтгэсэн тайлангаар нийт 29.8 их наяд
төгрөгийн хөрөнгө, 19.7 их наяд төгрөгийн өр төлбөр тайлагнагдсан байна. Нийт
хөрөнгийн дүнд мөнгөн хөрөнгө 3.2 их наяд, авлага 6.2 их наяд, урт хугацаат
хөрөнгө оруулалт 6.0 их наяд, үндсэн хөрөнгө 12.2 их наяд төгрөг байгаа аж.
Нийт өглөгийн дүнд төрийн өмчит үйлдвэрийн газар, аж ахуйн нэгжүүдийн өр төлбөр
3.2 их наяд төгрөг байгаа бол, Засгийн газрын дотоод үнэт цаасны өглөг 3.0 их
наяд, гадаад үнэт цаасны өглөг 3.3 их наяд, гадаад зээлийн өглөг 4.5 их наяд
төгрөг байгаа юм байна.

Нэгдсэн төсвийн гүйцэтгэлд улсын төсвийн 34 ерөнхийлөн
захирагчийн 815 төсвийн байгууллага, нийслэл, дүүргүүд болон 21 аймгийн төсвийн
байгууллагууд, Хүний хөгжлийн сан болон Нийгмийн даатгалын сангуудын төсвүүд
хамрагдсан байна.

2015 оны гүйцэтгэлээр Монгол улсын нэгдсэн төсвийн
тэнцвэржүүлсэн орлого ба тусламжийн дүн 6 их наяд төгрөгт
хүрч 98.7 хувийн биелэлттэй, зарлага 7.1 их наяд төгрөгт хүрч 94.8
хувийн биелэлттэй гарсан байна. Нэгдсэн төсвийн тэнцэл 1 их наяд 156.9 тэрбум
төгрөгийн алдагдалтай гарч дотоодын нийт бүтээгдэхүүний 4.99 хувьтай тэнцэж
байгаа нь төсвийн тогтвортой байдлын тухай хуульд заасан тусгай шаардлагыг
хангажээ. Нэгдсэн төсвийн алдагдлыг санхүүжүүлэх, Засгийн газрын үнэт
цаас, зээлийн төлбөрийг барагдуулах зорилгоор 2 их наяд 751.7 тэрбум төгрөгийн
эх үүсвэрийг Засгийн газрын үнэт цаас арилжаалж бүрдүүлсэн байна. Тайлант
хугацаанд Засгийн газрын үнэт цаасны үндсэн төлбөрт 2 их наяд 70.3 тэрбум
төгрөг, Засгийн газрын гадаад зээлийн үндсэн төлбөрт 126.4 тэрбум төгрөгийг тус
тус төлсөн бол, гадаад төслийн зээлээр 305.9 тэрбум төгрөгийг, хөтөлбөрийн
зээлээр 199.2 тэрбум төгрөгийг авч ашигласан байна. Түүнчлэн, Хөгжлийн банкнаас
433.6 тэрбум төгрөгийн хөрөнгө оруулалтын ажлыг улсын төсвөөс эргэн төлөгдөх
нөхцөлтэйгээр санхүүжүүлсэн байна.

Улсын төсвийн тэнцвэржүүлсэн орлого ба тусламжийн дүн 3.8 их
наяд төгрөгт хүрч, 95.1 хувийн биелэлттэй, улсын төсвийн зарлага 5.0 их наяд
төгрөгт хүрч, 95.8 хувийн биелэлттэй гарсан байна. Улсын төсвийн орлогын
тасалдал нь нэгдсэн төсвийн орлогын гүйцэтгэлд голлох нөлөөг үзүүлсэн бөгөөд
орлогын дутагдалд дотоодын эдийн засгийн идэвхигүй байдал, эрдэс
бүтээгдэхүүний үнэ болон импортын бууралт зэрэг хүчин зүйлс нөлөөлсөн байна.
Тухайлбал нийт импортын хэмжээ 3 тэрбум 797.2 сая ам.долларт хүрч өмнөх оноос
1 тэрбум 439.4 сая ам.доллараар буурсан, зэсийн тэнцвэржүүлсэн үнэ
төлөвлөснөөс 844 ам.доллараар бага буюу 5,510.5 ам.доллар,
баяжуулсан нүүрсний үнэ төлөвлөснөөс 21 ам.доллараар бага буюу 61.6
ам.долларт хүрч буурсан зэрэг нөхцөл байдлууд үүссэн байна. Түүнчлэн хувьчлахаар
төлөвлөсөн төрийн өмчийг хувьчилж чадаагүйтэй холбоотой Төрийн өмчийн хорооны
төвлөрүүлэх орлого тасалдсан, төсөвт байгууллагуудын өөрийн орлого 30.1 тэрбум
төгрөг, донор, хандивлагч орнуудаас орохоор тооцсон тусламжийн орлого 9.3
тэрбум төгрөг, Өмнөговь аймгаас улсын төсөвт төвлөрүүлэх орлого 8.7 тэрбум
төгрөгөөр тус тус төлөвлөгөөнөөс дутуу биелэсэн зэрэг нөлөөллүүд гарсан байна.

