Month: September 2016

Дээлтэй Монгол дэлхийн энэтэй гүрэн, Хаан
Чингисийн хүннү дээл “Бат Зүү” ХХК- ийнхан 14 метр өндөртэй, 18 метрийн
өргөнтэй, 6 давхар барилгатай дүйцэхүйц дэлхийд байхгүй том, хаан хээтэй хүннү загварын
дээл бүтээхээр болжээ.

Тодруулбал, тус
компанийнхан 20 жилийнхээ ой болон Улс тунхагласны 92 жилийн ойн хүрээнд
Монголынхоо өв соёл болон уран гартай оёдолчдынхоо уран бүтээлийг дэлхийд
таниулан сурталчилах зорилготойгоор тус дээлийг урлан бүтээх төслийг санаачлан
хэрэгжүүлж байгаа аж. Тус дээлийг эсгэх бүтээх ёслолын ажиллагаа энэ сарын
18-ны билэгт сайн өдрийн 11.30 минутад Буянт Ухаа спорт цогцолборт болох бөгөөд
ирэх сарын 25-нд урлаж дуусгах юм байна.

9-р сарын 15-16-нд шилжих шөнийн 04:00 цагийн орчимд Эрүүгийн цагдаагийн газрын Хар тамхитай тэмцэх хэлтсийн алба хаагчид нийслэлийн Сүхбаатар , Чингэлтэй дүүргийн нутаг дэвсгэрээс хар тамхи хууль бусаар зарж борлуулдаг, хэрэглэдэг бүлэг этгээдүүдийг баривчилсан байна.

Баттай эх сурвалжийн мэдээллэж буйгаар, баривчлах ажиллагааны үеэр сэжигтнүүд автомашинтайгаа зугтахыг оролдож, улмаар цагдаагийн алба хаагчийн биед халдаж албаны автомашин мөргөсөн байна. Тиймээс Хар тамхитай тэмцэх хэлстийн алба хаагчид баривчилгааны үеэр галт зэвсэг хэрэглэн саатуулжээ.

Сэжигтнүүд нь Улаанбаатар хотын харьяа 18-35 насны нийт долоон хүн байсан ба хэргийн газраас эд мөрийн баримтаар, айс буюу мөс, каннабисийн ургамалын төрөл буюу боловсруулсан шавар, мансуурууулах сэтгэцэд нөлөөлөх экстази болон эдгээрийг хэрэглэх гуурс, мөнгөн цаас зэрэг хэрэгслүүд хураан авсан байна.

Баригдсан этгээдүүдийн гурав нь өмнө нь хар тамхины хэрэгт холбогдон шалгагдаж, хавтаст хэрэг нь прокурорын газарт хянагдаж байх үед давтан гэмт хэрэг үйлдсэн нь тогтоогдоод байгаа ба дээрх гурван иргэнийг ШШГЕГ-ын харьяа цагдан хорих 461-р ангид хорьсон байна.

Эдгээр этгээдүүдийг хар тамхи хууль бусаар худалдан борлуулж хэрэглэсэн, давтан үйлдлээр гэх үндэслэлээр Монгол улсын Эрүүгийн хуулийн 192.2, 230.1 зааснаар хэрэг үүсгэн шалгаж байна.

Улаанбаатар хотын нийтийн эзэмшлийн гудамж талбайд
байрлаж буй гадна зар сурталчилгааны байгууламжийн өнгө үзэмж, аюулгүй байдалд
Хотын Ерөнхий менежерийн тушаалаар байгуулагдсан ажлын хэсэг шалгалт хийж
байна. Шалгалтын хүрээнд нийслэлийн зургаан дүүргийн хэмжээнд байгаа
гадна зар сурталчилгааны байгууламжийн тоог нарийвчлан гаргаж өнгө үзэмжгүй
самбаруудыг сэргээн засварлуулах юм байна.

