Дэлхийн бөхийн нэгдсэн холбоо “Рио-2016” олимпод Монголын чөлөөт бөхийн хоёр дасгалжуулагчийг зүй бус авир гаргасан хэмээн үзэж, МЧБХ-г 50 мянган еврогоор торгож, хоёр дасгалжуулагчийн эрхийг гурван жилээр хасах шийдвэрийг гаргасан тухай мэдээлэл олон нийтийн анхаарлыг татаад байгаа. Үүнтэй холбоотой МЧБХ-с өнөдөөр буюу есдүгээр сарын 19-нд мэдээлэл хийлээ.
“Рио-2016”олимпийн наадмын үеэр 65кг-д Г.Мандахнарангийн барилдааны үеэр гаргасан хоёр багшийн үйлдлийг ДНБХ-ноос нууцын зэрэглэлтэй албан бичиг наймдугаар сарын 26-нд ирсэн. Есдүгээр сарын 1-нээс өмнө МЧБХ-ноос өөрсдийн байр сууриа илэрхийлж хоёр багшийн эрхийг хоёр жилээр хассан. Энэ сарын 9-нд Турин хотноо Сахилгын шийтгэлийн хороо хуралдсан байна. ДНБХ-ноос есдүгээр сарын 13-нд МЧБХ-нд шийдвэр ирүүлсэн. Энэ талаар хэвлэл мэдээллийн хэрэгслээр ташаа мэдээ тарсан учраас бодит мэдээлэл өгч байна хэмээн МЧБХ-ны Ерөнхий нарийн бичгийн дарга О.Баянмөнх мэдэгдлээ.
Энэ шийдвэрийн талаар манай хэвлэл мэдээллийнхэн ташаа мэдээ явуулсан тул үнэн зөв мэдээллийг хүргэнэ гэлээ. Дэлхийн бөхийн холбооноос 2016.09.13-нд МЧБХ-ны Ерөнхийлөгчид Риогийн олимпийн наадмын чөлөөт бөхийн 65 кг жингийн барилдааны дараа Монгол улсын дасгалжуулагчийн зохисгүй зан үйлдэл нь Дэлхийн бөхийн нэгдсэн холбооны нэр хүнд, ашиг сонирхлын эсрэг үйлдэл гаргасан тухай:
“Хүндэт Ерөнхийлөгч, хүндэт нарийн бичиг танаа.
Дэлхийн бөхийн нэгдсэн холбооны спортын шүүхээс дээр дурьдсан үйлдэлтэй холбогдуулан гаргасан шийдвэрийг хавсралтаар хүргүүлэв. Спортын шүүхээс тухайн хэргийг нарийвчлан авч хэлэлцсэн бол танайхаас 2016.08.31-ний өдөр ирүүлсэн захианы үндсэн дээр дараах шийдвэрийг гаргав. Ц.Цогцбаяр, Б.Баяраа нарын дотод болон олон улсын тэмцээнд орох эрхийг гурван жилээр хасах, энэ хугацаа нь 2016.08.21-ний өдрөөс 2019.08.20-ны өдөр хүртэл байна. МЧБХ-нд 50 мянган швейцарь франкын торгууль ноогдуулж, МЧБХ-нд өмнө нь ноогдуулсан арга хэмжээг цуцлав. Иймээс Монголын бөхийн тамирчид нь дэлхийн бөхийн нэгдсэн холбооны хуваарьт тэмцээнүүдэд оролцож болно. Төлбөрийн нэхэмжлэлийг Дэлхийн бөхийн нэгдсэн холбооны санхүүгийн албанаас танай холбоонд хүргүүлэх болно” гэжээ.
Ингэснээр Монголын чөлөөт бөхийн бүх насны тамирчид олон улсын болон дэлхийн чанартай тэмцээнүүдэд оролцох боломжтой боллоо. Харин Г.Мандахнарангийн барилдааныг дахин шүүж үзэх талаар ажлын хэсэг МЧБХ-ны Ерөнхийлөгчийн тушаалаар томилогдсон. Ажлын хэсэгт шилдэг туршлагатай шүүгч нар, олон улсын эрхзүйч хууль ажиллуулж 3-4 удаа хуралдаад шийдвэрийн талаарМЧБХ-ны Удирдах зөвлөлд танилцуулах ажээ.
Нью-Йорк хотын цагдаа нар Холбооны мөрдөх товчооны /ХМТ/ ажилтнуудтай хамтран тус хотод бямба гарагт болсон дэлбэрэлтэд холбоотой байж магадгүй гэж сэжиглэж буй таван хүнийг баривчилжээ.