Улсын төсвийн зарлага 4 их наяд 996.9 тэрбум төгрөгт хүрч,
төлөвлөсөн дүнгээс 221.6 тэрбум төгрөг, өмнөх оны гүйцэтгэлээс 232.3 тэрбум
төгрөгөөр тус тус бага гарсан байна. Нийт зарлагын 20.5 хувь буюу 1 их наяд
22.7 тэрбум төгрөгийг цалин хөлс, нийгмийн даатгалын шимтгэлийн зардалд, 13.3
хувь буюу 663.7 тэрбум төгрөгийг хүүгийн зардалд зарцуулсан байна. Улсын
төсвийн хөрөнгө оруулалтад 246.8 тэрбум төгрөгийн санхүүжилт олгосон нь
төлөвлөснөөс 111.1 тэрбум төгрөгөөр бага, харин гадаадын зээлийн хөрөнгөөр
санхүүжих хөрөнгө оруулалтын ажлын гүйцэтгэлд 246.1 тэрбум төгрөгийн санхүүжилт
олгосон нь төлөвлөснөөс 66.1 тэрбум төгрөгөөр илүү гүйцэтгэлтэй гарсан байна.

Орон нутгийн 2015 оны төсвийн гүйцэтгэлээр нийт орлого 2 их
наяд 33.7 тэрбум төгрөгт хүрч, төлөвлөсөн дүнгээс 2.9 хувь
буюу 39 тэрбум төгрөгөөр дутуу төвлөрсөн байна.

Орон нутгийн төсвийн нийт зарлага 2 их наяд 79.1 тэрбум төгрөгт
хүрч, төлөвлөсөн дүнгээс 10.3 хувь буюу 238.7 тэрбум төгрөгөөр дутуу
зарцуулагдсан байна. Орон нутгийн нийт зарлага, санхүүжилтийн 79.2 хувь буюу 1
их наяд 647.2 тэрбум төгрөгийг урсгал зардалд, үүнээс цалин хөлс, нийгмийн
даатгалын шимтгэл, нийгмийн халамжийн зардалд 1 их наяд 55.9 тэрбум төгрөгийг
зарцуулсан байна.

Орон нутгийн 2015 оны төсвийн тэнцэл 45.4 тэрбум төгрөгийн
алдагдалтай гарсан байна.

Хүний хөгжил сангийн 2015 оны төсвийн гүйцэтгэлээр 356.9 тэрбум
төгрөгийн орлого төвлөрүүлэхээс 423 тэрбум төгрөг төвлөрч, төлөвлөгөө 118.5
хувийн биелэлттэй гарсан. Энэ нь тус санд оны эцсээр Эрдэнэт үйлдвэрээс 49
тэрбум төгрөг, Оюутолгой ХХК-с 28 тэрбум төгрөгийг АМНАТ-ын орлого төвлөрсөнтэй
холбоотой байна.

Хүний хөгжил сан 2015 оны төсвийн жилд төр хариуцах иргэний
эрүүл мэндийн даатгалын шимтгэлд 12 тэрбум төгрөг, Засгийн газрын үнэт цаас
болон урьдчилгаа төлбөрийн хүүгийн зардал 67.3 тэрбум төгрөг, хүүхэд бүрт сар
бүр олгох 20 мянган төгрөгт нийт 225.7 тэрбум төгрөгийг тус тус зарцуулсан
байна.