Зөвшөөрөлгүй
сурталчилгааны самбар байрлуулсан аж ахуйн нэгжид дүүргийнхээ Засаг
даргын тамгын газартай ашиглалтын гэрээ байгуулах шаардлага тавих аж..
Шаардлагыг биелүүлээгүй бол сурталчилгааны самбарыг албадан буулгаж, нийтийн
эзэмшлийн гудамж, талбайг чөлөөлөх хүртэл арга хэмжээ авах юм байна. Тиймээс аж
ахуйн нэгж, байгууллага, иргэд өөрийн сурталчилгаагаа гэрээгүй самбарт
байрлуулахгүй байхыг зөвлөжээ.

Сүхбаатарын талбайд өчигдөр нээлтээ хийсэн
Үндэсний номын баяр өнөөдөр хоёр дахь өдрөө үргэлжилж байна.

Уг арга хэмжээг
тохиолдуулан хэвлэлийн компаниуд номын үнийг 20-50 хувь хүртэлх хувиар
хямдруулан борлуулж буй. Хоёр дахь өдрөө үргэлжилж буй энэ арга хэмжээний үеэр,

-“Ном яръя, кофе
ууя”

-“Уншлагын баяр”,

-Дэлхийн өнцөг булан
бүрээс ирсэн хүүхдүүдтэй уулзах,

-Ахмад зохиолчдын
хүндэтгэлийн арга хэмжээ

-Зохиолын дүрийн
тоглолтууд,

-Номын үзэсгэлэн
худалдаа

-Хүүхдийн зургийн
уралдаан

-Номын шагналтай
олон тэмцээн уралдаанууд болж буй юм. Мөн хүүхдүүдэ дагуулж ирсэн эцэг эхчүүд,
хүүхдүүдээ автобусан дахь номын санд үлдээгээд, өөрсдөө Номын баяртаа тухтай
оролцож болох юм байна. Хүүхдүүд тус номын санд дуртай номоо уншиж цагийг
хөгжилтэй өнгөрүүлж байна.

Өнөөдөр аргын тооллын 2016 оны есдүгээр сарын 17. Бямба гараг. Билгийн тооллын XVII жарны “Муу нүүрт” хэмээгч Гал бич жилийн Намрын дунд улаагчин тахиа сарын 16. Санчир гараг. Могойг хүлэгч одтой, найман цагаан мэнгэтэй хар бар өдөр.

Барилдлага:Идэр
Шүтэнбарилдлага:Авахуй
Суудал: Төмөр

Өдрийн наран 6 цаг 35 минутад мандан, 19 цаг 01 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сан тавиулах, угаал үйлдэх, амьлуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, тангарагаа буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Үс шинээр үргээлгэх буюу засуулахад тохиромжгүй

* * *Өрнийн зурхай * * *

Хонь (3/21-4/19)

Анхааралтай байх өдөр. Өөрийн тань энэрэнгүй байдал эсвэл уур хилэн, айдас тань өдөөгдөн итгэсэн хэн нэгэндээ гунигтай түүхээ ярьж сэтгэлээ уудлах хэрэгтэй. Хэт сэтгэл хөдлөлтэй байхаасаа болгоомжил. Жолооч нарын хувьд энэ долоо хоногт их анхааралтай байх хэрэгтэй. Анхаарлаа сарниулах эсвэл гарцаагүй хий хоосон мөрөөдөх нь гай болон осолд хүргэж болзошгүй. Орой бага зэрэг хөгжилдөх учраас зарлага гарах нь мэдээж. Тиймээс гамнах хэмнэх талаас нь бодоход гэмгүй.

Үхэр (4/20-5/20)

Амралтын энэ та өөрийгөө хөгжүүлэх тал дээр анхаарлаа хандуул. Спорт зааланд өнжихөд гэмгүй, биеийн чилээ гарч өд мэт хөнгөрнө. 7 хоног бүр тогтмол хичээллэвэл сэтгэл хангалуун байдал улам нэмэгдэнэ. Гэр орондоо хийх ажлын жагсаалтанд гадна талын хаалгаа солих тухай заавал багтаа. Өөдлөх айл үүднээсээ гэдэг үгийг бүү март, хаалгаа сольсноор танай гэрт муу муухай зүйл орж ирэхгүй. Хэт олон ажил нэг зэрэг эхлэх хэрэггүй, стресс улам даамжирна.

