С.Зориг агсныг хөнөөсөн хэрэгтэй холбогдуулан түүний эхнэр Б.Булганыг цагдан хорьж байгаад өнгөрсөн баасан гаригт буюу сулласан байна. Түүнийг Төв аймгийн цагдан хорих төвд ганцаарчилан хорьж байсан билээ. Одоогоор Б.Булганы биеийн байдал хэвийн байгаа аж. Зарим эх сурвалжийн мэдээллээр түүнийг хэвлэлд ямар нэгэн ярилцлага өгөхгүй гэсэн гарын үсэг зуруулсан бөгөөд үргэлжлүүлэн хорих шаардлагагүй гэж үзсэн учраас сулласан байна. Энэхүү хэрэгтэй холбоотойгоор ЦЕГ болоод ТЕГ албан ёсны тайлбар хийгээгүй байна.
Тариаланчдын
Маргааш буюу есдүгээр сарын 14-ны өдөр 19:00цагаас Улсын Филармонийн Морин хуурын чуулгатай,Чойжин ламын сүм музейд “Шөнийн сүм музейд Морин хуурын чуулга” үдшийн цэнгүүнийг зохион байгуулах аж.
МҮБХ-ноос заал танхимын барилдааны намрын нээлт, Монгол улсад барилгын салбар үүсч хөгжсөний 90 жилийн ойд зориулсан хүчит бөхийн барилдаан энэ сарын 9-нд болсон билээ. Нээлтийн барилдаанд улсын арслан Намсрайжавын Батсуурь түрүүлж, улсын начин Чотонгийн Баянмөнх үзүүрлэсэн.
Монгол Улсын нийгэм эдийн засгийн 2016 оны эхний найман сарын үзүүлэлтийг өчигдөр Үндэсний статистикийн хороо /ҮСХ/-ноос өчигдөр танилцуулсан билээ. Эдийн засгийн хямрал, улс эх орын төсөв хүнд байгаа энэ үед төсвийн алдагдал хэрээс хэтэрч байгаа бөгөөд хямралаас гарах ажиллагааг төр засаг эхлүүлсэн ажиллаж байгаа юм. Тэгвэл ҮСХ-ноос гаргасан судалгаа тоогоор улсын нэгдсэн төсвийн зарлага, эргэж төлөгдөх зээлийн хэмжээ орлогоосоо давж, төсвийн алдагдал нэг их наяд 808.7 тэрбум төгрөгийн алдагдалтай гарсан байна.
Зэвсэгт хүчний 027 дугаар анги буюу Батлан хамгаалах, хууль сахиулах алба хаагчдын нэгдсэн эмнэлгийн үйл ажиллагаатай Батлан хамгаалахын сайд Б.Бат-Эрдэнэ, Эрүүл мэндийн сайд А.Цогцэцэг, Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан болон дүүргийн Засаг дарга нар танилцлаа. 1921 онд их жанжин Д.Сүхбаатарын санаачлагаар цэрэг, ард иргэдэд үнэ төлбөргүй үйлчлэхээр байгуулагдсан Монгол улсын шинжлэх ухааны ууган эмнэлгийн шинэ байр 2011 оноос баригдаж, энэ оны 3 дугаар сард ашиглалтад оржээ.
А, Б, В гэсэн гурван блокоос бүрдсэн эмнэлэг өнөөдрийн байдлаар эмчилгээний 22 тасаг, поликлиникийн 4 тасаг, нарийн мэргэжлийн 30 гаруй кабинет, 411 ортойгоор үйл ажиллагаа явуулж байгааг Батлан хамгаалах, хууль сахиулах алба хаагчдын нэгдсэн эмнэлгийн дарга, хурандаа С.Батболд танилцууллаа. Жилд 14 мянга гаруй хүнийг хэвтүүлэн эмчилж, поликлиникээр 160 мянга гаруй хүн үзлэг шинжилгээнд хамрагддаг байна. Тус эмнэлэг нь 2015 оны магадлан итгэмжлэх комиссын дүгнэлтээр 3 жилийн хугацаагаар Төв эмнэлгийн эрхтэй болж, үйл ажиллагаагаа явуулж байгаа юм.
Эрүүл мэндийн сайд А.Цогцэцэг “Батлан хагаалах, хууль сахиулах алба хаагчдын нэгдсэн эмнэлэг энэ онд маш сайхан тохилог байртай болж, Австрийн хөнгөлөлттэй тусламжаар тоног төхөөрөмжийн шинэчлэлт хийснээр өнөөдөр нэгдсэн эмнэлгийн статустай эмнэлэг болж хөгжиж чадсан. Энэ хөгжлийг бид эрүүл мэндийн салбарын хүрээнд цаашид илүү хөгжүүлж, бодлогын хүрээнд хамтарч ажиллах болно” гэлээ.
Сагсан бөмбөгийн ахмадын УАШТ Спортын төв ордны “А” тэнхимд энэ сарын 26-30-нд болно. “Хобби-Алтан цагариг”, “Алтайн бүргэдүүд”, “Майн инфо” клубүүдийн нэрэмжит болж буйгаараа онцлог тус тэмцээн ахмад сагсан бөмбөгчдийн эрүүл мэнд, бие бялдарын хөгжил, бэлтгэлжилтийг дэмжин хөгжүүлэх, чөлөөт цагийг нь зөв боловсон өнгөрүүлэх, залгамж үе, хүүхэд залуучуудад эл спортыг сурталчлан, таниулах зорилготой.