Нийгмийн даатгалын сангийн 2015 оны орлогыг 1 их наяд 544.3
тэрбум төгрөгөөр төлөвлөснөөс гүйцэтгэлээр 1 их наяд 480.5 тэрбум төгрөг
төвлөрч, 96 хувийн биелэлттэй гарсан байна.

Харин нийгмийн даатгалын сангийн зарлага 2015 онд 1 их наяд
541.5 тэрбум төгрөгт хүрч, нийт төлөвлөгөөний 99.7 хувьтай тэнцсэн байна.
Ингэснээр тус сангийн 2015 оны төсвийн тэнцэл 61 тэрбум төгрөгийн алдагдалтай
гарсан байна.

Танилцуулгуудтай холбогдуулан УИХ-ын гишүүн Л.Энх-Амгалан,
Ж.Бат-Эрдэнэ, Б.Ундармаа нар Сангийн дэд сайд, улсын Ерөнхий аудитороос асуулт
асууж, УИХ-ын гишүүн Ж.Бат-Эрдэнэ, Л.Энх-Амгалан, Л.Элдэв-Очир, Д.Тэрбишдагва
нар үг хэлж байр сууриа илэрхийлсэн юм. Дараа нь Монгол Улсын нэгдсэн төсвийн 2015 оны гүйцэтгэл, Засгийн
газрын санхүүгийн нэгтгэсэн тайлан, “Монгол Улсын 2015 оны төсвийн гүйцэтгэлийг
батлах тухай” Улсын Их Хурлын тогтоолын төслийг чуулганы нэгдсэн
хуралдаанаар батлах нь зүйтэй гэсэн томьёоллоор санал хураалт явуулахад
хуралдаанд оролцсон гишүүдийн олонхи дэмжсэн учир Байнгын хорооны санал,
дүгнэлтээ Төсвийн зарлагын хяналтын дэд хороонд хүргүүлэхээр тогтлоо хэмээн УИХ-ын Тамгын газрын Хэвлэл
мэдээлэл, олон нийттэй харилцах хэлтсээс мэдээллээ.

Categories
мэдээ соёл-урлаг

Олон улсын 201 уртын дуучид өрсөлдөж байна

Монгол улсын төрийн шагналт, Ардын жүжигчин, Хөдөлмөрийн баатар, Зууны манлай уртын дууч Н.Норовбанзадын мэндэлсний 85 ой энэ онд тохиож байна. Ойн хүрээнд Н.Норовбанзадын агсны нэрэмжит уртын дуучдын олон улсын анхдугаар уралдааныг энэ сарын 8-10-ны хооронд Улаанбаатарт хотноо зохион байгуулж байна.

Энэхүү тэмцээнд 45 хүртэлх насны мэргэжлийн дуучид болон ардын авьяастан, оюутнууд оролцож байгаа юм. Өмнөх жилүүдэд тус уралдаанд 100 гаруй хүн оролцож байсан бол энэ жил 201 уртын дуучин оролцож, цар хүрээгээ тэлсэн байна.

Тухайлбал, ардын авьяастны ангилалд Япон, Солонгос, ОХУ-аас, мэргэжлийн ангилалд БНХАУ-аас дуучид өрсөлдөж байгаагаас хамгийн бага нь Дундговь аймгаас өрсөлдөж буй 8 настай охин, ахмад нь 86 настай дуучин өрсөлдөж байна.

Уралдааныг Соёл урлагийн их сургууль, Норовбанзад сан, Дундговь аймгийн ЗДТГ, Дэрэн сум, Монголын уртын дууны холбоо хамтран БСШУС-ны сайдын ивээл дор зохион байгуулаж байна.

Зууны манлай уртын дуучин Н.Норовбанзад агсны нэрэмжит уртын дуучдын олон улсын анхдугаар уралдааны шүүгчээр Төрийн хошой шагналт, Ардын жүжигчин, профессор Н.Жанцанноров, Өвөрмонголын хөгжмийн зохиолч С.Энхбаяр, урлаг судлаач, доктор Д.Энхцэцэг, уртын дуучин Б.Батмэнд нар ажиллаж байна.