Хамтатгах (5/21-6/21)

Ажил хэргийн харилцаа холбоо тогтоох, уулзалт зохион байгуулах, хүнтэй танилцахад тохиромжтой өдөр. Гэхдээ эдгээр нь урьдчилан тооцоолоогүй зардал гарах эсвэл сэтгэл түгшээсэн зүйл авч ирэхийг од эрхэс анхааруулж байна. Дүнсгэр байдал нь бага зэрэг ашиг тусаа өгнө. Эс бөгөөс та өөрийн хүсэл зоригийн жолоо цулбуурыг сул тавьж улмаар нэлээдгүй таагүй байдалд орж мэдэхээр байна. Сексийн харьцаанд тааламжгүй өдөр. Элдэв зүйлд толгойгоо гээхээс болгоомжил, хийхээсээ өмнө сайтар бодож тунгаа.

Мэлхий (6/22-7/22)

Таатай өдөр. Өнгөрсөнд болсон явдал өөрийгөө бодоход хүргэнэ. Гэрлэгсэд харилцаандаа саадтай учирна. Учир нь та нарын дунд бие биедээ хэлээгүй нууц байна. Цаг нь ирэхээр та энэ бүхнийг мэднэ. Сар таны ордонд байрлаж, танд таатай нөлөөллийг авчирна. Аливаа шинэ зүйлийг эхлүүлэхэд таатай. Та өөртөө би бол ганц гишүүнтэй хамтлаг юм байна гэж гоморхоно. Хосууд хуучны нэгэн үгийг санаарай. Хэрвээ та хэн нэгэнд хайртай бол түүнийг эрх чөлөөтэй байлгаарай.

Арслан (7/23-8/22)

Сонирхолтой өдөр. Шинэ санаа, төлөвлөгөө гаргаж санаачлан амжилттай хэрэгжихийг нь хар. Юм сурч, мэдлэгээ нэмэгдүүлэх зайлшгүй шаардлага тулгарах бөгөөд ур чадвараа сайжруулахаар сургуульдаа очих хэрэгтэй болбол танд таалагдах болно. Энэ ордны оюутан сурагчид амралтыг үр дүнтэй өнгөрөөж ихийг сурах бөгөөд хичээлийнхээ чиглэлээр бүлэг үүсгэх нь сайхан санаа байх болно. Ганц бие хүмүүс романтик байдал үүсгэх боломжтой. Энэ өглөө гадагш гарахаасаа өмнө сайхан хувцаслахаа мартав аа. Уулзсан хүмүүстээ сайхан сэтгэгдэл төрүүлнэ. Дур булаам байдал болоод харилцан ярилцах чадвар тань гайхалтай байгаа учраас алхам хийж, хүслийнхээ хойноос яв.

Охин (8/23-9/22)

Сэтгэл догдолсон өдөр. Илэрхийлж чаддаггүй бухимдал гэнэт гарч ирэх бөгөөд бусадтай харилцахад санал зөрөлдөөн, тухгүй байдлыг үүсгэнэ. Тус болохгүй учраас эргэн тойронд байгаа хүмүүсээ буруутгах хэрэггүй. Хэрвээ та ямар нэгэн юманд дургүйцэж байгаа бол түүнийгээ ил гаргаснаар амьдралыг хүнд хэцүү болгож байсан юмнаас хөнгөлнө. Ажил мэргэжлийн зорилго ойлголтоос чинь холдож бодит боломж гэхээсээ уран төсөөллийн шинжтэй болсон юм шиг санагдаж мэднэ. Та дахин өөрт ашиггүй байдлыг анхааран үзэх юмуу зорилгоо урагш ахиулахын тулд бага багаар алхам хийнэ.