Франц улс хуванцар сав, суулга хүнсний зорилгоор ашиглахыг хориглосон хууль баталлаа. Ингэснээр тус улсад хоёр дахь түүхий эд буюу бордоо ашиглан гаргаж авсан нэг удаагийн аяга, таваг ашиглахаар болж байна.
Үндэсний номын сангийн даргаар “Болор цом” наадмын хоёр удаагийн шагналт, яруу найрагч Б.Ичинхорлоо томилогджээ. Төв номын санг яруу найрагч, зохиолчид удирдсан тохиолдол өмнө нь бий. Тухайлбал, Соёлын гавьяат зүтгэлтэн, орчуулагч Г.Аким, Соёлын гавьяат зүтгэлтэн, яруу найрагч Х.Чилаажав нар энэ албыг ашиж байсан түүхтэй. Үндэсний номын сан нь гурван сая гаруй ном хэвлэлтэй Монгол Улсын хамгийн том номын сан билээ. Одоогоор таван хэлтэс, 90 ажилтантайгаар үйл ажиллагаагаа явуулдаг ажээ.
Сум, дүүргийн ИТХ-ын сонгууль ирэх аравдугаар сарын 19-нд болно. Сонгуулийн ерөнхий хорооноос гаргасан сонгуулийн үйл ажиллагааг зохион байгуулах хуваарийн дагуу аймаг, дүүргийн сонгуулийн хороод нэр дэвшигчдээ бүртгэж дууссан байна.
Хорт хавдартай хүүхдүүд өөрсдийнхөө гараар будаж гоёсон сансрын нисгэгчийн хувцсыг Олон улсын сансрын станцад ажиллаж буй сансрын нисгэгч эмэгтэйд гардуулан өгчээ. Тэдгээр хүүхдүүд ирэх баасан гарагт сансрын нисгэгчтэй чатлах аж.
Улаанбаатар хотод Азид хамгийн томд тооцогдох усан парк, спорт цогцолбор 2020 онд бий болно. Тус паркийг Энхтайваны гүүр болон Замын Цагдаагийн газрын урдах Фрейзерийн хоорондох 11,8 га газарт байгуулах аж. Цогцолборын усан паркийн хэсэгт 50 метр урттай усан бассейн, зургаан замтай усан гулгуур, хиймэл далайн эрэг зэрэг байрлах бөгөөд спорт цогцолборын хэсэгт NBA-ийн стандартад нийцсэн сагсан бөмбөгийн ордон болон 30 гаруй спортын танхим бий болох аж.
Өнөөдөр нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа БНСУ-ын Мокпу хотын орлогч захирагч И Ингум болон бусад албаны хүмүүсийг хүлээн авч уулзлаа. Уулзалтаар Мокпу хотод манай улсын соёлын төвийг байгуулах болон нийслэл Улаанбаатар болон Мокпу хотуудын соёл, эрүүл мэнд, эдийн засаг, аялал жуулчлалын хамтын ажиллагааны талаар ярилцлаа. Мокпу хотын орлогч захирагч И Ингум “Энэ удаагийн уулзалтаар дамжуулан цаашдаа илүү өргөн хүрээгээр зөвхөн спорт соёл урлагаас гадна олон талын үйл ажиллагаагаар хамтран ажиллах боломж нээгдэж байна гэж харж байна. Манай хот нь өнө эртний түүхтэй бөгөөд Солонгос улсын аялал жуулчлалын гол хотуудын нэг юм. Тиймээс Улаанбаатар болон манай Мокпу хотуудын хоорондын найрамдалт, нөхөрсөг харилцаа илүү батжин бэхжинэ гэдэгт итгэлтэй байна. Мөн Монгол оюутан, сурагчид манай хотод очиж илүү их сайн сурна гэдэгт итгэлтэй байна. Хэдийгээр бидний уулзалт богино хугацаатай байгаа боловч цаашдаа илүү өргөн хүрээгээр хамтран ажиллаж байх болно гэдгийг хэлэхийг хүсч байна.” гэлээ.
Засаг даргын орлогч Ш.Анхмаа Мокпу хотод Монголын соёлын төвийг байгуулах гэж байгаа явдалд талархал илэрхийлж, Улаанбаатар хот Мокпу хоттой аялал жуулчлал, эрүүл мэнд, соёл, эдийн засгийн чиглэлээр харилцан ашигтай хамтын ажиллагааг хөгжүүлэхдээ баяртай байгаагаа илэрхийллээ. Уулзалтын дараагаар талууд цаашид хамтран ажиллах хамтын ажиллагааны санамж бичигт гарын үсэг зурлаа.
Оросын агаарын