Categories
энтертаймент-ертөнц

“iPhone 7”нь утасгүй чихэвчтэйгээс гадна хөдөлдөг зурган мессеж явуулна

iPhone 7-д уламжлалт чихэвчний утас байхгүй. Оронд нь гэрэлтдэг холбогчтой болжээ. Мөн Airpod гэж нэрлэгддэг тусгай сеттэй болжээ. Энэ нь маш зоримог шийдэл болсон гэж үйлдвэрлэгчид үзэж байгаа юм байна. Утасгүй чихэвчин дотроо нэмэлт адаптер суулгаж өгчээ.

Шинэ iPhone 7-н нээлтийг борлуулалт нь буураад байсан Сан-Францискод хийсэн байна. Шинэ iPhone 7 нь загварын хувьд iPhone 6s-тэйгээ ойролцоо ч гэрлийн хувьд 25 хувиар илүү гэнэ. Мөн хүний хурууны даралтыг мэдрэх чадвар өмнөх загваруудаас мэдэгдэхүйц нэмэгджээ.

iPhone 7 Plus нь анхны хосолсон дэлгэцтэй камертай болжээ. хосолсон хоёр камер нь зургаан төрлийн элемент агуулсан линз бөгөөд тус тусын чадамж нь 12 Мегапиксел юм. Мөн 1/3 камер мэдрэгч болон f/1.8 өргөн хөшигтэй. Хосолсон хоёр линз нь зураг дарах үед оптикоор зураг томруулах буюу зургийг пиксель алдуулахгүй нарийн томруулах боломжтой болсон гэнэ. Түүнчлэн урд талын камер нь долоон мегапиксел болсон.

iPhone 7нь ус болон шороо тоосны хамгаалалт болох “IP67” стандартыг өөртөө агуулжээ. Энэ нь тухайн утаснууд 1 метр хүртэл усанд 30 минут хүртэл хугацаанд байх чадвартай гэсэн үг.

Гар утас, iPad-нд хэрэглэх “Ios 10” үйлдлийн системд дэлгэцийн цоож өөрчлөгдөж байгаа бөгөөд дэлгэц цоожлогдоход он сар өдөр, цагнаас гадна “Өнөөдрийн өнгө” буюу цаг агаар болон бусад хэрэгтэй мэдээллүүд харагдаж байхаар шинэчилжээ. Мөн “SiriKit” болон “Callkit” зэрэг шинэ апликэйшнүүдийг үйлдлийн системд шинээр нэмжээ. Мөн апликэйшнүүдийн зургийг томруулж, жижигрүүлэх боломжтой хийгджээ.

“Apple Photos”-т нэгэн шинэ үйлдэл нэмэгдсэн нь “Memories” юм. Өөрөөр хэлбэл, өнгөрсөн жилийн энэ өдөр та хаана ямар зураг дарж байсныг утас тань сануулдаг болох нь ээ.

“Ios10” үйлдлийн системийг татсанаар “iMessage”-д цоо шинэ дэвшил гарах нь ээ. Тухайлбал та зураг явуулж болохоос гадна төрөл бүрийн хөдөлдөг зураг явуулж болох нь ээ.

Categories
мэдээ спорт

Паралимпийн байт харвааны төрөлд Монголын гурван тамирчин оролцоно

Бразилийн Рио де Жанеро хотод болж байгаа паралимпийн наадмын байт харвааны төрөлд Монгол Улсаа төлөөлөн Хөдөлмөрийн баатар Д.Баатаржав, А.Анхбаяр, Б.Оюун-Эрдэнэ нарын гурван харваач оролцож байгаа билээ. Д.Баатаржав нь 2015 онд АНУ-д болсон ДАШТ-ээс Рио-2016 паралимпийн эрхээ авсан юм. Харин түүний хүү Б.Золбоо нь пара байт харвааны дасгалжуулагч юм. Энэ удаагийн Монголын багийн дасгалжуулагчаар ажиллаж байна.

Тодруулбал, пара байт харваагаар эрэгтэй 2, эмэгтэй 1 тамирчин оролцож байгаа. Мөн урьдчилсан харваанаас хоёр эрэгтэйн хамгийн өндөр харвасан нь Б.Оюунэрдэнэтэй холимог хосын төрөлд харвана. Пара байт харвааны тэмцээн есдүгээр сарын 10, 11, 13, 14, 15, 16-ны өдрүүдэд болно.