Жинлүүр (9/23-10/22)

Тэвчээргүй өдөр. Өөрийн ажил хэрэгтээ ихээр найдах нэг хэрэг боловч найз нөхөд, гэр бүлдээ түүнийг тулгавал ганцаараа хоцорч магадгүй. Харилцаанд тулгарч буй асуудлууд хайртын тань хардалтаас үүсч байж мэднэ. Цагийг ганцаараа. өнгөрүүлж, дуртай зүйлээ хий. Хайртад тань зөвхөн зарим нэгэн баталгаа хэрэгтэй ба дотно харьцаагаа сэргээхэд хэдэн өдөр хамт байхаар шийдэж магадгүй. Өвөрмөц газрыг сонгож, аль алинд нь сайнаар нөлөөлөхөөр амар.

Хилэнц (10/23-11/21)

Сэтгэлээр унана. Од гарагсын нөлөөлөл таныг явж байна уу эсвэл ирж байна уу гэдгээ ойлгоход хүнд болгох болно. Бүх зүйлийг нэг дор хийх гэж бүү хичээ. Од эрхэс таны хамтын ажилд нөлөө үзүүлнэ. Хэрэв тэд таны төлөө юу ч хийж чадахгүй байгаад санаа зовохоосоо илүүтэйгээр та тэдний хэрэгцээг хэр их хангаж өгч байгаад анхаарлаа хандуулвал нарны энэ өөрчлөлтөөс ихээхэн ашиг тус хүртэж чадна. Амьдралынхаа энэ мөчид өөртөө анхаарал их хандуулахаар шийдсэнээс хойш мэдлэгийн хүрээгээ нэмэгдүүлэх хэрэгтэй.

Нум (11/22-12/21)

Өнөөдөр таны хувьд сэтгэл санаа тогтворгүй байх бололтой. Хэрвээ та өөрт байх ухаалаг бус айдас, хүчирхийллээ дарж чадвал хэрцгий, догшин ааш авираасаа ангижирч чадна. Өөрийн жинхэнэ хүч чадварыг бүрэн ашиглахад ямар нэг юм саад болох байх. Ойр дотны хэн нэгний зөвлөгөөг сайн сонс.

Матар (12/22-1/19)

Эерэг өдөр. Ирээдүй гэгээлэг харагдаж байгаа тул боломж завшааныг ашиглан амьдралаа сайжруул. Нэр төрд хүрэх хүсэл хөдөлнө. Далайцтай үйл хөдлөл хийх зоригтой хүмүүс сайхан амжилтад хүрэх болно. Цаг зав гарвал настай хөршдөө дэлгүүрээс юм авахад туслах юм уу хажуудаа амьдардаг залуу ээжид хүүхдүүдийг нь харж өгөх нь бусдад тус болох сайхан арга зам байх болно. Олонхи нь оройг гэр орныхоо тав тухтай байдалд өнгөрөөх болно.

Хумх (1/20-2/18)

Сэтгэл хөдөлгөсөн өдөр. Харилцааны хоцрогдлоос болон эвгүй байдал үүсч болзошгүй. Ажлынхаа явцыг баталгаатай байлгахын тулд та гэрээ, түрээс болон бусад бичиг баримтуудыг өөрийн биеэр цуглуулах шаардлага гарч магадгүй. Асуудлаас гарах арга зам хайх тийм ч хэцүү биш байх болно. Ямар нэгэн сэтгэл санааны дайралтыг тэсвэрлэн гарах бэлтгэлтэй байгаарай.

Загас (2/19-3/20)

Өөрийн улс төрийн бодолдоо тууштай хандаж, албан байгууллагын бүлгэмд элсэж, байр суурин дээрээ хатуу зогс. Олон сонирхолтой хүмүүс, нэр нөлөө бүхий эвлэлийнхэнтэй уулзаад зогсохгүй ололт амжилтынхаа үүдийг та өөрөө нээх болно. Эрүүл мэнддээ анхаардаг хүмүүсийн бүлгэмд одоо шууд элсэж, буяны байгууллагад тусалж дэмж. Энэ бол маш амархан.

