Month: September 2016

Нийслэлийн Засаг дарга бөгөөд Улаанбаатар хотын Захирагч С.Батболд захирамж гаргаж хууль зөрчиж барилга угсралтын ажил эхлүүлсэн барилга байгууламжид хяналт, шалгалт хийх үүрэг бүхий ажлын хэсэг байгууллаа. Ажлын хэсгийг нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү ахлах бөгөөд бүрэлдэхүүнд нийслэлийн Хот төлөвлөлт, ерөнхий төлөвлөгөөний газар, нийслэлийн Газрын алба, Улаанбаатар хотын цагдаагийн газар, Нийслэлийн Мэргэжлийн хяналтын газар, Зураг төслийн хүрээлэн, “Улаанбаатар цахилгаан түгээх сүлжээ”, “Улаанбаатар дулаан түгээх сүлжээ” төрийн өмчит ХК зэрэг нийслэлийн харьяа газар агентлагуудын дарга нар багтжээ.

Хотын дарга ажлаа авсан даруйдаа зөвшөөрөлгүй барилгын ажилд хяналт тавьж, сургууль, цэцэрлэг, эмнэлэгийн газраас хумсалж бизнесийн зориулалтаар барилга барих явдлыг зогсооно гэдгээ мэдэгдэж билээ.

Бразилийн Рио де Жанейро хотноо болсон паралимпийн XV наадамд амжилттай оролцож хүрэл медаль хүртсэн тамирчид эх орондоо ирлээ. Тэднийг угтан авахаар гэр бүл, найз нөхөд, нь ирсэн байв.

Энэ үеэр тамирчин Э.Содномпэлжээгийн сэтгэгдлийг сонслоо. Тэрбээр “Паралимпийн наадамд анх удаа оролцож, хүрэл медаль хүртсэндээ маш их баяртай байна. Би медаль хүртэнэ гэсэн бүрэн итгэлтэй байсан. Бэлтгэл дээр өргөсөн шигээ өргөсөн бол алтан медаль хүртэх боломж байсан. Гэвч бэлтгэл хийж байх үеийнх шиг шахаж чадсангүй. Шүүлт ч хатуу байлаа. Гэхдээ тэмцээний дүн гарсан бол өөрчлөгдөхгүйгээс хойш шүүгчийн шийдвэр бол шүүгчийн шийдвэр. Одоо дэлхийн аварга, дэлхийн цом, дараагийн олимп зэрэг олон тэмцээн хүлээж байна. Цаашид илүү их амжилт гаргахын тулд хичээнэ” хэмээв.

Тэрбээр пауэрлифтингийн эрэгтэйчүүдийн 88кг-д өрсөлдсөн. Тэмцээний эхэнд манай тамирчин 210 кг өргөж улмаар 217 кг захиалж өргөсөн. Харин гурав дахь оролтоороо 217 кг захиалж өргөсөн юм. Нийлбэр дүнгээр манай тамирчин хүрэл медалийн болзол хангасан билээ.

Иргэд өөрийн биеэр очиж, цаг мөнгөө үрэх шаардлагагүй зөвхөн цэнхэр дэлгэц, хэвлэмэл сонин, онлайн ертөнцөөр дамжуулан сонголт хийдэг тогтолцоо бий болжээ.

Хэвлэл мэдээллийн хамгийн хүртээмжтэй хэрэгсэл ашиглан сурталчилгаа зорилтот хэрэглэгчдэд хүргэх, үл хөдлөх хөрөнгийн мэдээллийг сүлжээнд нэгтгэн “Үл хөдлөх хөрөнгө”-ийн медиа экспог Монголдоо анх удаа амжилттай зохион байгуулсан “Монголын медиа корпорац” энэ удаад барилгын салбарын зах зээлийг бүхэлд нь нэгтгэн цогц мэдээллийг хүргэх “Барилга-2016” хэвлэл мэдээллийн хэрэгсэлд суурилсан медиа экспог зохион байгуулах гэж байна.