Дамбадондог БААТАРЖАВ 1961.06.02-д Дорнод аймгийн Баян-Уул суманд төрсөн. 2008 оны Бээжингийн олимпийн алтан медальт тамирчин юм.

Categories
мэдээ спорт

Хакухо М.Даваажаргал есдүгээр сарын башёд барилдахгүй

Японы мэргэжлийн сумо бөхийн 69 дэх ёкозүна Хакүхо М.Даваажаргал энэ сарын башёг өнжиж магадгүй гэсэн мэдээлэл хэвлэлээр цацагдаж байсан билээ. Тодруулбал, ёкозүна Хакухо тойргийн барилдааны үеэр зүүн өвдгөө гэмтээсэн бөгөөд сүүлийн өдрүүдэд бэлтгэл хийгээгүй юм. Тэрээр өнгөрсөн башёгийн үеэр мөн хөлөө гэмтээсэн байсан ч башёг дуусгасан билээ. Тэгвэл Мэргэжлийн сумо бөхийн дэвжээнд 38 дахь түрүү, 1000 дахь ялалтаа авах зорилт тавьсан Хакүхо аварга бэртлээ бүрэн эдгээж амжихгүй болсноо өөрийн фэйсбүүк хуудаснаа мэдэгдсэн байна.

Тэрээр “Харамсалтай байгаа ч аки башё амарч эмчилгээ хийлгэх шаардлагатай боллоо.эмчилгээгээ сайн хийлгээд та бүхэндээ хурдан эргэж ирнэ ээ” гэжээ.

Categories
мэдээ улс-төр

Ерөнхийлөгчийн хоригийг Байнгын хороо дэмжсэнгүй

Хууль зүйн байнгын хороо өнөөдөр буюу есдүгээр сарын 8-нд 09.30 цагаас хуралдлаа. Хуралдаанаар Монгол Улсын Ерөнхийлөгч УИХ-ын 26 дугаар тогтоолд хориг тавьсан асуудлыг авч хэлэлцээд, гишүүдийн олонхиийн саналаар дэмжихгүй гэсэн байр суурин дээр нэгджээ.

УИХ-ын 26 дугаар тоглоод тавьсан Ерөнхийлөгчийн хоригт:Монгол Улсын Их Хурлаас 2016 оны 8 дугаар сарын 30-ны өдөр батлан 2016 оны 8 дугаар сарын 31-ний өдөр ёсчилж Ерөнхийлөгчийн Тамгын газарт ирүүлсэн “Эрүүгийн хэрэг хянан шийдвэрлэх тухай, Хууль сахиулах ажиллагааны тухай, Прокурорын байгууллагын тухай, Шүүхийн шийдвэр гүйцэтгэх тухай, Гэр бүлийн хүчирхийлэлтэй тэмцэх тухай хуулиудыг буцаах тухай” 26 дугаар тогтоолыг хүлээн авч танилцлаа.

Монгол Улсын Их Хурлын чуулганы хуралдааны дэгийн тухай хуулийн 16 дугаар зүйлийн 16.8 дахь хэсэгт “Байнгын хороо, нам, эвслийн бүлэг хуулийн төслийг хэлэлцээд тухайн асуудлаар хууль, УИХ-ын бусад шийдвэр гаргах шаарлагагүй, эсхүл өргөн мэдүүлсэн төсөл нь боловсруулалтын шаардлага хангаагүй буюу хэрэгжих боломжгүй гэж үзвэл төслийг хууль санаачлагчид нь буцаах…” тухай заасан. Харин эдгээр хуулиудын хувьд Монгол Улсын Их Хурлын чуулганы хуралдааны дэгийн тухай хуулийн 24 дүгээр зүйлийн 24.4 дэх хэсэгт заасны дагуу батлагдсанд тооцогдоно. Ийнхүү нэгэнт батлагдсан хуулиудыг Улсын Их Хурлын тогтоолоор буцаах нь Монгол Улсын Үндсэн хуулийн Нэгдүгээр зүйлийн 2 дахь хэсэгт заасан хууль дээдлэх зарчмыг зөрчсөн, төрийн залгамж чанарыг алдагдуулсан буруу жишиг тогтоохоор байна. Иймд Монгол Улсын Үндсэн хуулийн Гучин гурав дугаар зүйлийн 1 дэх хэсгийн 1 дэх заалт, Монгол Улсын Ерөнхийлөгчийн тухай хуулийн 12 дугаар зүйлийн 8, Монгол Улсын Их Хурлын чуулганы хуралдааны дэгийн тухай хуулийн 53 дугаар зүйлийн 53.6 дахь хэсгийг тус тус үндэслэн, уг тогтоолд бүхэлд нь хориг тавьж байна” гэжээ.

