Элэгний эмгэг судлалын холбоо Хаппи веритас оношлогооны төв хамтран В, С вирус тодорхойлох шинжилгээг үнэ төлбөргүй хийх сарын аян зарлаж байгаа талаараа мэдээллээ.
Элэгний өвчлөл, хорт хавдрын хожуу үеийн байдал нас баралтын шалтгааны хоёрдугаарт бичигдэж байгаа энэ үед эрт илрүүлгэ чухал байгаа учраас нийгмийн хариуцлагынхаа хүрээнд ийнхүү сарын аян зарлаж байгаа аж.
Есдүгээр сарын 15-наас сарын хугацаанд иргэд “Хаппи веритас оношлогооны төв”-д хандан шинжилгээнд хамрагдаж болох юм байна.
“Элэгний хорт хавдрын өвчлөл насны бүлгээр авч үзвэл 45-аас дээш насанд, хожуу үед оношлогдож байна. Оношлогоонд орсон иргэдийн 81.3 хувь нь 3, 4-р шатандаа оношлогдож байгаа нь сэтгэл түгшээж байна. Хяналтад орсон өвчтөнүүдийн дөнгөж 16 хувь нь оношлогдсоноос хойш тав болон түүнээс дээш жил амьдарч байна. Сэлэнгэ, Сүхбаатар, Дорнод, Сүхбаатар, Дархан-Уул аймаг улсын дунджаас дээгүүр үзүүлэлттэй байна” хэмээн тус төвийн дэд захирал Г.Батгэрэл хэллээ.
Тус төвийн хяналтад өнөөдрийн байдлаар 5000 гаруй хүн байдаг бөгөөд аяны хүрээнд хавдар, хатуурал хүнд шатандаа орсон зорилтот бүлгийн хүмүүсийн эмчилгээг үнэгүй хийх юм байна. Хаппи веритас оношлогооны төвөөс үнэгүй шинжилгээ, шинжилгээний талаар дэлгэрэнгүй мэдээллийг авах боломжтой.
-“ӨДРИЙН СОНИН” БОРЛУУЛАЛТААРАА ДАХИН ТЭРГҮҮЛЛЭЭ-
Монгол Улсын Ерөнхий сайд Ж.Эрдэнэбат өнөөдөр “Нортерн Рэйлвейс” ХХК-ийн ТУЗ-ын дарга Дейвид Пауллыг хүлээн авч уулзлаа. “Нортерн Рэйлвейс” ХХК нь Монгол Улсад бүртгэлтэй бөгөөд Эрдэнэт-Овоотын чиглэлийн төмөр зам барих төсөлд оролцож буй компани юм.
Монголын жүдо бөхийн холбооны Их хурал өнөөдөр МҮОХ-ны байранд болж, Монголын жүдо бөхийн холбооны ерөнхийлөгчөөр Х.Баттулгыг улируулан сонгожээ. МЖБХ-ны тэргүүн дэд ерөнхийлөгч Д.Дорлигжав, нарийн бичгийн дарга М.Бөхбат Үндэсний шигшээ багийн албаны дарга Ч.Насантогтох болон дэд ерөнхийлөгчид, Улаанбаатар хот болон бүх аймгуудын жүдо бөхийн салбар, холбооны гишүүд, жүдо бөхийн клубын төлөөлөл, тамирчин, дасгалжуулагчид оролцсон хурлын танхимаас Х.Батттулга ганцаараа нэр дэвшсэн аж. Харин холбооныхоо ерөнхий нарийн бичгийн дарга, Төлөөлөн удирдах болон хяналтын зөвлөлийн гишүүдийг сонгож байгаа ажээ
Тулгар төрийн 2225 жил, Их Монгол улсын 810 жил, Ардын хувьсгалын 95 жилийн ойн үндэсний их баяр наадмын хүчит бөхийн барилдаанд 18 начин, зургаан харцага, нэг заан, нэг арслан, нэг аварга цолтон шинээр төрсөн. Улсын цолонд хүрсэн эдгээр хүчтэнүүдийн дөрвөөс нь допингийн шинжилгээ илэрсэн тухай албан бус эх сурвалжууд мэдээллэж байна. Энэ дагуу МҮБХ-ноос тодруулахад удахгүй энэ асуудлаар мэдээлэл өгөх ажээ. Үндэсний их баяр наадмын тухай хууль, Үндэсний бөхийн барилдааны журам, МҮБХ-ын дүрмийн дагуу улсын хэмжээний томоохон наадамд шөвгөрсөн 16 бөхөөс допингийн шинжилгээ авдаг бөгөөд шинжилгээний эхний дээжийг БНСУ-ын Шинжлэх ухааны техникийн институтын“Допингийн” хяналтын лабораторид шинжлүүлдэг. Тэгвэл БНСУ-ын шинжилгээний лабораторийн хариу ирсэн ажээ.
