Нийслэлийн удирдах ажилтнуудын ээлжит шуурхай зөвлөгөөн боллоо. Зөвлөгөөнийг нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан удирдан явууллаа.
Шуурхайн эхэнд хотын даргын өгсөн үүрэг даалгаварын биелэлтийг Нийслэлийн ЗДТГ-ын Хяналт шинжилгээ үнэлгээний хэлтсийн дарга Х.Гантулга танилцууллаа.
Тэрээр нийслэлийн Засаг дарга С.Батболд өнгөрсөн шуурхайн үеэр 13 чиглэлээр үүрэг даалгавар өгсөн гэдгийг тодотголоо.
Тухайлбал, нийслэлийн Засаг даргын ирэх дөрвөн жилд хэрэгжүүлэх үйл ажиллагааны хөтөлбөрийг Нийслэлийн ИТХ-д өргөн барих бэлтгэл ажлыг бүрэн хангах үүрэг өгсөн. Үүрэг даалгаврын хүрээнд Монгол Улсын Тогтвортой хөгжлийн үзэл баримтлал 2030 бодлогын баримт бичиг болон Засгийн газрын 2016-2020 оны үйл ажиллагааны хөтөлбөрт үндэслэн Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны “Аз жаргалтай хот” хөтөлбөрийн төслийг 5 бүлэг, 26 чиглэлээр зорилт дэвшүүлэн боловсруулж НИТХ-ыд өргөн барьсан байна. Мөн улсын төсөв болон нийслэлийн төсвийн хөрөнгө оруулалт, төсөл хөтөлбөр, хандив тусламжийн хөрөнгөөр шинээр бий болсон бүртгэлд тусгагдаагүй эд хөрөнгийг бүртгэх ажлыг шуурхай зохион байгуулах үүрэг өгсний дагуу Нийслэлийн Өмчийн харилцааны газраас Баянгол, Хан-Уул дүүргүүдийн нутаг давсгэрт Хөгжлийн банкны санхүүжилтээр барьж ашиглалтад оруулсан нийт 24 тэрбум төгрөгийн өртөг бүхий дэд бүтцийн барилга байгууламж, ус, дулааны шугам сүлжээ, тоног төхөөрөмжийг нийслэлийн өмчид бүртгүүлжээ. Энэ ажил цаашид үргэлжлэх юм байна.
Сургууль, цэцэрлэгийн хүүхдүүдийн аюулгүй байдлыг хангах, эцэг эхийн хараа хяналтыг сайжруулах талаар арга хэмжээ зохион байгуулж ажиллах үүргийг холбогдох байгууллагуудад өгсөн. Энэ үүргийн дагуу нийслэлийн 42 сургуульд шинээр 160 ширхэг гэрэлтдэг хантааз, замын хөдөлгөөнийг зохицуулах дохиур 50, шүгэл 160, энгэрийн зүүлт 160 ширхэгийг хүлээлгэж өгч ажилласан байна. Түүнчлэн Улаанбаатар хотын Цагдаагийн газраас Монголын Сурагчдын холбооны “School police” төвтэй хамтран нийслэлийн 180 сургууль дээр “Сургуулийн эргүүл” ажиллагааг эхлүүлж, 38 сургуулийн эргүүлийн үйл ажиллагааг шалган, мэргэжил арга зүйн зөвлөгөө өгч ажилласан байна.
Шуурхай зөвлөгөөний үеэр Улаанбаатар хотын Цагдаагийн газар, Нийслэлийн Онцгой байдлын газар, Нийслэлийн Мэргэжлийн хяналтын газрын удирдлагууд цаг үеийн нөхцөл байдлын талаар мэдээлэл өглөө.
Улаанбаатар хотын цагдаагийн газрын дарга, хурандаа Ж.Эрдэнэболд, 09 дугаар сарын 09-ний өдрөөс 2016 оны 09 дугаар сарын 22-ны өдрүүдэд иргэд аж ахуйн нэгж байгууллагаас гэмт хэрэг зөрчлийн шинжтэй 13 768 мэдээ, мэдээлэл ирснийг хэллээ. Гэмт хэргийн шинжтэй дуудлагын 37.4 хувь нь хулгайн гэмт хэрэг эзэлж байгаа учраас хулгайн гэмт хэргээс урьдчилан сэргийлэх ажлыг эрчимжүүлэх хэрэгтэй байгааг онцоллоо. Улаанбаатар хотын Замын цагдаагийн газрын дарга хурандаа Ч.Жаргалсайхан өнгөрсөн 14 хоногийн хугацаанд 3 528 дуудлага ирсний 187 нь ослын шинжтэй дууллага байсан гэх мэдээллийг өглөө. Зам тээврийн ослын улмаас 8 хүн амь насаа алдсан гэдгийг тэрээр хэллээ.
