Засгийн газрын ээлжит хуралдаан боллоо. Хуралдаанаар хэлэлцсэн асуудлын талаар Засгийн газрын Хэвлэл мэдээлэл, олон нийттэй харилцах хэлтсийн дарга Г.Отгонбаяр мэдээлэл хийв.
Тэрбээр мэдээлэлдээ “Засгийн газрын хуралдаан одоо явагдаж байна. Хуралдаанаар хэд хэдэн асуудлыг хэлэлцэн шийдвэрлэлээ. Эдийн засгийг тогтворжуулах хөтөлбөрийн төслийг хэлэлцлээ. “Эдийн засгийн хүндрэлийг даван туулах, тогтворжуулах хөтөлбөр”-ийн төслийг хэлэлцээд холбогдох өөрчлөлт хийх, ҮАБЗ-д танилцуулах, УИХ-д өргөн барихад бэлтгэж, Засгийн газрын дараагийн хуралдаанд танилцуулахыг холбогдох сайд нарт даалгалаа” хэмээв.
Мөн Ахмад настны тухай хуулийн үзэл баримтлалын төслийг баталж хуулийн төслийг Засгийн газрын хуралдаанаар батлуулахыг холбогдох сайд нарт даалгажээ. Төслийн үзэл баримтлалд “сум, тосгон, хороо, багт Ахмадын өргөө ажиллуулж, холбогдох зардлыг орон нутгийн төсвөөс санхүүжүүлэх, “Ахмадын зориулалттай нийтийн орон сууц”, “Монгол гэр” хөтөлбөр хэрэгжүүлэх, “Насны хишиг”-ийг 70-аас дээш настай ахмадад хагас жил тутамд, цаашдаа эдийн засаг сэргэх үед улирал тутам олгох зэргийг тусгасан аж. Нэг ахмад настанд олгох “Насны хишиг”-ийн хэмжээг 100-300 мянган төгрөг байхаар тооцсон байна.
“Эрдэнэт” үйлдвэр Ю.Цэдэнбалаар овоглоно
Төр, нийгмийн нэрт зүтгэлтэн Юмжаагийн Цэдэнбалын мэндэлсний 100 жилийн ойг тохиолдуулан уулын баяжуулах “Эрдэнэт” үйлдвэрийг түүний нэрэмжит болгожээ. Мөн Улаанбаатар төмөр замын харьяа Сайншанд татах хэсгийг Монгол Улсын Хөдөлмөрийн баатар Н.Нацагдоржийн нэрэмжит болгосон байна. Н.Нацагдорж нь 1954 оноос Улаанбаатар төмөр замын Зүтгүүрийн депод туслах машинч, Сайншанд өртөөнд машинч, Сүхбаатар өртөөний депогийн дарга, Улаанбаатарын депогийн засвар хариуцсан орлогч дарга, Төмөр замын ТМС-ийн орлогч захирал зэрэг албанд 37 жил ажилласан байна.
Үндсэн хуулийн Цэц өнөөдөр хуралдаж, Сонгуулийн тухай хуулийн 160 дугаар зүйлийн 160.5 дахь хэсгийн “Нэр дэвшигчдийн нэрийн жагсаалтаас хасагдсаны улмаас дахин сонгууль явагдсан бол хасагдсан нэр дэвшигч хүн зургаан жилийн хугацаанд сонгуульд нэр дэвших болон төрийн албанд томилогдох, сонгогдох эрхээ алдах ба урьд явагдс
“Ипотекийн байрны талбайн хэмжээг 100 ам метр болгоно, Түүнчлэн хуучин шинэ гэж ялгахгүйгээр бүх байрыг ипотект оруулна. Гэхдээ 100 ам метрээс илүү талбайн төлбөрөө 100 хувь төлөөд, ипотект хамрагдана. Жишээ нь 150 ам.метр байр авбал 100 ам.метрээ ипотект хамруулж, үлдэгдэл 50 ам.метрийнхээ төлбөрийг бүрэн төлнө ” гэж Ерөнхий сайд хэлсэн. Тэгэхээр 50 ам метр кв байрны үнийг тооцож үзье. Нэг метр кв-ийн үнэ дунджаар 1700-2300 төгрөг гээд бодохоор 85-115 сая төгрөг болно. Ингэхээр байрны нийт үнийнхээ 30 хувийг төлж чадахгүй байгаа иргэд энэ мөнгийг бүрэн төлж байр авч чадах уу гэдэг асуудал дагуулж байна.
Нийслэлийн Засаг дарга С.Батболд өнөөдөр Швейцарын Хөгжлийн агентлагийн Хамтын ажиллагааны захирал хатагтай Габрила Спирлийг хүлээн авч уулзлаа. Уулзалтаар тус агентлагтай хамтран хэрэгжүүлж байгаа төсөл хөтөлбөрүүдийн талаар санал солилцож, цаашдын хамтын ажиллагааны тухай хэлэлцээ.