Categories
мэдээ спорт

Үндэсний шигшээ ӨМӨЗО-ы багийг илүүрхэн хожлоо

“Чингис хаан кап 2016” сагсан бөмбөгийн олон улсын тэмцээн өчигдөр буюу есдүгээр сарын 7-нд эхэллээ. Энэхүү тэмцээнийг Үндэсний сагсан бөмбөгийн холбооноос зохион байгуулж байна. ОХУ-ын Буриад, ӨМӨЗО-ы Хөх хот, БНАСАУ, БНСУ-ын “Eagles” баг, манай үндэсний шигшээ I, II, залуучууд, оюутны шигшээ гэсэн найман баг хоёр хэсэгт хуваагдан өрсөлдөх аж. Тухайлбал, “А” хэсэгт орсон Монгол Улсын залуучуудын шигшээ эхний тоглолтоо Буриадын багтай хийж, эхний хожилоо авлаа.

Эхний тоглолтод залуучуудын шигшээ багийн тамирчин А.Бямбадорж 20 оноо авч багаа тэргүүлсэн байна. Монгол улсад анх удаа зохиогдох Азийн оюутны АШТ-ий бэлтгэлээ манай улсын тамирчид хоёр сарын хугацаанд хангасан юм.Талбайд гарч тоглосон11 тоглогч бүгд оноо авч багаа хожилд хүргэжээ. Мөн манай багийн хамгаалалт үнэхээр магтууштай байлаа хэмээн дасгалжуулагч нар ярьж байв.

Монгол улсын үндэсний I шигшээ баг эхний тоглолтоо ӨМӨЗО-ы Хөдөө аж ахуй их сургуулийн шигшээтэй хийлээ. Манай улсын шигшээ багийн гол тоглогч болох ОУХМ Т.Санчир, Б.Билгүүн, Г.Баттөр, О.Сэргэлэн нар тус тоглолтод оролцсонгүй өнжсөн байна. Мөн үндэсний шигшээгийн дасгалжуулагч О.Баярцогт тоглолтод багаа авч гараагүй юм. Гэхдээ манай тамирчид ӨМӨЗО-ы багийг 70 оноогоор илт илүүрхэн хожлоо. Тус тоглолтод Б.Мөнхболд алсын зайнаас 11 шидэлтээ байнд нь тусгаж, 33 оноо авч багаа тэргүүллээ. Мөн Д.Дэлгэрням 23 оноо, найман удаа самбараас бөмбөг авчээ.

Харин “В” хэсэгт Монголын үндэсний II шигшээ, БНСУ-ын мэргэжлийн лигийн “Eagles” багтай учраа таарлаа. “Eagles” багийн хувьд зарим тоглогч нь БНСУ-аас хараахан ирж амжаагүй байгаа юм. Тоглолт эхнээсээ өрсөлдөөнтэй болсон. Манай улсын үндэсний шигшээ II багийн хувьд будагтай талбай, самбар дор илүүрхэж байсан бол “Eagles” баг алсын зайн шидэлтээр илүү байсан юм. Гуравдугаар үед “Eagles” баг 13 оноогоор тэргүүлж, эхэлсэн ч өрсөлдөгч баг хамгаалалтаа нямбай хийсэн юм. Улмаар давуу талаа ашиглан тоглосоор оноог зөрүүг арилгаж чадсан байна. Шийдвэрлэх дөрөвдүгээр үе маш их өрсөлдөөнтэй эхэлсэн юм. Хоёр баг ээлжлэн онооны тэргүүллээ солилцож, эцсийн мөчид “Eagles”-ийн Хон Сэй Ён алсын зайн шидэлтээ оновчтой болгон 79:78-аар багтаа хагас бөмбөгний тэргүүлэл авчирлаа. Ийнхүү “Eagles” баг тэмцээний эхний хожлоо авав. Тэд өнөөдөр БНАСАУ-ын багтай тоглох аж. Тус тоглолт Хон Сэй Ён 31 оноогоор багаа тэргүүлсэн бол Ким Хён Жун 24 оноо авчээ. Манай багаас Э.Дорж-Арилд 16 оноо авсан байна.