Нийслэлийн Онцгой байдлын газрын дарга Н.Уламбаяр нийслэлийн хэмжээнд аюулт үзэгдэл, техникийн холбогдолтой ослын 50 удаагийн дуудлага ирснээс объектын гал түймрийн 43, техникийн холбогдолтой осол, аврах ажиллагааны 17 удаагийн дуудлагаар ажилласан. Өнгөрсөн хугацаанд гарсан ахуйн болон техникийн холбогдолтой ослоос 6 хүний амь биеийг аварч, 7 хүнд эмнэлгийн анхан шатны тусламжийг үзүүлсэн гэлээ.
Нийслэлийн Мэргэжлийн хяналтын газраас зарим арьс ширний үйлдвэрүүдэд байгаль орчны чиглэлээр хяналт шалгалт хийсэн байна. Сонгинохайрхан дүүрэгт байрлах “Ханбогд кашимер” ХХК, “Инэл кашимер” ХХК-ийн ноос, ноолуур боловсруулах үйлдвэрүүдэд байгаль орчны чиглэлээр шалгалт хийж үйлдвэрийн хаягдал уснаас авсан дээжийг лабораторийн шинжилгээнд өгсөн талаар Нийслэлийн Мэргэжлийн хяналтын газрын дарга Л.Эрдэнэчулуун танилцууллаа.
Мөн АНУ-аас импортолсон 217.0 кг “Buttermilk Ranch” нэрийн пиццаны амтлагч, БНСУ-аас импортолсон 32.5 кг “Berrymix” нэрийн жимстэй тараг, ОХУ-аас импортолсон 25.0 кг “Фуросемид” нэрийн эм, Грек улсаас импортолсон 77.8 кг “Septona” хуруу лент, БНХАУ-аас импортолсон 178 хайрцаг “Вэй-эр” Биологийн идэвхит бүтээгдэхүүн зэрэг бараа өүтээгдэхүүн нь чанар стандартын шаардлага хангахгүй байгааг тогтоосон. Тиймээс энэ төрлийн бараа бүтээгдэхүүнийг худалдан авахгүй байх талаар сэрэмжлүүлэг хүргэж байгааг тэрээр хэллээ.
Шуурхай зөвлөгөөний дараа Нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж.Батбаясгалан хүйтний улирлдал эхлэж байгаатай холбогдуулан инженерийн хангамжийн байгууллагуудыг өвөлжилтийн бэлтгэл ажлаа бүрэн дуусгаж, халаалтыг хугацаанд нь өгөх үүрэг өглөө. Мөн байгууллага аж ахуйн нэгж иргэдийн дунд орон байраа дулаалах аян өрнүүлэхээр ажиллаж байгаагаа хэлээд дулаан алдагдлыг бууруулах чиглэлээр нийслэлийн нутгийн захиргааны байгууллагууд манлайлайн, идвэхи санаачилгатай ажиллах хэрэгтэйг санууллаа.
Монгол Улсын Ерөнхий сайд Ж.Эрдэнэбат Дорнод аймгийн Халх гол суманд ажиллах үеэрээ “Алтай” группийн тэжээлийн үйлдвэрийн нээлтэд оролцлоо. 100 мянган тонн тэжээл үйлдвэрлэх энэ үйлдвэр манай улсын дотоодын хэрэгцээг бүрэн хангаад зогсохгүй Зүүн Хойд Азийн хэрэглээний 40-50 хувийг хангах бүрэн боломжтой. Малын тэжээлд ордог улаанбуудай, рапс, царгас зэргийг 20 гаруй мянган га-д тариалжээ. Энэ жил гэхэд л анх удаа 6000 га-д царгас тариалсан нь гантай жил хэдий ч маш сайн ургасан байна.
Малчид,тариаланчид, хадланчдад зориулсан мэдээ: Өнөөдөр нутгийн зүүн хэсгээр хур тунадас, нойтон цас орж, хүйтэрч, халтиргаа гулгаа үүсэхийг онцгойлон анхааруулж байна.
УИХ-ын 2016 оны 6 дугаар тогтоол батлагдаж, Сум, дүүргийн ИТХ-ын 2016 оны ээлжит сонгуулийн санал авах ажиллагааг ирэх аравдугаар сарын 19-ний лхагва гарагт Улаанбаатарын цагаар 07:00-22:00 цагийн хооронд явуулахаар тогтсон.
Монгол Улсын Ерөнхий сайд Ж.Эрдэнэбат Дорнод аймгийн төвд ирсэн даруйдаа Маршал Х.Чойбалсангийн хөшөөнд цэцэг өргөж хүндэтгэл үзүүлж, нутгийн иргэдтэй уулзлаа.
Унгарын Будапешт хотноо энэ сарын 19-нөөс25-нд Ф.Листийн нэрэмжит академиас зохион байгуулдаг дэлхийн нэрт дуучин Эва Мартоны нэрэмжит олон улсын дуурийн дуу дуулаачдын уралдаан болж өнгөрлөө. Хоёр дахь удаагаа болж өнгөрсөн уг уралдаанд ДБЭТ-ын гоцлол дуучин Э.Анхбаяр тэргүүн байр эзэлжээ. Нэгдүгээр шатанд 2000 гаруй дуулаач оролцсоноос хоёр дугаар шатанд 23 орны 60 дуучин, гуравдугаар шатанд 27, дөрөвдүгээр шатанд 10 дуучин шалгарч, улмаар шилдгүүд тодорчээ.