Тус экспо хоёр сая хүнд хүртээмжтэй “Ийгл ньюс” телевиз, “Ийгл.мн” мэдээллийн сайт, “Ардын эрх” сонин, “Үндэстний тойм” сэтгүүл, ФМ 91.1, +21 орон нутгийн сүлжээ болон сошиал сувгаар улс орон даяар өрнөнө

Манай улсад барилгын зураг төслийн, барилгын материалын худалдаа, барилгын материалын үйлдвэрлэгч, гүйцэтгэгч зэрэг барилгын салбарт нийт 1289 аж ахуйн нэгж үйл ажиллагаа явуулж байна. “Барилга-2016” медиа експод оролцсоноор өөрийн салбарын бусад байгуулагаас ялгарах боломж бүрдэнэ. Тус яармаг орон сууцтай болох хүсэлтэй 200 мянга гаруй иргэнд барилгын компаниудын үйл ажиллагааг сурталчлах, 200 гаруй орон сууцны төслүүдийг танилцуулах, тэдгээрийн мэдээллийг түгээх юм.

“Барилга-2016” медиа экспог ирэх сарын 1-нээс арваннэгдүгээр сарын 1-ний өдөр хүртэл зохионо. Тус экспо хоёр сая хүнд хүртээмжтэй “Ийгл ньюс” телевиз, “Ийгл.мн” мэдээллийн сайт, “Ардын эрх” сонин, “Үндэстний тойм” сэтгүүл, ФМ 91.1, +21 орон нутгийн сүлжээ болон сошиал сувгаар улс орон даяар өрнөх юм.

Азийн олимпийн зөвлөлийн ивээл дор зохион байгуулагддаг Азийн элсний V наадам Вьетнамын Данан хотноо маргааш нээлтээ хийх юм байна. Элсний наадам есдүгээр сарын 24-нөөс аравдугаар сарын 03-ны өдрүүдэд үргэлжлэх юм. Тус наадам нь спортын 21 төрлөөр зохиогдох бөгөөд Монголын баг жиүжицү, самбо, кураш, бодибилдинг, петанк, волейбол, сагсанбөмбөг 3х3, элсний бөхийн төрлүүдэд нийт 37 тамирчны бүрэлдэхүүнтэй оролцохоор Данан хотноо очоод байна.

Тайландын Пукет арал дээр зохион байгуулагдсан өмнөх наадмаас Монголын баг самбо, жиү жицү, кураш, мутай боксын төрлүүдэд зургаан алт, дөрвөн хүрэл медаль хүртэж байсан билээ.

Цагдаагийн ерөнхий газрын дарга Р.Чингис, Улаанбаатар хотын Цагдаагийн газрын дарга, туслах комиссар Ч.Болдбаатарыг ажлаас нь чөлөөлж түүний оронд тус газрын дэд даргаар ажиллаж байсан хурандаа Ж.Эрдэнэболдыг томиллоо. Одоо мөрдөж буй цагдаагийн албаны тухай хуульд заасны дагуу Нийслэлийн засаг дарга Цагдаагийн төв байгууллагатай зөвшилцсөний үндсэн дээр уг томилгоог хийсэн байна. Улаанбаатар хотын цагдаагийн даргаар томилогдсон Ж.Эрдэнэбат нь Эрүүгийн цагдаагийн газрын дарга, Улсын ерөнхий прокуророор ажиллаж байсан Ц.Жамъянсэнгээ агсны хүүхэд аж. Тэрээр өмнө нь Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэс, ЦЕГ-ын Гадаад харилцааны хэлтэс, Баянгол дүүргийн Цагдаагийн нэгдүгээр хэлтэс, Улаанбаатар хотын цагдаагийн газрын Гэмт хэрэгтэй тэмцэх асуудал хариуцсан дэд даргаар ажиллаж байжээ.

Энэ сарын 24-ны 00:00 цагаас эхлэн галт тэрэгний хөдөлгөөн өвлийн цагийн хуваарьт шилжинэ. Тодруулбал, Улаанбаатар-Сайншанд чиглэлийн 286 дугаар галт тэрэг Улаанбаатараас 10:10 явж Сайншандад 19:48 цагт ирнэ. Сайншанд-Улаанбаатар чиглэлийн 285-р галт тэрэг Сайншандаас 21:15 цагт явж Улаанбаатарт 07:15 цагт ирэх юм.

Харин Улаанбаатар -Замын-үүд чиглэлийн 276-р галт тэрэг Улаанбаатараас 17:20 цагт явж Сайншандад 01:48 ирж 02:30 явж Замын -үүдэд 07:20 цагт ирэх нь. Замын-үүд-Улаанбаатар чиглэлийн 275-р галт тэрэг Замын-үүдээс 18:05 цагт явж Сайншандад 23:05 ирж 23:45 явж Улаанбаатарт 08:45 цагт ирэх аж.