2017 оны дэлхийн оюутны их наадамд оролцох Монгол улсын оюутны шигшээ эхний тоглолтоо БНАСАУ-ын шигшээтэй хийв. БНАСАУ-ын шигшээ өнгөрсөн жил тус тэмцээнээс мөнгөн медаль хүртсэн бол манай залуус анх удаа нэг баг болж, тэмцээнд оролцож байгаа аж. Манай залуусаас туршлага хамаагүй илүү БНАСАУ-ын баг тоглолтын эхнээс тэргүүлсээр тэмцээний эхний хожлоо авсан байна.”Чингис хаан кап 2016″ сагсан бөмбөгийн олон улсын тэмцээн өчигдөр буюу есдүгээр сарын 7-нд эхэллээ. Энэхүү тэмцээнийг Үндэсний сагсан бөмбөгийн холбооноос зохион байгуулж байна. ОХУ-ын Буриад, ӨМӨЗО-ы Хөх хот, БНАСАУ, БНСУ-ын “Eagles” баг, манай үндэсний шигшээ I, II, залуучууд, оюутны шигшээ гэсэн найман баг хоёр хэсэгт хуваагдан өрсөлдөх аж. Тухайлбал, “А” хэсэгт орсон Монгол Улсын залуучуудын шигшээ эхний тоглолтоо Буриадын багтай хийж, эхний хожилоо авлаа.

Эхний тоглолтод залуучуудын шигшээ багийн тамирчин А.Бямбадорж 20 оноо авч багаа тэргүүлсэн байна. Монгол улсад анх удаа зохиогдох Азийн оюутны АШТ-ий бэлтгэлээ манай улсын тамирчид хоёр сарын хугацаанд хангасан юм.Талбайд гарч тоглосон11 тоглогч бүгд оноо авч багаа хожилд хүргэжээ. Мөн манай багийн хамгаалалт үнэхээр магтууштай байлаа хэмээн дасгалжуулагч нар ярьж байв.

Монгол улсын үндэсний I шигшээ баг эхний тоглолтоо ӨМӨЗО-ы Хөдөө аж ахуй их сургуулийн шигшээтэй хийлээ. Манай улсын шигшээ багийн гол тоглогч болох ОУХМ Т.Санчир, Б.Билгүүн, Г.Баттөр, О.Сэргэлэн нар тус тоглолтод оролцсонгүй өнжсөн байна. Мөн үндэсний шигшээгийн дасгалжуулагч О.Баярцогт тоглолтод багаа авч гараагүй юм. Гэхдээ манай тамирчид ӨМӨЗО-ы багийг 70 оноогоор илт илүүрхэн хожлоо. Тус тоглолтод Б.Мөнхболд алсын зайнаас 11 шидэлтээ байнд нь тусгаж, 33 оноо авч багаа тэргүүллээ. Мөн Д.Дэлгэрням 23 оноо, найман удаа самбараас бөмбөг авчээ.

Харин “В” хэсэгт Монголын үндэсний II шигшээ, БНСУ-ын мэргэжлийн лигийн “Eagles” багтай учраа таарлаа. “Eagles” багийн хувьд зарим тоглогч нь БНСУ-аас хараахан ирж амжаагүй байгаа юм. Тоглолт эхнээсээ өрсөлдөөнтэй болсон. Манай улсын үндэсний шигшээ II багийн хувьд будагтай талбай, самбар дор илүүрхэж байсан бол “Eagles” баг алсын зайн шидэлтээр илүү байсан юм. Гуравдугаар үед “Eagles” баг 13 оноогоор тэргүүлж, эхэлсэн ч өрсөлдөгч баг хамгаалалтаа нямбай хийсэн юм. Улмаар давуу талаа ашиглан тоглосоор оноог зөрүүг арилгаж чадсан байна. Шийдвэрлэх дөрөвдүгээр үе маш их өрсөлдөөнтэй эхэлсэн юм. Хоёр баг ээлжлэн онооны тэргүүллээ солилцож, эцсийн мөчид “Eagles”-ийн Хон Сэй Ён алсын зайн шидэлтээ оновчтой болгон 79:78-аар багтаа хагас бөмбөгний тэргүүлэл авчирлаа. Ийнхүү “Eagles” баг тэмцээний эхний хожлоо авав. Тэд өнөөдөр БНАСАУ-ын багтай тоглох аж. Тус тоглолт Хон Сэй Ён 31 оноогоор багаа тэргүүлсэн бол Ким Хён Жун 24 оноо авчээ. Манай багаас Э.Дорж-Арилд 16 оноо авсан байна.