Мэргэжлийн сүмогийн энэ сарын барилдаан буюу “Аки” башёд озеки Гоэйдо ганц ч уналгүй түрүүлж, элэг нэгтнүүдээ баярлууллаа. Тэрбээр “Аки” башёд Озеки цолоо хамгаалах ёстой байсан ба түүнийгээ давуулан биелүүлж түрүүлсэн юм. Тэрбээр сүүлийн өдөр озеки Котошёогикүтэй барилдан давсан ба Осака нутгийнхан 85 жилийн дараа мэргэжлийн сүмод нутгийн бөхөө түрүүлэхийг харав. Гоэйдогийн энэ түрүү Япон бөхчүүдэд томоохон итгэл найдвар өглөө. Харин манай бөхчүүдээс намрын тэмцээнд ёкозүна Хакүхо бэртлийн улмаас барилдаагүй, Тэрүнофүжи Г.Ган-Эрдэнэ бэртлийн улмаас тааруу амжилт үзүүлсэн нь Гоэйдод том боломж олгосон гэж бөх сонирхогчид хэлж байна.
Ардчилсан намын гүйцэтгэх зөвлөлөөс өнгөрсөн баасан гаригт(2016.09.23) МАН-д шаардлага хүргүүүлжээ.
Германы GAUFF компани, нийслэлийн захиалгаар “Улаанбаатар хот орчмын хөрсний усыг ашиглах техник эдийн засгийн үндэслэл”-ийг 2011-2015 онд боловсруулсан. Энэхүү судалгаагаар гэр хорооллын 118 мянган айл өрхийн бие засах газар, цооногууд хөрсийг бохирдуулж байгаа нь тогтоогдсон. Толгойт, Сэлбэ, Улиастай голуудын ай савын 164 км2 газар нутгийг хамарсан энэхүү судалгаанд үндэслэн ногоон байгууламж, зам талбайн цэвэрлэгээ, машин угаалгын газруудад хөрсний усыг цэвэрлэн ашиглаж, газрын гүний усыг хэмнэхээр төлөвлөж байна. Эхний ээлжинд 110 гудамжны 95 га талбай, 130 гаруй машин угаалгын газруудад хөрсний усыг ашиглах загвар төслийг хэрэгжүүлэх юм. Энэ ажлын хүрээнд Хотын Ерөнхий менежер “Монхидро” ХХК, холбогдох мэргэжилтнүүдэд ажлын зураг, цэвэрлэх системийг барих техникийн шийдлийг гарган танилцуулахыг үүрэг болголоо.
Өчигдөр хотын баруун чиглэл Сонгинохайрхан дүүргийн 22 дугаар хорооны орчим их хэмжээний бороо орсны улмаас усанд автсан 14 дуудлага ирсэн байна. Дуудлагаар дүүргийн Онцгой байдлын хэлтсийн 25 албан хаагч шуурхай арга хэмжээ авч усанд автсан 12 иргэний амь насыг авран хамгаалан байна. Тухайлбал 22 дугаар хороо Тахилтын эцэс Канад хаус хорооллын зүүн урд талын жалганд үерийн усанд автомашин урсаж байна гэсэн дуудлагаар ажиллаж автомашинаас 4 иргэнийг гаргаж амь насыг нь аварсан, 22 дугаар хороо Тахилтын эцэс гэр, хашаа гэсэн дуудлагаар очиход уг айлын монгол гэр, байшин нь үерийн усанд өртөж 10см орчим лаг шавар, хогонд дарагдсан 50метр орчим банзан хашаань жалганд эвдэрсэн байсныг гарган өгч заавар зөвөлгөө өгсөн. Дүүргийн 22 дугаар хороо Тахилтын 1 дүгээр буудал төмөр замын нүхэн гарцын хойд талд автомашинтай хүмүүс машинтайгаа усанд автсан дуудлагаар очиж уг машинд байсан 2 том хүн, 3 хүүхдийг аварч автомашиныг уснаас татаж гаргасан. Дүүргийн 22 дугаар хороо 1 дүгээр буудал Төмөр замын нүхэн гарц дотор талд автомашинтай хүмүүс усанд автсан дуудлагаар очиж уг машинд байсан 3 том хүнийг гаргаж аюулгүй болгосон байна.
Мөн Сонгинохайрхан дүүргийн 22 дугаар хороо, Тахилтын эцэст автомашин үерд автлаа гэсэн дуудлагыг ирүүлснээр нийслэлийн Аврах ангийн бүлгийг хүрэлцэн очиход Elantra загварын автомашинд байсан /43 настай,эм/, /6 настай,эр/ /14 настай,эм/, / 10 настай ,эм/ нар байсныг гаргаж аюулгүй газар хүргэсэн.