Уг өвчний шинж тэмдэг анх гуравдугаар сард Булган сумын нутагт илэрч, наймдугаар сард бог малын мялзан, мялзан төст өвчин гэдэг нь эцэслэн тогтоогдсон гэнэ.
Бүх л бүтэн таван сарын хугацаанд халдварыг намдааж чадалгүй олон айл өрхийг хохироосны дараа, өвчнийг мялзан, мялзан төст хэмээн тогтоож, улсаас одоо л анхаарал хандуулж эхэллээ.
Орон нутгийн удирдлагууд хайхрамжгүй, хариуцлагагүй байдлаар өвчнийг нуун дарагдуулалгүйгээр эртхэн арга хэмжээ авсан бол улсад ч тэр айл өрхөд ч тэр бага хохирол учрах байлаа.
Нэг айлын хотноос 40-50 бог мал зэрэг үхсэн тохиолдол гарсан гэхээр энэхүү өвчин тус аймагт ямар хэмжээнд газар авсныг харж болно.
Ямартай ч Аймгийн Онцгой комисс хуралдаж сумдад 44 пост шинээр байгуулж, 10 ажлын хэсэг өвчин дэлгэрсэн сумд руу илгээсэн байна.
Хэрэв энэхүү өвчин энэ чигээрээ намдалгүй, цаашид ихэссээр байвал хөл хорио тогтоохоос өөр аргагүй байдалд хүрч, Ховд аймгийн иргэд ч тус халдвараар өвчлөх аюултай байдалд оржээ.
Мөн өвчнийг юунаас болж гарах болсныг тогтоогоогүй байгаа юм.
ОХУ-ын Новосибирск хотын Толмачёвын нисэх буудалд гар цүнхэндээ их хэмжээний гадаад валют авч явсан монгол иргэнийг тус улсын гаалийнхан саатуулжээ. Монгол улсын иргэн Бээжингээс нисч бөгөөд түүний тээшинд 50 мянган ам.доллар, 32 мянган рубль, 206 мянган монгол төгрөг байсан гэж Новосибирискийн Гаалийн газрын хэвлэлийн нарийн бичгийн дарга Татьяна Супжанова мэдээлжээ.
Шүүхийн Мэргэшлийн хороо анхан, давж заалдах, хяналтын шатны шүүхийн шүүгч, Ерөнхий шүүгчид нэр дэвшигчдээс энэ сарын 15-наас 19-ний өдрүүдэд шалгалт авна.
Меранти хэмээх хар салхи Тайваныг дайрч Хятадын гол нутгууд болох Фужиан мужийн Сиамен дүүргийг пүрэв гаригт буюу өнөө өглөө дайрчээ. 370 км/цаг-н хурдтай хүчтэй хар шуурганд Тайваны өмнөд хэсэг эхлэн өртсөн байна. Энэхүү хар салхи нь 2013 онд Филлипинд үүссэн хар салхинаас хойших хамгийн хүчтэй салхиар нэрлэгджээ. Сэтгүүлчид болон зураглаачид энэхүү үйл явдлыг сурвалжилахаар өнө өглөө эрт ажилдаа гарчээ. Хэд хэдэн барилга нурж салхи улам ширүүсэж байна хэмээн тэд мэдээлж байна. Хятадад одоо томоохон баяр болж хүмүүс гэр бүлтэйгээ аялалаар гэрээ орхин явж байгаа үед хар салхи болж байна.
АН-ын анхны
Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт өөрчлөлт оруулах тухай хуулийн төслийн үзэл баримтлалыг Засгийн газрын хуралдаанаар хэлэлцлээ. Гишүүдээс гаргасан саналуудыг тусган хуулийн төслийг боловсруулж, Засгийн газрын хуралдаанаар хэлэлцүүлэхийг Хуульзүй, дотоод хэргийн сайдад даалгалаа.
Энэ сарын 16-нд төвийн аймгуудын ихэнх нутаг, баруун, зүүн аймгуудын хойд хэсгээр, 17-нд нутгийн зүүн хагаст, 18-нд зүүн аймгуудын нутгаар, 19-нд нутгийн төв хэсгээр бороо, Хангай, Хөвсгөл, Хэнтэйн уулсаар нойтон цас орно гэж Ус цаг уур, орчин шинжилгээний хүрээлэнгээс мэдээллээ. Салхи 16-17-нд говь талын нутгаар секундэд 14-16 метр хүрч ширүүснэ. 16-нд нутгийн хойд хэсгээр, 17-нд нутгийн зүүн хагаст, 18-нд зүүн зүгийн нутгаар сэрүүсч Хангай, Хөвсгөл, Хэнтэйн уулархаг нутгаар шөнөдөө 4 градус хүйтнээс 1 градус дулаан, өдөртөө 9-14 градус, Их нууруудын хотгор, говийн бүс нутгийн өмнөд хэсгээр шөнөдөө 7-12 градус, өдөртөө 17-22 градус, бусад нутгаар шөнөдөө 2-7 градус, өдөртөө 13-18 градус дулаан байна.
Лондонгоос Бээжин чиглэлд нисэж байсан “Air China” компанийн CA856 аяллын дугаартай онгоцонд техникийн саатал гарсны улмаас Улаанбаатар хотын “Чингис хаан” Олон улсын нисэх буудалд өчигдөр 16:30 цагийн үед ослын буулт хийсэн байна. Ослын буултын дараа онгоцны шатахууны савнаас түлш асгарч байгаа нь тогтоогдсон тул олон улсын иргэний нисэхийн байгууллагын дүрэм журмын дагуу нислэгийг дахин хөөргөөгүй аж. Тиймээс БНХАУ-ын үндэсний тээвэрлэгч компани Бээжингээс өөр онгоц хөөргөж, зорчигчдыг авсан байна.