2017 оны дэлхийн оюутны их наадамд оролцох Монгол улсын оюутны шигшээ эхний тоглолтоо БНАСАУ-ын шигшээтэй хийв. БНАСАУ-ын шигшээ өнгөрсөн жил тус тэмцээнээс мөнгөн медаль хүртсэн бол манай залуус анх удаа нэг баг болж, тэмцээнд оролцож байгаа аж. Манай залуусаас туршлага хамаагүй илүү БНАСАУ-ын баг тоглолтын эхнээс тэргүүлсээр тэмцээний эхний хожлоо авсан байна.

Categories
мэдээ улс-төр

Багахангай дүүрэгт Ардчилсан намын 17 нэр дэвшигчийг хасчээ

Улсын хэмжээгээр орон нутгийн сонгуульд 14300 хүн нэр дэвшиж байна. Орон нутагт сонгуулийн хууль зөрчсөн болон иргэдийн сонгох сонгогдох эрхийг боогдуулсан маш олон шийдвэр гарч байгаа талаар өнөөдөр Ардчилсан намаас хэвлэлийн хурал зарлалаа. Өнөөдрийн хэвлэлийн хуралд Ардчилсан намын байгуулалтын газрын дарга Л.Уртнасан, АН-ын хуульч Б.Батхуяг, Багахангай дүүргийн нэр дэвшигч Б.Анхбаяр нар оролцлоо.

Б.Батхуяг: Есөн аймагт ийм зөрчил гарсан. Ардчилсан намын 100 орчим нэр дэвшигчийг бүртгэхээс татгалзсан байна.Төрийн сонгуулийг удирдан зохион байгуулж явдаг төрийн албан хаагчид хэрээс хэтэрсэн үйл ажиллагаа явуулж байна. Нэр дэвшигчдийн гарын хэв буруу, бичиг баримт дутуу гэх мэт улс төрийн нэг хүчинийг баримталсан тал гарч байна. Өгий нуур сумаас нэг нэр дэвшигч, Өлзийт сумаас нэг нэр дэвшигч, Өмнөговь аймгийн Ханхонгор сумын нэр дэвшигчдийг бүгдийг нь, Дархан-Уул аймгийн нэр дэвшигчийг мөн хассан байна. Багахангай дүүргийн 17 нэр дэвшигчийг бүгдийг нь хассан байна. Баянхонгор аймгийн Шинэ-Жинст сумын хоёр нэр дэвшигч, Дорноговийн Даланжаргалант сумын нэг нэр дэвшигч гээд нийт 100 орчим хүнийг бүртгээгүй байна.

Л.Уртнасан: Бүртгэхгүй байгаа шалтгаан нь олон нийтийн сүлжээгээр явагдаж байгаа цагдаагийн тодорхойлолт, засаг даргын тодорхойлолт гэх мэтчилэн маш олон бичиг баримт дата сүлжээний улмаас маш их хоцорсон. Бүх хүчиний тулгардаг бэрхшээл байсаар байтал Арчилсан намыг хаслаа. Ингэж орон нутгийн сонгуульд нэг нам оролцож байгаа юм шиг битгий оролцоочээ гэж хүсч байна.

Энэхүү гомдлоо Үндсэн хуулийн цэцийн дунд шатны шүүхээр хэлэлцүүлнэ. Нэг хаяг дээр 40, 50 хүн бүртгэлтэй байдаг энэ асуудлыг бас хууль хяналтын байгууллагаар шалгуулах болно. Мөн сонгуулийн дүнд нөлөөлсөн шилжилт хөдөлгөөний асуудлыг Үндсэн хуулийн цэцийн давж заалдах шатанд явагдаж байгаа.

О.ӨНӨР