Төрийн банкны хувьцаа эзэмшигчийн 2016 оны 8 дугаар сарын 30-ны өдрийн тогтоолоор Төрийн банкны Төлөөлөн Удирдан Зөвлөлийн даргаар Сангийн яамны Санхүүгийн бодлогын газрын дарга Б.Нямаа, ТУЗ-ийн гишүүнээр Сангийн яамны Төрийн сангийн газрын дарга С.Наранцогт, Сангийн яамны Нягтлан бодох бүртгэлийн бодлогын газрын дарга Б.Доржсэмбэд, Засгийн газрын Хэрэг эрхлэх газрын дэд дарга У.Бямбасүрэн, Хууль зүй, дотоод хэргийн яамны Хууль зүйн бодлогын газрын даргын үүргийг түр орлон гүйцэтгэгч П.Сайнзориг, Сангийн сайдын зөвлөх П.Пүрэвжав, ТУЗ-ийн хараат бус гишүүнээр М.Батжаргал, А.Ганзориг нар томилогдон ажиллаж байна.
Мөн Төрийн банкны ТУЗ-ийн 2016 оны 9 дүгээр сарын 13-ны өдрийн тогтоолоор Төрийн банкны Ерөнхий захирлаар Д.Баярсайхан, Гүйцэтгэх захирлаар Б.Цэндсүрэн нарыг томилсон байна.
Ийнхүү 2.7 сая харилцагч, 540 гаруй салбар нэгж, 3,800 ажилтантай Монгол Улсын эдийн засаг болон банкны системд өөрийн хувь нэмрээ оруулсан ТОП-4 банкны нэг болох Төрийн банкийг санхүүгийн салбарын мэргэшсэн, туршлагатай баг удирдахаар болж байна.
Сэлэнгэ аймагт томилолтоор ажиллаж буй Ерөнхий сайд Ж.Эрдэнэбат Цагааннуур, Зүүнбүрэн, Шаамар сумын нутагт үйл ажиллагаа явуулдаг “Атар трейд”, “Гацуурт”, “Гэгээлэг трейд” компанийн тариалангийн талбайд зочилж, үр тариа, хүнсний ногооны хураалт, хадгалалтын байдалтай танилцан тариаланчидтай уулзлаа.
Монголын Анагаах ухааны академи, Японы “Койка медикал” компанитай хамтраад “Нойрны эмгэг”-ийн талаарх сургалтыг зохион байгуулж байна. Сургалтанд улсын I, II, III эмнэлэг, дүүргийн нэгдсэн эмнэлгүүд, бүсийн оношилгооны төвүүд хамрагдаж байна. Энэхүү семинарт нийтдээ дотор, мэдрэл, зүрх судасны 50 гаруй их эмч нар оролцож байгаа юм байна.
БНХАУ-ын Хяналт, шалгалт, хорио цээрийн ерөнхий газар Монголын үхэр, хонины мах болон холбогдох махан бүтээгдэхүүнийг экспортлох эрхийг түдгэлзүүлэх шийдвэрийг өчигдөр буюу есдүгээр сарын 15-нд гаргажээ. Ингэснээр энэ оны есдүгээр сарын 14-ноос хойш Монгол улсаас Хятад улс руу тээвэрлэсэн үхэр, хонины махыг буцаан татахэсвэл устгал хийхээр болж байгаа аж. Махны экспортыг ямар шалтгааны улмаас зогсоох шийдвэр гаргасан нь одоогоор тодорхойгүй байна.
Бүгд Найрамдах Куба улсад албан ёсны айлчлал хийж буй Монгол Улсын Ерөнхийлөгч Цахиагийн Элбэгдорж, Бүгд Найрамдах Куба Улсын Төрийн Зөвлөл болон Сайд нарын Зөвлөлийн дарга Раул Кастро нар албан ёсны хэлэлцээ хийв.
Ерөнхийлөгч Ц.Элбэгдорж албан ёсны айлчлал хийхээр Бүгд найрамдах Куба улсын Гавана хотноо хүрэлцэн ирлээ.
Монгол, Куба хоёр улсын улс төрийн харилцаа 1960 оны 12 дугаар сард дипломат харилцаа тогтоож, 1962 оны 7, 9 дүгээр сард харилцан бие биеийн нийслэлд ЭСЯ-аа нээснээр эхэлсэн. 1990-ээд оноос өмнө социализмын жилүүдэд Монгол, Кубын хооронд нам, төрийн шугамаар бүх шатны түвшинд харилцан айлчлалыг өргөн хэрэгжүүлж байсан. Үүнээс Монголын нам, төр, засгийн удирдагч Ю.Цэдэнбал 1972 онд, Ж.Батмөнх 1984 онд тус тус Куба Улсад, Кубын Коммунист намын 2 дугаар нарийн бичгийн дарга, Батлан хамгаалахын сайд Раул Кастро 1970 онд Монгол Улсад хийсэн айлчлал голлох байр суурь эзэлдэг юм.
