Москва хотноо Улаанбаатар Төмөр
Зам Хувь нийлүүлсэн нийгэмлэгийн Ерөнхий хорооны хурлын бэлтгэл ажил үргэлжилж
байна. Мягмар гарагт болох тус хурлаар УБТЗ-ыг энэ удаад хэн удирдах талаарх шийдвэр
гарах юм.Тус нийгэмлэгийн 50 хувийг эзэмшигч Оросын Төмөр Зам нийгэмлэгийн тэргүүн
О.Белозёров өнгөрсөн долоо хоногт Монгол Улсад ажлын айлчлал хийх үеэрээ “УБТЗ ХНН –ийг энэ удаад дүрмийн дагуу орос
хүн удирдах ээлж болсон” тухай хэлсэн байдаг.УБТЗ-ын сүүлийн гурван дарга нь монгол хүн байсан бөгөөд ингэхийг манай
талаас хүсч улмаар оросууд монголчуудын хүслийг ёсоор болгодог байжээ.Харин энэ удаад тус нийгэмлэгийн даргаар орос хүн тавигдах ёстой талаар
О.Белозёров хэлсэн нь одоо болох хоёр талын хамтарсан Ерөнхий хорооны
хурлын уур амьсгал “ширүүн” болоход нөлөөлж байгаа аж. Монголын талын Ерөнхий
хороог Зам, тээврийн хөгжлийн дэд сайд Б.Цогтгэрэл ахалж байна. Хэрвээ
Монгол хүн УБТЗ-ын даргаар тавигдвал Д.Загджав, Л.Халтар, Д.Жигжиднямаа нарын
нэр хүчтэй яригдаж байгаа юм.
Хэрвээ УБТЗ-д орос дарга тавигдвал бүх бичиг цаас, шийдвэрт оросын талын
нөлөөлөл их болж Засгийн газар шууд Оросын талтай харилцах шаардлагатай болдог
хуучин цагийн соёл эргэн сэргэх магадлалтай аж.
Хувь нийлүүлсэн нийгэмлэгийн даргыг чухам аль тал нь томилох шийдвэр
ирэх Мягмар гарагт эцсийн байдлаар гарах бөгөөд бид энэ талаар мэдээлэх болно.
Исламын улс бүлэглэлд тусалж, АНУ-ын
АНУ-ын Вашингтон мужийн Сиэтл хотын их дэлгүүрт өнгөрсөн баасан гаригийн шөнө халдлага гарсан талаар “www.dailymail.co.uk” мэдээллээ. Халдлагын улмаас гурван хүн амиа алдаж, хэд хэдэн хүн шархтсан талаар албаныхан мэдэгдэв. Эмнэлэгт хүргэгдээд буй нэг эмэгтэйн биеийн байдал хүнд байгаа гэнэ. Иргэд рүү гал нээсэн этгээдийг эрэн сурвалжилж буй юм. Халдлага үйлдсэн этгээд саарал цамц, хар өмд өмссөн байжээ. Гэрчүүд “20 орчим насны эрэгтэй байсан. Латин Америк гаралтай байсан” гэж ярьцгаасан байна. Хяналтын камерын тусламжтай цагдаагийнхан гэмт этгээдийг зургийг олж авсан бөгөөд хотын төвөөр түүний зургийг нааж, эрэн сурвалжилж эхэлжээ.
Нийслэлийн Баянзүрх дүүргийн 11 дүгээр хорооны Улиастай руу эргэдэг авто замын уулзварт 30-36 УБӨ улсын дугаартай, 13-70 УНЦ улсын дугаартай суудлын автомашин мөргөлдсөнөөс төмөр эд ангид нь хүмүүс хавчуулагдсан тухай дуудлага өчигдөр /2016.09.24/ 14:09 цагт Нийслэлийн Онцгой байдлын газарт иржээ. Дуудлагын дагуу тус газрын Аврах ангийн 7 албан хаагч, 2 техник хэрэгсэлтэйгээр ажиллаж төмөр эд ангид хавчуулагдсан иргэн А /20 настай, эрэгтэй/, Ү /20 настай, эмэгтэй/, Ц /19 настай, эмэгтэй/, Б /19 настай, эрэгтэй/ нарыг гаргаж Гэмтэл согог судлалын үндэсний төвд шилжүүлэн өгсөн байна.
“Орхон голыг хамгаалах хөдөлгөөн”-өөс Монгол Улсын Ерөнхийлөгч Ц.Элбэгдоржийг дэмжлэг үзүүлэхийг хүсчээ. Энэхүү хүсэлтдээ “Орхон голын өнөөгийн бохирдол, экологийн сүйрэл”-ийг онцлон бичсэн байгаа юм.Орхон голын сав газар буюу голын эхэн дээр компаниуд алт олборлолт явуулж байгаа юм. Олборлолт нь газрын хэвлийг хөндийлж, усны урсац, бохирдолд нөлөөлж байна. Улмаар олборлолт явуулж эхэлснээс хойш Орхон гол бохирдож, хүн мал ундаалахын эцэсгүй боллоо. Өнөөдөр Орхон голоос ундны усаа авч байгаа нутгийн иргэдийн бие дээр салхин цэцэг шиг тууралт гарч, эмнэлэгт үзүүлэхээр онош нь тодрохгүй байна. Түүнчлэн хүүхдүүдийн гэдэс маш ихээр өвчилж байна.Орхон гол 5 аймгийн 134 сум, багийн нутгаар дамжин тэтгэж, Сэлэнгэ голд цутгадаг учраас энэ нь үндэсний хэмжээний бөгөөд төрийн эрх баригчдын хэмжээнд шийдвэрлэх ёстой асуудал юм. Нөхөн сэргээлтийг эрчимжүүлэх, бохирдлоос шалтгаалаад байгаль орчинд учирсан хохирлыг тооцуулах, гэм буруутай этгээдүүдээр нөхөн төлүүлэх үүргүүдийг холбогдох газруудад өгсөн ч бодит байдалд хууль хэрэгжихгүй байгаа нь ноцтой зөрчил.Усны нөөц эрс багасахад алтны олборлогчид дур мэдэн ашигт малтмалын үйл ажиллагаа явуулах, хүссэн газартаа хэн ч хамаагүй гүний худаг гаргах, томоохон гол мөрнүүдийг хаягдлаар булж бохирдуулах зэрэг хүний хүчин зүйл нөлөөлж байна гэдгээ тэд дээрх хүсэлтэд онцолжээ.
Унгар улсын Будапешт хотноо зохиогдсон дэлхийн нэрт
УДБЭТ, БНСУ-ын
Их Британийн угсаа залгамжлах ханхүү Уилъям гэр