Монголын Маркетингийн холбоо, ММCG-с жил бүр зохион байгуулдаг “SMART-2016”маркетеруудын форум өнөөдөр “Blue sky”-д эхэллээ. Энэхүү үйл ажиллагааны эхэнд “Сonnected life” судалгааны талаар танилцууллаа. Интернэтийн сүлжээ дэлхий даяар тархаж хурдацтай хөгжиж байгаа энэ үед маркетингийн салбар хөгжих шинэ шинэ боломжуудыг авчирч байна. Маркетерууд өөрсдийн бараа бүтээгдэхүүнийг зөвхөн тэр агшинд, зөвхөн тэр хугацаанд зарж өнгөрөөх биш бараа бүтээгдэхүүнээ цаашид хэрхэн амьд байлгах вэ, хэрхэн амьдруулах вэ гэдэг тал дээр анхаарлаа ажиллуулж байх хэрэгтэй болжээ. Энэ ажиллагааг “Сonnected life” судалгаагаар хэрэглэгч бүртэй хэрхэн холбогдох вэ, яаж оновчтой холболт хийж борлуулалт болгон хувиргах вэ гэдэг олон асуултуудад хариулт өгөхөөр “Сonnected life” судалгааг 10 дугаар сард бэлэн болгох юм байна. Ингээд форумыг зохион байгуулагч ММCG судалгааны компаний гүйцэтгэх захирал Д.Бум-Эрдэнээс зарим асуултад хариулт авлаа.
-Маркетинг Монголд ямар түвшинд явж байна вэ, өнөөдрийн энэ үйл ажиллагаа ямар онцлогтой явагдаж байна?
-Монголын ямар брэндүүд дэлхийд гарч байна вэ?
Ерөнхий сайд Ж.Эрдэнэбат өнөөдөр буюу есдүгээр сарын 14-нд “Оросын төмөр зам” нийгэмлэгийн тэргүүн Олег Белозёровыг хүлээн авч уулзлаа. Уулзалтын эхэнд Ерөнхий сайд, Улаанбаатар төмөр зам хувь нийлүүлсэн нийгэмлэгийг үр ашигтай ажиллуулахад хоёр тал урд өмнөхөөсөө илүү санаачилгатай ажиллах, дамжин өнгөрөх тээврийн хэмжээг нэмэгдүүлэх шаардлагатай, тийм бололцоо байгааг онцолсон. Тодруулбал, Монгол Улс, ОХУ, БНХАУ-ын аль алинд хамтарсан томоохон төслүүдтэй. Эдгээр төслүүдэд оролцох, тэндээс ажил олох боломж бололцоо УБТЗ ХНН-т байгаа талаар мэ
Харин “Оросын төмөр зам” нийгэмлэгийн тэргүүн Олег Белозёров энэ татварыг заавал он гарахыг хүлээхгүйгээр 2016 ондоо багтааж тэглүүлэх саналтай байгаагаа мөн онцолж байв. Дизель түлшинд ногдуулсан Онцгой албан татварын хуулийг анх батлахдаа ч, сая хүчингүй болгохдоо ч Монгол Улсад мөрдөгддөг хууль, дүрмийн хүрээнд шийдсэн, манай улс аливаа татварын хуулийн өөрчлөлтийг дараа оны эхний өдрөөс мөрдөж эхэлдэг хуультай аж.
ЗХЖШ-ын даргын тушаалаар жил бүр дайчилгаатай команд штабын сургууль болдог билээ. Энэхүү сургуулилт бүрэлдэхүүний бэлэн байдлыг хангах, ур чадварыг нэмэгдүүлэх, хээрийн нөхцөлд дадлагаа нэмэгдүүлэх ач холбогдолтой юм. Өнгөрсөн жил“Гамшиг ослын үед Зэвсэгт хүчний ар тал хэрхэн ажиллах вэ” гэсэн нэрийн дор болж байсан. Харин энэ жил Батлан хамгаалах, хууль сахиулах алба хаагчдын нэгдсэн эмнэлэгт тулгуурласан дайчилгаатай команд штабын сургууль болж байна.
Улаанбаатар хотын иргэдийн олонхийн санал авч УИХ-ын гишүүнээр сонгогдсон төрийн түшээдтэй нийслэлийн Засаг дарга бөгөөд Улаанбаатар хотын Захирагч С.Батболд “ Зөвлөлдөх уулзалт” хийнэ.
Өнөөдрийн байдлаар Улаанбаатар хотын нийт өрхийн 40 гаруй хувь нь инженерийн хангамжтай нийтийн орон сууцанд, 60 орчим хувь нь инженерийн бүрэн бус хангамжтай гэр хороололд амьдарч байгаа юм. Гэр хороолол нь хотын барилгажсан газар нутгийн 30 хувь, суурьшлын нутаг дэвсгэрийн 55 хувийг эзэлдэг байна. Тиймээс хот байгуулалтын шинэ Ерөнхий төлөвлөгөөнд орон сууцны фондод инженерийн сүлжээтэй нийтийн болон амины орон сууцны хангамжийг нэмэгдүүлэх, инженерийн бүрэн бус сүлжээтэй гэр болон бусад сууцны эзлэх хувийг бууруулах бодлого баримталсан байдаг.