Сүүлийн жилүүдэд манай улсын залуучуудын сайн
дурын үйл ажиллагаанд оролцох хүсэл эрмэлзэл нь нэмэгдэж байгаа ч тэдний
дийлэнх нь хаана, ямар байгууллагатай холбогдож сайн дураар ажиллах, цаашлаад
нийгэмд өөрийн хувь нэмрээ оруулах талаарх мэдээллээр дутмаг байгаа. Байгууллагуудын
хувьд ч мөн өөрийн үйл ажиллагааг олон нийтэд таниулах, сайн дурынхантай
холбогдож тэдний нөөц бололцоог ашиглаж чадахгүй байгаа нь сайн дурын үйл
ажиллагаанд оролцогчдын хоорондын уялдаа холбоо сул байгааг илтгэж буй аж.

Тиймээс Монголын
сайн дурын үйл ажиллагаанд тулгамдаж буй дээрх асуудлын шийдлийг эрэлхийлж “I
Volunteer, do you?” өдөрлөгийг өнөөдөр 12.00-18.00 цагийн хооронд
Монгол, Японы төвд зохион байгуулахаар болжээ. Энэхүү өдөрлөгөөр сайн дурын үйл
ажиллагааны талаарх залуусын мэдлэгийг нэмэгдүүлэх, оролцогч талуудыг холбох,
сайн дурын үйл ажиллагааны сайн туршлагатай хүмүүсийг урьж оролцуулан,
залуучуудад өөрийн туршлагаасаа хуваалцан, нээлттэй хэлэлцүүлэг өрнүүлэх
боломжийг олгох юм.

Өдөрлөгт Иргэний
Нийгмийн байгууллагууд, Залуучуудын хөгжилд чиглэсэн төсөл хөтөлбөрүүд, Бизнес,
хувийн хэвшлийн байгууллагууд, Боловсролын чиглэлээр үйл ажиллагаа явуулж буй
байгууллагууд, Хүмүүнлэг, тусламжийн чиглэлээр үйл ажиллагаа явуулж буй
байгууллагууд оролцох болно. Мөн бидний үйл ажиллагааг НҮБ-ын сайн дурын
хөтөлбөр, Монголын залуучуудын эвсэл, Иргэний боловсролын төв дэмжин ажиллаж
байгаа ажээ.

Эрүүл мэндийн сайд А.Цогцэцэг болон бусад
албаны хүмүүс энэ сарын 15-наас 17-ний өдрүүдэд Баян-Өлгий аймгийн
Эрүүл мэндийн газар, Нэгдсэн эмнэлэг, Сансар өрхийн эмнэлэг, Хөх хөтөл багийн
эмнэлгийн үйл ажиллагаатай танилцахаар ажиллаж байна. Сайд Засгийн
газрын мөрийн хөтөлбөр, Засгийн газраас хэрэгжүүлж буй арга хэмжээний талаар
эрүүл мэндийн байгууллагын ажилтнуудад танилцуулга хийж, эрүүл мэндийн салбарт
тулгамдаж буй асуудлуудын талаар эмч мэргэжилтнүүдийн саналыг сонсож байна.

Орон нутагт томилолтоор ажиллах үеэрээ сайд түргэн тусламжийн автомашин,
үерийн гамшигт өртсөн хүмүүст хүнсний нэмэлт бүтээгдэхүүн, витамин, ЭМЯ-ны хамт
олноос цуглуулсан мөнгөн хандивыг Аймгийн Засаг даргад гардуулан өглөө.

Мөн
аймгийн Нэгдсэн эмнэлгийн барилгыг барих, эрүүл мэндийн салбарт шаардлагатай
тоног төхөөрөмжийг 2017 оны төсөвт тусган үе шаттайгаар шийдвэрлэхээр боллоо.

ЭМЯ