Монгол Улсад 100 гаруй их дээд сургууль үйл ажиллагаагаа явуулж байна. Эдгээр сургуулийн сургалтын төлбөрийн өсөлтийг Монголбанкнаас гаргадаг инфляцийн сарын мэдээнд дурджээ. Энэ жил их, дээд сургуулийн сургалтын төлбөр 2,6 хувиар өссөн гэх судалгааг Монголбанк гаргасан байна.
Докторын дараахь судалгааны тэтгэлгийг шилдэг 10 залуу эрдэмтэнд олгож 10 сая төгрөгийг гардуулсан билээ. Энэхүү тэтгэлгийг хүртсэн залуу судлаач Хүрэлбаатарын Булгаатай судалгааных нь талаар ярилцлаа. Тэрээр “Улаанбаатар хотын иргэдийн зорчих эргэлтийг судалж, сүлжээ төлөвлөлтийг боловсронгуй болгох төсөл” хэмээх судалгааны ажлаараа 10 сая төгрөгийн тэтгэлгийг авсан юм.
-Судлаач хүний хувьд нийтийн тээврийн үйлчилгээний дутагдалтай тал юу байв. Тэр дутагдалтай талуудыг хэрхэн шийдвэрлэх боломжтой харагдсан бэ?
Мөн тэрбээр “Монгол Улсын Их Хурлын ээлжит бус чуулган хуралдаж, долоо хоногийн өмнө өндөрлөлөө. Ээлжит бус чуулганаар “Юмжаагийн Цэдэнбал агсны алдар гавьяаг мөнхжүүлж, түүний мэндэлсний 100 жилийн ойг тэмдэглэн өнгөрүүлэх талаар авах зарим арга хэмжээний тухай” Улсын Их Хурлын тогтоолыг баталж, Монголын төр, ард түмэн нийтээр энэ ойг тэмдэглэн өнгөрүүлэх нь зүйтэй гэсэн шийдвэрийг гаргасан. Энэхүү ойн арга хэмжээг зохион байгуулах ажлыг Улсын Их Хурлын гишүүн, Монгол Улсын сайд, Засгийн газрын Хэрэг эрхлэх газрын дарга Ж.Мөнхбат хариуцаад ажиллаж байна. Уг ойн арга хэмжээ гурван өдрийн турш болох төдийгүй хөдөө орон нутагт бид намынхаа шугамаар тодорхой ажлуудыг хийхээр төлөвлөсөн байгаа. Энэ удаагийн УИХ-ын шийдвэр бол Монголын төрийг 44 жил удирдаж явсан Ю.Цэдэнбал агсны ажил үйлс, амьдрал, Монгол төрийн төлөө зүтгэж явсан бүх зүйлийг бодитоор үнэлэн дүгнэж, хойч үедээ өвлүүлэх зорилготой. Энэ хүний Монголын төрийг удирдаж явсан тэртээх он жилүүдэд монголчууд бичиг үсэгтэй болж, эрүүлжин гэгээрч, үйлдвэржиж, НҮБ-ын гишүүн болж, жинхэнэ ёсоор тусгаар тогтносон улс болсон. XX зуунд Монгол Улс хөгжин дэвжиж, цэцэглэн мандсан бүхий л үйл хэргийг энэ эрхэм хүн удирдан жолоодсон гэдгийг монголчууд мартахгүй байхын учир УИХ-ын тогтоолыг баталсан” хэмээгээд Ю.Цэдэнбалын музейг байгуулахаар болсныг дуулгав.
НИТХ-ын Тэргүүлэгчдийн өнөөдрийн ээлжит хуралдаанаар гэр хорооллын дахин төлөвлөлтийн үйл ажиллагааны явцын тухай Гэр хорооллын дэд бүтцийн газрын дарга М.Ганбаатар танилцууллаа.
Гэр хорооллыг дахин төлөвлөх ажлыг 2010 онд эхлүүлэхдээ Улаанбаатар хотын ерөнхий төлөвлөгөөний дагуу эхлээд 7 дугаар хорооллоос төлөвлөлтийг эхлүүлж багц багцаар нь барилгажуулахаар шийдвэрлэж, газраа чөлөөлсөн иргэдийг түр суурьшуулах зориулалтай 300 айлын орон сууцыг барьж ашиглалтад оруулжээ. Яг ийм байрыг дүүрэг бүрт барихаар төлөвлөж байсан боловч 2012 онд энэ төлөвлөлтийг өөрчилсөн байна.