Нийслэлийн Засаг дарга С.Батболд түүний ажил хэрэгч санал санаачилгыг дэмжин ажиллахаа илэрхийлээд, хамтын ажиллагаа улам илүү шинэ шатанд гарна гэдэгт итгэлтэй байгаагаа хэлээд, Улаанбаатар хотод гаднаа бие засах газартай сургууль, цэцэрлэг олон байгаа нь санаа зовоосон асуудлын нэг. Тиймээс ийм сургууль, цэцэрлэгийн ариун цэврийн байгууламжийг бүрэн шинэчлэхэд дэмжлэг үзүүлэхийг хүсч байна гэсэн юм. Уулзалтын төгсгөлд талууд хамтран хэрэгжүүлж байгаа төсөл хөтөлбөрүүдийг иргэдэд танилцуулах, үр дүнг нь хэлэлцэх томоохон хэмжээний уулзалтыг зохион байгуулахаар тохиролцлоо.
Өнгөрөгч долоо хоногийн даваа гариг буюу есдүгээр сарын 12-ны өдөр нийслэлийн Хан-Уул дүүргийн нэгдсэн эмнэлэгт өвс татаж мансуурсан нэгэн иргэн хүргэгдэж ирээд, амь насаа алдсан харамсалтай хэрэг гарчээ.
Ерөнхий сайд Ж.Эрдэнэбат өнөөдөр НҮБ-ын суурин зохицуулагч, НҮБ-ын Хөгжлийн хөтөлбөрийн суурин төлөөлөгч, хатагтай Биата Транкман тэргүүтэй НҮБ болон олон улсын байгууллагын төлөөлөгчдийг хүлээн авч уулзлаа. Монгол Улсын нийгэм, эдийн засгийн хөгжлийн тулгамдсан зорилтуудыг эхнээс нь тууштай дэмжиж, хэрэгжүүлэхэд байнгын туслалцаа дэмжлэг үзүүлж, хамтран ажиллаж ирсэн НҮБ-ын Хөгжлийн хөтөлбөрийн газар, НҮБ-ын бусад байгууллагуудад Ерөнхий сайд талархал илэрхийллээ.
Та хотдог идэх дуртай юу. Дуртай бол “Хотдог хэн хурдан идэх вэ” тэмцээнд оролцоорой. Тэмцээн үүд хаалгаа нээгээд удаагүй байгаа Шангриллад байрлах “IMAX ӨРГӨӨ-3” кино театрт болно. Баасан гараг бүр үзэгчдээ тэдний хайртай урлаг соёлын одуудтай уулзуулж байгаа Өргөөгийнхөн энэ баасан гарагт 16+ ангиллын “SAUSAGE PARTY” киног онцгой эрхтэйгээр гаргах гэж байна. Энэхүү киноны нээлтийн өмнө “Хотдог хэн хурдан идэх вэ” гэдэг тэмцээнээ энэБААСАН ГАРАГТ 18.00 болон 20.00 цагаас хоёр удаа зохион байгуулж байна. Ялагч нь мэдээж ОНЦГОЙ шагналын эзэн болно.
Хотын төвд тав тухтай олон улсын стандартыг бүрэн хангасан Шангриллад байрлах “IMAX–ӨРГӨӨ-3”кинотеатр нь хамгийн шинэ шилдэг кино, дэлгэцийн бүтээлийг тав тухтай орчинд хямд үнээр үзэх боломжийг үзэгчдэдээ бэлэглэж байгаа билээ.
Өнөөдөр Нэгдсэн Үндэстний Байгууллагын Олон Улсын Энхтайвны өдөрийг тохиолдуулан монгол дахь шашны байгууллагуудын хамтарсан Энх тайвны төлөө нэгдсэн үйл ажиллагаа болоод мөргөл залбирал Дашчойлон хийдийн талбайд боллоо. Энэхүү үйл ажиллагаанд Монгол дахь НҮБ-ын Суурин зохицуулагчийн газар, Монгол Улсын Ерөнхийлөгчийн дэргэдэх шашны асуудал эрхэлсэн зөвлөл, Монголын Бахайчуудын Үндэсний оюун санааны чуулга, Зүүн хүрээ дашчойлон хийд, Монгол дахь Католик сүм, Шинто шашны” Оомото Монгол” төв, Тайланд улсын бага хөлгөний бясалгалын төв, Монголын Мусульманы нийгэмлэгүүдийн холбоо, Хинду шашны Индия клуб, Их хөлгөний уламжлалыг хадгалах төв, Ананда Марга бясалгалын төв, Брахма Кумарас ража иога төв оролцож өөрсдийн мөргөлийг тус тусдаа хийж олон түмнийг баясгаж энх тайванд уриалан дуудлаа.
Онцгой байдлын ерөнхий газрын даргын 2016 оны 09 дүгээр сарын 15-ны өдрийн А/226 дугаар тоот тушаалаар гамшгаас хамгаалах албаны бэлтгэл, бэлэн байдлыг шалгах зорилгоор Онцгой байдлын ерөнхий газар, түүний харьяа анги байгууллагын албан хаагчдыг “Яаралтай цуглар” дохиогоор ажиллууллаа.